nicht registriert

Hello together and happy Fridayy!

I ha ä Wuuche lang nüm chönä do inne lese und jetzt siinds gad 10 Siite. Zum Glück han ii dä ganz Nomittag zum alles lese und kommentiere! Ich les jetzt schön vo vornä nach hiine. Es chömet siicher Kommentär wo scho lang abghooget sind, da tuät miir jetz scho leiid!

principessa: I ha so glache bii diim Kommentar „ihre s’Beii stelle“! Im Moment isch es aber zum Glück nöd nötig! I finds aber herzig, ii ghör immer vo gmeiinsame Kollege, dass nu scho ihri Datumwahl denebet findet. Da tuät mii meega ermuätige, dass ned nur miir da uffallt!
Wuunderschön! Ich hoff du chasch dini Ferie gniässä und dass du dii richtig guät erhole chasch! Enjoy!

daenu: Wooow! Dini Fotis siind so dä Traum!! Vor allem ufem sebe wo meh dini Auge so guät gseht! Eiifach hammer schön!!! Ihr gsehnt zämä meega harmonisch us! Und jetzt han ii gad dä Karteprototyp gseh! Es gfallt mir sooo guät! Es wunderschöns Bild hender eu usgsuächt!

jane: Mmmmmh! Eues Menu tönt meeega feiin!! Lauft mir gad s’Wasser im Muul zämä. Wenn d’Vorspiese nonig passet, lönd siich diä meiistens abändere. Also wo miir unseri vorgschlagene Menus becho hend, hets ghaiisse, dass da sich alles guät ändere und mische lot (isch so ä Bankettmappe gsii). Gad glese, het bii eu jo au wunderbar klappet! Ez tönts gad no leckerer! Dä Priis find iich total okaii! I unserem Budget wärs diin :-P Und dass no am Obig s’Mail schriibet, beidruckt miich unheimlich!
Was isch da felicitas? I ha dä Link ufgmacht und chum überhaupt ned drus...

Fringilla: I ha s’Liäd Heart of courage gad müässä uf Youtube loose. I kennes ned (ii luäg aber au keii WM) und ii fänds würkli uuh schön!

Taeboyana: Geschter war ja diis TZ-Treffe? Sind Päckli rechtziitig achooh?? I ha s’Budget für TZ uf 800.- mol gsetzt. Will en 1000.- isch so viil und 500.- so wenig. Han ii irgendwas dezwische gnoh. s’Geld isch au planet,dass uns überrasche chönt und evt unserne gladene Gäscht ä paar Infos zuschicke. Sii müänd klar ned alles usgäh, falls aber öpis grössers planet zum uns überrasche, isch ja au doof, wenn’s keii Budget hend. Sobalds uns ja um meh Geld bitte würdet, wüsstet mir, dass was im Busch steckt...
Es wiises Kleiid amene Hochziit?! Got ja gaar ned. I bii total diiner Meiinig das da es No-Go isch! Ä wiise Rock mit farbiger Bluse oder so, isch ok. Aber gad ä ganz wiises Kleiid, findi denebet! I ha mir scho überleiit, dä Fraue z’sägä, jedi muä was pinkes aah sich ha, will pink mini absolut liäblingsfarb isch (pink isch für mii aber viollett bis hellrosa). Denn wär bii miim Hochziit ganz siicher keiini rein wiis agleit!
Jetzt han ii gad diin Bricht vo geschter glese. Es het mii gad mit diir truurig gmacht. Es tuät miir meega leiid! I ha dini Idee mit dä No-Go-Lischte, dä Säckli und dä Johresplaning so guät gfunde. Über d’Reaktion bin ii total verschrocke! Wa hend denn diä planet das 2000.- bruuchet? I verstand dii, ii chönt da mine TZ niämols geh! Da isch ä riise batze geld!! I denk ä Klärig isch nötig, vo beiidne Siite her. I cha miir da au per Mail guät vorstelle, will per Mail bin iich offener und cha bewusster über mini Gfühl schriibä als verzelle. Und au dini TZ hend denn Ziit zum s’Glesene verarbeite und müänd ned unmittelbar reagiere. Schriib was diir ufem Herze isch. Wenn du diir so es Hochziit immer erwünscht hesch, denn halt dii au dra fest! Es isch eues Hochziit und ned da vo eune TZ. Sii söllet sich nach eu richte und ned nach ihrne extra-Wünsch!

Malinchen: Woow, biisch siicher es Wiili ii dä Kuchi gstande zum Confi machä! Hürtotet ihr au das Johr Ziviil? I ha chlii ä durenand.

I ha au keii Infomail bechoh (bis hüt) ii ha ernsthaft glabut diä wuuche het niemert gschriibä und ii müäss gar ned so viil nolese. Ha miii schrecklich girrt.

Ninam: Herzlich Willkomme bi uns im Forum! I ha jetzt nu 10 Siite nolese müässä und bii ä Stund dra (bii Studentin und ha ferii, denn got da) aber zum alli 299 Siite lese, wärsch ja eeeewigs dranä!!) Es isch sus au keii Problem, wenn was frogsch, wo vor hundert Siite mol besproche gworde isch, wenns dir um da got.
Hesch scho gseh, dass mir ä gwundernase lischte hend?
http://www.heiraten.ch/forum/board/perso...2_237_6.html#53

nicht registriert

Hochziitswahn: Mini TZ het zur Ziit es Ohr fürs Hochziit, aber ii dä Planig isch sii gar ned debii. Sii lost mini Idee aah, aber ii glob ned, dass sii weiiss, dass diä inzwische immer konkreter werdet. Aber sii het jo jetzt z’erst mol 4 Wuche Ferii und nachher luägät mir wiiter. Am GG siin TZ üäbt biime andere HZ siis Amt, damit ers denn bii uns perfekt macht. Und bii ihm weiiss ii, sobald mir ihn rüäfät, wird er zur Stell sii.
Miis Grossmami tuät sogar extra scho äs Stirckjäckli für ihres Outfit lisme. Sii froiit sich anschinend scho meega uf dä gross Tag. Find ii so schön!!
Aber sus im Kollegekreiis, versuäch ii au gröscht möglich ned immer vo unserem Hochziit z’rede. Mir sind morn scho 9 Mönet verlobt, ii verstand d’Lüüt wenn’s langsam nüm drüber rede wönd.

Me: Endli isch mii GG haiichooh. I bii so froh, dass er wiider ume isch. I merk eiifach, dass er nüm so im Hochziitswahn isch wiä iich. I dene 4.5 Mönet han ii mir sehr viil Gedanke gmacht und ii het so viil wo mir aluägä söttet. Er het jetzt zur Ziit Australisches Tempo und diä machet eiifach alles viiil gechillter. Mir sind aber ä Location go aluägä und sii isch tatsach so traumhaft wiä uf dä Fotis!!!

http://www.greber.cc

Mir würdet dä Pavillon näh. Im Summer (und mir hüorte jo im 19. Juli, wenn wird’s hoffentli warm sii) cha meh d’Wänd abtrenne und wenn’s gliich kalt wär, chöntet mir heiize. I finds so schööön, will’s ned eiifach ä Saal isch wo mir d’Lüüt „ispere“, sondern es het Platz zum dusse sitze, chlii laufe und wenn’s wiider Programm giit, sinds schnell wiider zämä! Genau so han ii’s mir vorgstellt. Alli andere Locations wo mir no chlii agugget, sind gad nixx meh degege. Nu isch s’Problem(li) dass 40min Autofahrt weg isch vo dä Kiirche. Was denket ihr? Isch da möglich? Mir möchtet, dass d’Lüüt selber fahret. Isch da z’viil verlangt?

Was machet iihr da Wuchenend Hochziittechnisch? Ich hoff, dass ii mii GG cha chlii packe und dass er mini überleiite Sache aluägt und siich wiider meh öffnet.

Wünsch eu allne ä schönä Summernamittag und äs erholsams Weekend!

(yeeah's scho 300 Siite!! )

nicht registriert

Trauzeuge: Ich finde es sehr wichtig, dass man Enttäuschungen und Wünsche klar formuliert egal ob von der Seite der TZ oder des Brautpaares. Ich hab das bei meiner damaligen BF bei der ich TZ war leider nicht gemacht und unsere Freundschaft endete nach der Hochzeit mit ganz schlechten Gefühlen. Und das nach über 10 Jahren Freundschaft. Ich hoffe ihr müsst das nicht erleben, darum mein Tipp. Reden, Reden und Reden. Und auch über den Gartenzaun schauen ;-)

Oh-Oh Smiley Invasion...

@thomel: Oje, das ist wirklich traurig. Ich werde dieses Wochenende mal mit GG hinsitzen und ein Email schreiben, aber ich möchte mir Zeit nehmen dafür und es nicht überstürzt schon heute machen.

@Squishy: Oh wow, die Burg isch ja toll! Perfekt fürne Hochzit. Wenn ds Gfüu o gad so stimmt, dass aus angere nüt meh drgäge isch, isch das ämu es guets Zeiche! Schön, isch di GG zrügg und dä chunnt sicher gli wieder i Schwizer Rhythmus I bi nach üsne 2 Monet in Oustralie afangs Jahr ou völlig relaxt gsi und ha mir gseit, dassi mi so schnäu nümm la stresse - tja, het leider nid so lang aghaute

@Janedoe: Darfi frage, wases fürnes Gschäft isch? Und schaffet dir de jetz scho zäme? Isch natürlech es mega Agebot, aber o e riese Verantwortig und Veränderig, verstah guet dass di das beschäftiget! Aber sicher chöit dir euch mit dere Entscheidig ou die nötigi Zit la und müesst nid ruckzuck entscheide? Ab wenn wärs de?

@me: Mau luege, wenn as das Musterstück vo dene Magnetli chunnt, es sig am Mittwuch uf d Poscht. De bsteue mir de äuä o gli üsi STD-Magnetli. Und morn freui mi eifach uf d Ringe! I hoffe mega fescht, i heig de nid mega ufdunseni Wurschtfinger vor Hitz und dr Ring pass nüm, wär ja Horror...

U de wotti mit GG luege, was är drvo hautet, es Mail zschriebe wäge gester. Är wär äuä eher da wo seit: "Schwamm drüber!", er cha so Züg viu besser wägstecke as ig. Aber i ha scho zGfüu, dass es Email nid schlächt wär, süsch steits würklech zwüsche üs und i cha mir i Rueh Zit näh, zschriebe wasi würklech wett. Mündlech isch das nid immer eifach.

nicht registriert

@nisliker: ii befürchte ebe, dass viil Gäscht denket so wiä du. Aber do mir ä Homepage mache werdet, werdets mir scho dört über diä lang Fahrt informiere, denn sinds ja vorgwarnt...

@thomel: Da tuät mir meega leiid für diich Das dä schönst Tag im Lebe, so es Endi muä uslöse. Würkli schaad!

@jane: Mersii, ii bii gad froh über dii Kommentar und das ihr öpä ähnlich lang fahre müässtet! Demfall sind mir ned diä eiinzige veruckte Bruutlüüt Miir hends bis jetzt jo prov. reserviert. Mir denket, mir nehmet uns OK-Team mit und dä Brütigampapa und lönd sii no iischätze. Wenn's siis machbar findet, denn nehmets mir siicher! Aber do mini TZ no ii dä Ferii isch, muä da bis Ende August warte
Woooow, da isch jo denn es Agebot! Cha verstoh, dass perplex bisch! Da zeiigt doch, dass dini Chefin diir voll und ganz vertraut!

Taeboyana: Bini froh, dass er wiider zrugg in alte Rhythmus chunt ii bii wohl eiifach ned für diä langsam Welt gschaffe...
Mii GG würd da au liächter wegstecke, aber viellicht isch d'Mischig gad guät. So cha er bim Mail schriibä chlii sachlich bliibe und du stecksch d'Emotione drii! Ihr hend ja eues OK-Team bewusst usgwählt, sii werdet euch verstoh!

@Lula: ii ha ii mine Mails überfloge, dass mol nach Smartphoto gfrogt hesch. Mir hend dert unseri Verlobigskärtli gmacht. I bii meeega z'friide mit em Produkt. Alles het Iwandfrei klappet und d'Handhabig iisch sehr simpel. Usserdem giits immer so Rabatt für diä Homepage. Viellicht will sii relativ neu isch: http://www.meingutscheincode.de/gutschei...c2c981f07000000