@Squishy und Janedoe: Wäg dr längere Fahrt: Bi beidne Hochzite woni bi TZ gsi, isch d Fahrt vor Chile zur Abelocation öpe s lang gsi und bi beidne simer im Konvoi mit eigete Outos gfahre. Das isch absolut machbar. Wasi wichtig finde, isch dass dir oder d TZ vorhär ganz guet koordiniere, wär zäme fahrt, dassme das nid no vor Ort mues und sicher isch, dass jede Gascht e Fahrglägeheit het. Mir hei de o bi beidne Hochzite ungerwägs no Aktivitäte ibout, so dass d Fahrt no chli isch ufglockeret worde und me e chlini Pouse het gha. I gloub das isch super acho und findes sogar fasch e chli schad, dass mir vor Chile zur Abelocation nur ca. 10-15 min fahre

Düet dir aui d Outo la schmücke bzw. das de Gescht beuftrage? Mir mache de gloub eifach wissi Schleife für ad Antenne. Meh dünkt mi fasch übertriebe für sone churzi Fahrt.

Mini Schwiegermama in spe wird eus Autoschleife bastle für alli Autos. Meh wärdemer nöd mache, finde das suscht chli sehr kitschig.

@malinchen: Bi Ifolor bini ou ga gugge, aber het mi gad nüt überzügt, zumau mir ja ebe dKärtli scho verschickt hei, us "nume" no e Änderig isch. Mir bstelle si jtzt mau bi smartphoto, ganz was eifachs. Zahle 1.60 je Kärtli mit am ne wiise Couvert.

Si dLinks jtzt eigentli gange?

Sit dr glich no zu öichem gmüetleche Obe cho, oder het er di haubi Nacht zSkypet?

Was würkli, ha gad festgstellt, dass mir dämfau meist a Silvester unerloubt Zuckerstöck uechelöh... U für nach am zivile hei mir ou no kouft...
Dh GG u i wärde es paar Stund ghürote si, wenn mir scho zerschte mau zämä Seich mache...


@principessa: Sit dr scho wiiter mit dr Entscheidig wäg am Foto u Videograf? Hei aber sicher beidi ihri Vor u Nachteile, wüu ou es Video wo nit Kinoqualität het, het si Charm!
U wenn de eifach e guete Redner fragsch? Kennsch niemert us Dim Familie- Bekanntekreis wo Italienisch chan u guet cha rede? Viellech wäri das ja e Option?

Hey, das si ja würkli super News! Isch ja mega lieb vo ihne Öich zHotelzimmer z'offeriere.

I dänke, dass gieng guet, dAperolüüt göh kurz um, u dObegäscht si unterwägs u närne am Empfang, u wenn öicher TZ no gad froh wäre, isch ja das optimal
Mir wärde am Morge ga fötele, mir zwöi u TZ, evtl no mit de Eltere.

Wünsche Dir wunderschöni Ferie - gniess es!


@ninam: Das isch ou e Müglechkeit, i ha aube 2 Tabs offe, im einte schribe, im andere lisi, Site für Site nache, u beantworte jewiils gad im andere

Findes aber super, hesch Du dr Atrag gmacht! Mängisch bruche üser Manne eifach zlang
Het dr 18.6, resp. dr 6.9 für euch e spezielli Bedütig? Wieso heit dr eigentli fasch 3 Mönet drzwüsche?

Und wie ischs Füürwerk gsi? Hesch es chönne gniesse?


@chliini: Ou Dir wunderschöni Ferie u gueti Besserig!


@Jane: Ah ok, isch aber verständlich, das Zapfgeld isch zum Teil echt horrend!
Danke füre Tipp, bi ga gugge, gseht guet us, für das wo mir jtzt gad sueche, hani nüt gfunde, ha mir se aber uf dSite ta fürs Zivile - Merci!

Wieso wott de Dini TZ nit scho chli häufe mitplane? Oder sech ustusche? Isch si de würkli zfride mit am Amt aus TZ? Oder isch si sech no gar nit bewusst, was aus uf se zue chunnt?

Mir si wie au Jahr im Dorf a di 1. Ougustfiir, si närne no zu Kollege u hei am haubi eis ir Nacht de no e Zuckerstock uecheglah...

Schöni Gläser wo de da kouft hesch, bi aso gspannt, wie das am änd wird usgseh

Wow, das isch mau es Agebot!! Was isch de das für nes Gschäft? U was seit de Din GG drzue? Es isch sicher nit eifach, mim Vater si GG het eis gha, i weiss wies isch, aber es het ja ou siner Vorteile


@Taeboyana: Fröit mi riesig, dass ihr öich i öichere Entscheidig heit chönne bestätige!
Ach Du Schande!! Es si ja Wünsch, u kenner Vorgabene, u No-Go's hei ja aui!
Du muesch sicher nit öichi Planig oder gar Di i Frag stelle! Es isch öiches Hochzyt, u das söus ou blibe!
Das isch auerdings e Schock!! I würdi ihne ganz klar säge, dass es nit dinne liegt, ihne 2'000.- zgäh, dass Ihr öich 500.- heit vorgstellt u das max u zbsp 750.- chöit erhöche, chas ja nit si, dass ihr närne süsch mega müesst ispare, me cha ja ou für 500.- was guet u schöns uf Bei stelle!

Nee überhoupts nit, schliesslech hoffe mir ja aui, dass mir "nume" einisch hürote!
Findes aber schön, het Di Din GG so ufgfange!

I würdi ihne ganz ehrlech u offe schribe, wie sehr si Di enttüscht hei, u dass Du erwartisch, dass si öichi Wünsch u Vorstellige respetiere u akzeptiere!

Hoffe es geit Dir besser! Schicke Dir e ganz liebi Umarmig, u viu närve!

Wäg am Outo, wie u ob mirs schmücke weiss i nit, i fändi so Magnetli mit Härzli oder so ou no cool


@Squishy: Wow, mega schöni Location!! Gseht troumhaft us.

Bi üs "müesse" dLüüt im fau ou ca 40 Minute fahre vo Apero zu Festort, bis jtzt si no kenner Reaktione cho, u wenn ou, mir findes zuemuetbar, u so ne Fahrt im Konvoi het ja ou was!

Das Wucheändi louft äuä nit so viu, hei vori no gad dÄnderigskartene fürs Hotel bstellt, u am Resti bestätigt, aber i dänke süsch isch nüt.

Merci viu mau, mir heis jtzt afe bstellt. Bi de gspannt. Danke für de Link, ha mr ne gspicheret, mache ja de evtl dIladige fürs Zivile derte.


@Thommel: Tuet mir sehr leid, was passiert isch mit Dire TZ!


@Stella: Weiss es nit, mit hei üs das überleit, vor am TZ träffe ou überleit. Mir hei aber de eifach gseit, mir warte aber eifach, ob üser TZ frage, u es isch nüt cho, u somit löh mirs ou lah si

@Taeboyana: Ja isch sicher guet wenn dä ds Mail ire ruhige Minute schribsch... I hoffe das aus chasch kläre! Und wie isch ds Ring-probiere gsi???

@Squishy: Wow, die Location gseht würklech troumhaft us!!! I finde 45Min Fahrt ou nid schlimm, mir wärde ou ca. 30Min ha vom Apéro zur Abelocation.

@Thomel: Oh, das duet mir Leid mit dire Fründin!!!

@Janedoe: Wow, das isch ja würklech es mega cools Agebot vo dire Cheffin! Aber i verstah, dass dir's nid weit überstürze, wär natürlech cool wenn dir's zersch chönntet usprobiere es paar Monet. Es eigets Gschäft isch natürlech scho e sehr grossi Verantwortig und brucht meh Engagement aus wemä nöime agstellt isch. Drfür isch me si eiget Herr was ou vieli Vorteile het...

@Fürwerk: I dänke, wenn me nid grad es 20-minütigs Fürwerk het sondern eifach paar Zuckerstöck und Ragetli ischs nid sones Problem. Aber i ha scho ghört, dass es Hochzytspaar e rächt saftigi Buess im 3-Stellige Beriich het müessä zahle wöu sies nid hei gmäldet gha. Also wenn dir es würklech grosses Fürwerk planet, würdis abkläre, wär ja de schaad wenn plötzlech ä Rächnig ids Huus trudlet wägä so öpis...

nicht registriert

Das wäre der Traum von mir 24h mit meinem GG zu verbringen... Aber ich verstehe deine Sorgen, aber manchmal muss man sich überwinden und etwas wagen. Wo ist denn der Laden?

@Nisliker: Oh je, i bi scho froh dass mine noch 3 Täg jetz hüt Obig wieder chunnt

@Janedoe: Aaaaahhh, ich han genau denkt dass du die Gläser gnoh hesch…hetti chönne wette. Ich han die au aglueget und denkt die sind genau prädestiniert für es Candy-Buffet! Gute Wahl!!
I hoff es isch so wie du seisch, und mir mached üs würkli z’viel Gedanke und alles chunnt guet!

@Malinchen: Luschtig dini Hochziitswahn Theorie! Demfall zell ich mich zude unromantische wo konvertiert hend zude romantische

@Squishy: Danke vielmoooooool *freu* d’Chärtli sind sogar scho ufem Weg zu üüüüs!
So schön, dass din GG wieder ume isch…etz mueser viellicht zerscht mal acho biser sich wieder chan ufs HZ konzentriere – i verstoh di aber, mir gängts genau glich!!! I wür min GG wahrschindli völlig überfahre mit Ideä und Vorschläg…dases nur so tätscht und knallt, haha
Euri Location woner sind go aluege gseht uuuuh schön us! De Pavillon gfallt mer am beschte! D’Homepage isch mega übersichtlich, da magi. Wenns e Rubrik „Hochzeit“ het weiss mer au grad, dass die wüssed wases bim HZ so brucht. Da het mi bi minere Suechi immer recht beruhigt.
D’Fahrt vo 40min wär etz für mich oberschti Grenze. Hender aber de Apéro bide Kirche ide Nöchi?

@Thomel: Danke für din guete Tipp! Mir chönd nur us dinere Erfahrig lerne. Sehr schad weg eurere Fründschaft. Isches gar nümme z’rette?