Morge Mädels!

Ich ha sooooo fescht freud! Ha geschter Abig mit minere Schwöschter gphonet und ihre nomal gseit dases mir mega am Herze ligge würd, wenn sie üsi TZ doch chli würd unterstütze will sie eifach ganz genau weiss was zu eus und vorallem au zu mier passt und was nid. Sie macht jetzt inoffiziell Tätschmeischteri. GG hed ihre denn es SMS gschribe 'Daaaanke, das eusi Tätschmeischteri wirsch sii' und sie hed de zruggschribe dass sie sAmt vode TM ned will überneh aber eus tatchräftig wird unterstütze. Nach dem ganze Hin und Her und dem enttschüschende Moment bini jez soooooo happy!!!

@Taeboyana
Hihi so wies dier mit de Ringe würd gah gahts mier mitem Azug vom GG... Bine die ganz Ziit am aluege :D Hoffentli verleidet er mer nid bis nächst Jahr

Bisch sicher das bime Gspröch unter vier Auge denn au genau das sägä chasch wo du loswerde willsch? Oft ischs ja so, dass de Verlauf vom Gspräch en ganz anderi Richtig animmt und mer im Nachhinein merkt das eim das und dises no mega wichtig gsi wär zsägä? Also mier gahts mängisch so. Aber klar, es isch viel persönlicher und mer eim im direkte spräch au viel weniger falsch verstah als ime Mail. Hoffe fescht für dich, dases sich zum positive wendet und iher das us de Welt schaffed!

Die gester hed vo ihrem Maa au es Chleid usgsuecht becho wo ihre überhaupt ned gfalle hed. Die Arm isch total i Träne usbroche. Han richtig mitglitte. Sie heds zum Glück de chönne umtuusche geg eis wo ihre wirkl 100 Mal besser gstande hed.
Min Schatz hed mitgluegt und gmeint, er würd das locker anekriege Glaubi aber nid.

Mir hend i de nächste zwei Wuche ned wirkli was vor. Am GG sini Mama chunnt 10 Täg id Ferie zu eus vo Dütschland. De blibt eus sicher ned wirkli Ziit zum was tue nebem schaffe. Mier werded ihre d'Kapelle zeige als Überraschig :)

Guete Morge,


@jane: Ah ok, tönt aber ou interesannt...
De wäris eh si Troum säubstständig zsi? Das wäri ja afe gueti Vorussetzige. U de Du?
Ou schön, bi froh hets sechs doch no zum Guete gwändet


@dänu: Was ou immer Din GG gseht, i gseh uf am Föteli zwöi mega schön strahlend blaui Ouge!


@ninam: Das tönt doch wunderbar! U 37 Grad si eifach zheiss. Das mit am finanzielle verstahni guet, geit üs ou so, drum hei mir zivile "nume" im chline Kreis mit aschliessendem Grille bi üs deheime.

Du seisch es, aber es isch glich nit eifach, wenn us am nächste Umfeld eifach nüt chunnt, aber ja, was söus


@Taeboyana: Aso i gseh kenner Wurstfinger, sondern eifach schöni Ringe! Heit dr se graviert?
Weisch scho, wenn das de mit Dire TZ wotsch rede?


@me: Mir wärde di Wuche arte uf Ameldige, ggf mau no gugge wäge dr Hochzytsversicherig, hoffe das dKärtli chöme, zum de die ou gad verteile, u dObegäscht hoffentli merke, dass si sech scho gli sette amäude.
Wie isch es bi öich so?

@Taeboyana: Cha Di aso süsch beruhige, mi GG seit immer i heigi "Bebe-Händ"...

Drück dr Düme für morn.

Wäge de Aperogäscht, bi üs müesse sech ou die A- oder Abmäude. Ga sogar si wiit, dass i säge, i wetti vo de Vereine wüsse, wie viu das ca chöme
I ha eifach nit zviu oder zweni wöue ha am Apero, isch haut de eifach ou gäng e Kostefrag. Aber i befürchte das mir ganz viune wärde müesse hinter nache telefoniere!

@janedoe: Isch doch super mit dire Schwöschter - obs itz offiziell oder inoffiziell Tätschmeischter isch, spiut ja ke Roue Fröit mi für euch.

@Apéro: ah super, da bini gad froh gseht dir das glich. I wetts äbe o so mache, aber da hani scho Kommentär ghört wie "das macht ME eso" (dassme ke Amäudige verlangt und eifach mau Handglänk mau pi rächnet...).

@malinchen: Merci, mir si würklech ou totau happy mit dr Wahl. D Polierig u d Aordnig vo de Diamäntli si ja e Spezialafertigung uf üse Wunsch gsi und i ha de chli Zwifu gha, ob sie's würklech genau so härebringe, wie mir das üs vorsteue unds de o so schön usgseht... aber sie heis genau so oder no besser gmacht und mir si mega happy! I fröie mi scho jetz, dä Ring de jede Tag dörfe ztrage, drbi geits no meh as 1 Jahr Graviert si sie no nid, das mache mer de nächst Jahr, überlege üs no gnau was.

Oh cool, duesch du no viu bike? GG und i hei o gseit, dass mir üsi Bikes ändlech sötte i Service bringe... i bi aber absolut ke Profi u mängisch chli dr Schisshas Wird sicher Hammer z Davos i de nächste Täg!

Ja genau, i luege itz mau obi das cha säge wo mir ufem Härz liegt, u süsch probieris de no mitme Mail. I ha no mit paarne Lüt am WE drüber gredt und no lang mit mim Mami telefoniert und eigentlech vo aune d Ermuetigung becho, dass mir zu üsne Wünsch und Erwartige söue stah.

Zuletzt bearbeitet am 05.08.13 10:42

@malinchen: Ämu de viu Spass in Davos, hoffe dir heiget de chli guet Wätter.
Ohje, ganz e arme, Din GG


@Taeboyana: Isch doch glich, wie ME'S macht, MIR maches doch so, dass es für ÜS stimmt, oder?! Aso ämu versueche mir das!

@Taeboyana: Ah das isch ja mega cool wäge de Ringe!!!
I ha ersch vor 3 Jahr agfange Bike wöu mini Beschti äbä scho sit Chind duet und mi när mal het überschnuret. I bi ou überhoupt ke Profi und luege eifach aube wie sies macht, wenn aspruchsvolli Stellä chömä. Aber i bi äbä ou chline Angschthaas u mues de mängisch abstige. U Kondition isch eigetlech ou nid gad mini Sterchi, bi de gspannt wie ni mah.

@Sue: So cool, jetz steit öie Tag würklech scho vor dr Tüür!!! Scho glii bisch verhüratet!!! I drücke dir ou d Düüme, dass die blödä Fieberblattere no wäg göh! Besser sie chömä jetz aus am Fritig...
Di Brüetsch u sini Frou hei würklech rächt! Mir mache üs gloub aui viu z viu Gedanke um die anderä.