@Sue: Di eltischt Brüetsch isch ja super! Leider es nit gäng ganz so eifach, mir hei ja am 31. Juli no es grille gha, u de het mim GG sini Sandkastefründin u ihre Maa di ganzi Zyt gmeint, mir heige überhoupt nüt zsäge, u wenn mir wüsste was si aus am plane si, u das mi GG am Mittwuch vor am Zivile am Donnschti no ne Polterobe wärdi ha (u so wies tönt het, dr zwöit) etc, drbi hei mir gseit, im März gits KEI Polterobe oder Wucheändi meh! Wird äuä de no für Ärger sorge.
U da chasch drs no mängisch säge, irgendwenn hesch de eifach kei Närv meh zum Stürme...

Ou super! So machts doch Spass. Bi ja de gspannt uf Din Bricht u Diner Fotis!
Drücke dr Düme das dFieberblattere scho gli umi wäg si, u das zWätter mitspielt!

hihi sorry, has etz au igschalte ;-)

nicht registriert

Guätä Abig iihr liäbä Miitbrüütlis

Viiile Dank für all diiä liiäbä Kompliment! I biin au meega happy mit dä Location. Miir tüänd sii jetzt Ende Aug unserne TZ zeiige und dä Eltere. Wenn diä säget, es isch machbar, denn nehmets mir. Aber unser "Team" muä jo au hinder dä Wahl stoh und ned denke "oh my gosh, so wiit, niemols!!!" Woow, jetzt han ii grad dRinge gseh. Sii hend eh extrem schöni Musterig diine! Gfallt mir sehr! Wurstfinger han ii ufem Foti au keii entdeckt! Au iich verstand diich, wenn unseri Ring ume wäret, würd iichs kuum vom Finger kriege Mir hend uns denkt, dass mirs während dä Hochziitsmessziit holet, denn hend no viil Läde Messerabatt (au im Laade selber...) Denn muän ii's aber au no es Wiili versteckt bhalte

Taeboyana: Mersii für d'Idee. I fänds uuh kuul wenn z.B. nach dä lange Autobahn en Stopp giit und ä Ativität iibaut wird. I denk, da isch was wo unseri TZ plane chöntet. I tuäs mol uf Wunschliste mersii!! Im persönliche Gspräch chunt siicher nixx falsch übere, will Missverständnis direkt klärt chönt werde. I fänds aber unheimlich schwierig zum aah alles denke und miich z'schnell beduuslä loh oder au diä andere überfahre. Drum bin ii scho immer diä schriftlich gsii. Drum bewundere iich dii gad chlii Wüünsch diir morn guäti Wort und ä guäts klärends Gspräch! Sii isch ja dini BF (?), sii wirds siicher verstoh, au wenn dii ned so klar usdruucke chöntisch.

Daenu: Mersii für diis liäbä Kompliment! I has au suuper gfunde, dass scho so ä Bankettmappe gha hend, denn fühl ii mii voll informiert! Unser Apéro wird direkt neb dä Kiirche sii, will sii stot schön im grüänä und het guäti Kuchi zum vorbereite. Hammer, dass eui Kärtli scho unterwegs sii! Wiider ä riise Punkt uf dä To-Do-Liste abghagget denn Grüäni Auge, wo gseht er do grüän? Siind dii gröste und bläuste Auge wo ii je gseh ha giit viil Fraue wo niidisch druf wäret
Suuper, bii grad froh, verschiicket ihr eui Karte au 8 Mönet vorher. Mir hürote mitte ii dä Summerferii und wönds drum au früäh abschicke, dass mir ned vo allnä Summerferiiplän zerstöret. Hend so aah November denkt (denn wäret mir au grad es Johr verlobt ) Wiä machet ihrs. Karte scho an all (Apéro- und Abiggäscht) oder nu d'Abiggäscht so früäh und mit dä Apéro wartet ihr no? Dä Link vo dä Karte tuän ii miir gad mol merke. Danke!

Trau dich: Diä han ii au scho gugget. Diiä läschte zweiimol hends männer suuuper gmacht. I würds miim GG zuätraue, ha iihm scho viil gsaiit was ii möcht. Er wär eiifach dä wo alles ii dä läschte Sekunde organisiert

Janedoe: Suuuuper hend ihr chönä da Gspräch füähre und dass dini Sis eu gliich tatkräftig unterstütze will. Da isch so viil wert!! Viellicht gfallt dinere Sis da wort TM ned? I finds nämli au chlii es abschätzigs wort und drum han ii's umbenennt
Es tönt so als ob dii Maa sehr geignet wär zum es Gschäft überneh! Und hinter jedem starke Maa stot no ä stärkeri Frau

Apérogäscht: Da mir mitte ii dä Ferii hürote und mir voll ned iischätze chönt, wiä viil chömet, bin ii eigentli für ä Ameldig vo Apérogäscht. Aber bii uns iisch da überhaupt ned gang und geb. Drum zwiiflä ich, ob da d'Lüüt tschegget. I muäss denn wohl dene Lüüt norenne und nomol nofrogä

Sue: Scho bald isch es so wiiit. Natürli wird meh nervös. I hoff mit diir, dass diä Fieberblötterli no weggönd! Ihr hend scho soo viil parat und liäbi Lüüt wo eu helfet mitem Schlusschliff. Ihr dörfet eu uf dä grossi Tag fest freue! Und ii freu mii jetzt scho uf eue Briicht und Fötelis

Me: Bii uns giits ned viil. Diä Wuuche darf ii mol "praktiziere" und ned nu studiere. I leiite es Lager mit 20 Kindergartekind (oder jünger) und drum bliibt ned viil Ziit zum miim GG no vo miine Plän verzelle. Aber er het siich bereit erklärt, nächstens nomol Gäschtelischte und d'Homepage überarbeite. Aber wa heiisst scho nächstens

Wünsch eu allnä eh guätä und erholsame Abiig

@Squishy: Danke ebefalls fürs Kompliment.
I finds guet dass de Apéro gad neb de Kirche isch. I glaub euri gladene Gäscht tüend doch denn gern mit au Kolonne fahre und chli huupe.
Kärtli: Abghogget isches denn irgendwie erscht wenns verschickt sind…fühlt sich jedefalls im Moment so a. Freu mi aber mega uf dKärtli im Endresultat. Mir wetteds grad no die Wuche useschicke – am liebste grad alli, Apéro und Obiggäscht.
Design: Gell es isch lässig. Mir hend selber designt, dass mir für Apérogäscht en Flyer (10 uf 15cm) hend und für di gladene Gäscht es ufklappbars (au 10 uf 15cm).
Papier hämmer jewiels di vorder Site hochglanz gmacht…halt eifach dass sFoti denn schön isch.