Morgä Brüütlis

Schowider am schwitze im Büro

@Sue
Ahhh bini froh wegem Monogramm... gseh das scho cho, dasi deheime kei Minute für mich ha die nächst Ziit
Wie gahts de Fieberblatere?

@daenu
Nenne därf sich mini Schwö wie sie will, hauptsach sie isch da, hihi Ha immerno voll Freud

@squishy
Wie hesch denn du de TM unbenännt? Vlt chani das Wort ja denn au ineschmuggle Findes nämli wirkli au keis schöns Wort
Viiiiel Spass mit de Kiddies :D sicher witzig! Wo gönder dure?

@me
Han d'Offerte vo de Band für d'Chile vor mier liegge. 4-6 Lieder, devo 1 Wunschlied wo sie ned uf de Setlischte hend. Giige und Pianobegleitig für 1000.-... Ich ha kei Ahnig was mer so muess rechne drum, was meined iher? Wer hed Erfahrige?

Guete Morge liebi Brütlis

@daenu: Merci für d Komplimänt zu de Ringe, mir hei würklech uuuuu Fröid! Cha auso die Bijouterie nur empfähle, die hei sech super Zit gnoh und hei üsi Wünsch perfekt verwürklechet. Bi üs isch aso d Ringsuechi und -Uswahl e sehr speditivi Sach gsi

D STD-Magnetli schicke mer nur a die gladne Gescht. I hätt as Empfänger drum när scho zGfüu, dass ig as Fescht iglade würde, weni es Jahr vorhär es STD bechäm Sie si nid tür, EUR 1.49 pro Stück für die Mängi womer würde bsteue. I finde das sehr human.

Jetz hani no vo Lüt ghört, wo die 2000.- TZ-Budget auso nid so viu fände und säuber meh heige gäh U das si aus Lüt, woni dänke dass sie nid es mega Budget hei gha, sondern öpe so i üsem Rahme. I gloub mir ässe eifach ztür Chume mir när mega blöd vor, we mir weniger chöi / wei gäh, aber i bi ziemli sicher dass mir säuber as TZ es guets Programm und Überraschige für weniger Gäud hei uf d Bei gsteut...

@Janedoe: I kenne mi leider nid so us i Sache Chöschte für Musig, aber weiss nid obs Günstigers gäb? Weit dir de spezifisch die Band? Chunnt haut chli drufa, was dir süsch no a Musig weit für Apéro/Abe u so.

Hallo zäme und guete Morge

@janedoe
iih nei das wäri ja de no schöner....dass du so lieb bisch und mir es Monogramm machsch und ner würdi no stresse
D Fieberblatter si scho chliiii am abheile...ize bini eifach öppe au 15 minute am Salbi druftue

Hmmm i dänke ize 1000.- mit Areis und allem drum und dran isch das wome scho öppe muess rechne...gäbtis sicher ou günschtiger aber de chunnts mega drufab obme genau DIE band wott oder obme no wett witerluege und vergliche?

@Taeboyana
aber das findi mega viel 2000.-?! es chunnt doch immer drufab was me alles selber als Brutpaar scho organisiert und zahlt oder obme ner wie seit der Transport und Deko und und und isch alles vode TZ??

Unterhaltung der gäste
da hani mir ou scho so mini Gedanke gmacht...git ja viel so Spili oder Unterhaltigssache aber finde viel so chli "abglutscht" finde gad keis bessers Wortwülmes scho a u vilne Hochzite gseh het....heit dir da scho chli Ideene wieme d Gescht chönti unterhalte i Wartezite oder ou als überraschig?

me
cha das si dass mir nume d ID müesse mitneh zum Standesamt und süsch nüt?? ha im Brief süsch nüt entdeckt wome müesst mitneh a unterlage oder so - weiss das öper??

@janedoe: Hm ja, das isch scho no e wichtige Gedanke. Mir si jetz ou nid d Ober-Tanzfüdlis, aber hei eigentlech scho no gärn Musig und i wett scho gärn öpis am Abe, miech no chli Stimmig gloub... I dänke am Abe aber eher ane DJ, i fänds drum no cool e Playlist zmache mit üsne Lieblingslieder. Aber äbe es müesst de scho e guete DJ si, wo de o das spiut wome wott u sech nid säuber wott verwürkleche Am Apéro weissi no nid, eigentlech dünkts mi nid unbedingt, dasses das brucht, aber üsi TZ hei öpis erwähnt. Ir Chile wetti am liebschte e Sänger/in mit Gitarre- oder Pianobegleitig. Mir hei beidi nid so gärn Orgele und nur ab CD ir Chile findi o nid so toll... Aber äbe, weme de überau Musig hätt, würds de ou tür und fasch chli viu.

@Sue: I findes äbe o viu Gäud... i bi würklech nid gizig, aber trotzdäm... Mir hei dänkt mir gäbe ne vielech itz 1000.- u de söue sie mau luege, wie wit sie mit däm chöme, u we sie de würklech zGfüu hei, sie chäme niene häre drmit u bruchi no meh, müesse mer haut wieder zämesitze. Isch haut im Momänt o no chli schwierig z'säge, wüu viu Pöschte vo üsem Budget no nid definitivi, sondern gschetzti Chöschte si. Drum wetti da no chli vorsichtig si.

Wäge dr Abeungerhautig: so die typische Spieli wie Wadli ertaschte etc. findi ou nid dr Hammer. I finde haut so Sache no cool, wo individuell si und ufs Brutpaar igöh. Z.B. ire Form vomne Quiz mit Anekdote vo üs (nid auzu pinlechi möglechscht), oder wo d Gschicht ibezieh wie mir üs kenneglehrt hei. Das machts irgendwie no persönlech u für d Gescht irgendwie no spannend. I finde die Spiu / Quiz aube no schön, wo d Gescht när öpis düe schänke im Verlouf vom nächste Jahr. Mir si o mau iglade gsi amne HZ u hei när e Brunch gschänkt und hei das u gärn gmacht. Vo mim Mami (vielech mit GG's Mami zäme?) wird uf 100 e Präsi cho mit Föteli us dr Chindheit, zum Bispiu vo üs beidne im gliche Auter. Dert hani aber vous Vertroue, dass sie nid doofi Föteli nimmt, das hani re scho az Härz gleit Klar isch o e Klassiker, aber i finde das itz nid schlimm, wemes uf die härzigi Art macht. U vo mim Papi chunnt sicher es säuberdichtets Liedli mit Gitarrebegleitig Findi aber o no härzig. U süsch löh mir üs eifach la überrasche! Hoffe scho chli, dass üsi Gseuschaft de o chli mitmacht und kreativ isch... Aber d Ungerhautig vo de Gescht isch mire Asicht nach würklech o Ufgab vo de TZ. Ds Brutpaar sötti ja chönne gniesse und nid müesse dr Clown mache

Wägem Standesamt chani dir leider nid häufe, so wit simer no nid Gits nid no es Formular "Trauungsermächtigung" oder wie das heisst, wome bim Vorbereitigsgspräch bechunnt? Aso quasi die offizielli Erloubnis, dassme darf hürate? Aber i euem Brief wird sicher aues Nötige drin stah.

@Sue
Mir wärde sicher mal no chli vergliiche.. 1000.- findi eigentli für d'Leischtig au okay aber Schwiegermama hed gester gmeint ob mier das wirkli unbedingt bruched? Für 45Minute Trauuig...

@nisliker
Das mitem Budget gseht mini TZ genauso. Sie seit sie wüsst gar ned für was sie so viel Geld sött usgeh. Mir hend bis jez nüt usgmacht mitne wege Geld, hend ihne eifach gseit wenns Geld bruchet, denn chöndses ja de sägä

@Taeboyana
Hender denn scho en DJ im Aug? Das mit de Playlist denkemer üs au, halt eifach ufem iPod denn Vlt findemer no öpper wo das de chli cha remixe und denn isch das au schowider bitz besser

Wenn du vo Gästebuech und Material redsch, hmm, möched ned mier das? Haha blödi Frag, aber ich ha wirkli gmeint, das das Ufgaab vom Bruutpaar isch.

Ich glaube eusi Familie sind nöd wirkli die Organisationstalent und ich befürchte, das vorallem vo minere Famlie-Siite ned viel kreativs wird cho. Han ehrlich gseit au chli Angst, dass gar niemer öppis vorbereitet oder mitmacht. Das würd mi chli truurig mache aber mini Eltere z.B. sind eifach so, min Vater isch en Brummbär, eher verschwige. Er isch strenge Moslem und ich bin katholisch (mini Eltere sind ned verhüratet) und ich getrau mi scho fast ned ihn zfrage, ober mich zum Altar füehrt. Für ihn ischs scho en rechti Überwindig id Chile zcho. Da chani schlecht erwarte, das er no es mega Unterhaltigsprogramm usstudiert Und da mini Eltere nid ghürate hend schickt mich mis Mami immer zu minere Tante, die sig ja scho a soooo vielne Hochziite gsi, debii isch mini Tante au nöd verhüratet Muess grad selber lache ab dene Zueständ bi üs

@jane: Cha drs leider nit säge, wärde ir Kirche eifach dOrganistin ha, üs gfallt das ebe beidne no, aber wie tüür die chunnt, wüsse mir no nit, isch ersch mitti Monet wieder da. Aber i dänke, gad bire Band muesch äuä scho mit 1'000 rächne, zumau si sech ja ou müesse vorbereite u ne Areis hei. Aber fändisch sicher ou günschtigeri, haut de viellech mit weniger Erfahrig, oder weniger Liederuswahl, oder unbekannti...
Band am Apero isch sicher schön, chunnt haut gäng druf ah, wie lang u wo, u was süsch no so isch. Mir hei ds Apero ir Industrie, ca 3 Stund, u bewusst ohni Musik
DJ dörftit dr de ou nit am Obe?


@Taeboyana: Du muesch Dir doch nit blöd vorcho, nume wüu Dir öichne TZ nit meh weit oder chöit gäh! Prioritäte si doch bi aune Päärli chli anders

zUnterschribe chasch äuä ar TZ schlächt wägnäh, das isch e so, aber meinsch nit es wäri e Müglechkeit se aus TM izspanne?


@Sue: Wie wäris mit are Städterundfahrt, git ja i de meischte Städt so spezielli Agebot, are Bootstour, oder ds Ballonflüge - findi aube wunderschön. Od

U wenn de rasch uf am Standesamt alütisch? Di chöi dir sicher gad am beschte häufe.