Guete Morge!

Hui, isch das ruhig hie hüt... schlafet der aui no ?

I ha euch no churz wöue vrzeue, wies geschter bim Gspräch gange isch. Bi scho chli närvös gsi und es isch o nid ganz eifach gsi Ha aber aus chönne säge, woni ha wöue und sie isch o froh gsi, dass ig ihre aus ha gseit. Sie het vo ihrer Site natürlech o paar Sache gha und ig ha ihri Sicht när würklech o verstande. Anschinend füehle sie sech rächt unger Druck, wüu sie Angscht hei, dass egau was sie wärde mache, ig wärdi enttüscht si, wüu ig so genaui Vorstellige ha. Sie befürchte, wenn de es chlises Detail angers sigi, dass das u schlimm wär für mi. Und sie hei zGfüu, dass ig mir die perfekti Troumhochzit usmale, wüu ig haut überau Inspiratione ufsuge (hie, us Heftli, Pinterest etc.) und wüu de d Realität meistens angers wärdi, hei sie Angscht, dass für mi d Wäut zämebrächi we dä Tag nid wie usem Hochglanzmagazin wärdi... Ig ha de das scho zersch müesse schlücke, bi mir überhoupt nid bewusst, dassi so überechume! I bi haut so, dassi mi mega für öpis cha begeistere und euphorisch wirde - aber nid nur i Sache Hochzit, sondern o süsch. Anschinend hei mir üs o gägesitig bi dere Sitzig ziemli missverstande und i ha Sache persönlech gno, wo sie nid so hei gmeint. Es het sie o mega möge, dass ig Sache uf dr Lischte gha ha as No-Go, wo für sie as langjährigi Fründin eh sunneklar wäre gsi, sie kenni mi ja so guet. Sie het de das as Ungerstellig empfunde, dass ig ihre das nid zuetroui... Und ig has gar nid so gmeint gha. Ds Gspräch het sie gloub o rächt ufgwüut und sie het när Angscht gha, i heig sie nümm gärn, drbi liegt mir ja genau wüu i se so gärn ha, soviu dranne. Mir hei aber de beidi när chönne säge, es sig itz guet und hei üs de ufem Heiwäg no es liebs SMS gschriebe. Itz müesse mer äuä beidi das Ganze no chli verdoue u de chunnt das wieder guet.

När hani no gueti Neuigkeite: Normalerwis chame ja ds Zivilstandesamt (ämu im Kanton Bärn) ersch 6 Monet vorus reserviere und mir wette äbe uf ke Fau ir Stadt Bärn, aber o nid no es Vermöge usgäh fürnes externs Standesamt. Itz hani plötzlech d Idee gha, bir Stadt wo mi GG isch ufgwachse (und mir somit o chli Bezug hei drzue) azfrage und ha de dert vori aglütte. Sie hei sehr fründlech Uskunft gäh und was ds Beschte isch: Me zaut nur max. 100.- zuesätzlech zu de Gebühre, wome ja sowieso het und me cha ds Datum scho Ändi Oktober 2013 reserviere, o wemer ersch im Juni/Juli 2014 wette! Itz mau luege, was GG drzue meint, aber wonis ihm mau vorgschlage ha, heter gmeint, das wäri no e Idee. Und tät üsem Budget guet Ha gad Fröid und hoffe, das wird öpis.

Guete Morge Taeboyana, u ou aui andere 2014ner Brütlis


Ne Du, bi scho lang uf, ha aber dänkt, es segi ou chli blöd, wenn i mit mir säuber schribe

So Missverständis si aube schad. Tönt aber nach am ne sehr guete Gspräch! Bi aso froh, isch es so guet gange.

Jöö, so SMS si aube härzig! Aber e chli Zyt tuet sicher guet, so Gspräch müesse eifach chli sacke.

Si de das nit gueti News gsi?


U wenn de de süsch eis nimmsch im Kt Bern, wüu dLoupestrass chunnt für üs ou nit i Frag. Wenns es denn no git wetti mir uf Bümpliz, zahlsch gloubs 150.- Zuesatsgebühre, u süsch äuä zregläre in Langnau

Wo isch de Din GG ufgwachse? Nachbarkanton oder witer wäg?

Hallo zäme!!

@Taeboyana, ou das isch doch guet heiters demfall chönne usspreche....isch ja süsch u doof wenn dir beidi vo sache verletzt wäred gsi und das nid gad agsproche hättet...findi guet dass dirs gad scho ize am Afang heit chönne kläre
und das megem Standesamt tönt doch super?? de chame dete scho mega im Vorrus reserviere - und das wäri ja ou no gäbig für so Planigs-lüt wie mir aui si

@lula, oder natürlich burgdorf

Ig ha vori gad Znüni bi üs im Team gha wo ds Team organisiert het zu mire Ziviltrouig
si hei mir e rise chorb mit ganz vilne chline Gschenkli überreicht wo jedi/jede vom Team mir eis gmacht het und schön ipackt hetha mega fröid...ize wetti am liebschte gad hei und alli go uspacke

mir chöi hüt abig de Schlüssu im hornusserhüttli go hole mitem TZ und de gsehni ou mau das Hüttli vo inne ner no morn am morge schaffe und ner heimer beidi frei und chöi morn scho fengs alles go is hüttli tue

Heieiei ech mag eifach ned nahh ha Emmer nachegläse, aber ned möge zroggschriibe...

@Sue uiuiui be dier geits ja scho glii los!!! so schön! ech wönsche euch etz scho e wonderschöne und unvergässleche tag met au euche liebe! aues aues gueti. be grad chli ga nacheläse vo dim hochziit. deko und aues andere gseht mega uus. vorallem ou d pumps si HAMMER.

@Lula, uh ja, hoffe dass si sech glii mäudet. geisch du scho ufe usverchouf? wo hesch vor döre z gah? hesch scho e vorstellig vom chleid? obwou das ja ned Emmer so sig wimer s sech vorstöut, wini vo andere brüütli gläse ha.

be üs louft im momänt ned eso föu. be so unentschlosse wäg de chärtli. ha mau eis erstöut und es probeexemlpar öbercho, und s sesch eigentli ou guet, aber be gliich am öberlegge, öbi säuber söug bastle. be ou Emmer am öberlegge, öbs säuber mache ächt ned gönstiger chämi? ha vo de fotografin ouno fötteli öbercho, wo d puzzle hellgrüen sii und mier und de hendergrond aber schwarz wiis.gseht cool uus..hmm weiss doch ou ned...

wie heit ier entschede öber längi oder rundi tesche? mier hei i üsere Location nur fästtesche, die weimer secher ned, platz hättemer ou gnue, aber d teschiitelig esch wäg mim schwager so schwerig, aso besser gseit: ÄR esch schwerig...wie heit dier euch chönne entscheide? de hani no d stuel Problem (dönt ou komisch) die Location hets mega bequemi, aber nömm di neuschte stüeü. ha ouscho öberleit wäge stuhlhusse, aber erstens hei die stüeu e spezielli form und zwöitens chönnts haut be fasch 60 lüüt scho d tüür...geschweige denn, wennmer wörd stüeu miete, und d hussene dezue. heiter mier e guete tipp???

euch aune e schöne nami, d sonne güxlet vöre

@Lula s chunnt sösch secher ou öpper met. be mier hei sech ou öppe scho 5-6 froue aabotte. aber e dänke, das wär de schwerig. het ja jede weder e andere stil und gschmack...
ussert e wördi pönkt iifodere wosi chönnte verteile
Tüll esch ou so gar ned miis, jedoch es chleid in A- Form scho (so stöuis mier vor)
dafi frääge wie sech dis Tüll- Trauma entwecklet het?
ds chärtli met Couvert und met Mängerabatt. rächne met ca 200 iiladige Gladni & Aperogest chostet 0.99 CHF be bonnyprints.ch. bi de gladne gest wördemer eifach no es biiblatt drii tue. das esch natürli ned iiberächnet, jedoch wird's be ca 60 gladne gest de ou nömm sooo e grosse betrag.

Wie heit diers gmacht? ha grad gseh uf de gwundernaseliste, dass dier ou s Thema puzzle heit. mier stöue üs d farbe hellgrüen, wiiss und dunkubruun oder silber vor.

mine schwager esch eifach e spezielle und ned grad e sensible, esch ned so ide laag, säuber fähler iizgestah und är machts eifach Emmer guet, die andere si eigentli Emmer im Fäuer... hmm schwerig... wetts eifach ou ned aune "zuemuete" e aabe näbe ehm z verbrende. aber ja, cha dänk ned es separéé mache
wäg de stüel muesi no einisch id Location ga luege. hase ja ersch afe einisch gseh. velecht donkts mi de nömm so schlemm... obwou ja de erst iidrock???

Foto füegi grad zue

Datei-Anhänge

	Foto_262js.jpg (26x) Mime-Type: image/jpeg, 280 kB
	Foto_233js (1).jpg (30x) Mime-Type: image/jpeg, 256 kB

nicht registriert

Guätä Abiig mitenand,

I hoff iihr hend au so en tolle Tag gha? I bii so froh, cha meh sich mol dus bewege ohni dass mir gad Bäch vo dä Stirn gloffe sind

Janedoe: Miir hend no keii offizielle Name, oft nenn ii eiifach TZ und TM Trauzüge obwohl d'Rolle klar verteilt sind (sii wisset also wer d'Unterschrift setze darf) oder au Bride maid nenn ii sii oder eiifach OK-Team. Aber s'Wort Tätschmeiister fallt niä, doofs Wort....
Mit dä Priis für d'Band kenn ii mii eiigentli ned so us, bii uns werdet wohl d'Fründe vo miim GG spiile, will er au scho ii mehrere Hobby-Bands gspiilt het. Wenn sii mol was verdiänt hend, isch es aber öpe so viil gsii für en ganze Abig...
Also ii ha no niiä es Hochziit erlebt, wo's Musik am Apéro gäh het. Han aber scho ghört dass da giit


Taeboeyana: Also ii bii gad chlii vom Stuähl gfloge wo ii dii Bitrag glese han, meh als 2000.- als TZ-Budget? Hend diä no bsunderigi Sachä organisiert wiä s'Auto/Kutsche oder so ähnlichs? I cha mir gar ned vorstelle, wie viel Überraschige mit so viil Geld machä chasch!
Es isch schomol grossartig, dass ihr so offe mitenand rede hend chönä und denn no liäbi SMS gschickt worde sind. I find scho das ä guäti Nachricht. Klar isch jetzt ned eiifach alles wiider guät, aber ii nimm aah ihr sind ufem beste Weg!
Ich find d'Idee vom Standesamt us dä Kinderstadt vo diim GG no ä herzigi Idee! Vor allem dass meh so früäh reserviere chan! I denk vor allem für ihn und sini Eltere wird denn dä Tag nomol ä bitz meh bsundrig

Sue: Yesses, so ä kuuuls Gschenk! Mii würds asse ii dä Finger kützele, dass ii all ufriise müässt. I bii so eh ungeduldigs!! Dä Countdown lauft und Ziit fangt aah Rase und scho glii wiirsch du Mrs GG sii!! Morn startet demfall diä leschte Vorbereiitige. Ich wünschä eu, dass ihr diä Ziit gniässä chönt!!

Lula: Ooooh so toll sind Karte dooh und wenn's dir gfallet umso besser. Smartphoto isch echt ä kuuli Siite! Isch schwierig d'Situation mit diinere TZ, dass sii gad nüm reagiert... Viellicht isch am Wuchenend besser, will denn schafft sii ja ned. Unter dä Wuche isch sii wohl fest mit ihrem neue Job beschäftiget?

Heart: Dii Biitrag hani 2x glese bis en Verstande ha Miir fändet rundi Tisch schön, will's denn familiärer und weniger Schuälisch wirkt (dert siitzt meh doch aah eckige ) Aber im Moment isch da mir total egal. Aber da isch so ä Buuchentscheiid und ha ned wirkli vor und nachteil usüberleiit. Suuuper schomol dass Stüähl bequem sind! I denke Hussene sind ned umbedingt nötig. Au wenn d'Stüähl ned unglaublich festlich sind... Aber viellicht findsch jo grad öper wo übernäh chöntisch? Oder vo kurzem het wer gschriibä, dass in China bstelle günstiger isch? Viellicht isch das ä Lösig?

Miis Summerlager isch nu dä Tag duur und findet in Rorschach statt. Mir hend Thema Pippi Langstrumpf und tüänd viil bastle. Mir wanderet also ned Trotzdem nimmt da Lager viil Ziit iih, chömet also zu nüd am Wuchnenend wirds ned andersch. De Terminkalender isch scho wiider voll. Doch zum Glück fangt ja miis semester erst im September aah. Denn chönt mir ab nächster Wuchehälfti mol vollgas gäh. Solang les ii gern eui Biträg, aber bii uns wird sich ned viil ändere

Wünsch eu allne eh erholsame Abiig und morn ä guäti Donnstig