Han grad nöd so viel Ziiit…sorry wem ich jetzt nöd grecht werde…

Kärtli: Juhuuu, üsi Iladigskärtli sind geschter acho und mir sind MEEEGA happy!!! Sind uuuuh schön worde! Sind grad so im Schuss gsi das mir grad alli Iladige für di gladene Gäscht parat gmacht hend und hüt hemmers abgschickt!!!

Ring: sind geschter gsi go dWachsprototype aluege/aprobiere. Händ us uuuh guet gfalle und händs grad bstellt. Etz gits doch no für die 5 Jahr 5 chlini Brilliäntli i die Rille wo mir händ *freu*

@Taeboyana: ja das sind würkli sehr gueti Priise für die Magnetli. Und sisch ebe würkli öppis bsundrigs wo nöd grad jede macht findi.
Super, dass ihr eu hend chönne usspreche. Ich han no denkt, dass ihr eu mega missverstande hend. Eifach fürschi luege jetzt.

Janedoe: I kenn mi leider au nöd us mit de Chöschte für dMusig ide kirche :(
So Hintergrundgeplänkel hämmer glaub au bim Apéro und am Obig hämmer e ITunes-Playlist, denn sinds DIE Lieder wo mir wänd. Klar isch e Band super…aber mir wänd tanze und für Band UND tanze hemmer kei Platz.

Morgä Mädis!

Chume nöd zum schriiibä, hilfe!

@Taeboyana
musikalischi Fründe hemmer glaub ned so, aber uf jedefall kreativi. Am GG sis Mami hed mier gester au scho gseit das sie scho öppis kauft hed als Überraschig, Das hed mini Sorge jez chli idämmt :D
Uiui hesch denn de Schwöschter vom GG scho abgseit wegem unterschribe ufem Standesamt? Das isch ja wirkli d'Ufgab vo de TZ.
Dis Gspröch tönt doch guet! En Ussprach muess ja denn meischtens nochli chönne ruehe und jede söll sich nomal Gedanke mache chönne. Also für mich tönt das sehr friedlich :)

@Lula
Finde 1000.- füre Band eigentli au grechtfertigt. aber vergliiched jez uf jedefall nomal chli :) Schadet sicher nöd.
Wieso hend ihr eu denn bewusst gege Musik entschiede am Apéro?
En DJ dörfemer leider au nöd i de Location. Ziemlich doof
Uhh Lula isch aber au komisch, dass diini TZ grad gar nümme reagiert? Oder isch sie eifach so?

@Sue
Nurno ein Tag!!!!
Das isch de super vo dim Team mit de Gschenkli :) Wenn darfsches uspacke? hihi
Wie gahts de Fieberblattere? (Ich hätt jez gern sones gschockts Smiley)

@Heart
Super Bilder! Die chömed sicher guet a uf de Iladig.
Mir händ bi eus rechteckigi Tische. Bi recht unglücklich demit will ich mier sooo sehr rundi gwünscht hett. Jetzt möchemer sehr wahrschinli es U. Will eckigi Tisch wild im Ruum verteile bringt sone unrueh drii hani sGfühl.
Mir wärded uf jedefall Stuehlhusse ha. Es macht das ganze sofort viel festlicher. Mier hend z.B. extra Gschirr vom Caterer gmietet obwohls i de Location sämtlichs Gschirr hed. Aber total hässlichs und denn hemmer gfunde mier lönd eus doch ned es meeeega Menü zemestelle und servierts de uf wüeschte Täller, das macht eifach so s Gsamtbild für eus kaputt.
Vielleicht chönder d'Stüehl eifach miteme Band ufpeppe?

@squishy
Das Wort Täschtmeischter wird bi eus sicher au nie falle :D Und Tafelmajor tönt au schlimm. Für mich ischs denn eifach 'mini Schwöschter organisiert mit'

@daenu
Wie schön mal öpper zläsä, wo au kei Band/DJ am Abig hed :) Mier hend eus au denkt, dasmer eifach es Jahr lang eusi Lieblingslieder zemesammled und ine Playlist packed. Ufe iPod laded und dett ufe Dockingstation oder so.
Ohhh hesch es Föteli vo de Ring?

@nisliker
super schöns Chleid, würdi aber nie im Lebe inepasse, haha...


@me
Mier hend ja s Schwiegermami in spe uf Bsuech. Muess sägä, es isch recht astrengend. Chume zu nüüüt. Und sie hed chli dureblicke lah, dass ihri Familie wohl es Buffet ame Menü würded vorzieh. Aber da bini absolut ned bereit dezue. Mier findet bime Buffet herrsch so schnell Chaos und es wirkt i mine Auge viel weniger festlich als es Menü. De Caterer hed eus gester no d'Uftragsbestätigung gschickt. Die wend kei Azahlig!! Sie hed mer gschriebe, das mier en Azahlig dörfed mache, wenn mier das möchted aber sie erwarted das nöd.


so, jez hoffi dasi niemer vergesse ha.

@Heart
Juhuuu, nomal en Bandlosi Das mit dem Arrangement vom Kolleg tönt ja super! Isch no chli persönlicher.
Mir fändets natürli cool öppis günstigers zfinde. 1000.- isch uf eusem Budgetplan obersti Grenze.
D Familie vom GG allgemein freut sich uuuh ufs Fäscht. Ha die Lüüt eso fescht gärn! Gester hani am Namitag sicher 5 Stund mit de Schwiegermuetter gredet und sie hed mier viel vom GG verzellt und daser viel glassner und entspanneter seg und sich total positiv veränderet hed siter mit mier zeme isch. Das gaht halt scho abe wie Öl Bin so froh und dankbar das mier sones guets Verhältnis hend!

Ich han für s Chleid eigentli max. 2000.- budgetiert. Jetzt hed aber mini Muetter gfunde, dass sie mier mis Chleid wett schenke. Sie isch bereit 3000.- uszgäh. Findi viiiiel zviel für es Chleid womer nur ein Tag lang ahed...

@dänu: Juhui, das freut mi mega für Di!! Und si si scho uf dr Post?

U öichi Ringe töne mega schön!! Wenn heit dr se jtzt in ächt?



@jane: Nee, schade tüe Verglieche nie...
Isch i üsne Ouge zKosteintensiv für 3 Stund wos närne fasch drungergeit. Wäris Summer, u mir wäri uf am ne grosse Platz im freie, mit schönWätter Garantie, wäris was anders. Aber so, u di meiste Apero hei ja eh kei Musik. I bi bis jtzt genau a eim Apero gsi mit Musik, drfür hei si de am Obe kei Musik meh gha.
Heit dr da gar kei Chance, aso für am Obe?

Nee, eigentli nit, si hetts säuber nit gärn wenn ewigs kei Antwort chunnt, u isch überzügt, dass es eigentli müglech isch es sms innerhalb vo 24 Stund zbeantworte.

Wetti eigentli närne no rasch alüte, muess mi aber überwinde, warte gloubs no chli, mir chunnt sicher no was i Sinn, wo ni cha mache...

Das gloubi Dir!! Hesch de gad Ferie gno? U de Din GG? Isch ja wou öichi Entscheidig, wie ihr das machet, u ja serviert isch durchus festlicher! Mir hei bis ufs Dessert ou serviert, Dessert hei mir eifach beidi zGfüehl gha, wetti mir es Buffet...
Bis doch froh! Wobi mit are Azahlig hesch haut scho ne Teil vo de Köste wäg!


@Heart: U privat chönnti ers nit mache? Aso gad ohni sis Management?
I ha ne 1'000.- dinne, bi haut nit so sKleiderfroueli...