@Lula
Aso ich bin au na nie ufeme Apero mit Musik gsi. Findes dett au ned unbedingt nötig. Wennmer ime gschlossne Ruum isch chli Hintergrundmusik ab Alag findi tiptop.
Ich glaub nid dasmer e Chance hend. GG will aber nomal mit de Verwalter rede. Will de Ruum isch Schallisoliert, obmer jez voll power ab Alag d Lieder spieled oder obs de DJ macht spielt ja eigentli kei Rolle

Aso mal churz alüte und fröge ob sie no lebt isch sicher kei schlechti Idee. Findi ez au nid ufdringlich oder so. Du chasches ja so chehre dass du in erster Linie weg ihre und ihrem neue Job alütisch und denn sChleid und so ganz nebebii aspreche

Mier hend beidi kei Ferie gno. Sie hed eus gfragt ob sie zu eus id Ferie cha cho, ganz churzfristig und denn hemmer ihre eifach gseit, da mier ab Endi August Ferie hend, liggis eifach nöd dinne, da au no frei zneh. Sie hed voll Verständnis und findet sie brüchi au keis Bespassigsprogramm aber mier chönd sie ja schlecht links ligge lah und üses Ding mache

@daenu
Ich red immer nur devoo dasi jez mal sött mit dere Playlist afange, aber gmacht hemmer no nüt
Hihi ja denn schicksch de gschieder erst e Foti vom Ring-Endprodukt

@Service/Buffet:
Finde au das beides Vor-und Nachteil hed. Aber wenn ich mier so GGs Familie vorstelle wo sich uf Buffets stürzt, hetti chli Angst, dass de Rest de gar nüt meh überchunnt Mier hend s'Dessert au in Buffetform welle zwerch aber da mier d'Candy Bar hend, hemmers de so glah. Üsi arme Gäscht müend soooo viel Süesses esse, Dessert, denn Hochziitstorte und Candy Bar viel zviel glaubs

@dänu: Ou cool! Bi de gspannt, ob de scho morn di erschte Reaktione hesch!
Isch so, aber froh bisch ja de sicher glich, wenn se fertig bi Dir hesch. Aso ämu mir geits so.

Durchus, aber aus in Buffetform wäri mir jtzt zNervös. Bi üs loufts ou gad uf das usse.


@jane: Das wäri doch no ne Überlegig. Muess das mau GG vorschlah, das m mir ggf mit am Caterer chönnte gugge.
Aber ebe, je nach Alag chunnsch aso guet a dLutstärki vom DJ anne. U für was hei si de dr Saal süsch Schalisoliert??!

Ha ihre vori es sms gschribe, dass i e Termin heigi gmacht fürs Kleid ga zgugge, u faus si no Interesse heigi, söu si sech doch mäude. Isch ja jtzt dritte sms, ma ihre auso nit dr gottswille ahänke.

Ach so, ja klar. Schaffet ihr de beidi 100%? Was macht si de dr ganz Tag so ällei?

Ja, i gloube bi öich wäri das süsch scho chli viu...



@me: So, i has gmacht, i ha aglüte, u ga am 19.08 ga gugge für nes Brutkleid!
(Sofern vom Brutkleidgschäft nüt meh chunnt)

Mini Stiefmuetter fröit sech sehr, u mire TZ hani es sms gschribe, i heigi e Termin, faus si gäng no Interesse heigi söu sich doch mäude.

@jane: Heit dr se de mau drufagsproche?

Nee, aber i nimme mau ah si schaffet. Schön fändis wenn übere Mittag es SMS chämi, oder spätischtens hinech. Aber ja, es närvt mi extrem! Zumau ihre das ja ou extrem wichtig isch! Aber si weiss ou no nit, dass mini Stiefmuetter mit chunnt...

Ohje, was isch den Din GG?
Uii, wie viu Fröiid hesch gha? I gloub i brchäm Vögu wenn mir öber würdi dr Küehlschrank ufruume.
Wo wohnet de ihr, dass dr so gäbig e See heit?

Ou cool, da wärde si sicher fröiid ha!

@ janedoe heeeiii das freut mi de för dech. esch doch schön, wenner entspannter worde esch, das wird mer, wennmer e gueti partie ade site het und sech wou füelt.
@ lula, weiss eigentlech ou ned def. wieners etz gmacht het. macht ou nüüd, houptsach, daser metem priis abe esch... ond mier hei soooo freud chonnter zu üs. ossert är wördi ergendewie e färnsehuftrett planet, aber das wär e grosse zuefau... ond är wörd de ou för ersatz luege.
ja ha ou mau e 1000.- iigrächnet gha, aber de vo andere ghört dases vöufach türer chonnt, und de hanis so uf höchstens 2000.- uetah. aber mau luege...

wie hend ers gmacht bi de chärtli? mier möches gloub eso, dass mier de Mängerabatt chöi ienäh, dasmer för aui s gliiche chärtli mache und för die gladne gäst e biilag meteme liecht durchsechtige blättli mache und de schriibe dass mier de ganz tag met ehne wette fiire.

@Heart
Ja, das isch es mega schöns Gfühl gsi
Mier bastled eusi Chärtli komplett selber und druckets au selber. Drum gstaltemer en Iladig für die glade Gäscht und eini für d'Aperogäscht. Zuesätzlich tüemer eusi Iladige au no unterscheide in Einzelpersone und Paar, also DU oder IHR.

@Lula
HAHA stimmt, en DJ isch ja gar ned live, ich bi sooooo hooohl

Was hed sie gmeint uf dini Frag? Hetts glaub au so gschribe. Völlig denebe!

Ja ich hasse sini Arbeitsziite. Am Wuchenend muesser amigs vom Abig am 9i bis am morge am 6i...

Aber jez hemmer ja das Gspröch mit de Chefin gha. Isch recht e gueti Unterhaltig gsi. Sie würd eus d'Möglichkeit geh, das min GG erstmal normale Agstellte isch, 1 Jahr lang oder so und denn würd sie s'Gschäft schliichend welle abgeh. Das heisst sie möcht wiiterhin da schaffe und ich bi ned so sicher ob ich denn das würd welle. Will wenn, denn müesstis doch en richtige CUT geh.
D'Arbeitsziite vom GG belaschted eusi Beziehig ame scho recht, will mier halt fascht nei Ziit hend, da er total übermüedet isch wenner frei hed. De Körper isch ja eigentli ned gmacht um i de Nacht z'schaffe. Drum findi d Idee, jede Sunntig mit ihm frei zha, jede Abig mit ihm chönne verbringe eifach suuuper. Anderersiits würder jetzt weniger verdiene und mier spared eisern für d'Hochziit, vo dem her bini nöd so begeischteret und allei wieni mini Chefin kenne, wird sie denn glich no 5 Jahr voll im Gschäft blibe.
Usserdem hed sie no d'Option offe, dases evtl ihri Tochter würd welle übernäh. Oder en Kollegin, die würd ihre denn aber de Lade komplett welle abchaufe, was finanziell natürli die bescht Lösig wär. Für eus isch denn das so chli en 'hää?!' Moment gsi will sie ja eigentli direkt gfragt hed ob miers gern würded welle mache.
Ach ich weiss au nid. Mier müend das mal chli sacke lah. Mal luege was GG hüt Abig dezue meint wennmer allei drüber chönd rede.

Er schaffet i de Stadt im McD. und da die halt dett Nachts au en Chef bruched muess er das amigs mache. Das Gschäft isch eh de reinsti Abzockerverein. Sie verspreched ihm immer wider Beförderige und Lohnerhöhige, cho tued aber absolut nüt und da GG erst sitem 2011 i de Schwiiz lebt heder immer chli Angst eifach z chünde bevorer was neus hed wills halt au für Dütschi schwer isch en Job zfinde.

Hmm also sie wett nid ganz ufhöre schaffe, sie meint denn gaht sie zGrund wenn sie kei Ufgab meh hed. Und sie chieng sichs au ned leischte will sie sich damals d AHV uszahle lah heb. Im Gegezug müessted mir ihre z.b. nüt abchaufe, sprich mier chöntet mit null Kapital istige. Was ja eigentli es meeega Agebot isch. Sie welli de Lade i gueti Händ abgeh, das seg ihre wichtig..
Ich glaub ehrlich gseit nöd, dass sie weiss was sie will und mini Sorg isch au, dass sie denn ihri Ideeä und Plän wider alli über Board wirft und alles so bliibt wies bisher isch.
Wo sie mich das gfraget hed vor anderthalb Wuche hani sie extra no gfragt, was de mit ihrere Tochter sig, die heb das doch au mal welle überneh und denn hed sie nur gseit, dass sie ned glaubi, das ihri Tochter das schafft, bzw dass sie no ned bereit isch dezue. ihri tochter isch 31, hed scho vo chlii uf immer im Gschäft mitgholfe und spöter au es paar Jahr festagstellt. Aktuell schaffet sie ime andere Biogschäft. ich bin 26, und cha bestimmt ned lebenslangi Erfahrig ufwiise. Ich stah ned mal 100% hinter dem Bio-Thema und GG erst rächt nid. Und das weiss sie au. verstah da d'Logik ned so ganz. Sie meint eifach, sie vertraui mier halt 100% aber ja. hach

Muesch de unbedingt verzelle wenn meh weisch vo dinere TZ, bin ja gspannt was sie da druf zsäge hed.