| Bräute 2014 |
|
|
1 .. 156 .. 309 310 311 312 313 .. 655 .. 997
|
|
|
|
|
12.08.13 10:37
Lula 
|
Re: Bräute 2014
E wunderbar guete Morge ihr Liebe
@jane: Schribes de närne unge wäge dr TZ
@dänu: Hesch mittlerwile Reaktione brcho? Isch so schad, wenn nüt chunnt, aber geit äuä aune chli so
Wüu mir ja zResti hei müesse wächsle, aber wüus ja nit luschtig wäri, wenn dKärtli nit scho dusse wäre... Jänu, hüet hei si se mit dr Post brcho, u di andere brchöme se hüet i dFinfer drückt, oder so 
@ Taeboyana: I würdi mau mit ihre ir Pfleg gugge, wenn si frei het us ihre gäbig gieng. U de chasch mit am Mami luege, u de chönnti si gugge für nes Hüetti.
Wäg dr TZ schribis närne unge
Und bisch mittlerwile zum probiere cho?  Ohje, wünsche Dir ganz gueti Besserig u dass de gli weisch was es isch, u was de chasch mache
@squishy: Wünsche Dir ganz viu Glück u Närve für Dini Prüefige!
Wieso het denn öiche Pastor so viune abgseit?
@mini TZ: Hei ja am Donnschtig wäg am Kleid no gschribe, ha ihre de spät no gschribe, obs ihre nume ums Kleid gieng. Si het de am Fritig morge gschribe i setti se besser kenne, etc u si vergässi haut eifach zT zrugg zschribe (u de gad uf 2 sms?!) isch aber ziemli es "hässigs" sms gsi. Ha ihre de gschribe, dass is komisch finge, dass si mi aber nit söui fautsch verstah! U das i e gmeinsame Nami oder so am beschte fändi, für Missverständis, Unklarheite etc us dr Wäut zschaffe. Si het de gmeint, es gäbi kenni Missverständnis, zmingst nit vo ihrere Site us, u es tüegi ihre leid heig si vergässe zrugg zschribe, si tüegi haut me whats app'ne...
Ha ihre jtzt vori gschribe, dass ig froh wäri wenn mir üs die Wuche no chöi träffe, eifach so fürs Gfüehl, i wetti haut eifach vo ihre wüsse, ob si sech klar isch, was es heisst TZ si, u dass es nit nume drmit gmacht isch, mit cho Kleid uszueche u am Hochzyt säuber ums Hochzytspaar umestah u ne guete Idruck mache.
|
|
|
|
12.08.13 10:58
malinchen
|
Re: Bräute 2014
Hey mini liebä Brütlis...
I ha jetz gad die ganzi letschti Wuche nachegläsä... I gange nümme uf alles i, deu Themä si jetz scho chli ume Eggä. I hoffe dir sit mir nid bös!
@Sue: wow, du bisch verhüratet!!!!!!!!  I ha ganz fescht a di dänkt am Fritig und bi heilfroh gsi, woni ds Bärn bi acho und ha gseh dasses hie nid het grägnet am Nami... I hoffe ds Burgdorf ischs ou so gsi! Aber dir heit sicher so oder so ä wunderschönä Tag gha, bi scho gspannt uf di Bricht!
@Lula: oh je, das tönt ja mega komisch wägä dirä TZ!!!  I fänds ou guet, wenn du mit ihre chönntisch redä. I hät gloub die sms so wie du se gschilderet hesch o sehr unmotiviert ufgfasst...  I hoffe das chunnt guet mit ihre!!!
@Briefmarke: Mir hei ou sälber Briefmarke druckt. Aber i ha se uf Etikettä druckt... Die si nid soooo tüür und da mir grüeni Couvert hei gha, wär äuä d Farb när nid so toll worde.
@Taeboyana: Ohje, i hoffe du hesch ke Nierebeckäentzündig?!!! Uf all Fäll wünschi dir gueti Besserig! Guet hesch no mal mit dinerä TZ chönnä redä und das kläre. Das si ja würklech nur doofi Missverständnis gsi und chunnt sicher wieder guet... D Bikeferiä si dr HAMMER gsi, mir hei es mega cools Hotel gha ds Monstein, chli absits vom Touri-Rummel und d Singletrails si würklech genial. Es lohnt sich also sehr, mal ä Usflug ds mache mit de Bikes...  Es git ä Charte mit allne Route wo ou d Schwierigkeit agäh isch, das hani mega guet gfungä, wemä äbä nid so dr Vollprofi isch und nid überall düre chunnt.
@Squishy: oh nei, das wär ja mega doof wenn öie Pastor no würdi absäge...  Ischs de scho lang här, dass dir uf Antwort wartet? Würd süsch uf jedä Fall mal nachefrage!
|
|
|
|
|
|
12.08.13 11:30
Taeboyana
|
Re: Bräute 2014
@malinchen: Wow das tönt super vo dine Ferie!
Nei, e Nierebeckentzündig isches ziemli sicher nid, wüu de hätti o Schmärze bim bisle bzw. Azeiche wie bire Blaseentzündig (und die kenni ja guet) u das hani nid... sie het ou Bluet und Urin ungersuecht und dert hets keni Azeiche ufne Entzündig Aber was sehr schreg isch, dr Schmärz isch überhoupt nid bewegigsabhängig, drum hani irgendwie nid zGfüu, dasses muskulär isch oder vom Rügge. Sie het no gmeint es chönnte evtl. Nieresteine si  Zum das gseh müessti ga röntge. I ha vori no einisch aglütte (sie het mer beuftreit, i söu mi uf au Fäu die Wuche de no mäude, egau wie's geit) und d Arztghiufin richtet ihre das jetz us u lüttet mir de när zrügg. So blöd würklech, i hoffe nid i mües da iz weiss nid was für Ungersuechige mache und am Schluss isch de gar nüt und i wirde as Hypochonder abgstämplet Aber wett natürlech o nid irgendöpis Doofs ha. Cha mir eifach die Schmärze nid so erkläre u ha das itz ou scho lenger (sit ca. 2.5 Wuche chunnts u geits).
@Briefmarke: Hm, mues mau luege wases da für Möglechkeite git. Wär würklech no cool.
@Lula: I dänke o, dass da e Ussprach guet wär. Bi mir ha ja o igs gwünscht gha u sie het nüt gseit u wie sech när het usegsteut, isch vo ihre o eidütig Bedarf gsi, es paar Sache loszwärde... u wenn du e Ussprach wünschisch, isches nötig, ob sie das itz o so gseht oder nid!
Ja genau, sie wo ir Pfleg schaffet mäudet sech die Wuche bi mir u git mer aui Termine düre, wo ihre im Septämber und Oktober göh u de luegi mit dr angere. Hoffe ja schwär, mir finde öpis!
@Squishy: Oh nei, wüsst dir de, werum dr Pastor viune angere het abgseit? I hoffe fescht für euch, dass er euch nid o abseit!
|
|
|
|
|
|
12.08.13 14:36
Lula
|
Re: Bräute 2014
@Taeboyana: Du gspürsch ja ob Du Schmärze hesch, oder nit. U we si Dir närne wüescht säge, wüu de zlang hesch gwartet oder so isch ja ou Quark. Het sech Dini Ärzti mittlerwile gmäudet?
Anschinend gseht si da ziemli anders, es isch no überhoupts kei Antwort cho. Aber i wirde mi jtzte usschwige bis am Samschti, u süsch isch de haut päch gsi, wenn is Kleid scho ha.
Momou, das klappet sicher! Wo hie wotsch de ga gugge?
@malinchen: Das wetti ja würkli, aber si anschinend würkli nit. Aber wie scho ar Taeboyana gschribe, i warte jtzt mau bis am Samschtig, wüu i muess ja mire Stiefmuetter ou Bscheid gäh. U süsch isch es de eifach so
Ou cool!! Wenn u wo geisch de hie? Nimmsch TZ mit, oder no sMami?
|
|
|
|
|
|
|
|
12.08.13 15:35
_janedoe
|
Re: Bräute 2014
@Taeboyana
Ohjee, gueti Besserig nomal. Isch doch müehsam!
@squishy
Ou, hoffentli müender da niemer neus sueche. Mini TZ seit au immer wider, dass sie sich de nöd so sicher isch, ob euse Pfarrer no isch bis nächst Jahr, will er inzwüsche fast jedi Wuche i de Klinik wo sie schafft zur Untersuechig muess :/
No ganz viel Glück für dini Prüefige!
@Lula
es persönlichs Gspröch zsueche und über das Trauzüüginsii rede isch sicher de bescht Wäg. Au wirkli um Missverständnis z vermiide. Unter Umständ beschäftiged sie im Moment de Job usw. au stark, dases wirkli ned Absicht gsi isch...
@malinchen
willkommen zurück! Dini BikeFerie töned ja suuuper
@Briefmarke
Briefmarke werdemer au selber drucke, aber ich ha jez gmeint, dasmer die nur ufd Etikette cha drucke. Aso gaht das au direkt ufs Couvert?
@me
Schwiegermama in spe isch no bis am Dunnschtig Abig da. Klar, uf ei Siite isches mega schön will mier eus wirkli nur 4-5 Mal im Jahr gsehnd, aber ich finde 10 Täg trotzdem meeega lang will mier keis Gästezimmer hend und sie demnach i de Stube 'wohnt'. Zuedem hed sie jez no en Hexeschuss igfahre und chund ned zu dere Wohnig use. Mega schad, willmer ja de See vorem Huus hetted. Chilbi isch au no bi üs aber ebe.
Defür isch sie total interessiert und will alles vo de Hochziit wüsse und gseh, was mier scho alles vorbereitet hend usw.
Am Samschtig simmer bi mine Eltere gsi mit ihre und hend sie denn au direkt dett glah, mini Muetter hed sie denn spat am Abig heibracht. Finde das sooooo toll, dass sie sich so guet verstönd
|
|
|
|
|
|
1 .. 156 .. 309 310 311 312 313 .. 655 .. 997
|
Anmelden
I ha am Friitig ganz fest aah dii denkt!! I hoff du hesch darfe en wundervolle Tag verbringe und dass no schöner worde isch wiä ii diinä Tröiim! Bii gspannt uf ä Briicht vo diir. Good luck und en gnussvolle Ehestart! Gratuliärä herzlich!!
Aber ii frag mii, ob da unser Drucker chan. Und bii miim Drucktalent wär denn d'Marke wohl uf dä Rücksiite vom Couvert 
Fragi denn mol mii GG wenn's sowiit isch...
I hoff mii GG lüütet mal aah, denn muän iich ned 