nicht registriert

Guätä Morge mitenand

Mengmol isch do innä wiiä usgstorbe

Sasileu: Das isch dä Schicksal laufet ihr eu zuäfälligerwiis innere grosse Stadt über dä Weg! Diiä Ziit tönt würkli hammerhart. Schön dass do druf ä froiidigi Ziit folgä darf! Ich hoff mittlerwiile gots diim GG besser? Heeyya, ihr hürotet jo am Tag wo iihr zämächo sind! Das het ja ä wunderschöni Bedütig für eu! Miir hend au äs Budget bii 25'000.-. Bi richtig erstuunt dass es gliich so viil isch... I ha dä Idruck mir hend no voll wenig. Eh Location provisorisch reserviert (wo mir aber umbedingt möchtet ha) , ä prov. Gästeliste, Budget, sind aah dä Homepage, ä prov. Kiirche und en prov. Pastor, ä prov. Fotograf, ja es prov. Kleiid hani au und Schmuck etc. und natürli unser suuper TZ-Team.
Miir hend au viil Vergliichä und au chlii im erwiiterete Kollegekreiis gluägät, wer sini spezielle Talent iisetze möchti.

Lula: Miir hend beiidi fest demit grechnet, dass es grad ä definitivi Absag giit. Will miim GG dä Pastor so wichtig isch, nimm ii aah, het er das niiä welle ghörä. Jetzt sind mir eiifach schomol froh, isch es no keiis neii und hoffet eiifach fest, au für ihn, dass sini Situation wiider besser wird.
Aaah, was dini TZ wott sich ned usspreche? Ganz ehrlich, ii würd wohl richtig böös werde Ich druuck diir dä Duume das alles besser chunt! Yeaaah's d'Ringe siind scho doh! Ä suuuper Nachricht! Viil Vergniägä bim Gravur usdenke

janedoe: meeega herzig wiä er mitdenkt und mitwirkt! Wiird siicher eh suuuper Zahbehandlig zweiite!

Taeboyana: Gratuliärä zu euem Termin ii ha leiider keii Vorstellig, wiä lang so ä Termin geiit. Im gegesatz zu allne anderne het ii gsaiit, da got doch siicher. Am Morge es Gschäft und am Nomittag s'ander. Aber ebe, ii ha keii Erfahrig Aber d'Lus het scho recht, chöntisch d'Vorfreut aah zweii Tag gniässä

Me: I ha gester mii GG überzügt, dass miir wiiter machä söllet und zwar miteme fixxe Termin. Er het scho immer gfunde, ja stimmt da machet mir no. Jetzt hend mir aber gsaiit, dass am Sa-Morge ned bis am Mittag usgschlafe wird. Sondern dass mir wiiter planet. Er isch recht verschrocke, wo iich im alles ufzählt han, was ii machä will. Dezue ghört: Kiirche endgültig reserviere und dä gewünscht Zettel usfüllä, ans Apéro denke und d'Lüüt afrage, Gästeliste erneuere (will nach Australie giits neui Lüüt wo druf müänd und Lüüt wo ii weg will ha ) Unser TZ-Treffe ii dä Location plane, damit mir diä nachher endgültig reserviere chönt, Musikleute afrage, unseri Homepage vollende und bii unserem Fotograf nomol nafrage und nacheme Engagement-Shooting frage, damit miir denn Karte chöntet afangä. Mir werdet chum alles aah sebem Morge mache chönä, bin aber froh, wenns mol wiider vorwärts got

Ha denkt nur churz go luägä und denn wiiter lerne, jetzt han ii gliich fast ä halb stund brucht

Hebet en guätä Tag

@canella: i dänkes, sie si da haut im Büro chli sträng. 2 Std. tönt guet I wirde uf au Fäu mis Budget grad vo Afang a kommuniziere, wett würklech nid meh usgäh für es Chleid, wome nur einisch cha alege...

I fänds eigentlech no schön, 2x chönne zga... Mis Mami wett gloub eigentlech o no gärn mitcho und isch denn im Oktober ide Ferie... Mit ihre chönnti vielech guet o scho früecher ga, wüu sie flexibler isch, aber de hani "Angscht", dassi när scho eis finde und mit de TZ wotti unbedingt ga, die freue sech o beidi mega druf.

@Squishy: Ha o dänkt, hüt isch mega ruhig... aber es hocke äuä nid aui dr ganz Tag am PC wie ig Mueses jetz no chli uskoschte, isch rächt ruhig im Momänt bi mir und weni de dr neu Job afa, isch de eh öpe fertig mit Forum

Sehr guet gmacht Mängisch muesme das bi de Manne. I bi o die, wo d Planig im Griff het und seit "itz sötte mer de no das und das", aber är isch immer drbi und zwüschine gib ig ihm de eifach so sini "Ämtli" Zum Bispiu bi de Ringe heimer vo Afang a gad si Kontakt agäh u de heisi o ihm geng aglütte hehe. Ha gfunge, schliesslech heiss ig ja när glich wie är, de isch das doch gad eifacher, we sie sech nur ei Name müesse merke I gloub d Manne erchlüpfe mängisch chli, we sie gseh wases aus vorzbereite git u wasme no sött. I gloub aus im Zämehang mitem Menu (Uswau, Probeässe etc.) gibi de o grad ihm ab, das isch sis Metier und für ihn äuä mit zWichtigschte am ganze Tag Abgseh vom 1. Momänt, woner mi gseht, hoffentlech

nicht registriert

Genau hüt wo chlii tote Hose isch, het ich viil Ziit zum schriibä Aber chönt jo ned alli am PC hänge.

I het globs au chlii schiss zum vorher goh. Will d'Wohrschinlichkeiit,dass diich in es Kleiid veriäbsch, isch doch relativ gross. Viellicht nützts wenn diiner TZ mitteilsch, dass vorher go wotsch. Wills jo genau usverkauf isch. Da macht priislich amigs scho en rechte Unterschiid. Viellicht schuuflet sii sich dä seb Tag den frei oder het Verständnis.

Er het im Moment au viil anders im Kopf als unser Hochziit. Isch au klar. Er het direkt nach siiner Akunft innere neue Schuäl agfangä, muä siich dert iilebe und gliichziitig isch er immer nonig ganz achooh. Het nonig allnä chönä "hoii" sägä und ii bii scho voll im Planigsrausch. Isch scho klar, iisch da gad chlii viil. Will vor Australie het er suuper mitgmacht und au jetzt bii dä Location iisch er immer total debii gsii. Er wiird da scho guät machä

Wenn gönd eiigentli eui Männer uf Azugssuächi? Mii GG het gmaiint, da het jo no biis nechst Juni Ziit (und miir hürotet im Juli). I bii scho chlii verschrocke, weiss aber nöd ob er da als Spass gsaiit het

@squishy
Mir sind de Azug vom GG scho go poschte. Ich liäbne! Aber hend en nur kauft willmer zDütschland gsi sind und ned gwüsst hend obmers nomal dett ane schaffed das Jahr und willer es absoluts Schnäppli gsi isch :) Juni schiint scho grad chli knapp, vorallem, fallser no Änderige mache lah muess? Mier hend sGlück gha, dass dÄnderige direkt vor Ort vorgno worde sind und im Priis inbegriffe.

Also falls mal öpper vo eu z DE isch. In Duisburg gits en Strass vo 120 Hochziitsläde sind. Mier hend eus dett de gaaaanz Tag verwiilet. Voll s Traumland

Zuletzt bearbeitet am 14.08.13 12:23