Hoi zämä

Ja mängisch isch üse Thread scho chli usgstorbe...


@Taeboyana: Hie

Aso bi mir geit dHomepage ohni Problem.
I würdi aber ou nit meh aus zwöi Gschäft abklappere, aber süsch chasch ja im September mit Dim Mami gah, u Dini TZ haut eifach informiere dass sis wüssti

Bi üs geits hüet no genua 7 Mönet bis zum Ziviler...


@canella & Lus: Heit Dir scho müesse zahle, oder e Azahlig mache? Gah ebe am Mäntig, u ja...


@squishy: Drücke nedch Düme, dass es klappet mit am Pastor!
Nee, si wott sech nit usspreche, ha geschter no es böses sms vo ihre brcho u weiss gad gar nüme was i eigentli söu.
Danke, mir göh nächste Samschtig rasch uf Thun ga gugge, de hei mir no chli Zyt.

Uh du, das tönt ziemli nach Programm, aber wenn i das liese wird mir bewusst, dass i mi GG ou mau no chli setti uf Kurs bringe, da eigentli ou bi üs no einiges asteit

Wie loufts mit am Lerne?

Wäg am Azug, mi GG het mau gmeint, es längi ja wenn er paar Täg vorher geit ga gugge. I chönnti ne aube I hoffe er geit no das Jahr, eifach so für mini Närve...

Wow, mega schön das Kleid!! Nimm das Agebot ah, u wenns nüt isch, verbuechsches unter "Tagesusflug"


@Jane: Wo geisch de Du ga gugge?

@Lula
ich gah jez mal bi Chez Janine. Bi ja gspannt :)

wow, de isch me churz im Mittag und ab geits...

@Lula: Ach Mischt wäg dire TZ. Was isch de los mit dere? Was het sie dir de böses gschriebe im SMS? Chunnt sie itz dämfau nid mit cho ds Chleid choufe? Bi de gspannt ob de uf Ahieb öpis findsch wo dir gfaut. Zeigsch de es Biudli?

@janedoe: Merci fürd Nachfrag. Es geit, ufem Bürostuu isches eifach immer rächt unagnähm und i gspüres immer, aber i hautes us... Bi am Mittag bi mim Mami gsi und sie isch froh ganis no ga abkläre. Vielech isches glich eifach e müehsami Zerrig oder öpis, abr das geit normalerwis schneuer wieder wäg.

Cool mitem Termin, das geit de gar nümm so lang! Muesch de vrzeue. Ha scho viu Guets ghört vo däm Lade, aber isch haut für mi nid gad ufem Wäg...

@squishy: Wes nur um das pinkige Band geit, würdi mau luege ob de uf etsy vielech öpis findsch, das chame ja separat drzuechoufe. U we ds Chleid süsch schön fändsch und würd passe u vorauem gschänkt bechunnsch... lug mau hie z.B.: http://www.etsy.com/de/search?q=wedding%...&ship_to=CH
Die gits i aune verschiedene Farbe und Materialie.

Viu Glück bi dire Prüefig hüt! Bisch de när fertig oder studiersch no witer? I findes mega bewundernswärt, so Päärli wo no ir Usbiudig si und müesse lehre und drnäbe no es Hochzit organisiere... i hätt i mim Studium niemaus chönne es Hochzit finanziere...

Bin auch da

Danke ihr Liebe, ich bin au froh het sich das klärt! D’Iladige sind acho und mir freued üs sehr über di liebe Reaktione.

@Sasileu: Herzlich wilkomme, schön vo dir z’lese und Gratulation zur Verlobig. Wie gohts dim Verlobte jetzt noch dere Operation? Er isch sicher uh froh hetter dich gha wo a sinere Site gstande isch i dere schwierige Ziit.

@Squishy: Wenn isch dini Prüefig und was isches für eini? Oder mehreri?
Ich finds guet dass du so e gnaui „To Do – Lischte hesch“. Denn chunnt mer nämli guet vorwärts und denn machts au Spass. Min GG het amigs au chli brucht dass mir en fixe Termin abgmacht hend…DENN machemer DAS

@Janedoe: Ach sooo…ich han scho „Wunschring“ googlet und denn isch ebe so was cho, aber die hend alli nöd so nach Ehering usgseh. Heschen no guet im Chopf fallsen nüm findsch?
Dankeeee, dFreud isch au bi üs riesig, sind aber nöd StD gsi, sondern würkli scho di richtige Iladige (goht jo keini 8 Mönet meh bi üs).
HAHAHA…etz hani grad das mitem Bleaching glese – die Härte! Prima, und beidi strahled um dWett…yesss
Juhuuu, de Termin isch scho bald – muesch nur luege, so en monet goht uuuh schnell verbi

@Lula: Juhuuu…sinders scho go hole? Ah d’Gravur fählt no (stiiiiiimmt, die müemer ihm auno per Mail schicke, üsem Goldschmied) Ich weiss nöd ob mir ganz fantasielos dVornäme und s’kirchliche Datum wähled….
Gits öppis Neus vode TZ?
Wegem Kleid, ich han d’Hälfti müese azahle und bide erschte Aprob zahli denn gad di ander Hälfti.

@Taeboyana: Am 10ni los und is erschte Gschäft, denn go Zmittag esse und denn is zweite Gschäft, isch doch toll. Jo stiiimmt, übermorn imene Johr. Das hani gar nie chönne sägä

@jane: ig ou...


@squishy: heieiei , das isch aber nit guet. Närne si no mir tschuld, wenn de nit mit bestnote abschliessiesch

U wenn de eifach no ne pinki Schleife dratuesch? Oder mit are Schnidere guggisch, ob me dBlueme chönnti ifärbe, oder so? De hättisch pink us Kleid vo Dire Schwoscht (findes aso es Hammer Gschänk!! )

Ja, so chame däm gloubs ou säge. Bi de gspannt, was mi GG hinech meint, ha ihms geschter gseit, u mir hei beidi gseit, mir löhs la sacke u gugge aus hinech.
Merci viu mau, squishy! Das hani mir ou scho überleit, aber i has zGfüehl ihre wäri gad no das glich, si het schliesslech gschribe, si mögi nit über öbis stürme wo ihre nit wichtig isch...!?! Üses isch Glace, aber da i nit Outofahre hani fascht e Stund zu ihre! U ebe, für eifach so rasch vrbi, isch es ebe doch chli viu. U so wies im Moment isch, brächtisis fertig mir säge si heigi jtzt kei Zyt, etc.

Hmm... So Planigstäg si ihm aube Suspekt... Aber ebe, es muess si, wirde morn u am Fritig mau ufschribe, was no so fäuht u mir unbedingt sette mache


@Taeboyana: I weiss ächt nit was los isch, i mein, si chönnti ja ächt mit mir rede, wenn würkli was isch, aber ebe, si wott ja gar nit! Si het mir zum Vorwurf gmacht, dass si no nit weiss, wenn dass i dr Termin ha, het gmeint, dass si a ihrne freie Täg aube schnäu abgmacht het (mir hei bereits ändi Juli dIdee gha, vom ne gmeinsame Träffe...), dass si am Obe nit no chönni abmache, da si am Morge am sächsi ufmuess (müesse gloubs no viu, u chöi am Obe no eis gah ha) u was mi am meischte troffe het isch, dass si gschriebe het, dass si nit über öbis wott stürme wo für si nit wichtig isch
I weiss es nit, ha ihre gschribe, i sägi ihre bim ne Träffe gärn, wenni gah (sie weiss, dass es nächst Wuche isch), aber ebe, si wott ja kei Zyt ha, u wenn si a ihrem frei aube so rasch verplanet isch, hätti se am Mänti überhoupts no Zyt?! U haut ebe, dass i ziemli enttüscht segi über ihre Kommentar, dass es ihre nit wichtig isch, zumau si ja TZ isch, u ebe, wie de das isch, wenn si eh kei Zyt heigi, so in Hisicht ufs Hochzyt...

Äuä de scho, aber eis wo ni närne umi lösche...

@janedoe: vielech wirdi eifach aut Normali Abnützig? Wie aut isch dini Arbeitskollegin de? Wär ja eis, we sie 70i wär oder irgendwie ufem Bou schaffet, aber süsch...? Nei im Ärnscht, i ha bis itz praktisch no nie i mim Läbe Rüggeweh gha und i tue eigentlech o viu füre Rügge i sportlecher Hinsicht und heig o e starki Rüggemuskulatur (het d Ärztin ämu letscht Mau gseit), drum dünkts mi scho, sigs öpis Angers. Aber i wirdes ja de am Mäntig gseh.

@Lula: das isch würklech sehr komisch und fruschtrierend. Wieviu het de dini TZ bis jetz afa gmacht für eues Hochzit? I wär da langsam aso o chli skeptisch... Aso dä mit sie cha am Abe nid abmache, i weiss ja nid... i stah o jede Tag am viertu ab sächsi uf (u die Viertustund meh macht gloub dr Brate o nümm feiss) und ha geng jensti Sache abgmacht unger dr Wuche! Oder schaffet sie de so lang am Abe?

Darfsch dis Biudli natürlech när scho wieder lösche, Houptsach mir dörfes gschwing gseh