@Lula
Has denn gad gseh gah...

Uiuiui Das hett mir mega weh gmacht will es chunnt de wirkli langsam so übere, als ob sie eues Hochziit gar nöd interessiert. Ich verstah dini Sorg absolut, ob sie denn Ziit hed es Hochziit mitzgstalte. Vlt isch ihre au ned bewusst was uf sie zuechunnt? Das mit dene TZ findi soooo schwierig. Will mer so oft ghört dases zu chline und grössere Problem chunnt und Fründschafte drunter liided
Und das sie jez grad gar ned wott mit dier zemehocke mit so Usflücht isch au chli komisch. Vlt probiersches mal miteme Brief oder Mail? Wenns andersch ned gaht? Dett chönntsch de wenigstens dini Sicht uffüehre und au mal schribe was dier am Herze liit?

@Taeboyana: Mir hei es erscht TZ Träffe gha, u de eifach aube so chli quatsch, aber süsch, ämu wüssti vo nüt. Mi GG gseht hinech si TZ u de fragt er dä mau, ob si zwöi Kontakt hei, aso TZ unterenand. Si het mir ja bide Kärtli wie ou bir Konfi wöue häufe, ha de beides säuber, resp. mit Hiuf vo mim GG gmacht... Mir hei üs scho denn ufgregt, zumau wo dKärtli si fertig gsi, seit si so, i hätti dr dänk de sch ghulfe. Aber ebe, ha ou da meh aus einisch gfragt...

Ja, ebe, mi GG steit ou am Morge am haubi siebni uf, u dr Wecker tschäderet ou am sächsi, u glich cha ner am Obe mau wäg, logisch nit au Obe bis Mitternacht, aber ja... Gloubs bis am haubi siebni, aber mit 1,5 Stund Mittag...

Guet, de heit dr e Chance, sofern mir dörfe fötele...

@daenu
Ich tue de doch am gschiedschte mal sFöteli ine wenni deheime bi. Isch en Ring us Wiisgold. Mit Steinli und chli Fuege (nei eigentli kei Fuege, weiss nur grad keis bessers Wort) Eigentli nüt speziells. GG wett de so gern. Irgendwie wett ich aber immer meh eifach an schlichte goldige Ring ohni irgendwas... Das findet er aber ganz schrecklich a sinere Reaktion a :D
Also ich liese immer alles. Gwundernase halt

@Taeboyana
D Arbeitskollegin isch 31i. Han denn scho au gstuunt. Soooo alt isch ja das nid. Guet de Arzt hedere jetzt gseit, dass sie muess Sport mache, das tued sie nöd. Aber nur wege dem hed mer sicher nöd es schwerwiegends Ruggeproblem. Hach de Körper. Ich quäle mich feng fascht jede Tag mit Kopfweh ume. Es isch sooooo müehsam. Gester hani no e Linseapassig gmacht und nach zwei Stunde hemmer de gfunde die Linse woni dinne gha ha sind passend aber hüt Morge hani sie chum zwei Stunde chönne dinne lah willmer so übel worde isch und s'Chopfweh hed de natürlich au grad wider 'sali' gseit

@all
Frage: Wieviel Freitäg chömed ihr vom Gschäft über fürs Hochziit? Und chömed ihr das zweimal über, also für s'zivile und s'kirchliche?

Zuletzt bearbeitet am 14.08.13 16:40

@Taeboyana
Nenei, das liit gar nöd a de Linse, das isch jez eifach de Fall vo hüt
Vor drüü Jahr hani sooo schlimmi Migräne gha dasi 3 Mönet lang alli paar Tag im Spital gsi bin. Da hani 2 Mönet lang ununterbroche Migräne gha. Han Sprachstörige, en halbsiitigi Lähmig und die gängige Näbewirkige binere Migräne gha und wär wirkli am liebschte gstorbe. Nachher heds de langsam chli besseret und isch stetig ufwärts gange. Inzwüsche hani vielleicht no zweimal im Monet richtigi Migräne, aber s'Chopfweh scho wirkli oft. En Grund hed mier bis hüt kei Arzt chönne nenne. Bin damals i 4 verschiedne Spitäler gsi und bi über 10 Ärzt. Und kein Schritt wiiter. Es isch so frustrierend Drum stimmt scho, die Ärzt möched sichs scho oft eifach. Mer weisses de eifach nöd. Mini Muetter isch amel schier duredreiht, ich cha mich a ganz viel gar nümme erinnere will ich zum Teil völlig wegtrette bi. Aber ihre hend immer gseit das seg halt e Migräne, sie müess sich kei Sorge mache.

Zuletzt bearbeitet am 14.08.13 16:58

@Janedoe: Ja das isch glaub am beschte. Freu mi ufs Bild. Ich find es söll au chli alltagstauglich si…ich wetten jo au immer aha. Mir hend au wissgold und bim Goldschmied hend mir denn alli gelbgoldige so guet gfalle
Aber ich wetten ebe über de Verlobigsring chönne alegge und drum passt eifach nur wissgold.
Du Armi…Kopfweh findi ultraläschtig. Und bi dir chunnt Kopfweh oft vode Auge? Ah etz hanis grad glese. Ui das stell ich mir mega schlimm vor. Hesch scho vieles probiert? Ich bin eini vo dene wo eher zum Naturheilpraktiker goht als zum allgemein Mediziner. Ich find eifach es isch nöd nur es bekämpfe vode Symptom, sondern die lueged eim ganzheitlicher a. Im Körper hanged soooo vieles zämä!!!
Ich hürote ide Ferie…aber im Gsetz stoht: für Hochzeit 2 Tage. Ich nimm a eine zivil, eine kirchlich.

@jane: Mir heis ja scho bevor i se gfragt gha, öbe übers Hochzyt gha, daher...
Das mit am ne Brief hani scho mau versuecht, u dass het denn zure ewigs lange Funkstilli gfüehrt.


@dänu: Ja meistens, oder ämu zmingst rasch überflige wenn i gad kei Zyt ha...

Uh das tüscht! Hättisch mi geschter söue erläbe. Ha enormst Müeh mit ihrem Verhalte!!
I weiss es nit, aber wenn se süsch öbis belastet, oder iwie was isch, chas si mir das ja ou säge, es isch ja nit so, dass für üs näbscht am Hochzyt nüme zählt! Ohja, säg nüt, i chönnte ihre dr Haus umdrähie, aber was hani drvo, nüt...
Ha irgendwenn müesse lehre, dass es nume Närve kostet, sech ab sernige Lüüt ufzrege, u ne Beachtig zgäh, logisch närve ig mi aube ou, u logisch geit denn mis Temperament mit mir düre, aber es git ou i mim Läbe Sache wo mi meh belaschte wie si, auso... U weisch, dür das ganze Roucki eifach viu meh, ou nit gad unbedingt di beschti Lösig...


@Taeboyana: Jep, u wenns derte nämli gad glich louft, de gits es Telefon u de muess es Träffe gäh, wo de viellech gad Fakte gschaffe wärde.

Logisch, i ha vor 5-10 Jahr ou düregmacht u mir isch guet gange, oder de bini nach 2 Stund ga schaffe u ha kenner Schwierigkeite gha, aber so 10ni-11i isch ja no nit so zProblem, oder? U es muess ja nit au Abe si, sondern eifach mau so zum chli gugge, wies isch, was louft. Wüu de würdi si ja ou so Termine mitbrcho, etc.

Ihri Prioritäte liege äuä gad ganz nöime anders, wüssti nume gärne wo...


@jane: Das mit dr Abnützig isch ja ou no quer! U das bi Dire SchwieMu tönt ou nit würkli so gsund! Aso mängisch fragi mi aso durchus chli ab denne Ärzt
Isch ja mega schlimm bi Dir mit dr Migräne? Spezialischte gits da nit? GG u i lide ou öbe, aber de nähme mir e Kapsle, u meistens nützt, u süsch göh mir haut aube zBode