Hey dir liebä... =)

@Squishy: Also i findä das Chleid wo du becho hesch ou troumhaft!Aber ä Schleife würd sicher guet dranne usgseh. I würd das gloub sälber probiere dra z mache. Oder süsch würdi zunere Schniderin gah, die chönnt das sicher änderä! I fänds no ä cooli Idee, de hättsch no öpis Pinks dranne und ds Chleid wär när ou würklech individuell, wöus ja eigetlech dini Schwoscht genau so treit hät wies jetz isch...
Drückä dir ganz fescht d Düme für dini Prüeffig, chunnt sicher guet!!!

@Lula: Oh je, das tönt ja gar nid guet mit dinerä TZ!!! Also hani das richti verstande dass du DÄ MÄNTIG geisch ga Chleider aprobiere und sie het no nid gseit ob sie cha mitcho oder nid??? Und dass sie gseit het, sie heig kei zyt für sache wo sie nid intressiere findi ja ou unterschti! Duet mir mega Leid, dass du di mit somnä Gstürm muesch umeschlah statt di eifach chönnä druf z fröiä!

@Azug GG: Er geit äuä de afangs Jahr mau ga luegä, hürate düe mir ja de im Juni. Er het eigetlech allei wöuä ga mit sine TZ. Jetz het er geschter gad gmeint, villecht wärs de glich no guet wenn i würd mitcho.

@Taeboyana und Janedoe: ooooch, wünschä öich beidnä gueti Besserig! Tönt ja ächt müehsam...

@Chleider aprobiere: Auso i ha jetz eifach 2 Termine pro Tag abgmacht, jewils einä am morge u einä am nami... Weni am erschtä Tag scho es Chleid finge, chani ja de die zwöi anderä Termine immer no absägä.

@me: i ha grad chli viel umd Ohre, wies halt so isch nach de Ferie... Drum bini ou gad nid so fliissig im Forum Fröie mi scho wieder ufs Weekend!

Ich bin 7 Jahr inere eher schwierige Beziehig gsi und ha mich mega verantwortlich gfühlt für de Maa. Han genau gwüsst, de isches nöd aber ich ha mich eifach ned chönne löse will ich Angst gha ha das er zerbricht. Nach de Trennig hemmer no 4 Mönet zemegwohnt will ich vom schaffe her nöd ha chönne zu mine Eltere/Kollege und er uf kei Fall hed welle uszieh. Denn bini am 1.Oktober endli uszoge und a dem Abig heds agfange. Will de Körper die Lascht denn nümm hed müesse träge, heder Platz gha für anderi Sache und so isch denn wohl die Migräne über mir ibroche. So isch d'Sicht vo de Ärzt. Das lüchtet mir au absolut i. Wieso das au Jahre spöter no da isch cha mier leider niemer erkläre.
Ich han Akupunktur, Homöopathie, Handuflegge, Farbtherapie und suscht no so Sache wie Lebensberatig und so probiert. Es hed nüt agschlage. Dur das, das ich ja ime Biofachgschäft schaffe hani natürlich au ganz viel Alternativi Tipps vo Chunde becho und einiges usprobiert.
Bin au bi de normale Schuelmediziner gsi. Min damalige Huusarzt hed nach zwei Wuche gseit, das ich luut Schuelmedizin jetzt sicher kei Migräne meh cha ha und er mich drum nöd wiiter chrank schribe wird. Hettem am liebschte ufe Tisch kotzed. Im Unispital Züri hends mier denn en Betablocker verschribe woni jez s ganze Lebe lang sött neh. Ha das so es halbs Jahr mitgmacht ohni Erfolg und ha s'Gfühl das schadet mim Körper meh als dases hilft. Zumal ich ja nöd Herzchrank bi. Jetzt bini bime Naturheilarzt, er isch super, cha mier zwar au nöd helfe aber er verschribt mier wenigstens ned 100 doofi Medis sondern versuecht mit pfalnzliche Sache und Rueh dehinter.
So, jetzt kenneder min Leidensweg Sorry fürs jammere!

@ daenu
Merci! :) mini Chefin hed ebe gad gfragt wege de Täg. zwei Täg findi okay. Bechunnsch de du die Täg nöd 'guetgschriebe'?

@malinchen: Ja, i ga am 19te, aber nei, si weiss gloubs nit, dass es dä Mäntig isch, oder ämu nit Bestätigt. I wetti se zersch gseh, zum zämä rede uf Grund vor Situation, ha kei Luscht uf Drama. Muess ja nit lang si, aber si wott gar kei Zyt ha. Aber ob si Zyt hätti, weiss i nit, si het ja gschribe, si heigi ihri freie Täg aube rasch plant!

Oh jöö , isch ja mega härzig! GG wird wou mit sim TZ gah, wobi mini Stiefmuetter het eismau gmeint, si gieng de süsch scho mit, si wüssi ja de wies Kleid usgseht (si chunnt ebe mit bim Kleiderkouf, aber nit mau das weiss mini TZ, si het ja kei Zyt...)


@jane: Hei, muesch Di doch sicher nit entschuldige!!! Mir jammer ja aui mängisch chli!
Hoffe Du chunnsch bau zure Lösig, oder fingsch öbis wo Dir hilft!

Gits Lüüt i Dim Lebe wo Di meh aus einisch verletzt, demüetiget oder verachtet hei? Mir isch es so gange. U irgendwenn isch mir bewusst worde, dass es mir besser geit, wenn i die Lüüt hinter mir lah, u nume no so weni wie müglech, resp. nötig mit ihne ztüe ha, oder ebe ou gar kei Kontakt meh.

Ha ihre hüet Nami no mau es sms gschribe, ha eigentli ghoffet, dass si mir hinesch retour schribt, aber es isch no nüt cho..

Guetä Morge mitenand

I bi neu do sit 1.5 Mönet verlobt und scho voll im Hochziitfieber mir werdend im August hürote. So wie ich do inne gseh, sind jo mega viel scho uuuh wiet mit plane mir händ no nöd würkli viel konkrets... ich wird mol die letschte paar Siite nohlese (für alle hani wohl kei Ziit sorry )
aber finds es mega cools Forum und han jetzt scho paar Tipps / Idee bi mir notiert

Dankeschön fürs Willkommä

also i bin 29gi, min Schatz 4 Joohr älter und mir känned üs im Herbst drüü Johr. Sit fast 2 Joohr wohned mir zema und am 5 Juli hani hoch ufeme Pass dä Ahtrag überkoh mir händ scho vorene drüber gredt, dass mir wend hürote, i han zeimli schnell gwüsst, dä Maa oder keine aber, dass dä Ahtrag no dajohr kunnt, damit hani nöd grechnet... vor ihm hani ä fast 10 Jöhrigi Bezüchig gha, wo ziemli scheisse gsieh isch. Han denn 3 /4 Joohr spöter min jetzige Schatz kenneglernt und do stimmt eifach alles vo hine bis vorne

mir sind im Moment kli am Locations am ahluege, kirchlich hürote werdemer uf dä Insle Ufneau. Denoch möchtemer ines Hotel, well mir ziemli viel Gäst vo wieter weg händ und so gad gnueg Hotelzimmer händ. Hoch im Kurs isch bis jetzt dSeerose am Hallwilersee, sind üs aber nonig ganz sicher.

So da mol vo mir im Moment sobald i mi kli driglese han, wird i denn eu löchere

Guete Morge ihr Liebe

@jane: Naja, no gad chli Startschwierigkeite, aber es chunnt guet. U Du?

Machs nit nume am Körper, sondern eifach ganz Dir zlieb! I mein, es git ja immer e Grund, wiesos dMönsche us Dire Vergangeheit nit i dGägewart hei gschafft!

Wenn i das wüssti... Dr Brief isch aber scho lang här, mir hei iwen zwüsche zytlech kei Kontakt meh gha, u denn isch es hin und her über FB gsi, u wüui dass ha satt gha, hani ihre e Brief gschribe, u de isch ebe ewigs nüme cho.


@Manoa: Hoi u härzlech Willkomme bi üs! Aber Achtung, das Forum macht süchtig...

Mir geits gad wie ar Jane, magsch no chli was vo Dir verzelle?