@Lula: Hm, das schint aus nid ganz eifach z'si mit dire TZ. Isches de süsch eigentlech e sehr ängi Fründschaft? U was het gester dr TZ gseit vo dim GG? Die hei doch no zäme wöue rede?

Hm, was macht äch üsi liebi Sue? Het sie nöime no Ferie itz nachem Ziviler? Bi so gspannt wie sie's hei gha *gwunder*

@Manoa
Schön, dass jetzt din Traumprinz gfunde hesch!
Ischs vo de Insel Ufenau zum Hallwilersee ned uh wiit? Mir händ es Huus gmietet wo mer alli unterbringed. Zahled da für zwei Nächt um die 1700.-, Hotelzimmer hettemer eus glaub nöd chönne leischte

Vill Spass bim nahlese! :)

@Lula
Aso ich bi erstunlicherwiis mega fit Hüt SchwiMu a Flughafe bringe und endlich wieder chli s'alleisii gnüsse. Am Samschtig schaffi, GG schafft s ganze Weekend Nachtschicht und am Mäntig chunnt de scho de nächst Bsuech us Dütschland Mann ich bi Ferieriif... nurno nächst Wuche!

Finde das echt komisch mit de TZ, also ich glaub a dinere Stell würd ich mier nomal ganz guet überlegge ob sie wirkli die richtig für de 'Job' isch. Und sie sött sich das vielleicht au nomal dure Chopf lah gah. Ewigs Nerve bruche für so Sache würdi glaub nid. Baaah, s macht mi richtig verruckt

@Taeboyana
Ui nei das isch ja doof! Und jez chasch denn definitiv nöd gah? Termine gfinde wo allne gönd isch immer sone Sach Blöd! Hoffe iher finded es neus Datum oder chönds mit Einzeltermine irichte.
Wo isch denn dini Traumdestination? :)

Guete Morge mitenand,

herrlich so e freie tag (danke Kanton lozärn) :)

@dänu / mitlese,
ich tun au alles mitllese... es isch amel soviel los das ich gar nid zum schribe chume :)

@freitäg fürs hochzig
S Gsetz git nur vor, dass es die übliche benötigte Ziit muen si, was nid sehr ussagechräftig isch. De Arbetgeberverband schlaht 2-3 Tag vor. I einzelne GAV's (z.b. Platteleger) schribet aber au nur ein Tag vor. Das gilt aber nur einisch, also nid für Zivil und chirchlich separat.
übrigens, wenn öpert ferie igeh het, söttet die tag nid vo de ferie abzoge werde.

@lula
ich hoffe das mit dinere tz chunt wieder guet, ich han en kollegin die het ihri tz us some grund gwechslet, will disi z gfühl gha het, s seg nur chli underschribe, meh nid...

@jane
het din Arzt mal en grinigsabklärig gmacht? ich han das früächer au gha, will mini bluetgfäss chli z eng sind gsi und dur das s blut nid so guet glofe isch.

@manoa,
herzlichi Gratulation zur verlobig und willkomme :)


@all
ihr wo scho chli sind am bruutchleder schoppe, wenn sind amel die usverchäuf?

@me
nöchst wuche chunt mini tz vum sprachufenthalt hei, und de chani de au mal starte :)

@janedoe: Ah cool, geisch ou zur Budget-Brautmode? Bimer das äbe am überlege, gseht no guet us uf dr Website. Super, das wär ämu so dr Zitrum woni würd ga luege

@janedoe: ja das macht Sinn. Vo üs us wärs nid ganz so wit bis Langethal und i fahre ou Outo, vo dämhär wär das scho machbar. U vielech weni eh 2 Termine mues ha so wis usgseht, de chönnt me dert scho no vrbi... aber itz zersch mau abwarte was us däm Termin wird.

hihi durch gwundernaseliste hanich gad festgstellt, dass ich jo scho fast zu dä ältere Garde zell und i kum mir so jung vor zum hürote