@Lula
Hahaha, de Chüehlschrank hed sie übrigens bis hüt ned ufgruumet Ah bi wirkli froh jetzt. de Sunntig ganz allei für mich

Das mitem GG isch sicher schlau. Männer gsehnd das mängisch eifach chli klarer und eifacher.

Ahhhh, stimmt, Budget hed kei Usverkauf, die am tel hed eifach gseit ich söll erst cho wenn die neu Kollektion dusse isch, ned dasi nachher enttüscht seg Die sind ja suscht sehr günschtig.

@Manoa
Man ist so jung (alt) wie man sich fühlt Also ich han immer immer gseit mit 26i möchti hürate und mit 27 s erste Chind. s'hürate klappet schomal... Luegemer mal wies de mit de Bebes isch

En Guete eu Liebe!

Zuletzt bearbeitet am 15.08.13 12:31

@manoa: I bi ou no vor eutere Garde da inne I ha ou geng zgGfüu gha, mit 30i heigi de 2 Ching und itz isches haut nid eso Aber i finde, für üs stimmts genau eso jetz!

@Lula: Ja bi Budget choschtet ja normau scho jedes Chleid nid meh as 799.- So günschtig bechunnsch äuä süsch nid mau im Usverchouf eis...

@jane: de weisch de o gad was ds nächste Projekt isch nachem hürate mir hei ja scho mau gseit mir chöi de gad e Baby-Thread uftue Aber mau luege, obs de o gad klappet.

@janedoe: nei, mir si da es paari Vo mir us chas de nachem HZ o gli mau losgah. Aber äbe, i bi ja o "scho" 30i... füehle mi aber no nid mega unger Druck, hützutags wärde ja viu Froue ersch nach 30i Mami. Aber parat wäre mer gloub beidi I wetts eifach glich chönne chli entspannt agah u de nid sobaud ds Hochzit vrbi isch dänke "itz MUESES gad sofort klappe". Ds krasse isch no, dass mi itz rächt viu frage, ob mir itz no vorem Hochzit wöuge...? Hallo?! Damit i när no cha stiue zwüsche de Gäng oder hochschwanger bi u ke Tropfe Wi cha trinke oder mir sowieso dr ganz Tag eländ wär...? nenei, das cha itz o no es Jahr lenger warte.

Zersch isch itz no mi Brüetsch dranne, dert gits im Oktober / Novämber ds 3.

Zuletzt bearbeitet am 15.08.13 13:04

Hey dir Liebä...

@Manoa: Härzlech willkomme bi üs!

@Taeboyana: Nei isch ja mega doof wäge derä STV!!! Muesch de du denn unbedingt det si?

@Lula: Hättsch de no öper anders wo du dir als dini TZ chönntisch vorstellä? War natürlech überhoupt ke schöni Lösig, aber schlussändlech chas ja ou nid si, dass du di nid uf sie chasch verlah...

@Sue: Merci viel mal für di Bricht vo dim Ziviler...

@Janedoe: Ja, ich chönnt ihne jo sägä…ihr händ etz frei will ich ide Ferie eigentlich frei gha het…häh?! Aber weisch, sisch ebe nüm so wie bi üs. „DIE SCHULE FINDET STATT“ heissts hützutags. Weni chrank bi mues dSpringerin unterrichte…
Halte durch…hoff di nächst Wuche goht für dich schnell verbi !
Bim Babythread machi denn au mit

@Manoa: Juhuuu, gratuliere zur Verlobig und herzlich willkomme!
Ich bin demfall au bide ältere Garde…aber es goht mir genau glich wie dir!!!

@Taeboyana: Mir gönd au erscht 3 Mönet nachem HZ id Flitterwuche. Woane gönd ihr? (etz hani grad vo Hawaii glese) isch das scho fix oder noni so konkret?
Ja stiiiiimmt…muesch bisam 31.Okt schaffe am alte Ort oder hesch vorher no chli Ferie/Überziit?
Ou nai so doof dass etz dis Gschäft no was gege de freii Tag het *grml*

@Lela: Ich chan kei Ferie igeh als Lehrerin. Mir hüroted eifach ide Schuelferie.
Wenn dini TZ heichunnt leggeder grad los mit plane oder wetsch au grad go Kleider ussueche?

@Sue: Oh je du Armi…es goht imfall recht ume! Hoff du bisch wieder ganz ufem Damm. Mues noher grad din Bricht go lese. Bi jo so gspannnnt!!!

Guetä morgä mitenand!

so, hüt hani ä gmüetlechä Bürotag vor mir woni ou mal wieder chli im Forum cha umesurfe...

@Sasileu: Mir hei je 2 TZ, jewils die besti Fründin und dr Brüetsch. Mir hei üs nur schwär chönnä entscheide und drum eifach es OK mit 4 Lüt gmacht... Bim Ziviler (hei mir scho das Jahr gha) hei d Brüetschä unterschriebä, aber süsch nähme eigetlech aui die gliichä Ufgwabe wahr, resp. chöi sie säuber unter sich chli ufteile. Sie und ou mir si mega zfriedä gsi mit derä Entscheidig bis jetz.

Isch ja mega lustig, dass dini TZ sich jetz ou verlobt het. Bisch de du när ou bi ihre TZ?

Hihi, wedä di no meh da im Forum umetummlisch fingsch wahrschinlech fasch meh Ideeä als ar Hochzytsmäss... Mir si das Jahr scho gsi, und es isch es luschtigs Erläbnis gsi. Aber süsch hei mir nid wahnsinnig drvo profitiert.

@dänu: Ja gäu, das isch sone Sach mit denä Schuelferiä... Zum Teil si sie praktisch, anderersits wärs scho mängisch schön ou unterem Schueljahr chönnä frei z näh. Heit dir de scho Plän für d Flittis?

@Taeboyana: Hawaii wär sicher ä Troum!!!

@me: Das ghört eigetlech nid da härä, aber mueses glich schnäu loswärde: I ha geschter es Jobagebot becho für ne Stell als Lehrerin (bi ja eig. no im Studium). Es wär 20%, i schaffe näbebi aber scho 35% im Büro, d.h. i wär när total 55% agstellt - u das bimnä Vollzytstudium. I würds sooooo gärn mache, aber es liegt zytlech fasch nid drinne. Dr Bürojob ufgäh liegt finanziell leider nid drin... Aber i bringes fasch nid über mi, det abzsägä. Mann, wieso cha dr Tag nid 48h ha?!

Zuletzt bearbeitet am 16.08.13 07:48