Guete Morge Brütlis!

HÜT GEITS BI MIR NO GENAU 365 TÄG!!!

@Sue: Oh nei du Armi, i hoffe du heigsch die blödi Magedarmgrippe düre und itz Rueh... Zum Glück het die ersch nach euem Fescht agfange!

@daenu: Neî, fix isch no nüt wäge de Flittis in Hawaii, eifach sone Troum woni scho lang ha und GG wär ou drbi... mir (oder vor auem ig ) chöi nid so guet wuchelang eifach nur am Strand liege u nüt mache, da wird ig spetistens nach 2 Tag kribbelig... u uf Hawaii chönnt me haut viu wandere, Vulkän ga aluege etc.

Ig weiss de vielech e Wuche vorhär, wenn asi gnau cha ufhöre Im Momänt hei sie no ke Nachfoug für mi und anschinend chöme nur unbruchbari Bewärbige ine... Ferie hani äbe scho aui bezoge (mir si ja Afangs Jahr lenger z Oustralie gsi), aber i wett unbedingt no mind. 1 Wuche unbezaut näh. Cha ja schlächt am 31. hie höre und am 1. im neue Büro afa Aber je nachdäm git mer de das no e Sach... i finde, uf die letschti Wuche chunnts ächt nümm drufa. Überzit gits bi üs nid, mir düe nid Zit erfasse.

@sasileu: mir hei glich wie ds malinchen ou je 2 TZ, usem gliche Grund wiu mir üs nid hei chönne entscheide. Wow, hüratet dini TZ dämfau ou gad nächsts Jahr? Dir heit ja würklech no viu Zit. Chöiter i dämfau dr Termin ufem Standesamt scho früecher as 6 monet vorhär mache? Wäg dr Hochzitsmäss muesi em malinchen zuestimme, da darfsch nid auzu viu erwarte... i bi o das Jahr gsi (obwoui no gar nid vrlobt bi gsi ) und bi rächt erstunt gsi, wie chli dass sie isch (ämu die zBärn). Ds Beschte wo'd chasch mitnäh si viu Prospäkte für Idee (Ringe, Chleider etc.) und vielech hesch no Glück bi paar Wettbewärbe.

@malinchen: Mou sicher ghört das o dähäre, mit was hani euch aui scho vouquatschet? I verstah di Klinch u guet, i wär o mega motiviert, das Agebot aznäh und gratuliere dr drzue! Wie viu nimmt di de ds Studium i Aspruch u wie lang hesch no? isch haut schwierig izschetze, wie sech dini Vorläsige när mit de Jobs lö la irichte, oder bisch da sehr flexibu? Und när muesch ja o no az Hochzit dänke wodi im nächste Jahr ono wird i Aspruch näh. U de bim Bürojob uf 20% reduziere, isch das unmöglech? Mi Tag het o meistens zweni Stund

Wägem Ungerschriebe bim Standesamt hani mir gad 1 Frag gsteut: So wie du schribsch, hei bi euch 2 Manne ungerschriebe, oder? Das isch ja nid vorgschriebe, dass e Ma und e frou müesse ungerschriebe, oder? Wüu i däm Fau chönnti ja mini eiti TZ (sie woni am lengschte kenne) und glich no GGs Schwoscht la ungerschriebe?

Guete Morge zäme!!

@Chriesi, klar dafsch frage ha für das Chleid 800.- zahlt im Merys! isch aber Usverkauf gsi - süsch wäris 1400.- gsi! Suechsch du de ou so öpis ähnlichs? Was hesch fürne Grössi?

@malinchen, ize woni di Bitrag gläse ha betreffend Messe isch mir ersch gad i Sinn cho dass mir üsi Kutsche über d Marinatal gfunde hei und üsi Location der Froschkönig ou ha ize immer chli allne gseit wo gfragt hei es sigi nid gad soooo für viel gsi - schön zum luege - aber süsch nid aber ize muesi mi gad revidiere

hmmm betreffend job verstahnis u guet dassdi gluschtet...wäri das de ei fixe tag di 20%?
anderersits würdi ize wo ou no di ganzi Hochzitsplanig immer meh zuenimmt und sicher ou im Studium lieber halt vilicht nid aneh dass du ner nid zviel hesch...?

@Taeboyana, juhui hüt imne Jahr wirsch du äuä scho 3 Stund wach si und nervös so cool weme cha säge es geit nüme meh auses jahr gell?? PS Morn gsehni dini TZ

wünsche euch e super Start i Tag!!!

I ha ebe denkt i lueg ade Hochziitsmess einiges ah,zb Ring will deht eh grad am meiste Goldschmiede umesind und ihri Werk wend zeige...und vorallem weg de Rabatte womer na bechunt,i weiss nämli das zb. vo Marys Brautmode gits ade Hochziitsmess Rabattbons vo 30% das lohnt sich den na,findi.
Aber klar schlussendlich kaufi mis Kleid deht wos mir gfallt und ich das spezielle Feeling ha und nid deht woni am meiste Rabatt ha oder so

Was Idee sammlig agaht,stimmt durch so oder genau das Forum chani am meiste Idee sammle :)
Han gester was entdeckt wo mi voll entzückt het,sonen schöne wiise Schirm(wie die bim Glace,aber grösser) Ufjedefall ebe sonen Schirm mit folgendem bedruckt...Thank You und das inere mega schön gschwungene Schrift.Perfekti Idee für Fotos und nacher natürli als Dankeskärtli.

Wege de TZ ich ha mini chli Schwöster (22) scho u gern aber irgendwie als offizielli TZ mini besti Fründin usgsuecht wo mich scho sit Jahre kennt,glichi Interesse het und vorallem au mich und min GG vo Afang ah kennt :-)
I wür jetzt aber gern mini Schwö zur Brautjungfer erkore,weiss aber nid so will min GG nur öberd het,sin beste Kolleg und da er es Einzelkind isch,ischer au ohni Gschwüsterti.

@Taeboyana: Juhuuuu, öie Pre-Wedding-Day! Gratulierä!!! Ds Gschlächt vode TZ spiut ke Roue, sie müessä eifach 18ni si... Dir chöit auso guet 2 Froue lah unterschribä!

@sasileu: Ja das stimmt, es verteile vieli so Rabatt-Guetschiine u me cha Priise gwinne u so. I ha ou viel Prospekte mitgnoh und gad fürd Ringe luege mir die de äuä scho no mau a. Me hätt ou gad det chönnä Ringe choufe, aber das hät mi säuber überhoupt nid greizt, es isch mir so chli "masseabfertigungs-Mässig" vorcho... Aber wie gseit, es isch sicher ä Bsuech wärt! I würd mi eifach nid z fescht druf verlah, dass de det fündig wirsch...

I finde ou wenn di GG nur ei Person het, chasch du 2 näh... Bi vielnä Paar ischs ja ou so, dass d Froue meh organisierä. De chasch du ja ou chli meh Unterstützig bruche! De chönnt dini Fründin dini Schwo ou chli unterstütze u glich wär sie ibezoge.

@jane: hmm, das isch würkli chli blöd wenn när gar kei Platz meh isch für Darbietige... D Lula het ja ou no Location gwächslet, meinsch nid das wär no müglech?! Es geit ja jetz glich no rächt lang, isch ja nid wie wemä ei Wuchä vorhär storniert...

@me: Ja, es isch würklech ä schwierigi Entscheidig. I ha äbä ade Vorläsige Awäseheitspflicht vo 80% (sonä hohli Reglä) süsch wärs nid sones Problem. Dr Unterricht wär Mäntig und Mittwuch Namitag. Im Büro bini Mäntig morge - das würd vo däm här no passe - und Fritig dr ganz Tag. D.h. i hätt nur no Di, Mi morge und Do woni cha Vorläsige bsueche - wird äuä scho chli äng. I frage mau, obi nur dr Mo Nami chönnt übernäh, das wär super. Aber wenn das nid geit, muesi absäge... Süsch hani nachem HZ es burnout.

ahh sone blöde Seich, das sind gar nöd die Ring... Die wo mier wend sind die:
Isch es blöds Handybild sorry. Da hani ebe dArtikelnummere nöd und findne im Internet nienets meh

@malinchen
Burnout nachem Hochziit wär scheisse. Hoffe du chasches richte mit evtl dem eine Namitag!
D'Location wächsle wär scho möglich denki. GG findets eifach nöd sone tolli Idee will die ganz Gsellschaft vo Dütschland cha i dem Huus schlafe und mier wetted das so oder so phalte, für dÜbernachtige. Denn nomal e Location miete chönnt eifach chli tüür cho

@Lula
Ja plansch mal ohni dini TZ, vlt meldet sie sich ja de vonellei wenn sie merkt dass sie nüt meh ghört. Und lass dier s Chleiderprobiere dur das eifach nöd vermiese!!!

D'Ring sind Wissgold, ha jez aber die 'richtige' Ufeglade

Mier chönd ned anderi Tisch näh, das isch au sone Punkt. Sie sind rechteckig, ich ha unbedingt rundi welle. Wennmer zwei Tische zemeschiebed hend 10-12 Lüüt pro Tisch platz. Mier hend verschiedni Bestuehlige usprobiert. Es U, es E, wild im Ruum verteilt usw. Es bliibt eifach immer eng

Datei-Anhänge

936523_10201780158450762_1493412523_n.jpg (2x) Mime-Type: image/jpeg, 256 kB

nicht registriert

@Lula: Also bim Hostettler hani s Chleid chöne azahle und dr Räscht söttsch innert 30 Tag mit EZ überwise. i bi für die nögste 2 mönet grad ruiniert *urks* säg unbedingt wievil das de wotsch usgeh,bevor de probiersch. hani nämlich vergässe und si het mi nid gfrogt und ams chluss hani s türschte am beschte gfunde und kauf. 1000.- überem budget
Wo i gwüsst ha das is chaufe hani au chöne Fotis mache. Gucksch du Mai-Bräute 2014