@Lula: oh nei, i ha so ghofft, dass das villecht glich no klappt und dini TZ am Mäntig cha mitcho. Aber wie Jane seit, lah dir dä speziell Tag uf kei Fall lah vermiise!!!

@Jane: Hmm, wie gsehts de mitem Umschwung us? Wärs ev. müglech es Zält ds stellä wo dir chönntet entweder für Darbietige oder fürs Ässe nutze? Wie viel Gäst heit dir de und wie viel müesstä Platz ha zum Übernachte?

@Taeboyana: Oh nei, so Trennige si immer ä mega Sach... U we zum emotionale Stress när no drzue chunnt, dasmä no mues züglä und ä nöii Wohnig suechä etc. wird's ersch rächt hert. Wott mir gar nid vorstellä wies mir würd gah wenn mi GG plötzlech nümme da wär (us welnä Gründ ou immer...).

@me: Ja es Burnout möchti unbedingt vermiide... I bi zwar scho sehr Stress-Resistent, aber grad usefordere mues mes ja glich nid. Im Büro reduziere isch äbä schwierig, wöu i teilä die Stell mit mire Kollegin, sie schafft Mo-Do und ig Fr, u de ischs scho guet we mir üs einisch ir Wuche no ä halbe Tag gseh zum Sache bespräche etc.

@Taeboyana
hihi, ich glaub da inne findsch no einigi verbündeti was das agaht

So wirds wahrschinli usecho. En andere Ruum miete und s Huus phalte. Es wär eifach so perfekt gsi will alli hetted chönne trinke soviel sie wetted, mer müessted kei Auto organisiere. Jetzt fruschtets mi eifach es bitzli. GG hed gmeint er macht de nomal e Termin und gaht die Tische mal go stelle.

Machts dir de im Bezug uf dini Beziehig Angst wenn so Sache ghörsch?

@canella
Wieviel hesch de im Endeffekt zahlt für dis Chleid wenni darf frage?

@malinchen
Es isch allgemein chli e blödi Situation, s'Huus staht ime Wohnquartier, das heisst mier dörfed nur bis am 10ni dusse 'Krach' mache.
Es hed im Huus no zwei wiiteri grossi Rüüm womer d'Darbietige chönnted mache. Aber jedesmal zügle isch doch doof oder? Ich cha mier ebe vorstelle, das mal was zwüschet de Gäng bim Esse zeigt wird oder so.
Übernachte wärded ca. 25-30 Persone, am Fäscht sinds (bis jez) 55 Lüüt.

@jane: Hmm, ja da hesch ou rächt wägem Platz wächsle... Meinsch de nid, dass dir es anders Huus würdet finde wo i däm Stil isch? Resp. heit dir scho vieli anderi agluegt gha vorhär wo nid si i Frag cho?
I würd drum scho luege, dass dir würklech zfriedä sit mit öierä Location, isch ja schaad wenn dir öich när Igschränkt füehlet...?

@canella
Ja isch denn doch happig, wenn e tuusiger drunter budgetiert hesch. Aber es gseht suuuuper schön a dier us!! Hed sich also sicher glohnt

@malinchen
Mier hend sooo viel Hüüser agluegt. Und die meischte hend so Masselager zum schlafe, das wemmer nöd. I dem Huus hemmer aber au Doppel- und Drüerzimmer. Sogar Einzelzimmer. Mier zahled so de Gäst zwei Nächt im Huus und chömed uf ca. 2000.-. Ich befürchte mier sind scho alli Hüüser dure wo irgendwie in Frag chömed und gfinded ned nomal öpis i dem Stil. Aber bi immer unglücklicher mit dem Ruum, je länger ich drüber nahdenke. Müend e anderi Lösig gfinde.

@Lula
Denn chönntemer ebe eifach die zwei Nächt nümme übernäh, das sprengt wohl euses Budget
Din GG freut sich doch sicher genau so wie du! :D

@all
Falls öpper Tipps hed für e cooli Location im Ruum links Züriseeufer/Schwyz: immer her damit!

Zuletzt bearbeitet am 16.08.13 13:18

Wege de TZ ich ha mini chli Schwöster (22) scho u gern aber irgendwie als offizielli TZ mini besti Fründin usgsuecht wo mich scho sit Jahre kennt,glichi Interesse het und vorallem au mich und min GG vo Afang ah kennt :-)
I wür jetzt aber gern mini Schwö zur Brautjungfer erkore,weiss aber nid so will min GG nur öberd het,sin beste Kolleg und da er es Einzelkind isch,ischer au ohni Gschwüsterti.

Was de Termin bim Standesamt betrifft,da chönd mir in Winterthur zum Glück scho 12Mönet im vorrus gah,zum Glück.6 findi irgendwie knapp,will falls den dis Wunschdatum nid bechunsch und den mit Resti etc alles umplane muesch.

@Jane: oh, das duet mir gad mega Leid wägä öierä Location... Da hesch natürlech Rächt, dass süsch die meischtä Hüser Masselager hei! Für dütschi Gäscht si d Hotelpriise ir CH teilwiis scho rächt happig, aber meinsch es wäre de vieli nid bereit, das z zahle? Oder ischs bi ihne so üblich, dass ds Hochzytspaar d Übernachtig übernimmt? Süsch würdi gloub egoistisch si und eifach luege, dass öich dr Ruum gfallt, und sie halt de öpis fürd Übernachtig müessä zahle bzw. mit anderä Lüt im Zimmer schlafe.