Janedoe: Oh, das wege dinere Lokation tut mer leid. Ich bin da erst Stilli-Mitleserin. Mir hend Hochziitsplän aber mir sind nonig verlobt. Darum findis selber no chli komisch. Aber ich bin am Linke ZH-See-Ufer ufgwachse und das Huus isch zwar au Masselager "ähnlich", aber es hät so total viel Platz und ich find eifach d Lag mega speziell gsehsch über de halbi ZH-See und het e riise Wise forne drah. Heisst Mistlibühl... Het insgesamt 4 grossi Zimmer mit mehrere Better und ich glaub unterem Dach no einigi Doppelzimmer. Vorne hets no e wunderschöni Veranda... Aber ebe, d Lokation muss eu hald eifach verzaubere! Den isches doch s richtige...
@Lula & @malinchen Mier hürated am Friitg 16.5. zivil und am 17.5 kirchlich. Die meischte reised also am Friitig morge a und bliibed bis am Sunntig. Weiss au ned, mier finded dass sie d Reis ja uf sich nehmed und womer s Huus gmieted hend hed GG natürli euphorisch schochli alli informiert. Und jetzt go sägä 'hey iher müend doch selber luege' isch doch chli blöd findi? Muess am Sunntig luege dasmi mit mim GG mal cha chli rede :/ s frustriert mi jez im Moment eifach mega.
@Chriesi Herzlich Willkomme demfall! Händ ihre denn scho über s'hürate gredet oder erwartisch bald de Atrag? :) sMischtlibüehl wär eusi ersti Wahl gsi eigentli. Aber die sind im Februar 13 scho bis im Oktober 14 usbuechet gsi Will de Umschwung, de Usblick und d Laf dett hett eus meeeega gfalle, dett hättemer definitiv übere Masseschlag hinwegglueget aber ebe, hat nicht sollen sein.
@Jane und Lula: Es macht mir eifach Angscht, wes Päärli si wo ig zGfüu ha gha, die bringi so schnäu nüt usenang. Dir kennet sicher o so Päärli wo dr dänket, die trenne sech nie. I ha nid Angscht um mi und GG, aber bir einte vo dene 2 isches so gsi, dass sie ke Ahnig het gha und dänkt sie heiges super und är sig dr Richtig, und är het plötzlech eifach gfunge, es stimmt nümm. Sie het ihn sogar zersch müesse frage, was los sig, är heig vo sich us gar nüt wöue säge... U i findes haut eifach beängstigend, dasses äbe o bi settige wome dänkt, aus sig ok, plötzlech eifach cha fertig si Wüsst dr wieni meine?
@Jane: Würklech blöd. Aber i finde o, dass dir nid dr ganze Gseuschaft müesst d Übernachtige zahle... mache mir o nid, würd üs ruiniere! Mir zahle scho beidne TZ-Pärli ds Zimmer, das isch gnue tür aber das isch o as Zeiche vom Dank für aus, wo sie für üs mache. Meinsch bi euch wird das erwartet, dass dir das übernähmet? Oder haut nur 1 Nacht? I fänd o das no grosszügig!
@canella: Wow ja, soviu wetti ou nid usgäh... aber Houptsach du hesch dis Troumchleid und es gseht würklech super us a dir!
@Lula: Hihi gäu, i ha mim GG hüt o gseit (u natürlech scho die ganzi Wuche...) dasses hüt no 365 Tag geit u da heter o härzig glächlet. Am liebschte würdi ihm itz de am 2 es Mail schriebe, wüu mir de um die Zit wärde d Trouig ha Aber vielech gschider nid übertriebe
@jane: ah das isch natürlech doof, dass sie jetz scho vo däm si usgange... Anderersits chönntet dir's ihnä sicher erkläre, i meine wenn's zweni Platz het de isch das ja nid wie wenn dir jetz plötzlech findet "äh nei, mir wei die jetz glich nid ilade! Die söuä gfelligscht sälber luege..." sondern es geit eifach nid?!
@Taeboyana: Ja mängisch cha me so Sache vo "usse" mega schlächt ischetzä... I bi 5 Jahr mit mim EX zämä gsi u üsi Beziehig isch für mi super gsi, i ha scho mitemnä Atrag grächnet - da het er mir när plötzelch eröffnet, dass er ä anderi het kennä glehrt. I ha überhoupt nüt gahnt gha u für mi isch d Wält zämäbroche. Üses Umfäld isch ou us allne Wulche gheit, wöu niemer so öpis erwartet hät. Ersch sit ig die Beziehig mit mim GG ha, merki was denn alles falsch isch gloffe und eigetlech hätt sölle "Warnsignal" si... Jetz bini froh, dass ig das erläbt ha ou wes ä schlimmi Zyt isch gsi. I bi sicher für dini Kolleginne wird sich ou alles zum Besserä wände! Beziehige zerbräche meischtens nid ohni Grund...
@Taeboyana Hahaha, du bisch zviel! Ich würd s Mail schribe!
Ohja, das verstahni voll, dases Angst macht, bi Päärli wo denkt hesch die cha nüt erschüttere. Wenn de animmsch alles isch in Ordnig und du d Zuekunft plansch und de Partner anderi Plän hed wo dich überrumpled. Ui nei. Das wetti mier gar ned vorstelle!
Bir Familie vo mim GG dreiht sich halt scho recht viel um Geld... Ich glaub das isch in Dütschland aber allgemein so, dasmer immer luegt wo mer no cha spare und halt au extrem uf s Gäld muess luege. Wennmer Bsuech hend vo DE hauts die arme Lüüt jedesmal fascht um ab eusne Priise, drum 100.- fürnes Hotelzimmer oder sogar meh wird ihne im Portemonnaie weh mache denki. Denn chunnt no d'Fahrt da ane, das sind fascht 700 km Spritchöschte. Ach kei Ahnig, ich kümmere mich eigentli gar ned so gern um so Sache, bi eher öpper wo seit, ich bruche jez das und das und luege de gar ned so ufe Priis. Aber ich denke es isch e Lösig us zwei Nächt halt nur eini zmache. Ich finde selbscht das no recht grosszügig. Erwartet wirds vo sine Lüüt sicher nöd aber wenn er scho überall gaht go verzelle mier zahleds ischs eifach chli piinlich jez zfinde, ah doch nid
@malinchen JETZT hani Hüehnerhuut becho bi dinere Gschicht. Wow, hert! Und trotzdem isches de Wäg ine wunderbari Gschicht... s'hed wohl müesse so sii :) Hani grad chli s'Wässerli ide Auge. Gott bin ich nah am Wasser baut
Jane: Oh das isch ja extrem usbueched. Gits ja fast nöd... Und wenn jetzt eifach nomal schnell alütisch und ufs Glück hoffisch dass öpert abgseit het? Ich würd also Dumme drucke. Vieliecht entscheided s Schicksal! Würds der also sehr gönne.
Haha, ich han eifach s Gfühl es isch öpis im tue und mir händ jetzt au chli vermehrt drüber gredet... Aber nöd so konkret im Sinn vo Planig sonder dass mers beidi "bereit" sind.
@Chriesi Ich ha scho 3x (!!) aglüte uf guet Glück, ha vorher überleid obi nomal söll aber die kenned mi jetzt sicher langsam dett Vielleicht meldi mi eifach unter eme andere Name
Ja, denn hoffi doch für dich, dass de Atrag bald chunnt und iher mit de Planig chönd loslegge
@jane: Bi üs müesses ou is Emmental cho. Logisch isch es chli blöd, aber hei mir ja u so gha, u Gäst heis sehr guet ufgnoh. Aber i würdi nomau mit Dim GG rede, u närne haut de Gäst e Brief oder es schöns Kärtli schribe u ne dSituation erkläre. Meinsch nit, dGäst wäre glich bereit für ihri Übernachtig säuber ufzcho.
@Taeboyana: Und hesch es gmacht? Mir hei bi üs im Umfeld ebe nit würkli viu so harmonischi Päärli wo ni zGfüehl ha, di göchi nie usenand. Mou eis! Ämu im Kollegeskrei. I weiss, es isch sehr hert, aber es isch haut mis Gfüehl. Ei gueti Kollegin vo mir, so wie mis Gotti, si Götti, u miner Groseltere, aber süsch... Aber ja, i weiss sehr guet was de meinsch.
Hihi, danke! Das hoffi doch... Aber han kein Stress.
Du bisch e Lustigi... Dete 3 mal alüte... Stell mer scho vor wie du d Stimm verstellsch! Hihi! Isch mer no e anderi Idee in Sinn cho... Wenner würdet s Fest bi de Halbinsle Au im Resti mache und d Lüt i de Jugendherberg Richterswil unterbringe. Die isch au direkt am See und e sehr e pflägti und s Resti find uu schön gläge.
Anmelden
Händ ihre denn scho über s'hürate gredet oder erwartisch bald de Atrag? :)
Will de Umschwung, de Usblick und d Laf dett hett eus meeeega gfalle, dett hättemer definitiv übere Masseschlag hinwegglueget 
aber ebe, hat nicht sollen sein.
Wüsst dr wieni meine? 
aber das isch o as Zeiche vom Dank für aus, wo sie für üs mache. Meinsch bi euch wird das erwartet, dass dir das übernähmet? Oder haut nur 1 Nacht? I fänd o das no grosszügig!
Anderersits chönntet dir's ihnä sicher erkläre, i meine wenn's zweni Platz het de isch das ja nid wie wenn dir jetz plötzlech findet "äh nei, mir wei die jetz glich nid ilade! Die söuä gfelligscht sälber luege..." sondern es geit eifach nid?! 
Jetz bini froh, dass ig das erläbt ha ou wes ä schlimmi Zyt isch gsi. I bi sicher für dini Kolleginne wird sich ou alles zum Besserä wände! Beziehige zerbräche meischtens nid ohni Grund... 
Ich würd s Mail schribe! 