munggi: also 1'000.- für 15 Min findi vöööööööööllig übertribä! Das würdi nid zahle, cha ja nid sii... Ds Material cha ja nid so tüür si, und dr Wäg isch ou nid läng!!! Also i cha mir nid vorstellä, dass die alli so tüür si, u es git doch mega viel wo das mache?! I würd uf jedä Fall no witer suechä...

@squishy
95 Biträäg, viel Spass bim läsä :D ich glaub da müessti Stift und Block ha und Notize mache, suscht verlüürtme ja de Überblick :D
'gschnell' überefahre wird da aber ned klappe. Sind ca 700km uf Duisburg. Aber din GG chan ja mit sim TZ en Usflug mache oder so
Schmerze am Chopf, au Zahn- oder Ohreschmerze find ich die allerschlimmste Schmerze überhaupt. En Ziit lang hani wirkli kei Tipps und Ratschläg me möge ghöre, inzwüsche bini wieder offener Handuflegge macht mier e Arbeitskollegin amigs zwüschetdure und wennmer Ziit hend au chli Massage. Das entspannt mängisch scho chli.
weg de Location simmer jez am umeluege was anders uszsueche. Mal luege wie erfolgriich mier da sind. Bin nümm ganz so depri wie vor paar Stunde :)
D'Ring findi au wahnsinnig schön, jetzt müemer nurna usegfinde wo mier die mal live chönd go bestuune.
Gratuliere zum 5er!!
Weg dim Chleid würdis genau so mache wies DU schön findsch! Und wenn e pinkigi Blueme wottsch denn isches eso richtig!
Wettsch denn du richtig grells pink pink oder öppis ime rosa ton? Das Band ufem Bild vo dim Traumchleid isch ja eher so rosa gsi wennis richtig in Erinnerig ha?

@malinchen & @Chriesi
d Location ufem Berg wär sicher meeeega speziell aber ich denk da mal a eusi Omas und Opas wo das sicher nöd soooo geil finded Ich han die jez mal uf dOptione-Lischte drufgschribe :)

@Chriesi
Merci villmal fürs Feedback wegem Pfarrheim. Hmm, mier hend denkt mit Stoff chamer sicher was usehole aber hend de Saal au gar no ned 'live' agluegt. Das wär de scho au irgendwie schad, sone kahle chalte Ruum.
Meinsch nid s'halle gaht weg wenn denn bestuehlt und dekoriert isch?

@munggi
Ui nei, 1000.- sind ja gspunne?! Also das würdi niemals zahle, würd da unbedingt no wiiterluege. Es git doch die siite plan-dein-fest.ch, dett chasch dini wünsch igeh und denn meldet sich die entsprechende Lüüt bi dier? (ich glaub das funktioniert so, has no nid usprobiert)

@all
gsehnd ihr eue GG eigentli erst am Hochziit zum erste Mal i sim Azug?

Hender Fiirabig?? :) Ich muess no bis am 9i und hüt gaht dZiit echt nid ume...

oje du duesch mer leid :( sooo lang no ha sit am 13.00ca fürobä :) bi haut beck konditer wobi i eigentli nur fasch turtene machä

janedoe jo mues mau chli umeluege mir möchtet de ou latärndli lo stige wens de got:) de wär das no so e erzänzig ;)

üü das isch natürlich ou e super zit :) vo eigentli immer am 5.00 ah de stohni so um die 4.00 uf :)

hmm aso gloube würdse de do heime machä:) schaffe für d jowa sprich s migros wobi s profiubiudli ou e migros turte isch han 5 so turtene für mis brüederli gmacht ;)

Ufschaffe, nochelese, notiere (grad im Word nebether)...hoff i ha nix vergesse

@Sasileu: Mir hend e Trauzügin und en Trauzüge + 2 Tätschmeister. Üsi Trauzüge sind tolli Organisatore, aber stönd nöd allzu gern im Mittelpunkt…das mached defür üsi Täschis gern. So verteiled sich dUfgabe sehr guet. Meh Lüüt isch aber au glichzitig immer schwieriger zum Termine finde.
Das isch mega toll, dass sich dini TZ scho jetzt so is Züüüg leit! Mit minere gohts mir genau glich.
Weg dinere Schwöster würd ichs au eifach mache…dSchwöster dörf doch e bsundrigi Rolle ha und er het kei Gschwüsterti, also ischs au nöd unfair.

@Malinchen: Mir hend mal überleit gha weg Tansania und Sansibar für dFlittis, aber sind jetzt zrugg zum ursprüngliche Plan und mached 3 Wuche Inselhopping in Griecheland. So hämmer chli Action aber au super Entspannig ade verschiedene Stränd. Freu mi jetzt scho.
Und grad für dHomepage womer dWunschliste druf händ isches toll wemmer chli was zur Uswahl het wo dGäscht chönnted für dFlittis schenke.
Was studiersch du? 80% Aweseheit tönt noch PH
Ich find au, wie dJanedoe, dass du das etz sehr schön gschriebe hesch…und mer gseht würkli nöd ine Beziehig ine.

@Taeboyana: Ja das verstohni! Obwohl, ich würds scho schaffe 2 Wuche am Strand z’liege, aber denn isch mer so wiet gfloge und gseht so wenig…oder?
Uiii ja, das wär sicher chli komisch am einte Tag ide alte Bude ufhöre und am nächste ide neue afange. Isch demfall nöd so eifach für dich Ersatz z’finde…Kompliment!

Mer chan definitiv neh wer mer wett ufem Standesamt zum unterschriebe (wo 18ni ich). Bi mim Brüeder hend au 2 Fraue unterschriebe UND alli 4 hend de glich Nachname!!! Mir hend uuuh müese ufpasse WO unterschriebe!
Trennige: uiii schlimm. Hesch nöd au sGfühl es git doch denn amigs so Zeit, da chömed dTrennige so konzentriert ide gliche Ziiit. Mir hend e Fründin vo mir (isch chli älter als i, sie wird das Jahr 40gi) au mit ihrer Familie as Apéro iglade. Und sie het gseit, sie freut sich uuuh wiedermol anes Hochzit, i ihrem Alter sind alli ide Scheidig….
Isch doch genau so das Alter: „bi no jung gnueg zum neu afange“

@Canella: das isch aber nöd so kundefründlich, dass sie nöd nachem Budget gfroget hend. Jede weiss doch, dass vieli Brüt für ihres Kleid fascht en Kredit würdet ufneh.

@Lula: Gnüsses in volle Züge am Mäntig. Lah dich verwöhne und bestuuune vo dene wo WÄND debi si!!! Bi üs sinds no 7 Mönet und 26 Täg


@Janedoe: Gell, und dümmer simmer au nöd worde wenn eimol dSchuel usgfalle isch
Aber das isch ebe meh weg de bruefstätige Eltere, und das verstohni wiederum dass die denn nöd chönd fehle nur will ich chrank bin.
Ouuuu, das isch denn e blödi Situation…weiss grad gar nöd was ich dir söll rate! Kenn mi ide Gegend überhaupt nöd us. Min Brüeder het au sones Huus gha mit Doppelzimmer, sone alti romantischi Villa und de Feschtsaal grad 50m unnedra – aber am Thunersee
sPfarreiheim gseht würkli us als chönnti mer GUET was drus mache!
D’Ring sind sehr schön – us Wissgold gell? Uuh schön! dBrilliantereihe bi dim Ring gfallt mr bsunders guet so diagonal.
Das mitem „ums Geld drülle“ findi isch in Dütschland würkli so. Ich wohn ja 5min vo det und han au 3 Jahr lang Mitbewohner us Dütschland gha.
…hani mir au überleit, ob ich GG denn erscht am Hochzitstag im Azug gseh. Würdi toll finde. Hoffe er het Begleitig mit Gschmack zum ussueche. Min ehemolige Mitbewohner schaffet bim Strellson und het gseit er kleidet GG i.

@Squishy: Gratuliere zur Prüefig und zur guete Note!!!
Ic h vermuete mol schwer, dasses mit de abglaufene ID nöd goht (über dGrenze tüends ja scho saublöd) für 1 Jahr lohnt sichs findi. Wend nöd interkontinental verreisisch chasch ja nur d’ID neu mache…

@Munggi: Hoff du findsch no s'richtige "Füür" für eu, zum richtige Priis. E so en Füürkünstler isch echt was mega faszinierends. Ich wett min GG uh gern mit Füürwerk überrasche und das choscht für 3-4 Minute au schnell mal 300-400 Stutz

Me: ich bin gescht am Robbie Williams Konzert gsi im Letzigrund und bin immerno abartig gfläsht!!!!!!

Hoi zämä

@squishy: Uii, 95 Biträg...
Das nimmi nit ah, aber ja, si redet ja gad gar nit. Warte jtzt eifach mau, iwenn isch de bi mir/üs ou dr Moment wos längt...

I würdi zum Trotz gad äxtra pinkigi Unterwösch alege...
Wie isch Din Planigsmorge gsi? Sit dr fürschi cho? Was gits nöiis?

Hey Gratuliere!! Was heisst das eigentli nur en 5er?!?!

I würdi mau nachefrage, u süsch chasch ja zivile vorverlege...


@munggi: Ha kei Erfahrig, aber i findes viu zviu!


@jane: I nimmes ah, mau gugge wies de isch mit mire Neugierde u sire Gheimnisskrämerei...


@dänu: I tue aube im einte Tab schribe u im andere läse...

Wirde mir Müeh gäh, hoffe i finde was wo mir gfallt u zahlbar isch.


@me: Isch chli ne blödi Frag, aber glich, die wo sKleid scho hei, heit Dir e trägerlose bh agleit, oder eifach e normale?

Zuletzt bearbeitet am 18.08.13 16:19