Hallo zäme!

ufffffffffff bini müed.....ds ganze letschte Weekend heimer vorbereitet und 30te Geburi gfyret vo mire Fründin und ize chönti no gad mau weekend ha zum mi erhole so no 11 Täg und ner flügi mit mim Maa uf Thailand ab....fröie mi mega....! bruche echt dringend Ferie!!

@Taeboyana
Ou das tönt nachemne schöne Apero?? Hei si öpis no zur Unterhaltig vode Gescht gmacht oder öpis wo du dänkt hesch das wäri ou no e Idee für euch?
Was siter im Autokino go luege??

@daenu
Woooooow die Aenanonvillas gseh ja suuuuper us!!! Da bechumi gad Ferie-Vorfreud;O) Merci fürs zeige!

@laprincipessa
Hihihi geitmer gad GENAU glich mit mim GG…woner Schwiz-Brasilie het gluegt hani chum döfe vorem TV düreloufe und er fieberet so mit wie süsch bi nütem;O) isch ja o härzig…;O)
Hoffe du hesch e guete Start gha!!

@Lula
Hesch du ize no öpis ghört vo dire TZ?? Hesch es Chleid gfunde??

@squishy
Ou gratuliere zum Pfarrer;O) öpis zum abhöckle;O)

@malinchen
Ou so schön – hesch no keis einzigs Föteli zum gwundere???;O)

Robbie-Konzert
Die kurzhaarigi woner uf Bühni gholt het am Fritig isch mit mir id Schuel und scho denn e rise Fan gsi;O)

Bi mir
Mir händ ize sitem Zivile Dankeskärtli gmacht und bstellt und ner für jede Gast no 2-3 Föteli wo er druffe isch vom zivile womer de dezue werde lege. Hüt hani no gad d Zürich – Hochzeits – Versicherung abgschlosse und süsch simer ize gad eher am Thailand plane aus Hochzit;O)

Huhu liebi Brütlis!

Hanech no gar nid vrzeut, dass ig de am Friti Nami no 2 Termine ha abgmacht, im Tessa & Thomi und bim Hostettler Riggisberg. T&T het mir no gseit, dass sie de im Oktober Usverchouf heige! Ideau vom Timing

@daenu: gseh super us die Villas und wär doch perfekt fürne Honeymoon?

@malinchen: Oh schön, gäu da planget me uf die Fötelis... wo siter ga shoote?

@squishy: So schön hets klappet mitem Pfarrer!

@laprincipessa: Welcome back! mi GG isch (zu mim Glück...) o gar nid Fuessbaufanatiker. Mir luege scho mau e Match, wes e wichtigere isch, aber es artet aube nid gad us bi ihm

@Lula: und, Chleid scho gfunge? oder bisch äch grad am aprobiere?

@Sue: Heiter es schöns Geburifescht gha? Mire TZ hets ämu gfaue Zur Ungerhautig bim Apéro hets eifach die Band gha (wo super Musig het gspiut!) und de hets no sone Fotowand gha mit jenste Schiuder und Acessoires, wome eifach säuber het chönne ga la fötele, weme het wöue. Das hani e cooli Idee gfunge. Vorhär heisi nur 2 Föteli mit dr ganze Gruppe gmacht, de het sech die "Gruppefötelerei" i Gränze ghaute. I bi drum o nid Fan drvo, was wottme när mit x Konstellatione vo Gruppefotos, wo aui irgendwenn nümm möge unds Ewigkeite brucht, zum se mache? Süsch hets ke Programm gha, i hätt meh aber o nid nötig gfunge. Me wott ja de no gratuliere, ässe, sech mit de Gescht ungerhaute...

Oh schön, heit dir scho gli Ferie! So en Art 1. Honeymoon ?

Im Outokino simer Intouchables ga luege. Isch suuuuuuuper gsi!

@me: Eigentlech hätti gar nid viu Zit, hie im Forum z'schriebe, aber i chami gad nid so ufs schaffe konzentriere... Bi hüt Morge im Ultraschall gsi u die heimi de no gad witergschickt iz Röntge u vori hani vo mire Husärztin Bscheid becho, dass dr Ablouf vor rächte Niere i Harnleiter (oder eifach dr Harnleiter...?) blockiert sig. Me het aber no ke Nierestei gseh, nimmt aber a, dass das dr Grund sig, wüus i mim Auter eidütig am hüfigschte sig. Itz geits witer mitme CT (id Röhre) und de zumne Urolog... Tja u mini Franchise isch natürlech so höch, dassmi das Ganze de no tür chunnt. Obwou das momentan ja nid gad mini gröschti Sorg isch... Aber i weiss itz ämu, dass die ganze Schmärze e Grund hei.

Hallo Mitenand

Also ich bi jo emol de absouluti Loser i dere Gruppe....Da ich ide Pfleg tätig bin und mirs momentan echi strenger hend chumi enorm wenig an PC und mis Natel wot amigs mini Biträg nid ufelade...
Also grosses Sorry wenis nonig so uf reihe krieg wie ihr mitem namentlich aschribe

Für alli nomol,mim GG gahts guet.Alles funktioniert und es het eus enorm zäme gschweisst,no meh!

Was mini TZ betrifft bini echt froh über Sie wahrschinli wirdi au emal en chline Ärgerseufzer loslah will mängisch isches nid so eifach en Termin mitenand zfinde will mir klugerwiis beidi us de Pfleg chömet i unterschiedliche Gschäfter.Aber i weiss sie wird sich u Mühe geh und luegts als was speziells ah und seb findi u schön.Wege ihrere Hochziit,sie wird in Italie kirchlich hürate und do ide Schwiiz nur standesamtlich,ich wirde ihri TZ ide Schwiiz si und wege Ziitliche,Planische und sprachliche Gründ in Italie ihri Schwöster was für mi natürli au stimmt,wer ihri au nid böös oder so gsi wer überall ihri Schwö.Ihri Hochziit söt au im 2014 si,Wunschdatum bi ihre isch 10.10.14,also 1Monet nach mir

@Taeboyana
jaaa mir hei es superschöns Fescht gha merci...und di zwöi Buebe vo dire TZ si ja oberhärzig
ou cool de hesch im Oktober gad Termine abgmacht??
ooooooh wünsche dir gueti Besserig und hoffe dass si schneu usefinde wieme dir cha helfe!! si d Schmerze immer no glich stark??

@squishy
ja mir hei 42 Gescht gha aber hätte ou nid erwartet dass die üs aui (zum Teil sehr grosszügig) no öpis schenke sondern hei aune gseit si söue de nöchscht Jahr öppis schenkeund meg dem heimer dänkt machemer es dankeskärtli und jedem paar Föteli
Mir göh zersch 4 Täg uf Bangkok und göh dert jenschtes go luege und ner Inlandflug nach Koh Samui zude OP Bungalows www.opbungalow.com

und nei d Taeboyana und i kenne üs nid aber mini Bridesmaid isch befründet mit der Taeboyana ihrer TZ und i kenne Taeboyanas TZ ou

@Principessa: genau wie mir (gute Wahl!) Miteme LIVE Pianist dusse? Krass
Da isch würkli super, dass ihr de Fotograf no hend chönne bueche vor de Ferie. Ja mir freued üs mega drüber dass dKärtli so guet achömed. Hend aber natürlich nonig vo allne ghört. Mittlerwile hemmer sogar dApérokärtli scho verschickt!
Hani da richtig verstande, dBand würd für das Geld nur 3x30 min spiele?

@Malinchen: ooooh so toll…ja etz bisch du dra mit warte – aber es loooohnt sich!!!

@Squishy: wooow, 300 Lüüt am Apéro – und am Obig? Hend ihr beidi so e grossi Verwandtschaft? Mir hend sGfühl mir heged viel am Apéro mit 120
De Link hani i mim letschte Bitrag postet, ganz unne!

@Sue: Gell es gseht Hammer us! E Fründin isch schomol dete gsi und hets mir empfohle. Es gseht perfekt us für Flittis und ich han scho en Bricht gfunde vo welchne wo dete sogar ghürated hend.
Woooow…Thailand…Neid! Ich würd sooo gern länger durch Thailand, Vietnam, Kambocha und Laos! Ich hoff sehr, dass ich das mal no chan mache!
HAHA dBarbara us Bern – Poledance-Trainerin, haha! Sisch soooo hammergeil gsi!
Mir werded au dHochziitsversicherig abschlüsse!

@Taeboyana: Jaaaa, find ich auuu *freu*
Ouuu du Armi, etz gohts aber wenigstens fürschi mit de Untersüech. Ich hoffe sehr dases sich schnell klärt und dases dir bald besser goht!!!
Alles Guete!

Hey liebi Brütlis,

@Squishy: Wow, 300 Gäst am Apéro!!! Das si würkelch viel... I gloub dä wäri totau überforderet!

@Sue: ah so cool, Thailand mues mega schön si... Das steit definitiv ou no ganz obe uf minerä To-go-liste. Hihi, so schön jetz chasch ou vo dim Maa redä!

@Taeboyana: Ohh, i hoffe die Untersuechig bim Urolog isch guet gange?! Mir si am Moossee bi üserä Abä-Location ga föttelä... Es isch mega schööni Stimmig gsi vom Liecht här und d Andrea isch würklech ä mega sympatischi Fotografin u hets super gmacht. GG u i stöh beidi nid sooo gärn vor dr Kamera, aber mit ihre ischs totau locker und ungezwunge gsi.

@Gruppeföteli: Mir wettä ou keini oder höchschtens gaaaanz wenigi Gruppefotos mache. I weis nid für was mir die när söttä bruchä... Das si ja nid die Bilder womä när aluegt und drüber lachet oder so. Aber offebar isch das ä rächt verwurzleti Tradition, bis jetz si mir da scho chli uf Gägäwehr gstosse. Drum hei mir d Idee gha, so Papp-Figürli vo üs z bastle, wo mir när irgendwo ufstellä mitemnä Stativ und Kamera wo sich die Lüt wo umbedingt wei Gruppeföteli mit üs ha säuber chöi ga föttelä...

@Dänu: Griecheland isch natürlech ou meeeega schön!!! I liebä das Land, ds Ässe isch mega lecker und es isch schön warm, rägnet praktisch nie, ds Meer isch ä Troum... Dr Massetourismus uf deunä Inslä wär ou nix für mi, aber däm chame rächt guet usem Wäg gah.