| Bräute 2014 |
|
|
1 .. 165 .. 327 328 329 330 331 .. 664 .. 997
|
21.08.13 10:04
Lula 
|
Re: Bräute 2014
Hoi zämä
@Taeboyana: Naja, es eiteiligs het haut quasi "nur" uf Taillie/Hufthöchi, es zwöiteiligs hets Oberteil seperat u dr Jupe ou, u daher hani ebe scho zGfüehl, es würdi de weniger iänge. Oder wenn Du aube e Jupe anne hesch (oder ghörsch ou zur Hose Fraktion?), hesch zGfüehl dä ängt Di ii? U so chönnti ebe ohni das närne usenand zschnide nomau alege, eifach igfärbt... 
Ja das scho, aber wo ni dieses ha ane gha, het si hinger dr Stoff zämägno u gmeint, da müesse mir de scho no inäh...   U i ha eigentli zGfüehl gha, es segi guet... 
Anschiinend nit...  Wirde de mau denne Läde alüte u frage wie sis hei...
Ou scheisse!!! Aber de hättisch närne dr Räscht vom Lebe Rueh? Oder müesstisch de i paar Jahr mit erneute Komplikatione rächne? U was isch nach denne 4 Wuche; tüe si di nomau uf?
Hey, es ghört doch aus da inne, nit?!
@Sue: Gueti Besserig!! I hoffe es chunnt schnäu umi guet!
@malinchen: Mir wiche im fau ou gäng wie meh us, wenn öber fragt, wies isch u was mir süsch no so vor hei, oder wo mir si gsi oder hie göh...
Es het nume ganzi Kleider gha, isch aso nüt gsi mit zwöiteiler! Ha aber denn eis agah, dass was mir ebe no gfalle het, aber ohni WOW Effekt u de het si hinger dr Stoff zämägno u gmeint, da müesse mir de scho no inäh... Hingege bim ne knall änge (ha mi chum drfür gha zSchnufe, het si de nüt gseit)
Wie lang isch der de jtzt Chef "wider Willen"?
|
|
|
|
|
|
|
|
21.08.13 10:13
_janedoe
|
Re: Bräute 2014
@Sue
Glaubi, dass du/iher Ferieriif sind. No chli Geduld und de gahts los ;) Ihr sind ja meeega schnell mit de Dankeschärtli!
Oh nei, au dier gueti Besserig, Blaseentzündige sind sooo müehsam :(
@Taeboyana
Ah es wendet sich also echt alles zum guete, zerscht chasch de Termin doch wahrneh und jez au no in Usverkauf, perfekt 
Ui, das mit dine Schmerze tönt ned eso guet . Aber sicher ischs en erliechterig, dass sie wenigstens usegfunde hend vo wo die Schmärze chömed… Hoffentli gahts schnell vorwärts mit dene Untersüech und mer gfindet schnell en schmerzlinderndi Lösig¨.
Jez hani grad no glese wegem erste Befund. Ohjeee! :( Tönt schlimm. Aber wie du seisch, wenns nachher Rueh hesch, denn isch en OP wohl z beschte. Tued mer trotzdem leid und wünsche dier, dases für dich e gueti Lösig git!
@sasileu
Ui, hoffentlich chömed du und dini TZ eu denn ned id Queri wenn iher so nöch ufenand hürated. Im Endspurt chönnti mier guet vorstelle dass das nomal stressig wird. Aber handkehrum sind iher denn sicher beidi umso euphorischer und achted vill meh uf Details! 
@Gruppeföteli
Mier wend au kei Gruppeföteli, au usem Grund will das ned die ‚wow‘ Föteli wärded sii. Für mich chunnd das denn immer so vor wie wenn i de Ferie ines Aquarium gahsch und jede Fisch fotografiersch. Wenn d Ferieföteli denn aluegsch klicksch aber die cheibe Fisch immer zackig dure und nervsch di das no 1000 wiiteri chömed.
Mir wend eifach e Foti mit allne Gäscht druf und suscht ungstellti Bilder. Eifach vo mim GG und mier e richtigi Fotoreportage natürli ;)
En PhotoBooth isch au no e Idee womer hend. Passt halt au zu eusem Vintage Thema. Ha da scho tuusig Ideeä :D
Da d’Fotografin e gueti Fründin vo mir isch weissi, dass sie z.B. GG mit sine Gschwüschterti oder mich mit mine Eltere etc. wunderbar wird zeme abliechte und mier für das kei Gruppebilder bruched wo all steif umestönd :)
@me
Phu, erstmal huere stressig, die 3 (hahaha) Siite nahzschribe! Wett gar ned wüsse wies isch wenns de 10, 20 Siite sind :/:D
GG und ich sind ja ebe uf de Suechi nachere neue Location. Im Moment simmer de Meinig, dass d’Gäst ame Hochziit ja normalerwiis au en Heiweg hend und ned i de Location schlafed also phaltemer s’Huus damit alli dette chönd übernachte und sueched eifach e passende Ruum für d’Fiir. S’Pfarreiheim z Richterswil hemmer ja agfragt aber die sind scho usbuechet leider. Han no im Wädesnwil im Rosemattpark aglüte und mich so ufgregt, dass mier das ned vorher i Sinn cho isch. Mier isch scho während ich dNr gwählt ha bewusst gsi, dasi dett kei Chance ha. Die Dame am tel isch denn aber suuuper nett gsi und hed mier no paar Alternative gnennt. Leider alli z chli, debii sind mier mit 55 Gäst ja gar ned so viel Lüüt.
GG und ich laufed immer ame alte Huus verbii gseht chli us wienes alts Herrehuus und jedesmal sägi, da wärs sicher no schön zum hürate und ihr glaubeds nöd: Dett chamer hürate. Die sind zwar nienets im Internet usgschribe aber die vom Rosematt ked mier d Nummere geh und ich bi fascht abem Stuehl gheit, wo sie gseit hed, dass das DAS Huus isch :D Leider hends nur für max. 30 Persone Platz. Denn hed sie am tel so gmeint, ich söll doch mal mini Vorstellige duregeh, das chieng doch ned sii, dasmer da nüt uf Bei bringed zeme, sie telefoniert jetzt chli ume und organisiert es paar Termine, schliesslich segi es Hochziit ja wohl zwichtigste und sie fändis mega schön wenn sie cha helfe.
Ha das soooo herzig gfunde <3 
|
|
|
|
21.08.13 10:18
Taeboyana
|
Re: Bräute 2014
@Lula: nei, i ghöre definitiv zur Jüpli- und Röcklifraktion Ja, mi stört drum je nachdäm e Bund meh as es eiteiligs wo ke Bund het. Aber du fingsch sicher no öpis, wo dir gfaut u zu dir passt! Wägem när nomau bruche hesch definitiv rächt, das chasch natürlech eher mit me 2-Teiler.
Ja, i hätt vorussichtlech när Rueh (nur äbe gad bi 5% chas si, dass das Problem no einisch uftritt). Komplikatione wäre würklech e säuteni Usnahm. Das Röhrli würde sie de mitere Blasespiegelig usenäh, da wirsch nur liecht beduslet (wie bi Darm- odr Magespiegelige), ohni Vounarkose, aber das chöi sie dür d Blase usenäh.
Ja das verstahni, mängisch ma me gar nid zviu vrzeue, wüus när irgendöper kritisiert oder usenang nimmt... geit mir chli so mit Idee woni für d Deko ha oder z.B. Schiuder wie "here comes your girl" bim Ilouf (fändi äbe u härzig) oder eifach so Details, woni schön finde u angeri vielech völlig übertriebe finde. Sit mir isch gseit worde, i steui mir d Troumhochzit usem Hochglanzmagazin vor und sig de todbetrüebt, wes angers würd, bini da chli vorsichtig worde... 
|
|
|
|
21.08.13 10:42
Lula
|
Re: Bräute 2014
@jane: Nee, mini TZ isch nit drbi gsi, bi mit mire Stiefmuetter gsi.
Ghöre im fau ou zu de feschtere Froue... I wirde aber eifach jtzt aube gad scho bim alüte frage wies isch mit grosse Grössine etc.
Tönt doch nach ere gueti Lösig! Da mir im Emmental fiire hei üser Gäst us am Seeland scho ne Stund für hei, sofern si hei göh...
Dünkt mi jtzt ou nit enorm viu Lüüt, aber mängisch isch eifach dr Wurm dinne!
Oh jöö, di isch ja mega härzig! Sergi Lüüt si Gold wärt! 
@Taeboyana: Ig ebe ou nit, drum isch es ja no ungwohnter...
Wäg am Bund, bi vielne Kleider bruchsch ja de no ne Reifrock, u de hesch de trotz Kleid no ne Bund...
Bi haut ebe praktisch veralagt, isch aber ebe nit nume gäbig.
Ah, wenigstens das. De hättisch "wenigstens" nume einisch e Igriff!
Vorauem löh si üs närne kei Rueh. Bi fasch sicher, wenn si wüsste, dass mir am Samschtig uf Thun göh wäg de Ringe, würde si üs närne Löchere was es für Ringe si, etc. Genau so mit am Kleid.
Si hei ja scho bim Kärtli gäh afange Menuwünsch azgäh! I mein, mir näh uf Allergiker, Vegis etc würkli Rücksicht, aber irgedwo hörts doch de. Ha de iwenn gseit, dr nächst wo mit Menuwünsch chunnt isch gad umi usglade u muess nit wöue cho!!
De machs!! Wenn Dir/Öich das gfallt, de muesch es mache! Mir wei ja schliesslech aui "nume" einisch hürote
|
|
|
|
|
|
|
|
|
|
|
|
21.08.13 17:46
daenu16
|
Re: Bräute 2014
@Munggi: I ha grad mal de Tätschmeister gschriebe wo bi mim Brüeder 2012 de Füürkünster organisiert hend. Hoff i cha dir denn bald sägä wie dä gheisse het und ob de günstiger gsi sich, ok?
@Malinchen: Da isch doch eh mega wichtig, nöd? Das mer mit de Fotografin ungezwunge chan si…immerhin verbringt sie de Hochziitstag a euere Site.
Ja genau, mir reised ja denn in Griecheland gaaar nöd wie di Pauschalreisende…vo Insle zu Insle mit de Fähre und die Villas vode de Link posted han – die hend ja nur 7 Zimmer…det isch au nix vo Menschemasse.
Jaaaaa, das Video isch mega kuuul – i goh im Sept grad as Konzert, hehe 
@Gruppefotis: I finds schono schön wemme denn e Erinnerig het ad Gäscht wo mit debi sind. Ob etz Gruppefötele…hämmir üs no gar nöd überleit. Üsi Fotografin macht eher „Catch the moment“ Föteli.
Ma schaun…
Mir hend jedefalls au en Fotobooth…findi soo geil!
@Squishy: Gelll, i finds au uuuh schön uf de Fotene. Freu mi jetzt scho. Wüssed ihr scho woane dass ihr wänd? Grad nochem HZ?
Isch doch guet….viel Lüüt wo mit eu wänd fiiire. Mir hend au eher grosszügig iglade am Apéro, aber grad soviel sinds denn nöd. Aber ich han gern viel Lüüt…GG weniger, hehe
Wie lang sind din GG und du scho zämä?
@Lula: ouuu so schad das di keis Kleid us de Socke ghaue het…
Aber es isch soooo wichtig dass mer sich wohl fühlt und nöd sGfühl het mer chön sich nöd bewege. Ich han i eim Kleid (schulterfrei) sGfühl gha mer heg mich nackt ine Vase gstellt. Unerträglich!
@Taeboyana: Ouuu jesses, da isch jo mega doof. Und halt grad en „Leitig“ wo vo some lebeswichtige Organ usgoht….da chammer sicher nöd eifach ignoriere…und vorallem wenns dir so weh tuet. Wenigstens e gueti Erfolgsrate! Hesches scho chönne chli sacke loh? Oder wie gohts dir? Ganz gueti Besserig! 
@Janedoe: i ha sit EEEEWIG kei Impfige meh gmacht. Hasses voll! Mir sind au dihai bliebe ide Summerferie…au wegem HZ. Aber mer verzichtet doch gern i somene Fall. Ide Herbstferie gömmer defür 5 Tag uf Wien – hend es mega super Agebot gfunde!
Mir überlönd au sObigprogramm de TZ und TM. Ich goh as Macklemore und Ryan Lewis. HAHA, jaaa chunnsch au (ha leider keis übrigs Ticket)
HAHA…dä Verglich mit de Aquarium-Fischli (lach mich schlapp) 
Da isch jo uuuuh härzig vo dere Frau, dass sie sich so is Züg leit. I finds super, dass du nümme konsterniert bisch, sondern das mit de Location etz apacksch! SUPER!
|
|
|
|
|
|
1 .. 165 .. 327 328 329 330 331 .. 664 .. 997
|
Anmelden
I dänkä üs allne isch ja klar, dass nid alles so wird wie mirs planet hei, dases Überraschige wird gäh und Sache wo villecht schief loufe ohni dass mir denn no öpis dranne chöi änderä. Aber darum müessä mir ja nid scho jetz alli Ideeä verwärfe wöus de villecht när nid so isch wie mirs üs vorstelle... 