@Lula
schade, gredet hesch au nümm mit ihre?
Ich han au grad nahgfragt am telefon und im Internet wird eim ja immer wider Budget Brautmode empfohle. Wobii ich ehrlichgseit sägä muess, dass mier de Stil uf de Homepage bi ihne ned so guet gfallt. Hoffe jetzt ebe uf d'Chez Janine.
Ebe mitem heiweg isches halt eifach so. Finde wenn mier jez vo de Location mit de Gsellschaft 20 Minute oder so zum Huus fahre müend liit das einigermasse dinne.

@malinchen
Gell! Und mier hend nöd mal drum bette. Freut mi richtig, die Hilf

@daenu
Ich han letscht Jahr für Südafrika und vorallem für Swaziland die ganze Impfige müesse mache. Aber han am Dokter gseit, er sölli wirkli nume z nötigste mache. Bi da au nid so fan!
Mier fahred inere Wuche uf Italie a Gardasee für es paar Täg. Hend au es Hammeragebot für 3 Nächt gfunde und das liit dinne. Ansuschte hettemer Ferie uf Balkonie gmacht. Aber ez freui mi
Macklemore! Soooo coool!
Aber s stimmt doch mit de Fisch?
Ja, muess jetzt wieder öppis tue, wett das unter Dach und Fach ha und mich wider glücklicher fühle

@me
Ha grad mitem Pfarrer telefoniert. De Maa isch soooo hektisch am Telefon Mier hend d Trauigsziit jez gfixed. Jetzt chönnted d'Iladige im Prinzig use, bi scho ganz ungeduldig. Aber es isch no zfrüeh...

nicht registriert

Guätä Abiig mitenand

Taeboyana: Muäsch dii doch ned entschuuldige! I find da ghört au do ihne. Mir tuuschet uns so regelmässig us, do dörfsch au vo diiner Gsundheiit schriibä. Wüünsch diir ganz fest guäti Besserig und ä guäte Bscheiid am Friitig!
Yesss, da mitem "here comes your girl" find ii dä Hammer!!! Mach das!! Du darfsch siicher vo DIIM Traumhochziit tröiime! That's your day und drum plan en mit dene liebevolle Details wo du möchtisch!! I stell miich diich grad vor imene some Klaiid und denn verliäbsch diich drii. I lach dii den sowas vo us

Lula: Unseri Homepage muäss z'erst aktiviert werde, bevor meh's wiider aluägä chan. Derum söttet mir mol dra schaffä... Und denn muäni no mii GG froogä, er isch so skeptisch geg da Forum
Mir möchtet ihne gern unseri Location zeiige und dert unser ersts Treffe machä mit gnaue Erwartige aah ihnä etc. Miir siind all im Studium, da merkt meh extrem
I ha leiider keii Erfahrige mit Zweiiteiiler. Aber jedere Bruut so, wiä siis für richtig haltet und sii sich wohl fühlt! I bii au erstuunt, dass diä ned sowieso giit... Leiider chan ii aber keii Bruutlädätipps ii diiner Nöchi gäh...
Bii diir tönt da meega kompliziert. Lüüt wo Menuwünsch briinget? Da han ii no niä ghört Bii uns siinds eher erstuunt, dass mir so wiit denket...

Sue: Oooh jeeh. Au diir guäti Besserig!! Aber hesch recht, liieber jetzt als imene Jahr oder au in 8 (?) Tag!

Malinchen: I ha ned demit welle sägä, dass iihr umbedingt aah diä Wünsch vo eune Lüüt müänd apasse. Wenn ihr gege diiä Fotis siind, denn isch das so. Find ii recht so! Und ii fänd so Pappfigürli eigentli no witzig. I denk, werdet au anderi Lüüt Fotis demit machä, wo ned uf Gruppefotis bestönd und das diä echt orginell werdet. I nimm ned aah, dass ihrs so kommunizieret: Mir wönd keii Gruppefotis, aber wer will söll zu dene stoh.

Janedoe: Mii Schaaddzz isch ä typische Schwiizer Bünzli Naii saiich, mir sii beiidi Schwiizer. Findi gliich gad ä lustige Gedanke, hesch nämli scho recht. Diä Usmass erinneret eim so aah südländischi Hochziite Wooow, da tönt nachere meega liäbä Dame!! Uuh flott dass sii eu so helfe tuät! I find au, dass dä "normal" Haiiweg jo gebti und vo dem her, chönt ihr guät eiifach irgendwo andersch fiire! Eh suuper Idee!! I hoff du wiirsch fündig!!

daenu: Ha, ii verstands. I würd au platze vor Vorfreud! Miir wönd gern ned allzu wiit weg. So uf dii Kanarische Insle hend mir uns überleiit. Viellicht den im 2015 wiiter (Mauritius zum Bispiil, d'Aktione hebet bis zumene Jahr nach dä Trauig ) I bii siit 5 Jahr mit em zämä. Mängmol denki "wooow, ä ewigkeiit" (also im positive ) und denn wiider "mamma mia, anderi sind 10 Johr zämä und miir hürotet jetzt scho" Mit dä Impfige gots mir total gliich! I hass es wiiä Pest und wenn's ned sii muä, halt ii miin Arm für sowas ned hii

Me: I hoffe eigentli ganz fest, dass siich viil Lüüt fü dä Apéro abmeldet. Miir hürotet jo mitte ii dä Summerferii, denn söttet all eiinfach ihren Urlaub plane
Han ii verzellt das dä Schlagzüger und dä Gsang zuägsaiit hend? I bii so froh! Sobald d'Sängerin an Board isch, cha jo nüt meh schiäf gooh. Sii laiit sich jetzt scho voll ins Züüg. Dä Gitarrist het abgsaiit, aber sii het scho en Ersatz. I freu mii so drüber! Sii hend all voll positiv über es Reunion reagiert und freuet sich druf Wart ez nur no uf dä Bscheiid vom Bassspieler.

Wünsch eu ä schönä Abiig!!

Guete Morge Brütlis!

@daenu: Nackt ine Vase gsteut, dä isch ja zviu...

@Squishy: i gäbt dir offiziell d Erloubnis, mi uszlache, weni i somne Chleid wurd aträte. Und gloub mer, du wärsch nid die einzigi...

@Lula: Genau so Chleider meini I weiss, die gfaue vielech gwüssne Lüt mega, aber i gsäch gloub eifach us wiene Wuuke mitme Chopf wo useluegt. Ds 1. isch ja dr Hammer, da gseht me ja dr ganz Buuch düre GG fänd ja das äuä no ganz sexy - aber nei danke. Genau so es Chleid i däm Stil het mer mini TZ per whatsapp gschickt - aber das Ganze no in pink

@me: I ha gester Abe no e Voicemail Nachricht vom Urolog gha... leider het sech sini Diagnose bestätiget und ig mues würklech unger ds Mässer Aber wenigstens weissi jetz ganz genau, was Sach isch und es chönnt ja öpis viu Schlimmers si. Lüte churzum zrügg und de luege mir wäge Termine. GG und ig hei beidi gester gfunge, dass igs so schnäu wie möglech wett hinger mi bringe. Ig mues de öpe für die Wuche im Spitau mi Laptop mitnäh, damit ig cha forümle, süsch gani ja no i vor Längwili

Merci für au euchi liebe Wünsch, das chunnt scho guet. I versueches optimistisch zgseh. Und Unchrut vergeit ja bekanntlech nid

nicht registriert

Wunderschönä Guätä Morgä

Booooah diiä Kleiider. Wer leiit sowas aah? s'Erst find ii mit Abstand am schlimmt. Beschriibig mit dä Wulche passt usgezeichnet Aber s'läscht gseht im Vergliich zu dä obere no akzeptabel us. Also miir stosch do ned uf Füäss nur zuä Piiiiink isch dä hammer aber doch ned äs pinkigs Wulchechlaiid

Lula: Mii GG het siich gwunderet, werum iich immer do inä schriibä und was miir gad tüänd. Er fühlt siich wohl beobachtet Jop dä Trauzüüge wönd miir gern d'Location zeiige. Uns hets jo umghaue. Aber will sii nöd grad um dä Egge isch, möchtet mir wiä iihres okaii. Bis jetzt zwiifle ich nöd, dass uns das gebet All Studente gönd dauernd ii d'Ferii Miir hend no Zwischesemester und mini TZ isch jetzt weg, dä TZ got im September weg und dii dritt isch immer mit ihrem Feriijob beschäftig I hoff, dass es mitte September got.
I weiss, dass mir Vegis hend. Uf diä nimm ii scho rücksicht. Mir hettet gern Buffet. Dert chönt jo diä wo uf öpis Allergisch sind, seb eiifach ned wähle

Taeboyana: Schöön hend d'Ärzt öpis gege dini Schmerze und wiä optimistisch du aah diä Sach gosch! Wünsch diir das alles guät gliinge mag und dass du denn vo dem Saiich befreiit biisch!

Me: Unser Pastor het jetzt wiider und endgültig abgsaiit. I ha jo scho gsaiit, dass ii siiner Zuäsag chlii skeptisch bin.... Jetzt heissts neue Suächä. Aber au wenn's jetzt no kompliziert worde isch, es giit niemert bessers...

Wüünsch eu ä guätä Taag

@squishy: Git sicher Froue wo genau die Kleider wunderschön finde, genauso wie si de viellech Kleider wo üs gfalle schrecklich finde u nie würde wöue.

Nee, i finde Pink, Rosa etc generell nit sexy. Si so gar nit miner Farbe... Hei haut zwangslöufig zwüschedüre serigi Farbe deheime... Isch aber gar nit bös gmeint, es git zwüsche düre würkli schöni Sache u es git ou Froue wo Di Farb sehr guet chunnt...

Ach so, mi GG fragt zwüsche düre ou nache, u wennis offe ha, gugget er zwüsche düre ou rasch dri...
Mach doch e Doodle Umfrag, de heis gad aui

Buffet cha de für Allergiker nit nume gäbig si, was isch wenn eine zSchöpfbsteck bi verschiedene Lebensmittel brucht, oders süch Vermischige git? (Sorry, ha drum säuber Zöliakie u weiss leider vo was i rede)

Cha nech de dä Pastor niemerts anders empfähle?


@nisliker: Wie scho gschribe, wott niemertem uf dFüess tschaupe, tuet mr leid.
Aber es isch ja guet gits verschiedeni Gschmäck, süsch würde ja aui im gliche Kleid hürote u es gäbti kei Uswahl meh. U es gäbti ja de ou hie im Forum kenner andere Ideene meh, u das wäri ja de ou schad. (isch aso nit bös gmeint, sondern eifach min Asicht)

ich hans au nöd bös gmeint aber wenn öper sones chleid postet getraut de sich denn gar nöd das poste... nur drum hani öpis gseit. sletschte isch nämlich uuu schön!