@Janedoe: Ja, da isch natürli gäbig, denn hesch eh scho d’Impfige…bi mir wär’s denn mit impfe und Malaria-Prophylaxe grad en recht Cocktail
Einersits findis schad, aber anderersits findi d’Idee mitem Inselhopping e sooo toll, dass d’riese Freud total überwiegt. Oh so schön, bin zwar no nie am Gardasee gsi, aber han scho vieli schwärme ghört. Und Italie isch eh immer toll
Isch eifach en geile Verglich mit de Fisch, haha. Ich glaub wemme’s chli guet koordiniert mit de Fotografin und de Gäscht chammer das scho guet mache mit so Gruppeföteli. Me chönnts jo echt au chli witziger mache. I finds echt no hert amigs für sBrutpaar…will DIE stönd jo IMMER det, hehe
Hah, erscht etz gsehni dis BILD – SUPERGEIL! Genau so kreativi Gruppeföteli sind super. Und sBrutpaar cha mal chli küsse und mues nöd immer id Camera grinse.
Na toll…bi Impfige denksch a mich…

@Squishy: Gueti Idee, Kanare sind au mega schön und denn chammer jo immerno chli spöter, ebe wie ihr viellicht witer weg. Vo Mauritius ghört mer nur guets – s’mues wunderbar si. Und so verteiled sich dChöschte au chli
Ischer sogar dini erschti Liebi? I finds no schön wemme cha denke: werum no lang sueche, wemme de Richtig scho gfunde het. Goht üs doch allne so, egal i welem Alter. Wichtig isch nur, dass mer sich nocher idi glich Richtig bewegt.

@Lula: Uuuuuh die Bilder…kennsch die Grossmüetere über de Ersatz-WC-Rolle?
Ja nackt ine Vase gstellt, aber i ha jo zum Glück MIS Kleid gfunde, und chan mi ganz normal bewege drin und tanze!

@Taeboyana: uii gell, dass transparente Kleid…wär au gaaar nüt für mi. s’zweite findi oberhalb vode Wolke no schön.
Wenigstens het sichs jetzt schnell bestätiget, also dDiagnose und ihr chönds agoh (du und d’Ärzt). I wünsch dir dases schnell und schmerzfrei hinter dich chasch bringe und hoffe uf guete WLAN-Empfang im Spital (isch zwar nöd z’erwarte nebscht dene viele Grät).

@Sue: ouuu so dooof, gueti Besserig! Bisch sicher mega gspannt uf sPäckli *freu*

Guetä Abä Ladies...

@Taeboyana: I gange am 31.8 und am 7.9. ga Chleider aluegä... Immerhin weisch jetz definitiv wases isch und was me drgägä cha mache. De heissts eifach Ouge zue und düre!

@Dänu: du geisch anes Konzert vo Macklemore?! Isch ja huerä cool... i wott ou!!!

@Squishy: Oh nei, schaad het öiä Pfarrer jetz glich no abgseit! Das isch scho wichtig, dass dir öper findet wo dir guet findet. Isch ja schliesslech näbä öich fasch die wichtigschti Person... Viellecht sit dir ja scho mal anerä anderä Trouig gsi wo dr Pfarrer cool isch gsi?
Drfür klappet das mit dr Band, das isch ja super!!!

@janedoe: Das Gruppefoto isch würklech dr HAMMER!!! Wenn denn so...

@Pink/Rosa etc.: I has ghasst als Ching. Ir letschti hei sicher aber immer wieder paar Chleidigsstück i denä Farbe i mi Schrank verirrt... Inzwüsche findis rächt schön, bi äuä irgendwie chli komisch gwicklet!

@Sue: Oh nei, scho wieder Antibiotika?! Isch ja mega doof... Aber hoffentlech bischs när los!

Guetä Morgä allersits...

Jaaaa, ändlech Freidach...

@Sue: Was? Au 2 Wuche ä Blaseentzündig isch ja dr Horror!!! Das cha doch nid normal si? I hoffe auso fescht, dass dus jetz los wirsch u när mau wieder chli Rueh hesch...

@Chleid: I ha ja äbä eigetlech scho es Troumchleid: http://graceloveslace.com.au/collections/hollie/
Aber da ig das müesst online bstellä und nid sicher bi, ob mir dä Schnitt würd stah (ha chli meh Rundige aus die Froue uf de Bilder ), gani jetz eifach ufd Suechi nach eim wo vom Schnitt här ähnlech isch. Aber weni jetz bim Shoppe eis finge woni mi gad dri verliebe, wärs mir ou rächt.
I möcht eifach keis woni ä Reifrock bruchä und ou lieber nid eis ohni Träger.

@Taeboyana: Coool, Gschäftsaläss si doch immer super!
Hmm, bi gad am überlegä was ig ir Letschti so ha gläsä... D Wallander Krimis fingi super, aber die hesch dänk äuä ou scho düre wenn gärn nordischi Krimis hesch... Wachstumsschmerz vor Sarah Kuttner hani no luschtig gfunge u das isch sonä liechti Bettlektüre.

Mir gfalle trägerlosi Chleid rein optisch eigetlech sehr. Aber die müesse när haut obe würklech sehr äng si, dass nix aberütscht u hei die Stäb inegnäiht, das isch eifach när nümme bequem fingi...

@Lula: Jetz chunnt mir gad i Sinn weni da so schribä wägä Stäb und ängä Chleider: Isch das Chleid trägerlos gsi wo du hesch aprobiert? Wenn ja het d Verchöiferin viellecht wägä däm gfunge es müess de no änger si... Bi de meischtä trägerlose Chleider chame aber problemlos Träger lah dra due, viellecht wär das no ä Alternative?

Flitterwochen Zeitpunkt
Wiviu nachde Hochzit göhter id Flitterwuche??

@Sue: So cool heimer dr glich Büechergschmack! nei, Wallander hani im Fau no fasch kene gläse Meh Jo Nesbo, Henning Mankell grad vo letscht und Arnardur Indridaason (isländisch). Vom Jo Nesbo hani gloub die meiste gläse. Oh, Hörbüecher wär ja e super Idee weni de no nid cha läse! Muesi mir grad merke. Und ig ha dänkt, i lösi mir de no grad es Abo i üsere Bibiothek nächst Wuche U de hani no öpe 60.- Guetschin im Stauffacher, dä lösi de öpe o no grad i.

De bisch de du öpe gad uf Koh Samui, wenn ig im Spitau liege I tröime de o chli vo de Palme wes mir längwilig wird...

I ha ou ke Weddingplanner aber i fasch jedem Heftli woni bis jetzt ha kouft hets x so Lischtene... hamer aber mini eigeti Planig de us Verschiedenem chli zäme gsteut (die hei übrigens d TZ - im Gägesatz zur No go Lischte - super gfunge ).

@ Flitterwuche: Mir hürate ja im Ougust und wette de vielech so Mai / Juni im Jahr druf ga. Isch aber no aus sehr unklar.

@malinchen: Ja, die Aläss si super. Es planet immer ei Abteilig und me weiss vorhär absolut nüt. Isch auso immer e Überraschig, womer häregö und wasmer mache.

Das isch würklech u lieb vo ihre fragt sie euch! Bis wenn heiter de ds Apéro und müesst dir aus säuber ufrume u putze? U häufe euch de no Lüt? Isch no schwierig z'säge, wüu i dänke am Sunntig wettet dir ja äuä lieber öpis angers mache as putze, aber we dir natürlech säuber müesst, geits ja fasch nid angers.