@Taeboyana: Ah cool... Das isch bi üs aube ou so, aber ds Programm wird aube scho zum Vorus bekannt gäh. I finges aube no cool, die Lüt vom Bügu ire lockere Atmosphäre z erläbe...
Det woni d Lehr ha gmacht hei mir zum 50-Jahre-Jubiläum e 3 Tägige Usflug gmacht, das het bis jetz nüt chönnä toppä.

D Wallander-Reihä fingsch sicher ir Bibliothek! I würd aber dr Reihä nah gah, wöu d Gschicht vom Komissar entwicklet sich über die ganzi Reihä hinwäg. I ha äbä irgendwo mitts drinne agfange u das het mi när chli gnärvt...

Mir hei scho dänkt, dass mir entweder öper astellä zum putze resp. mängisch macht das ja dr Caterer gäge ne Ufpriis ou grad. Jetz het mini SchwiMu gfunge sie chönnt ihri 2 Brüetschä und ihri Froue frage ob sies würde mache, die hei mir zum Apéro iglade. Aber i möcht irgendwie nid, dass Gäscht das müessä mache...

@malinchen
tüet dir de putze oder macht das gad d Cateringfirma oder heiter bim Apero gar kei Cateringfirma??
isch aber würkli lieb dass si das fragt!!

@taeboyana
ha ebe vor 2 Jahr e inneohrenzündig gha und da isches eim ou immer mega trümlig und de bini uf die idee mitde hörbüecher cho

Flitterwochen
mir göh uf Indonesie / Bali...weiss ebe nid obmer gad am FR nachem hochzit wei gah??

hmmm auso wender öper externs nähmet oder ou wenns ds Catering de macht dänki würdi das scho länge wenn si das no nachde sechse würde mache..? si chöme ja ner nid no witers und gad 7 stund müesse si ja de äuä nid putze...?

ja gad direkt ner wetti ebe ou nid aber so hättme no paar Täg dezwüsche....

Mir si gad chli am luege mege de Iladige...hätti ebe eini scho lang mau gseh womer MEGA MEGA gfallt...i bine riiiise Gold und Silber - Fan und si isch gold.....ize wüssemer nid obmer eifach die söue neh oder no warte....

@Sue: Hesch es Biudli vo de Iladige???

@Squishy: Ja, i mues ihre zum Glück nid grad sofort ä Rückmäldig gäh. Bis am Mäntig het sie gmeint, aber bis denn wüssä mir öpä no nid viel meh. I tendiere eigetlech drzue z sägä, dass sie dr Sunntig no söll reserviere für üs. Eifach so sicherheitshalber dass niemer i Stress chunnt... Aber GG isch so sozial u findet ds Gägeteil.

Ah cool heit dir scho ä Pfarrer gfundä!!! Het viellecht eifach so müessä si...?!

Und für wele Fotograf heit dir öich entschiede?

Hoi zämä!

@Sue
Ohjee, tönt unagnehm das ganze! Gueti Besserig und hoffentli verhebts dasmal!

@daenu
Hihi isch eifach grad sone lushtige Zuefall gsi, das genau denn d Iladig für d Impfig chunnt wennmer drüber reded. dMalaria Prophylaxe nimmsch ja erst wenn dette bisch? Wo ich all die Impfige ha müesse erneuere ischs am Körper au chli zviel worde, ha de grad e Grippe becho. Vode Malaria Prophylaxe hend eus denn uh viel abgrate womer dunne gsi sind. Aber mier hend sie de gliich gno, sicher isch sicher. Und hend zum Glück au kei Nebewirkige gha.
Eui Insel Hopping Reis tönt suuuper, also da würdi mi au riesig druf freue

@malinchen
Bi de Aperolocation hemmer eus die Frag gar noni gstellt aber bi de Abiglocation stömmer öppe vorem gliiche Problem. Denke, dasmer da de Friitig und de Sunntig dezue miete müend, dasmer alles in Rueh chönd dekoriere und ufbaue und denn au wider ufrume und putze.
öpper astelle wär natürlich au gäbig wenns im Budget liit
Aber wenn die vier das würded übernäh (Hend sies denn selber abotte über d SchwiMu oder isch das eifach ihri Idee gsi?) denn chönnteder das ja scho aneh, sie chömed ja de nöd wiiter mit as Fäscht und vielleicht chönder ihne ja öpis wenigs defür zahle oder mal zum esse ilade oder so?

@squishy
cool, gratuliere zum Pfarrer! Das isch ja jetzt mega fix gange! :)
Jaa, nachdem mer alli ghürate hend chömmer ja denn mal d Gruppebilder ustuusche nach dere Vorlag :D

@me
Endspurt, nurno 8 Stunde schaffe und de Ferieeee! Bi glaub i mim Lebe no nie so Ferieriif gsi und freue mi total aber jetzt chunnt s grosse ABER: Hend gester Nacht en guete Kolleg vom GG troffe und de hed sis WG Zimmer uf guet Glück kündet und schlaft sit es paar Wuche bime Fründ ufem Sofa. Jetzt chömed aber dem Fründ sini Eltere für 3 Wuche id Schwiiz uf Bsueche. Mier hend am Kolleg denn abotte, daser zu eus cha zieh wenn mier ide Ferie es paar Täg uf Italie gönd, er hed jetzt aber offebar verstande, daser die drü Wuche bi eus chan izieh und trudlet hüt zAbig i. Bin mega im Clinch, einersiits wetti eifach endlich mal Ziit mitem GG verbringe, de ganz Tag im Pischi umelaufe und chli sii, anderersiits chömmer en ja schlecht uf d Strass setze? Ach...

Hochziitstechnisch gits nöd viel neus. Mier hend am Mäntig en Termin im Chärnehus zEinsiedle um de Saal azluege. Hoffe das de passt :)
http://www.chaernehus.ch/index.php?id=47

nicht registriert

Aaah, ii bii jo eue Saal am aluägä gsii? Find ii no meega schöön, mit dä Galerie obe duure! Hammer find ii dä Dachstock mit dä Wendeltreppe!