@Jane: Das Agebot isch äbä nur vor SchwiMu cho, dass die anderä das sicher würde mache. Aber die wüsse gloub no nüt vo ihrem Glück. Isch würklech jetz gad doof dass usgrächnet am druf folgende Tag öpper das Hüsli wett miete. Das steit eigetlech zu 80% vom Jahr läär... Zum glück hei mirs glich scho reserviert. Ha zersch no so dänkt - ääh, das längt de paar Wuche vorhär.

Oh nei, i verstah di völlig. Jetz hesch di so ufd Feriä mit dim GG gfröit und wenn de sonä Huusgast da isch, ischs eifach nid ds Gliche! U ersch gad isch ja d SchwiMu bi öich gsi... Das isch ja mega blöd gange!!! Ihn jetz wieder uslade isch äuä scho schwierig...

ah mann, i ha eigetlech no gar nid wöuä abschicke...

@Jane: D Location gseht meeeeega cool us!

@Sue: D Iladige fingi ou mega cool... Isch ä mega härzigi Idee mit däm Bändeli zum Zuebinde! I finde ou du chönntsches guet für Apéro und Abe-Gäst näh, wenns nid z tüür isch. När chasch ja fürd Abe-Gäst eifach anderi Ilage mache als für die anderä...

@squishy
mier hend ebe nur 4Täg es Hotel buecht und hend de gfunde wenns eus gfallt chömmer ja immerno chli blibe.
Ich bin ebe so blöd gsi ud has vorgschlage, daser cha blibe wennmer nid da sind. Aber hesch recht. GG söll sich de kümmere. Hüt Abig frögemer ihn glaub mal, wie denn sini Alternative usgsehnd und lueged denn wiiter.

Ja de Dachstock gfallt mier au super. Mier hend eus vorgstellt dasmer de Saal würded festlich dekoriere und im Dachstock denn en Lounge (sone Rattan Lounge womer suscht ufem Balkon hed chömmer ja sicher dett ufe stelle ) mit Musik und e Bar. Chamer alles super vorstelle

@malinchen
Ui ja denn sött dini SchwiMu vielleicht zerscht mal abkläre ob die liebe Lüüt denn das au wend und würded mache Ich glaub ich würd de Sunntig no dezueneh, eifach zur Sicherheit
D'Hauptsach isch ja aber wirkli, dass iher d'Location schomal buecht hend (zum Glüüüück! )

@Sue
De Kolleg schaffet ebe au Schicht, das heisst er würd wahrschinli au öppedie de Tag dur schlafe müesse und das findi de eifach meeega müehsam, de chasch ja gar nüt mache, will mir hend Stube, Esszimmer und Chuchi i eim Ruum und er müesst ja de ufem Sofa schlafe. Das isch halt de Nachteil anere Loftwohnig. :/

Schöni Chärtli! Wenns viel tüürer sind, denn würdis nume für die gladne Gäscht bstelle. Und d'Idee für d Aperogäscht isch ja au härzig!

Zuletzt bearbeitet am 23.08.13 14:08

Hoi zäme! :)

Juhuu gli weekend!! =)

@lula: jo mir müend würkli mol no chli umefroge, wär cool mir chöntet das gli mol fixiere… hehe jo absolut ich findes immer sooo köstlich wänni mi GG so erläbe! :p Jo du häsch rächt, tendiere au eher dezue, de pianist nur für d’trauig & apéro z’näh.. hmm duetmer leid isch de kontakt mit de TZ so shwirig müend würkli mol rede!

@malinchen: jo du häsch absolut rächt! Nur s’problem isch, dasser de finger ned usem a.. nimmt! :p schlussändli machis dänn dänk glich wider ellei weisch.. nei de vo italie isch scho lang keis thema meh gsi nähmet de us de schwiz schlussändli us küssnacht www.foto-mariano.com :) jo das stimmt def.! ich han vorher au paar frösch müesse küsse bisi mi prinz gfunde han :p hauptsach jetzt stimmts ;) jo gäl wämer sich uf so statistike würd verloh döftsch no viles ned weisch wieni meine? mir ghöret def. zo de andere hälfti ;)) ohaaa hahaha nei aber das mit fuessball & hochzyt goht jo gaaaar ned :p typisch manne ahahhaa :p oh voll cool hey bin gspannt uf d’fötelis ev. zeigsch öis jo es paar? :) hey cooli idee mit dene pappfigürli hehe :p ich glaube mir werdet scho gruppefötelis mache aber stells mir organisatorisch au no astrengend vor.. hmm mal schauen..

@squishy: danke danke jo bin scho wider voll dinne wie immer nach de ferie gäl :p aber zum glück jo scho sozäge weekend ;) woow 300 lüt! Das isch echt vil du :p isch din GG au südländer? ;))) hey cool häd de pastor zuegseit und gohts sust au so chli vorwärts! :) super händer de fotograf chönne zuesäge! :)

@nisliker: han au es mail becho mit dem rabbattcoupon ;) bis wenn giltet das? ;)

@sue: hihi sicher es cools gfühl, vo dim MA z’rede gäl? ;)) hehe glaube det dure sind manne eifach alli glich ;)) jo findes au härzig :p ich söt ne mol filme imfall würkli irgendwenn machi das! :p merci für de reminder mit de züri hochzytsversicherig – dem thema müendmer öis au mol widme hey.. oh nei hey gueti besserig mit de bloseentzündig! ://

@taeboyana: oje duetmer leid häsch immerno so schmärze.. blöd muesch operiere aber wenigsetns wird’s dänn zimli sicher besser und hey guet isches au passiert das jetzt und ned churz vorem hochzyt stell dir vor!!

@daenu16: hey mega lustig :)) so chömer enand dänn sicher no paar tipps gäh zo de trauig dusse etc. :) ich muess mol wider kontakt ufnäh mitem pianist isch scho länger her sötet mol öbis schriftlich mache dänki.. was händ ihr alles scho was d’trauig betrifft? Jo das häsch du richtig verstande :p scho vil gäld gäl? :p

@munggi: merci für d’info hui dänn isch jo au no WM wänn mir hürotet am 5. Juli vilicht scho achtelfinal oder so hehe :p hauptsach Italie spilt dänn ned :p

@janedore: danke hehe jo isch scho heiss gsi immer so um die 40° aber mir händ das ebe beidi no gärn ;) also natürli nur wännd am strand chasch umeligge und nüt muesch mache :p bin aber scho immer im schatte gläge und han aber trotzdem sonneallergie becho wasi sit 10 johr nüme gha han?! D’sonne isch scho sehr agressiv aber das weismer jo wämer im hochsommer i sones land reist ;) hehe so witzig ;) also weisch wenni en match live luege isches scho au chli anderst und ich chan mi scho au defür begeistere wänns chli en wichtige match isch (WM oder EM oder so dänn fieberi au mega mit!) aber eifach es normal JUVE-LAZIO spili haut mi jetzt ned so us de socke :p aber muesses jo au ned :p danke jo sind mega froh und erliechteret ;) yeeaah das foti isch jo de hammer! =) die idee merki mir grad imfall! =)) <3 mega tolli idee!! Vorallem sinds jo genau mini farbe won ich am hochzyt wet türkis und abricot / coral hihi nur dass mini bride maids wahrschindli chleider in coral aha werdet ;) wobi s’gseht scho seeehr cool us! ;) oh neeei mega blöd gloffe mit dem kolleg oje das würdmi also au stresse! Bis doch ehrlich ned? sust chasch jo d’ferie gar ned gnüsse??!

Flitterwoche:
Ich glaube mir gönd grad aschlüssend aber das isch no gar ned fix oder so….aber d idee erst en wuche spöter z goh und no en wuche go schaffe dezwüsche wär ev. au easy mal schauen.. ;)

@malinchen
er will ebe nümme ine WG. Drum willer nöd ines Zimmer izeih woner nach zwei Mönet oder so wider chündet. Ich verstah ihn irgendwo.
Bin immerno im Gschäft aber han jetzt am GG es SMS gschribe, dass er gern bi eus cha schlafe wenn mier zItalie sind. Wenns muess si au, wenner normali Schichte hed aber nöd, wenner am Tag muess schlafe. De fühli mi wirkli igengt. Da muesser halt echt e Alternative finde. Aber denke/hoffe das verstaht er scho.

@principessa
mir sind au mal i de Hochsaison i de Türkei gsi und hend jede Tag um die 50°C gha. Nie wieder du! De chasch wirkli nüt meh mache.... Mir isches z Dubai so gange. Ha i mim Lebe glaub nie Sunnebrand gha und dett; schwupp, hallo da bin ich
Ich denke das Gruppebild wirkt mit dene einheitliche Kleider ebe scho nomal düütlich cooler. Das wärded mir leider nöd ha. Aber findes trotzdem en meeega Idee. Was ich au no grad denkt ha, isch, dasmer sgliiche statt mit em küssende Bruutpaar mit some Herz vor de Linse chönnt mache. Aso das sBruutpaar dHänd so anenand hebt dases es Härz git und innedrah d'Gäscht. Hä? Weisch wasi meine?
Ja das mitem 'obdachlose' Kolleg wärdemer nur mit Ehrlichkeit chönne kläre. Mier tueds halt meh leid für ihn will er so erliechteret isch, daser was hed woner unterchunnt und jetzt sägemer em quasi ab. Wenner nur i de Nacht und wenn mier i de Ferie sind da isch chani mi ebe scho demit abfinde, das findi ned so tragisch.
Haha grossartig wege de verwechslete Location Und, wie hesches ihre schlussändli erklärt, dass du dich vertue hesch?

@principessa: haha, ou nei! Das chönnt mir ou passiere... wie hesch di när wieder us derä Situation usemanövriert?

@Jane: ah ok, ja de findet er äuä nid gad so churzfrischtig ä nöii Wohnig. Doof... Aber er het dr Vorteil, dass er sich uf die cha bewärbe, wo öper ä Nachmieter suecht oder so. Da het me meischtens när ou no gueti Chance, wöu süsch ja alli eigetlech no Kündigungsfrischt hei. I finde die Lösig guet, dass dir ihm säget er söll für öpis anders luege wenn er dr Tag dure mues schlafe. Das versteit er sicher ou!

@Reifrock: I möcht eifach lieber kei Reifrock wöui mir vorstelle, dasi när überall astellä mit däm Teil und nid richtig cha hocke etc. Viellecht stelli mir das ja ou total falsch vor, aber mir hei jetz scho paar ehemaligi Brüt drvo abgrate, es sig mega müehsam gsi mit däm Teil und sie heigä sich nid wohl gfühlt. Darum hani dänkt i luege für es Chleid wos das nid brucht...

I dänke es chunnt sehr druf a ob me es typisches prinzässinne-Chleid möcht oder äbä eher es schlichts. Die wo gärn mal wettä Prinzässin si, wärde die chliine Komplikatione mit däm Reifrock gärn uf sich näh u die anderä äbä nid... I ha als Chind immer lieber wöuä Buur wärde als Prinzässin, ghöra halt scho sit jeher eher zude praktisch veralagte.

@me: Jupiiiii, es paar vo üsnä Föteli si uf dr Homepage vo dr Fotografin: http://andrearufener.com/blog/ Mir hei meeeeega fröid dranne, sie si eifach super!!! I gseh süsch immer so bescheuert us uf de Fotos, bi sonre richtige Fototolpatsch wo würklech uf jedem gad irgend ä dummi Fige macht oder d Ouge zu het oder was o immer. Aber uf denä Fotos gfalli mir gar nid schlächt...
so, jetz gani is Quartierbeizli ga Käffele u Zytigläse... Häbet es schöns weekend!