@Malinchen: bi natürlich grad go luege und find dFotene wunder-wunderschön! Romantisch, verspielt, verliebt uuuh schön.

Ich würds eifach usprobiere wegem Reifrock - selber dErfahrig mache isch amigs ganz andersch. I ha mir gar kei Gedanke gmacht do drüber...und ha bi jedem Kleid woni aprobiert ha im Brutgschäft eine agha, ob schmals Kleid oder usgstellts, eifach ebe wills denn nöd möglich isch, dass mer inne uf de Rock stoh. I hans eher als Hilf empfunde. Und es het denn gar nix mit Prinzessin ztue da wär nämli au gar nöd mis Ding!

@daenu
Verstah das voll wege de Sorg mit de Malaria Prophylaxe. Aber iher hend ja jez meeega tolli Flittis usgsuecht und Afrika löst sich ja nöd uf
Haha Bed&Breakfast und zigünere schribe de die aktuell Situation unne grad für alli

Ohjeee das mit dinere SchwiMu tued mer leid! Ganz gueti Besserig! Gahts schowieder chli? Das isch ja mega blöd und klar, das iher eu da gern kümmered! Ohjee ¨

@malinchen
WOW! Ich ha eui Föteli sicher 10 Minute lang immer und immer wider agluegt. Sind toootal schön! (Hach und ich liebes, Gsichter zu de Näme zha ) Vome Fotitolpatsch bisch du also wirkli wiiiit entfernt da druf! Schöööön

@me
Zerscht mal zum Kolleg wo bi eus sSofa inimmt:
Mier hend jez mal zwei Nächt teschtet. Er macht sich chum bemerkbar obwohl er jetzt s Weekend frei hed. Mier hend ihm gseit, das es eifach doof wär, wenner Nachtdienscht hätti aber das heder zum Glück nur denn, wenn mier i de Ferie sind. Er hätti aber verständnis, daser denn was anders sött sueche. Leider sind sini Alternative praktisch nöd vorhande. Er meint, es Hotel würd er de näh. Im schlimmschte Fall blibter also die nächste drü Wuche. Erstuunlicherwiis störts mi bis jetzt gar nöd, aber mir sind au immer unterwegs gsi. ich han mich au drah gmacht, Wohnige usezsueche und ha ihm jetzt drü Termine ufe Mäntig abgmacht. Hoffentli klappet das, denn chönnter ufe 1.9. i eini vo dene izieh.
Denn hani au no was erfreulichs in Sache Hochziit:
Mier sind geschter Abig a de Chilbi a de perfekt Vogelchäfig für d'Charte vo de Gäscht gloffe. Genau so eine wieni mer gwünscht ha. Jupii

Malinchen, wunderschöni Fotis! Chan mer also fast nöd glaube dass du nöd fotogen söttisch sie. Wo isch die Lokation gsi wo ihr go Fotis mache sind? Die Schiffli sind so herzig und wered genau eusi Hochziitsfarbe...

Guetä Morgä mini Liebä...

@Dänu: I hoffä i bi dir nid ufd Füess gstange wägem Prinzässine-Chleid! Wär also gar nid mini Absicht gsi!!!!! Das si halt eifach so Tips woni ghört ha, aber faus i es Chleid gseh und sie mir ä Reifrock empfähle, probieris sicher mal us!

@Taeboyana: Ja, sie macht das würklech super! Sie het ou mega gueti Awiisige gäh wie mir söuä posiere u so... eifach perfekt!
Oh nei, so doof. I närve mi ou immer, weni ufnä Aruef warte u die ganz Zyt ds Handy i Griffnöchi ha u när lüte die genau denn a, weni gad paar Sekunde nid cha abnäh oder so. Weisch inzwüsche scho meh?

@Chriesi: Mir si bi üserä Abelocation ga fötele. D Seerose ds Moosseedorf...

@Lula: Ah ok. Ja es git sicher ou Träger wo nur zur Deko si und de glich no die Stäbli bruchsch... Hach, schwierigi Sach. Aber du fingsch sicher no dis Troumchleid!!!
Mir hei äbä d Apérolocation säuber buechet, resp. das isch eifach sones auts Schützehuus wo nümme brucht wird und jetz no für so Aläss vermietet wird. Aber das louft eifach überd Gmeindverwaltig u nid übernä Caterer. Da hei mir üs äbä no für keinä entschiede, i ha scho gseh, dass deu das inbegriffe hei. Aber möcht jetz ou nid das als Kriterium näh bi dr Wahl vom Caterer... Mir hei jetz gseit, dass mirs gärn am Sunntig ou no wettä reserviert ha. Sicher isch sicher.

@Lula: Ja, 8 Jahr si scho öpis mega Schöns... chas chum gloube, die Zit isch einersits so schnäu vrbi und angerersits füut sechs würklech a, as wäre mir scho ds haube Läbe zäme und i wett würklech nümm ohni ihn! Mir wette scho öpis mache, aber si irgendwie chli unentschlosse. Süsch simer aube i irgendsone Love Room (Hotels mit spezielle Romantikzimmer), aber dasmau wette mer eigentlech möglechst nid zviu Gäud usgäh, wüu mir ja würklech wei spare. Ig möcht gärn no irgendöpis mache, woni vielech när gad es Wili nümm cha nach dr Operation, z.B. e lengeri Wanderig oder ga wellnesse oder so. Mues hüt nomau mit GG luege, was är meint.

I mues äuä nachem Spitau no 1-2 Wuche dähei bliebe und mit Sport muesi sicher o so 3-4 Wuche pousiere. Da ig nid gad dr schonenscht und entspannendscht Sport mache wome dr Buch sehr viu brucht, muesis de scho sehr langsam agah. Vor auem ischme mit somne Stent (das Röhrli wo sie vor Niere bis id Blase lege) gloub o no igschränkt... Tja, ade liebi Müskeli

Dr Budealass isch ganz luschtig gsi, mir si im Ämmitau gsi u hei sone "Bauernolympiade" mit so witzige Spieli gmacht. Ds Wätter isch ja o Hammer gsi. Am Abe heimer de Grillbuffet im Dachstock vomne Burehuus gha u när e mega cooli Band (ha natürlech gad ds Chärtli gno hehe). Eifach wiud abtanze u d Sou uselah isch i mim momentane Zustand leider nid so drin, aus aktive isch momentan chli mit azogner Handbräms...

@malinchen: i findes äbe o Hammer, wie sie soviu tolli Idee het, dassme eifach nur mues härestah u mache was sie seit und es chunnt super. I gfaue mir ja würklech säute uf Fotos, aber uf ihrne Föteli chani mi ächt aluege D Sujets im Böötli si würklech Hammer.

@me: Ja, i ha inzwüsche chönne zrügglüte und ha itz definitiv dr 9.Septämber as Termin für d Operation. Mues aber bereits am 8. (Sunnti) am 3 iträte u das schisst mi scho jetz a Bi doch de dr haub Tag no närvös und weiss nid was mache...

@Taeboyana
weni di wäri würdi würkli no gad spannendi Büecher go choufe und Hochzitsheftli
nei isch nid besser....ja genau er wott mau Urinprobe ischicke zum luege dasme mir gezielter cha Medis geh anstatt daser ize eifach irgendwider es Antibiotika git wo de nüt nützt - ischmer ou gad lieber aus dases nid weggeit und i z Thailand ner immer no Blaseenzündig ha