@Lula: Ja genau, das si genau so Idee woni ha gha für üses Jubiläum. I luege mau, obi no e schöni Wanderig finge wome vielech imne Bärgbeizli cha Zmittag ässe, das wär no öpis. Massage muesi äbe ou chli ufpasse, die sötte mer nid zfescht da desume drücke...

Ja i weiss, i bi da aube chli paranoid dass mini Fitness grad dr Bach ab geit, aber weme haut rächt viu drfür tuet u de plötzlech wuchelang mues stiu ha, isches nid so eifach. Aber weme dr Wiue het, chunnt o das wieder, hoffi.

Ja, mues nüechtern si für d OP (muesme gloub bire Vounarkose immer, hani gmeint?). U de heig me schints vorhär no Gspräch mitem Narkose-Arzt etc.

D Band wär no cool für am Abe. Si würklech no rächt abgange und heise au cool gfunge.

Guete Abig

So melde mich au zrugg.. sind zwar schowieder e Wuche zrugg und im alltag aber bi leider nöd dezue cho zum gross nachelese und min senf dezue zgäh.. bin am mäntig nach 8 wuche wiedermal im büro gsii und ziemli k.o. gsii...
@Taeboyana cha dir nachefühle.. dörf sit 10 wuche kei sport mache.. und ha suscht mind. 4 mal pro wuche usdur gmacht.. :-S und denke i dörf au na längers nüüt mache.. :-S
ich weiss jetzt nöd öb ich mich dur all die biiträg söll dureackere.. mir sind uf siite 296 gsii won ich id ferie bin und jetzt simmer irgendwo bi 336.. :-S ich glaub i wirde mich jetzt eifach wieder ahänke..

irgendöppert het na e location im ruum wädenswil, richterswil gsuecht.. hesch s'mistlibüel au scho aglueget? infos gfindsch uf dä homepage vo dä gmeind richterswil

ich sött mi etzt au wieder hinder eusi hochziit chlämme..aber ha dmotivation nanig so gfunde.. :-S aber hoffe es chunt wieder.. hend doch na einiges vor eus.. am samstig simmer na go ring aluege und nöchst wuche nehmed mir zwei fotografe under lupe..

also i hoffe ihr sind mir nöd bös wenn ich eu etzt da nöd all uf alles antworte.. wirde versueche ab morn wieder fliessig mitzlese und mitschriebe..

lg

@Taeboyana: Oh je, da chani dir ou sehr guet nachefüehlä. I würd ou nervös wärde weni so lang kei sport dörft mache. V.a. wirdeni aube grantig weni mi nid darf bewege... Aber muesch luege, die Musklä si schnäu wieder da! Mi dünkt immer es geit viu schnäuer, Muskle ufzboue wo me scho mau het gha aus "nöii z mache".

@Lula: Mir mache jetz d Versicherig eh nur für ds Kirchlechä. Wöu mir nur so wenigi Lüt hei iglade gha fürs Zivile hei mir gfunde, da würde mir schnäu no ä Alternative finde fürs Ässe etc. Aber stimmt, ad Gebühre hani gar nid dänkt...

@Sue: ah ja das isch sicher guet wenn sie versueche es gezielters Medi z finde als Antibiotika! Drücke dir d Düme dass bis Ändi Wuche wieder fit bisch!!!

Hallo zämä

soo i han mich jetzt wieder durch die letste site gläse, isch e mengi gsi. Ich glaub ich bi die wo würkli meh echi Idee chum go klaue und sache go abluege, will i schaffs eifach nid wie ihr eso taff mitschriebe.
Die goldige Karte findi übrigens au sehr schön, so elegant!
Wahrschinli sinds wie du seisch es bitz z'tüür das für alli so eini chasch neh, aber rein optisch würis wie die andere au nid schlimm finde.

Ich und min GG sind eus momentan es bitzeli mitem Text am abkämpfe....will mir schicket allne es Kärtli und wens aber irgendwie klug löse mitem Text, aso die einte sind nur für Apero iglade.
Usserdem gits jo eh mega viel Text Variante
Was bi mir ide letste Täg so gange isch, mir sind jetzt am unterschiedlichste Offerte ihole, Apero, DJ, Auto.....DJ simer ziemli sicher das ma de nehmet, korrektur es isch es sie

Mini Frage a all:
Was rechnet ihr bim Apero pro Person?
So echi was trinke, sekt, mineral o-saft und natürli echli was z'knabbere echi schön gmacht.
Hochziitsversicherig, isch die würkli so nötig?hend ihr alli eini? Ich muen mi mal gnauer Informiere, ha bis jetzt gar nie über sowas nah denkt.