@Lula
Merci viumau…mir göh 2 Wuche id Ferie;O)

@chliini22
Willkomme zruk!!;O) wirdmer nach üsne Ferie äuä de glich gah dasi nid alles cha nacheläse wo hie louft obwohls super wäri;O)

@sasileu
Hmm auso mir maches so wemer öpis gad gseh a Deko womer wüsse dasmer das 100%ig wie de choufemers oder bstelles..ha scho paarmal ize erlebt dases Sache ner nüm het gha und das isch ner mega schad aber nume Sache womer würkli wüsse das weimer!!

Me
Bi üs werde di nöchschte pünkt nachde Ferie si d Iladigskärtli z plane und z luege wasmer so a Unterhaltig/Musik wei afrage. Wie viel heit dir öppe so circa für Hochzeitstorte budgetiert?

nicht registriert

Guäätä Moorge miitenand

Malinchen: Da iisch ja en Zuefall, dass denn grad öper nach eu da Hüsli will miete! Bis gescht hend iihr eu jo müässä entscheiide, wer vo eu het dä ander überzügt? Wooow, ii ha diiä Fotis gad entdeckt! Sii siind wuunderschön und du bisch immer guät druf! Endlich hesch es und s'Warte het siich glohnt! d'Schuäh wo anehesch, siind de absolut hammer!

Janedoe: Woow, Lounge und Musiik und Bar tönet hammer! So chönt iichs miir au meega guät vorstelle!! Tönt geniial!! Ihr chöntet ja ä Pension uf tuä, so viil Gäscht wiiä iihr empfanget! Wiiä lang iisch er denn scho bii anderne Untergmiätät? I bii chlii erstuunt, ä Wohnig für siich selber findet meh doch no rasch oder isch er assä heiikel? Also miir wär da jo total peiinlich, immer müässä uf fremde Sofas schloofe... Gratuliärä zum Vogelchäfig! Da passt suuper zu euem Hochziit. Oder iihr hend chlii Vintage-Style?

Sue: Jo da stimmt, denn chönt ihr würkli 2 Karte machä. Schont s'Budget und Föteli chömet gliich no zum Zuug I bii en total Foti-fixierte Mensch! Nach Thailand hesch du siicher jede Menge zum nolese Wünsch diir jedefalls suuper schöni Honeymoons!! I hoff, dini Blaseentzündig het sich usem Staub gmacht. Diiä isch würkli fehl am Platz!

Principessa: I ha so müässä lache, wo ii diin Bitrag glese han!! Da het jedem chönä passiere! Ihr hend siicher schön für Verwirrig gsorgt! Isch jetzt aber alles klärt? Jetzt weiiss ii, wenn ii es Mail vonere Location bechum, muäni fest luägä, welli das da isch Guätä Hiiwiis

Daenu: I wünschä diiner bald-SchwiMu au guäti Besserig und dass sii siich bald erhole darf! Und eu viil Kraft zum siich um sii kümmere!

Reifrock: I ha jaa miis Kleiid scho dehaii und ii würds nöd umbedingt es meega Prinzessinekleiid nenne. Bis jetzt han iich's immer ohni Reiifrock aahgha und es gfallt mir soo guät I ha aber ghört, dass es umbedingt ein bruucht. Drum lehn iich ä Reifrock vo dä Kollegin uus und luäg denn wiä's denn usgseht. Cha mii jo denn immerno entscheiide. I denke, so wärs allnä z'empfehle, selber gugge und denn entscheiide. I chas miir nämli au nöd vorstelle, Reiifrock tönt so gstabig...

Taeboyana: Uuuh, ii bii so gspannt uf eui Magnetli!! Suuper dass es eu scho so guät gfallet! Viil Spass biim bastle
I fiind dini Idee für eues Jubiläum au suuper! Passt total zu euch! So lang uf Sport verziichte isch würkli ned für jedi eiifach! I wünsch diir, dass nachher defür dini Fitness wiider ufbaue chasch! Schön, wiird bald öpiis geg dini Schmerze gmacht! I druck diich, ii würd au platze vor Nervosität!

Lula: Uiii, do fehlet jo tatsach ganz viil Ameldige! Hend iihrs scho chönä kläre? Ihr müässtets demfall scho früäh wisse?

chlinii: Welcome zrugg! I würd diiä viile Siite au nöd duurelese, do wärsch ja ewiigs drane! Nur scho für 4 Siite han iich ä ganzi Stund... Viil Erfolg mit dä Fotografesuächi und dass denn Motivation diich nu so übergüsst!

Versiicherig: Für diiä würds wohl mol Ziit werde... Got jo nüm es Johr bii uns... Muä ii mol miim GG nomol sägä. Er het gfunde, 70.- isch ja ä chlini Investition, wiä wenn was dä Bach würdi abgah.

Sasilu: Oooh, wenn und wo hesch dii Termin! Diis Mamii isch ja uuh herzig! Tönt zum knuddle! Und diä Info isch gar nöd uninteressant! Text sind nöd eiifach, und Gedanke han ii miir nonig drüber gmacht. I wiird wohl ii bereiits erhaltene Kartene noluägä und denn vo überall was klaue. Machet iihr dä gliich Text für d'Apéro und Obiggäscht?

Me: Wooow, nixx isch gloffe fürs Hochziit. Miir wüsset gad au nöd wo wiiter machä. Isch irgendwiä no für viiles eiifach immerno z'früäh...

Wünschä eu ä guätä Taag!

@ Sue87:
Joo stimmt jo irgendwie scho, bis jetzt ischs aber glaubs no nix seltenes gsi und es bitzeli bremst mi euses Datum, mir hüratet jo erst negst Johr im sept. Aber hesch recht, danke!

Weg dinere Frag bezüglich Köste Hochziitstorte, mir hend eifach bi zwei drüne abüter gluegt wo Torte herstellet wo so nach eusne Vorstellige sind und den simer ufen Schnitt vo 15.- pro Person cho
Somit wer jetzt eusi Torte Budget echi meh als 1000.- da mir denkt hend mir nehmet lieber paar stück meh. Was aber au isch, mir wend eigentli als Dessert im Resti nix anders meh abüte usserd viellicht echi Fruchtsalat.

@squishy-fishy:
Euses datum isch de 12.&13.09.2014, am Fritig 12. zivil und am Samstig 13. kirchlich.
Da mir us Winterthur sind, isch natürlli zivile da und kirchlich hemer eus e chile im TG usguecht, Homburg, und Fest söll nacher bi Diessehofe statt finde, isch sones Resti, also Glaswürfel direkt am Rhii
Wegem Text wo na gfrögt hesch, joo s irgendwie de Afang wemer glich mache aber nacher bide Apero Gäst eifach nur ladet zum Apero ih und bide anderne ald namal so es Sätzli vowege mit eus fiire gahts den deht und deht hi oder wie au immer. Wüssets ebe nid so gnau, vorallem willi luege dasi die "Trennig" vode Gäst irgendwie echi gschickt cha umschriebe/verpacke
Wenn und wo hüratisch den du?

nicht registriert

Guätä Mittag

Hochziitstorte: I ha Hochziitstorte nöd so gern und drum nehmet miir nu eini, wenn miir gad no vörrig Geld hend und unser Bäckerkolleg sii machä würd. Denn würds nämli nöd soo tüür werde. Miir hend liiäber es riiiisigs Dessertbuffet

Sasilu: Ä glaswürfel direkt am See? Da stell ii miir jo unheimlich romantisch vor het diiä Locaction ä Homepage? Was ii scho gseh han und no kuul gfunde han, dass Karte an siich bii allnä gliich gsii iisch. d'Iladig für Trauig und Apéro, spezielle isch gsii, dass dä Ileger als Itrittskarte für dä Abiig gstaltet gsii isch. Han ii no witzig und originell gfunde.
Miir hürotet am 15. und 19. Juli in SG und fiire tüänd miir in Bregenz. Isch au fast ä Glaswürfel nu ohni Rii Wenn hesch denn dä Termiin und wo zum Kleiider aprobiere?

Malinchen: I ha da Problem no oft mit dä ungliichgrosse Schuäh. I nimm aah, mini Füäss sind tschuld Oft hilft ä Söleli, denn sinds bequemer zum träge. Aber da hesch wohrschinli au scho gwisst ?

Oh iher sind ja schowider mega flissig gsi :)

@Taeboyana
Super mit de Magnetli! Bin mega gspannt uf dBilder!
Hed di de Arzt zwüscheziitlich verwütscht und weisch scho wies wiitergaht? Ah jez hanis grad gseh. Das du so früeh scho muesch dett sii isch ja wirkli blöd! Wieso denn? Wegem nüechtern sii oder so? Laht sich da nüt mache?

@Lula
De Feriestart hetti mier also andersch vorgstellt so betreffs Wätter :)
Wenn hend ihr denn dIladige usegschickt? 7 Antworte bi de Aperogäscht isch ja scho grad chli wenig :/ Bis wenn isch Ameldeschluss?
Mier hend bis jetzt kei Hochziitsversicherig abgschlosse. Hend eus aber au nid mit dem Thema befasst. Sind de eifach die ganze Usgabe versicheret falls eine e Unfall hed oder so?

@malinchen
Super, dasers am Sunntig au no reserviert hend. Zur Sicherheit

@Sue
Du bisch immer so flissig hani zGfühl!! Bald gahts id Ferie! Bisch scho ready? Wie gahts de Blaseentzündig?

@Chlini
s Mistlibüehl hemmer im Februar welle reserviere, das isch damals scho bis im Oktober 14 usbuechet gsi Leider. Merci aber füre Tipp!!
Hender eu am Samschtig scho fürne Ring entschiede?

@sasileu
Bi eus choschtet de Apero p.P. 14.50 ohni Getränk. D'Getränk werdemer de selber im Getränkemarkt hole. Da holemer eifach chli Sekt, Säft und Mineral.
Und mier hend kei Versicherig - bis jetzt.
Oh gratuliere zum Termin. Wenn und wohi gahsch?

@squishy
Ideeä zur Ruumgstaltig hemmer wirkli e Huufe, han letschti im Dütsche sones Vintageschild gseh wo 'Champagner Lounge' drufstaht. Das isch natürli direkt mit mier mitcho :D Das wärdemer sicher umsetze
Im Sept hed sich jetzt au no am GG sini Schwöschter für paar Täg agmeldet. Ich glaub mier verlanget jetzt denn Geld
Genau, de Vogelchäfig passt zu eusem Motto, mier möchted en Vintage Hochziit, genau Hend ihr au es Motto?

@me
Es nimmt und nimmt keis End! De Höhepunkt isch hüt morge cho... Euse neu 'Mitbewohner' nimmt offebar a, daser länger als 3 Wuche hie cha bliibe falls er kei Wohnig findet i nächster Ziit. So langsam machts mi stinkig. Am GG sini Schwöschter hed sich agmeldet Endi Sept. 3 Täg zu eus zcho. Freue mi meeega und de seit doch de ander 'hmm, demfall muessi bis denn e Wohnig ha spötestens'. Ich bin völlig baff gsi ab sinere Reaktion. Er isch wirkli agnehm, mer merked ihn so guet wie gar nöd aber ebä... Muess de nachher mal in Rueh mitem GG rede. Will schliessli isches sin Kolleg, er söll ihn useschmeisse

Mier sind ja geschter de Saal go aluege woni eu zeigt ha. Er isch live genau so schön wie uf de Bilder. Und riiiiiiiiiesig Bin richtig glücklich! Jetzt müemer nurna de Vertrag unterschriebe und chönd hoffentli abschliessend e Hake hinter die Locationsuechi mache. die 20 Minute Autofahrt zur Übernachtigslocation nehmemer ez echt gern in Kauf.

Hüt möchemer eus mal uf d'Suechi nach eusne Ring. Hend ja sone tolle Ring in Internet entdeckt und jetzt am Hersteller gschribe und de hed eus zwei Läde gschickt, wo de Ring evtl chönnted bstelle.

Eusi Fotografin hed mer geschter es SMS gschribe, dass euses Datum so beliebt segi, sie heb jetzt innerhalb vonere Wuche 3 Afrage uf das Datum gha. Bi soooo froh hemmer eus als erst um das kümmeret

Zuletzt bearbeitet am 27.08.13 12:23

Hoi zämä

@chliini: Ferie gha? Wie isch gsi? Heit drs guet gha?

Heit dr Ringe gfunde? Hesch es Foti?


@malinchen: Fürs esse wette mir deheime dr Grill awerfe, oder es Chineoise, je näch Wätter, das wäri aso nit so zProblem das chönnti mir igfrüre, zeinzige wo wäri isch dTorte...


@nisliker: Ach so, ha ebe gmeint, me müessi eis agäh, aber de isch easy, Merci viu mau!


@sasileu: Was sit dr de no am Kämpfe mit am Text? Viellech chöi mir Dir ja no was häufe? Üs isch eifach wichtig gsi, dass mir für Apero, wie ou Obegäscht e Du und Ihr Version hei. Het de haut 4 Versione gäh, aber für üs isch das persönlicher gsi...

Wär heit dr de aus DJane?

Wäg am Apero, mit hei für Fr. 14.- pauschal
(Gemüse-Dip, Tête de moine, Hobelkäse, Sbrinz, Früchtespiessli ohne Melone, gefüllte Laugen-Brötli, Roastbeef mit Spargeln, Rohschinken mit Melonen, Mozzarellaspiessli mit Cherrytomaten, Fleisch- und Käseplatte, Zopf und Mischbrot)
was drzue chunnt si dGetränk (Mineralwasser mit und ohne Kohlensäure, Orangenjus, Cola (Citro für Panache), Sirup für Kinder, Epesses weiss, Dorfbier, Kaffee, Tee) u Service, luut Caterer gits p.P. e Priis vo 20.-
Hei aber e Saal, Service, chöi no mit WIR zahle u hei 2,5 Stund Zyt. Müesse se eifach ca um 30-45 Minute verschiebe...

I findes haut no gäbig für den Falle eines Falles. Gugg mau hie; https://www.to-go.zurich.ch/page/public/de/ch/productAction/Wedding/overview.html#OverviewTab

Hey isch doch super, u absolut nit uninteresannt!!

Mit am Ikoufe warte mir no, louft bi üs äuä ou uf e Herbst/Winter use, zum erschte wüu mir derte no nit würkli wüsse was u zum andere wüu i nit di ganzi Wohnig ma vougstellt ha...
Ha aber ou züügs gseh, woni unbedingt wott


@Sue: Muesch gloubs so 5-8.- Franke p.P rechne, je nach Ufwand. U de chunnt meist no zGabelgeld drzue
Bi mir drum am überlege ob mir se am zivile wetti, de si mir deheime u i müessti nit no backe... U am kirchleche wei mir es Dessertbuffet


@squishy: Mir warte mau bis am Samschtig, denn louft dFrist ab. U de heisst äuä aune hinter nache renne u xmau telefoniere...
Ja, mir hei ebe nit zwöi Ameldefriste wöue, u da mir am Hotel müesse bscheid gäh wäg de Übernachtige, isch es haut so



@jane: Chönnt schlimmer si, es chönnti Schneie, Hagle, Stürme, etc... Aber i verstah Di
d'Iladige si mitti Juli use, aso hätte si eigentli gnue Zyt gha! Ameldeschluss isch am Samschtig... U i gseh schwarz, mittlerwile fragt sogar mi GG am Obe nache ob sech irgendwer gmäudet het

dUsgabe bis 2'000.- si versicheret bim ne Säubstbehaut vo 200.- Franke. Gugg https://www.to-go.zurich.ch/page/public/de/ch/productAction/Wedding/overview.html#OverviewTab

Chasch es B&B uftue, de hesch es zwöits Standbei
I gloub Du muesch würkli mau mit Dim GG rede u er närne mit öichem Sofagast... Finde jtzt aso scho fasch fräch, dass er animmt das er eifach cha blibe

Tönt super mit öichem Saal, ma nech das vo Härze gönne

Wie isch dRing suechi gsi? Heit dr Erfolg gha?