@Janedoe: ja i find au das mir üs jetz nüm müend Sorge mache weg Impfige etc. und das mir etz uh tolli Plän händ wege de Flittis *freu* Weg de SchwiMu schriebis denn grad no unne für alli wo gfröget hend.
Hetter etz scho chönne go Wohnige aluege? Ja wenner sich so bemüeht sich unbemerkbar z’mache isch jo au super.
Ouuuu du da freut mi uuuh fescht dass eu de Saal genauso guet gfallt wie uf de Fotene. Mir hetter au bsunders guet gfalle. Demfall nämederen oder?

@Taeboyana: Ooooh so toll…wenn gsehmer Bildli vode Magnetli?
Das mit de Langwil und de Nervosität (bim früehne Spitalatritt) gieng mir au so! Cha di voll verstoh!
Muesch würkli luege das chli was z’lese/z’loses debi hesch…vlt scho chli Bsuech!?

@Lula: da überlegged mir üs ebe au, wegem wellnesse nachem HZ. Mir gönd jo erscht 3 Mönet nochem HZ, aber ebe so paar Tag wellnesse grad nochem Hochzitstag wär ebe au entspannend.
Händer denn e Frist gsetzt für dAmeldige? I befürchte dases bi üs ähnlich wird…i glaub dLüüt meineds nöd bös, sie denked eifach es seg ja selbstverständlich dass SIE debi seged. Üsi Gäscht händ no Ziit bisam 1.Nov zum sich amelde.

@Malinchen: du bisch mir gar nöd uf de Fuess trette, au nöd uf de Zeche *smile* i ha nur welle klarstelle, das mer nöd nur mit Prinzessinnekleid en Reifrock brucht. I gseh mi nämli gar nöd i dere Thematik! Du gsehsches jo denn…und du muesch dich jo eifach wohl fühle!

@Sue: Kuul, dGäscht freued sich sicher mega wenn sie euri schöne Dankeskärtli bechömed und denn no MIT dene Fotene wo sie druff sind. Findi e sehr ufmerksami Geste!
Tuet mer leid, dass dini Blase-Entzündig nonig besser sich trotz Medis. Hoffentlich gseht mer im Labor wases sich und wie mer dir chan helfe, dass du dich nüm wieter muesch demit umeschloh.

@Chliini: Hallooo und welcome back! Mach dir kein Kopf…muesch sicher nöd Site für Site dureackere…das Forum söll ja Spass mache und nöd Qual. Stiegsch eifach wieder frisch-fröhlich i.

@Squishy: I wird mine au nöd chaufe…de Reifrock meini *g* i chumed über vode Nachbarin wo grad ghürate het.
Usserdem hemmer au Dessertbuffet statt Torte

@Sasileu: ooooh ihr hürated ja i üsere Gegend. Glaswürfel in Diessehofe? Also im Schupfe? Ahhh etz hanis grad gseh, dass gschriebe hesch im Paradiesli. dHomepage hemmer do uf üsere Suechi au aglueged…mir hend jo au unbedingt am See welle. Im Schupfe hemmer sogar e Besichtigung gha.
Du hesch no gfröget wegem Apéro gell? Also mir rechned (händ Catering nur für sEsse am Apéro und bsorged dGetränk selber, de Catering schenkt aber i) mit Fr. 20 pro Person.

@SchwiMu: Für alli wo so lieb Anteil gno hend und nochegfröget hend…danke vielmol.
Sie wird no es Wili im Spital si leider. Wie gseit mehreri Knochebrüch und de einti Bruch (am Chnü) müends na operiere wenn’s chli abgschwolle wär. Sie het auno sSchambein und sSitzbein broche. Sie isch jo ebe unter en afahrende Laschtwage undere cho
Sie isch aber sowiet positiv, was ihre natürlich hilft im Heiligsprozess und üs natürlich au…
Isch nonig abz’schätze wie lang das wird goh…
Und ich säg eu…genau für so Sache isch denn e Hochziitsversicherig GOLD WERT!

Guete Moorgä allersiits

@Sue87 wohi gönder dän id Ferie?
@squishy-fishy ja i ha mi etzt au dezue entschiede dass ichs eifach uslahne.. wer zwar scho interessant gsii zum lese was so gange isch aber has dä nach es paarne siite ufgä.. ja mini motivation isch leider immerna nöd bi mir.. generell für nüüt.. bi eifach immernanig fit und sport dörf ich ja au na nüüt mache und merke dass ich eifach immer schlapper und unmotivierter wird :-S

@taeboyana ja ha en bandschiebevorfall gha endi juni.. also knapp e wuche vor eusne grosse ferie.. :-S und leider gad 2 bandschiebene duss.. jänu shit happens.. was machsch dä du für en sport? Ich eifach hauptsächlich usdur aber mini liedeschaft isch halt s’rennvelo und bike..aber rennvelo muen i wohl oder übel abschriebe.. :-S bis jetzt hani na kei alternative gfunde wo i sgfühl han i chönti freud dra ha.. :-S
@janedoe oh isch s’mistlibüehl so usbueched? Hetti jetzt nöd denkt.. händer jetzt öppis gfunde? Wo dänn? Vowo bisch dän du i därä gägend öppis suechsch? Hend ihr zivil und chirchlich? Wo händer was?
mir sind scho i dä trauringlounge gsii und bi drüne goldschmied.. aber denke langsam kristallisiert sichs use.. aber hend eus nanig zu 100% entschiede.. hend ursprünglich chli was speziellers welle aber sind wieder uf eher schlichter zrug cho..well das verleidet eim wahrschindlich nie..und euse wunsch isch es ebe es unikat, keine ab de stange..höchi aforderige, gell? Händ ihr eue ring scho?
@lula yep mir sind trotz allem au na id ferie, 2 wuche ägypte, marsa alam isch super gsii.. ha leider ned chöne tauche nur schnorchle aber naja besser als nüüt.. aber hend e super hotelalag usgsuecht gha.
ring hemmer na nüüt definitivs mir sind eus nachliunschlüssig i welli richtig dass es söll ga..
Turte: also mir hend es Dessertbuffet und werdet wenn dänn nur e symbolischi tuurte ha zum aschniide, und wahrschindlich macht sie e kollegin vo eus… vo däm her chani nöd sege was mer für die müesst budgetiere..
Versicherig: mir werdet bestimmt eini abschlüsse.. muen mich jetzt mal dehinder chlämme, well mir hend en jahresvertrag vonere annulationsversicherig öb döte evt. au so öppis deckt weri.. ferie hends uf all fäll schön brav zahlt.
Me: mir händ jetzt nöchst wuche male en termin mit zwei fotografe und dän hoffi chömmer das thema dän au bald abschlüsse.. und dän mal luege was dän als nöchsts astaht..viellicht chunt denn mini motivation wieder..

So wünsch eu allne es schöns tägli..trotz rege..

@chliini: Das isch tough mit däm Bandschibevorfau. Hesch müesse operiere? Und isches de bim Sport passiert oder eifach süsch?

I trainiere und unterrichte Tae Bo (het technischi Elemänt vo Taekwondo, Kickboxe und Karate, wird aber nur fitnessmässig usgüebt) und due drnäbe no jogge (bis Halbmarathondistanz und wär eigentlech für ändi Oktober am Luzärner agmäudet ). Muesch de du itz eifach abwarte, dasses besseret oder bisch i irgend ere Therapie? Mega müehsam wed so kes Ändi gsehsch.

Rägnets bi euch? Bi üs isch blaue Himu

@Torte: Das isch o no so chli e unklare Punkt bi mir. I würd gärn eini aschnide, aber bim Resti würde mir 6.- Tortegäud pro Person zahle, da chönntsch gad nomau e ganzi Torte ha für dä Priis! U die wo ds Resti säuber abietet, houe mi rein optisch nid gad vom Hocker, i hätt haut gärn chli e spezielli oder äbe am liebschte e Cupcakes Torte... Evtl. steue mer aber de die scho bim Apéro uf, wüu ds Dessertbuffet am Abe isch ein Muss für üs u de wärs chli viu uf einisch.

@daenu: Ih das tönt schrecklech mit dene Brüch, das tuet eim ja scho vom ghöre weh. Die Armi! I hoffe, sie cha sech guet erhole und bliebt positiv. Das hätt ja sicher o no viu schlimmer chönne usgah unger däm Lastwage...

@Sue: Wie geits mit dr Blaseentzündig? Bisch ready für d Ferie?

@me: I bi gester bim Coiffeur gsi und ha scho für Haar und Makeup chönne reserviere am 16.08.14 Sie het gfunge, lieber gnue früeh. Sie heig letschthin chli blöd gluegt wüu eini jetz (Ouguscht 13) het wöue cho e Probefrisur mache für im Ouguscht 2014!! Näbe mir isch o gad eini am Probefrisur mache gsi, het mi aber fasch chli kitschig dünkt. So mega künstlechi glänzigi Locke (sie gloub no extensions gsi).

@Taeboyana
Der Arzt het gmeint me müesst fasch mau no gneueri Untersuechige mache und das längt ize vorde Ferie nüme....iz schickter eifach es Rezept a mini Apothek für d Symptom z lindere aber stresst mi scho gad...hoffe es wird nid schlimmer sondern besser ide Ferie...
ou cool hesch der Termin scho!! isches de di Coiffure wott eh scho geisch oder nöime nöis?

@chliini
ja bi scho 4 Mal z Thailand gsi und ds Bali ou scho aber nimer gern Tipps?!

@Sue: De hoffe mer fescht, dasses i de Ferie vo säuber o besser wird, we vielech dr Stress o no chli wäg isch. Hesch ja ide letschte Wuche o viu gha, das macht haut mängisch o no chli öpis us. I drücke dr Düüme, dass de när Rueh hesch und nid no weiss nid was für Ungersuechige muesch über di la ergah... heter gseit was füregi? Eifach Labor oder süsch no?

I bi im Januar z'erscht Mau bi ihre gsi, sie traniert bi üs und het e eigete Salon ganz bi mir im Nachbarort. Sie macht äbe o Makeup und Negeli und duet aube d Models vor Modeschou ar MarNatal zBärn frisiere und schminke. Ha o scho mau fürne Ball bi ihre Haar la ufestecke und Makeup gmacht und bi super zfriede gsi.

Cooli Idee mit de Iladige! I ha für d Deko äbe so viu Idee und chami fasch nid entscheide... I fänd so öpis mega cool: http://pinterest.com/pin/375417318908566509/ , augemein so mit dere Farbkombi: http://pinterest.com/pin/375417318908716604/. Isch rächt speziell, i weiss... so grossi Cherzeständer uf de Tische fändi o schön, die würd ds Resti vermiete.

@chliini: Phu das isch aber o nid luschtig, we das ungerwägs passiert... hoffe mer, dass d Physio hiuft und es Stehpult isch sicher o guet!

I finde es Tortegäud ja e Bitz wit berächtiget, aber 6.-/Person??! Dasch definitiv übertriebe.

@Lula: Jö dis Grosi isch ja hennä härzig... I gloub das isch drum früecher no so verbreitet gsi, dass me sich bi de TZ amäudet u nid bim Brutpaar säuber. Aber was isch äch ds Problem vo dire TZ?! Isch ja hennä komisch... Immerhin het sie dirs witergleitet.

@Sue: Oh ja, die Böxli wäre natürlech ou mega cool!!! Isch ja würklech müehsam mit dire Blaseentzündig. Aber ide Ferie geits dir sicher gli besser! D Wärmi, d Erholig vom Stress u so häufe sicher...

@Taeboyana: Ah hennä cool wägem Coiffeur!!! Öpis meh wodä chasch abhägle, das isch ja immer guet...

@me: mir chunnt gad i Sinn vo wägä Coiffeur: I ha ja chli es Problem gha wöu mini Coiffeuse dä Summer ufghört het. I ha scho stunde drmit verbracht ds Internet z durchforschte... Jetz bini eismau mit eirä vo mine bestä Fründinne ga zmörgele, u wo sie öpis vo ihrne Eutere verzeut het isch mir i Sinn cho, dass ihres Mami Coiffeuse isch. Sie het üs aube bi allne Schuel-Uffüehrige und für Schüelerparties frisiert und jetz wirdeni wahrschinlech sie frage. Eis Problem weniger...