@Dänu: Oh je, dini armi SchwiMu! I hoffe sie erholt sich guet vo däm Unfall... Das tönt ächt übel!
@Taeboyana: Wow, d Magnetli gseh würklech mega cool us!!! U mit de Bändeli u däm Schiudli dranne ischs mega härzig! Wie isch öies Jubiläum gsi geschter? Heit dirs guet gha? Versuech di mit müglechscht viu angernä Sache ds beschäftige, dass de gar kei Zyt hesch dir so viu Gedanke z mache über die bevorstehendi OP! Hihi, da chönnt sich di GG ja mit mim zämä due! Ds Choche isch no chli das woni mir Sorge drum mache bi ihm... I gseh scho cho, dass üsi Ching när jedä Mittag Schinkegipfeli oder Chäschüechli usem Ofe vorgsetzt bechömä.
@me: Ds Brutchleidshoppä isch meeega cool gsi!!! Es het würklech Spass gmacht u mini Mädels heis o cool gha. I ha zersch chli Angscht gha, dasses de villecht längwilig wird für sie. Aber sie hei fliissig ihri Meinig drzue gäh, ghulfä Chleider usesuechä und Föteli gmacht... Mis Mami isch ou mega härzig gsi! Sie wott mir ds Chleid zahle!!! I bi us allne Wulche gheit, sie hei üs scho süsch abote, üs öpis ads Fescht z zahle, u jetz no das! Sie het när gseit, das sig ihres persönlechä Gschänk nume für mi. Aber DAS Chleid hani no nid gfunge. Mir si zersch im Thessa & Thomi gsi, det hani mi mega wohl gfüehlt, d Bedienig (Frou Gyger) isch super gsi, mega sympathisch und sehr engagiert uf all mini Wünsch igange. Am Schluss hani ei Favorit gha:
Ds Chleid isch meeeega bequem und sie würde mir das Glitzerding vore ir Mitti wäg näh und dür nes farbigs Band ersetzä. Obwohls Schulterfrei isch (hani ja eig. nid wöuä) sitzts super, ohni Stäbli u nix. Reifrock bruchts aber nid bi däm...
Denn si mir no ids Brutparadies. Det hani d Atmosphäre irgendwie nid so cool gfunge wie bim Thessa & Thomi. D Bedienig isch ou eher chalt gsi und het paar doofi Bemerkige gmacht zu mire Chleidergrössi (Gr. 40 sött ja eigetlech nid sones Problem darstelle findeni), zu mim Planigsbüechli woni Bilder us Zytschrifte und vom Internet ikläbt ha ("Dir heit ja gar kei einheitlechä Stil, das wird schwirig!") und am Schluss het sie mi mega zure Entscheidig wöuä dränge. Aber i ha o dert es Chleid gfunge wo mir mega guet würd gfalle. I ha äbä keis Bildli ufem Internet gfunde, drum hie eis wo mini Fründin het gmacht. Me gsehts leider nid so guet...
Es isch Rückefrei, und das het mir a däm mega guet gfalle. Aber wöui mi im Gschäft so nid wohl gfüehlt ha und mi gnärvt ab dr Bedienig tendiereni eher zum Favorit bi Thessa und Thomi. Priislech si biedi wit unger mim Budget vo CHF 3'000.-. Ds erschte wär 900.- u ds zwöite 1'100.-.
Aber i bi jetz no froh, göh mir nächscht Samstig no ds Bärn is Mery's und zu Meister Couture. I chönnt mi jetz no nid ganz klar für eis vo denä beide Chleider entscheide.
@malinchen: Versueches, isch aber im Moment gad ächt nit eifach.
Wow, isch ja eigentli es Hammer Agebot u ne mega Ehr für Din GG! Aber isch sicher nit eifach so ne Entscheidig, zumau er ja ganz anderi Plän het. Wie isch es für Di? U was meint er nach am Wucheändi? U de dr CEO Poste eifach für ne Abschnitt zübernäh? Oder wäri das kei Option?
Wie isch zKleider gugge gsi?
@sasileu: Wie wetsch ihn de schmücke? Wüu gad so gseht er scho chli blut us...
@Taeboyana: Hey, so super, öichi Magnetli gseh super us!!! U ihr sit äs richtigs härzigs Päärli
Schad, blöds Timing so, süsch mache mir de es Forumsträffe Hoffe Du chasch Di sunnigi Wuche no gniesse, u machsch Dir nit zviu Gedanke!
@me: Ha ja mire TZ am Mittwuch gschribe, dass i bis am Samschtig setti wüsse, wie sis het mit am übernachte, naja, leider isch nit mau Antwort cho, jänu i wirde kei Rücksicht uf se meh näh u ou nümme drgliche, ussert ihre de ggf schribe, dass mir ihre zAmt künde; muess mir das die Wuche mau no chli überlege. Ha hüet Vormittag eigentli ufs Standesamt wöue alüte wies usgseht mit am Schloss zBümpliz... Leider loufts ou derte gad schief, di hei ersch am am April am Donnschti Nami Trouuige... Isch doch en Quark, dh mir hei Standesamt retour 1,5 Stund wüu mir nit a dLoupestrass wei! Gad im Moment isch es aso würkli meh aus müehsam!
@malinchen: Oh wow die Chleider gseh uuuuu schön us!! Mir schiene chli ähnlechi Vorstellige zha, was dr Schnitt und dr Stoff betrifft. Ds 2. gfaut mer fasch no chli besser, wobi ds 1. mit Gürtli sicher o superhärzig wär. Interessant was du über d Bedienig im Brutparadies seisch, ha äbe scho viu i die Richtig über dä Lade ghört... finde das ghört sech überhoupt nid und hallo, was erloubt sech die dini Chleidergrössi ga z kritisiere!! Geits no?! Wow und d Priise wäre ja hammermässig guet!! Das macht mir grad chli Hoffnig, wüu ig ja eigentlech nid über 1500.- wett ga und mir dr Stil vo dene beidne guet gfaut. Darfi frage wases für Markene si? Hesch du ds Budget vorhär kommuniziert?
Ja, mir hei gester e wunderschöne Tag gha zäme! Zersch simer iz Dählhölzli ga brunche (mir si zämecho, wo är dert het kochet und ig as Ushiuf serviert ) und am Nami no a Thunersee, vo Spiez uf Fulesee gloffe, Glacé gässe und wieder zrüggspaziert. Und am Abe no mitemne feine Glas Wii agstosse. Super gsi! Üses "Ritual" isch chli, dass ig a jedem Jahrestag zu GG säge, ob ärs de geng no mit mir ushautet nach au dene Jahr und är de seit: "aber sicher, sehr guet!"
@Lula: Oh du bisch eifach würklech gad chli en Armi! La dr das würklech nomau düre Chopf la ga mit dire TZ, cha doch nid si dass sie eifach nie reagiert... du söusch ja o nid immer müesse Bittibätti mache! Sie söu sech gehrt füehle, das Amt zha und du hesch definitiv öper vrdient, wo das ou z'schetze weiss!
Oh danke für dis liebe Komplimänt ! Mir si ou würklech happy .
Hui das wärs no, es Forumträffe im Spitau Nei das wetti euch nid atue... Zum Glück chani mi sehr guet ablänke. Mues itz im Büro aus woni cha no suber abschliesse oder übergäh und dähei wetti o chli Ornig ha u suber, damits de när nid gad auzu strub usgseht, weni es Zitli nid cha hushaute. Klar wird de GG o chli öpis mache, aber was vorhär gmacht isch, isch gmacht.
Ou nei, i weles Standesamt göhter de i däm Fau jetz? So blöd, dass gad nüt richtig wott klappe. Aber muesch luege, es chunnt de wieder d Zit, wo sech plötzlech aus zum Guete wändet u vielech sogar besser usechunnt eso, as wie dirs ursprünglech hättet plant gha?
Soo es isch wieder Mäntig, sinder all guet id Wuche gstartet?
@Taeboyana: Wow dini Magnetli sind u schön! Vorallem mit dem Bändeli und dere chline persönliche Grüessli findis u herzig! Mir verschicket mit eusne Kartene au Magnetli aber ganz anderi, drum bini grad überrascht gsi woni dini gseh ha :-) Hesch die selber gmacht?
@malinchen: Sehr schöni Kleider!!! Jo super das mit de Bedienig spielt scho na e mega grossi rolle,nid?! Also wo ich als Trauzügin bide Kollegin mitgange bi, simer im Chez Janine gsi, kennet sicher öberd vo eui.Mega doofi Beratig, zwar irgendwie klar aber sie hend so miteme spezielle Ton betont, ma söll bitte ruhig de Deo ide Kabine, Schweisstüchli benutze und all Kleider vo une azieh und wenns nid über Hüft gaht muemer e grössers neh. Joo ehm danke das ma seb grad am Afanf vode Prob vomene Hochziitskleid mue sege. Brut heds den im Mery in Zürich kauft und deht willi au unbedingt hi, isch zwar findi nid e mega uswahl aber de ServiceWie usem Bilderbuch, Begleiterinnne derfet so ufemen Rot-Goldige Sofa platz neh, ma kriegt Mineral oder Saft und Brut derf uf so Goldigi Podest stah zum aprobiere und wemer sich entscheidet bringets sekt. I weiss kitsch pur aber isch doch eifach es Feeling wo derf si bi sö öbisem, also i find scho Chasch jo den verzellä wies in Bern gsi isch und wiiterhin viel Erfolg!
@Lula: Jo i weiss so de Glaswürfel gseht recht blut us, also ade Wänd werdema nid viel mache. Aber uf Decki freui mi, die derfema so schmücke wiemer wend und es het einigi Steckdose, da ich mich ines Bild verliebt ha und das mim GG au sehr gfallt, gits ade Decki so ganz viel Lampione i folgende Farbbereiche wemer si, Hellbalu/türkis, lila/pink, Beige/gold Und ich möcht a miner Hochziit mit viel Blueme schaffe, ha e Schöster wo Floristin isch
@me: Ich ha am Sunntig mit mim GG echi a euser Hochziitshomepage gwerket und so nachi über Vorstellige etc. und wasmer mal münd luege pläuderlet. Was mis Hochziitskleid agaht, hani eigentli überhaupt kei grossi Vorstellige. Eigentli bini ehner de Typ wo nid so viel Glitzer wot und Schlaufe etc. aber irgendwie hani s'gfühl i tendier zum typische kitschige Meitlitraum, pinkigs Strüssli etc. Und ebe bim Kleid chönti mir vorstelle, dasi schlussendlich viellicht glich erkennbar gnueg Glitzer ha Was mir gfallt isch wenns echi spitze het... Also ufjedefall, ich ha gester es Bild irgendwoe gseh und nacher bini uf die Homepage...eifach nume WOW...mega mega schöni Kleider. Frag a alli: Chöntet ihr eui vorstelle es Kleid usem Internet kaufe? Und was haltet ihr devo?
Hoffe ihr händ alli es schöns Weekend gha? Puh ich bin jo sooo müed hey han hüt fast ned usem Bett möge :p aber han es super WE gha muess säge ;) probiere wider det izhänke woni letschtmol ufghört han – mängisch gar nedso eifach de überblick z’bhalte hey :p
@sue: gnüss dini ferie in volle züg! =))) hoffe dass das mit dinere bloseentzündig so gli wie mögli in griff bechunsch!!! Ooh jo das kenni mitem sich ned chönne entscheide :p aber das hani ebe allg. dassi nedso entscheidigsfröidig bin :p s’chönt jo immer no öbis bessers cho und was wenns die falsch entscheidig gsi isch etc. gaaanz schlimm :p
@lula: hmm wäge dinere TZ dönt scho nedso guet.. ich würd mi würkli bald mol mit ihre träffe und si direkt drufaspreche wo s’problem isch und luege, dass ihr das chönd kläre, will sust muesch dir würkli überlegge, obd si als TZ würkli wetsch?? Wenn si sich nüme mäldet dänn würdi ihre mol alüte und nomol alüte und irgendwenn muess si jo abnäh? Oder gosch eifach spontan verbi? Und wäg de amäldige würd ich dänn eifach mol en reminder useloh oder alüte oder so jenachdem wie nöch die lüt öich stöhnd! Hehe wägem foti - han dir en PN gmacht ;) isch ächt es super firmefest gsi muess säge! :) jöö danke <3 – ich bin scho wider vil vil motivierter! =) schribe nacher unde no wieso ;) immer dänn wämer ned demit rächnet ergit sich plötzli vil positivs :) hoou duet mer aber leid, dasses bi dir nedso rund lauft momentan :( ich würd das mit de TZ def. kläre gli will so chas jo ächt ned witergoh! Und wägem standesamt: gäbts dänn sust no en alternative? Sinder flexibel?
@sasileu: ui würkli haha jo rächt speziell dass die öich grad zo öich hei iladet & dänn no zum ässe ;) aber irgendwie würkli sympathisch.. oder aber si wet öich grad binde so à la: jetzt hani no för öich kochet, cha jo ned si dasser mi jetzt ned nähmed :p
@chlini: ich verstoh di guet, isch ned schön, wämer so ned fit isch ich kenne das :( hoffe dass dini motivation gli gli de wäg zrugg zo dir findet! ;)) ich han au so en phase gha woni s’gfühl gha han es lauft nüt und jetzt bini wider topmotiviert ;)
@malinchen: jöö aber das wär doch mega härzig, wenn s’mami vo dinere schuelfröndin dini frisur würdi mache! :) fändi voll süess ;) oh fänster putze hehe jo das sötti au scho eeewigs :p aber s’kei zyt ha isch def. au mini usrede :p aber muesses scho gli mol mache aber mir händ eifach soo vil fänster! :/// heeey uuund? Verzelll? Wie isch d’chleideraprob gsi?? =))) ah jetzt hani grad gseh wies gsi isch – hey hammer finde beidi chleider mega schön! S‘1. Fast besser.. ui nei das goht jo gar ned, dass die bedienig so denäbe gsi isch! würds scho nur us dem grund glaub ned det chaufe.. und jöö hammer isch jo mega lieb und es super tolls gschänk vo dim mami, dass si dir s’chleid wetti schänke! =) <3 merci für dini tipps :) s’häd sich wie vonellei ergäh, dass am WE doch plötzli no einiges gloffe isch fürs HZ – ich schribe unde grad no meh dezue ;) glaube ned dasser das mit absicht ignoriert oder so aber er seit sich halt: ich chöni eh alles besser manage, organisiere & plane & so & häds scho au mega sträng und vorallem seiter sich wohl: mir händ no sooo vil zyt :p wooow das sind jo news was din GG betrifft! Puh sicher kei eifachi entscheidig! Aber wie du seisch: so en chance bechunter wohl nedso oft! Isches dänn es grössers unternähme oder es chliners? Irgendwie wärs jo schad, er würd die chance ned nütze oder? ;) er söls zumindest mol als es mega komplimänt aluege! Hey gnüss dini ferie in volle züg! =)
@janedore: super wägem saal – genau so söls si! =) mir sind au total verliebt i öise saal! =) das isch jo au öbis mega wichtigs, super händer das jetzt chönne abhögle! :) jöö so härzig wäg dim papi :) glaubi dir, dass das en spezielle momänt für dich gsi isch! findi mega schön vo ihm, dasser über sin schatte springt, obwohls für ihn kei sinn macht! ;) wär schön, mi papi würd au mol chli a mich dänke und mir z’lieb öbis mache wo ihm vilicht nedso passt naja… um dem gstörm usem wäg z’goh, wird mis brüederhärzli mich begleite und ned er ;)) <3 isch glaub eifacher für alli… Ah super häd di GG mitem sofagast gret ! :) eigentli söts jo sälbstverständli si gäl.. aber guet wänner jetzt luegt.. inzwüsche söter jo weg si s’isch jo mändig – häds klappet? :p oder isch das de mändig inere wuche wiler in bella Italia sind die wuche? ;) hey gnüssets ganz fest! Italie isch sowiso immer schön hihi <3 <3 <3 wohi gönder dänn??
@taeboyana: hoffe ihr händ es schöns jubiläum gfiiret gester? :) s’wätter häd jo toll mitgmacht! ;)) ah jetzt gsehni grad dassi scho wider z wenig schnäll gsi bin mit antworte :p hey dönt super öiches jubiläum so schön!! =)) woow mega härzigi magnetli hey hammer! :) die chömed sicher mega guet a! =) hmm verstoh di wäg de OP.. aber dänk dra, dasses dir dänn nacher besser goht!! Hoffe d’zyt goht schnäll ume für di!
@daenu: jo genau mit boxe dusse (chostet 500.- ! wilmer si dezuemiete müend..) ich hoffe eifach fest, dass s’wätter mitspilt! Sust wäremer halt eifach im hotel saal inne aber isch dänn halt scho ned s’gliche.. aber es isch eh schöns wätter dänke do positiv ;)) :p häsch rächt sind gnueg früeh dra chunt scho.. und ebe han jo no news schribe nacher unde no devo :) hey witerhin gueti besserig dim schwigermami! Echt ned schön hey :(
@sasileu: oh das dönt aber mega geil die bedienig im mery’s! =)) hihi das wär also au öbis für mi! :p aber zerst goni ebe glaub us finanzielle gründ mol im dütsche go luege ;) oh schön mir gfallt ebe spitze au mega – weiss nur ned obs zo mim typ au passt.. wäge chleid usem internet bstelle: wenni nüt würd finde wieso ned mol usprobiere, chamer jo sicher retourniere.. aber ich fröimi halt scho mega ufs chleid go ussueche mit mine mädels und so und das wird sicher ganz speziell werde & isch für mich en wichtige bestandteil vom ganze und drum möchti eigentli lieber vor ort goh.. aber weisses natürli ned wies isch mit bstelle - uf jedefall sicher günstiger..
@me: aaalso ich han es ächt tolls weekend hinter mir muess säge – am SA obig sindmer no amene geburi iglade gsi inere bar / club und det isch grad jubiläum gsi und drum en live band cho – und mi GG und ich händ öis eifach grad totaaaal i die verliebt! :p die sind sooo hammer gsi händ en meega stimmig gmacht und s’isch für jede öbis debi gsi!!! si sind z zwöite gsi en saxophonist und en trümmeler si sind sooo geil gsi! zerst händ si so chli latin-jazz gspilt au fast chli salsa und dänn eher so loungemusig & jazz und dänn händs dänn richtig gas gäh und voooll de geili house gspilt und immer wider gsunge und d’lüt animiert – han ächt scho lang nüme so spass am tanze gha sooo super gsi! =))) wers interessiert: http://www.mab-online.com/ <-- jetzt frogemer die natürli a für öises hochzyt hihi wär haaaammer wänn das klappe würd und si vorallem bezahlbar wäret :p han chli mitem verastalter / bsitzer vo dere bar gret und er häd gseit so um die 2000.- sigemer debi (wäret aber vermuetli de ganzi obig det) das wär suuuper! Will die ander band würd jo nur 3x 30 min spile und d stilrichtig wär halt rächt beschränkt, zwar gfallt öis das mega aber obs de mehrheit gfallt? Bi dene bini sicher, dass die bi allne (vorallem bi de junge natürli) suuuper acho würdet! ;)))) drücket öis de dume, dasses klappet! Und dänn hani grad nomol top news :) am Sonntig hettis jo sölle rägne gmäss Wätterbricht.. wo s’Wätter so super gsi isch hämer spontan mini Kollegin (Tätschmeister & Brutjungfere) agfrogt, ob si Zyt & Lust hetti zum go fötele und promt häds klappet! Mini TZ isch dänn au no mitcho chli cho assistiere isch en super Namitag gsi hehe händ öbe 3 Stund gshootet und öbe 800 Fotis gmacht! :p puh das wird meega schwirig will glaub die meiste Fotis eifach super worde sind und do jetzt die beste usezsueche? :p es isch mega toll gsi sind i dem Park gsi wo mi GG mir de Atrag gmacht häd – s’häd alles so super passt und ebe s’Wätter so toll mitgmacht hihi bin richtig happy – jetzt hämer öbis mega wichtigs abghöglet und chönd öis ad Iladige & d’Homepage mache fröimi meeega =)))) <3 sobaldi es paar Bilder vo ihre bechume dueni öich natürli gärn es paar zeige wänner möchtet ;)
@Lula: Hmm, isch würklech schwierig wägä dire TZ! I würd mir das also ou no mal guet überlegä, ob sie die richtigi isch... Wie wär de ds Standesamt Burgdorf? Das wär vo öich üs doch no fasch nöcher als Bümpliz? So viel i weis ischs det no schön...
@Taeboyana: Ja gäll bi däm Chleiderstil isch natürlech viel weniger Stoff dranne aus a andernä und sie si scho nur vo däm här billiger. I dänke wenn so es Chleid i däm Stil suechsch, findsch sicher eis mit däm Budget! Ds erschtä Chleid isch vo däm Härsteller: http://www.lilly.de/Default.aspx?ID=139&...;VariantID=VO58 ds zwöite weisi äbä nid, vo welem Härsteller dases isch und leider hanis ou nid uf dr Homepage vom Brutparadies gfunde. I ha ds Budget gad am Afang kommuniziert ja... Cool heit dir sonä schönä Tag gha geschter!
@Sasileu: Ja gäll, i finde äbe ou das Feeling ghört doch drzue bim Chleider aprobiere. Schliesslech chouft me sich (im Normalfall) nur einisch im Läbe sones speziells Chleid, da cha das ja ruhig chli zelebriert wärde. Ig ha ja ou es mega schöns Chleid im Internet gseh und nachem Samstig hani das no nid 200%ig abghäglet. Aber bi derä Site wo igs ha gseh, chame d Chleider nid zrug schicke wenns nid passt. Das isch äbä scho rächt es Risiko..
@principessa: ah cool heit dir sones super Weekend gha!!! Das tönt ja ächt mega cool mit derä Band! I hoffä das klappt... Und bi natürlech scho seeeeehr gspannt uf Föteli vo öiem Shooting! Isch ja mega cool wenn das so spontan het klappet! Gäll mängisch gits halt so Töifs ir Hochzytsplanig, hani ou scho gha. Aber denn passiert wieder öpis mega cools und när isch mer gad wieder voll motiviert...
@Taeboyana: Muesch i dInsel? Di andere Patiente würde öbe no blöd gugge...
Äuä uf Langnau, gseht schöner us aus Langenthal u macht gad genau 1 Minute Wäg Unterschied.
Merci viu mau. Hoffe aso das es öbe de dürre isch, u gnue isch gsi.
@sasileu: Isch aso de gar nit bös gmeint gsi! U am Obe mit Liecht, u Blueme u süsch Dekor gseht dä sicher wunderschön us
Und sit dr witer cho?
Hmm, tendiere zu Nei, wäri mir gloubs e zheisse, dass es närne nit passt, oder nit guet verarbeitet isch
@principessa: Si wott ja kei Zyt ha! I ha ihre jtzt mehrmals vorgschlage mau eis ga zha, oder so, aber ebe, anschinend het si kei Zyt. Darf aber de närne über FB Usgangsfoti agugge... Warte jtzt mau no gad paar Tag ab, muess das mau i Rueh mit mim GG bespreche. Alüte wird i ihre sicher versueche, entweder für ne Versuech für nes Träffe, oder für ihre zsäge, dass ig ihre zAmt aus TZ künde! Ha über FB gfragt wär gad isch online gsi, u jtzt tüe mir di Wuche chli tele u im Dorf rasch ga lüte.
Wäri haut perfekt gsi, ou mit dr Zyt, aber jtzt göh mir haut äuä de uf Langnau, isch wäg technisch gad wie Langenthal, gseht aber schöner us. Wüu dLoupestrass gfallt üs beidne nit. Isch haut insofern schad, wüu üs dr "Park" bim Schloss hätti gfalle u mir dr kürzer Wäg hätti gha. Aber im Datum si mir ebe nit flexibu. Has aber vori gad no mit mim GG agugget, mir wärde hinech am Standesamt es Mail schribe, mau gugge, viellech löh si sech ja uf was ii.
Aber hei, Dis Wucheändi tönt ja genial! Di si vo DE, oder nit? Drück Dir uf jede fau Düme dass es klappet, u si zahlbar si!
U dr Sunntig tönt spitze!! Wow, 800 Fotis!! Bi aso scho sehr gspannt was usecho isch! Fotis si doch immer super!!! Darf me ga gwundere uf dr Homepage?
@malinchen: Gheit us mehrerne Gründ wäg, zum erschte zauhsch da mega Gebühre, wo mir üs beidi weigere, zum zwöite het derte vor paar Jahr es Kollegepäärli ghürote u das wetti mi GG nit u zum dritte hei di fixi Fritinami Termine u mir wei am Donnschtinami hürote.
Anmelden
I hoffe sie erholt sich guet vo däm Unfall... Das tönt ächt übel!
I gseh scho cho, dass üsi Ching när jedä Mittag Schinkegipfeli oder Chäschüechli usem Ofe vorgsetzt bechömä. 
I bi us allne Wulche gheit, sie hei üs scho süsch abote, üs öpis ads Fescht z zahle, u jetz no das! Sie het när gseit, das sig ihres persönlechä Gschänk nume für mi. 
) und am Nami no a Thunersee, vo Spiez uf Fulesee gloffe, Glacé gässe und wieder zrüggspaziert. Und am Abe no mitemne feine Glas Wii agstosse. Super gsi! Üses "Ritual" isch chli, dass ig a jedem Jahrestag zu GG säge, ob ärs de geng no mit mir ushautet nach au dene Jahr und är de seit: "aber sicher, sehr guet!" 
Warte jtzt mau no gad paar Tag ab, muess das mau i Rueh mit mim GG bespreche. Alüte wird i ihre sicher versueche, entweder für ne Versuech für nes Träffe, oder für ihre zsäge, dass ig ihre zAmt aus TZ künde!