lula: du glaubsch es nit mir hän ja so im juni verkündet das mir im Herbscht 2014 wärde hürote, au denn isch scho gfrog cho öbi schwanger bi . het eus ja fascht nit gnärvt.. min GG fascht no meh als mi nei das isch skirchliche Datum. am 12. september wei mir standesamtlich hürote, abr das chönne mir erscht es halbs johr vorher reserviere...
daenu ja am 12. september wei mir zivil hürote, abr ebbe isch noni definitiv. ha mir scho e erinnerig gmacht dermiti denn am 12. märz grad am morge cha alüte, obwohl für das brüchti wohl kei erinnerig also kirche isch in Fehraltorf und de Apero wird denn grad im Kirchegmeindzentrum si und sässe hei mir denn i de Burg in Uster, also im Argentina Steakhouse und i glaub scho dass es vor de hochzyt au chli ribereie wird geh, well me en grosse schritt macht und so vill zämme muess bespräche und plane und und und... glaub das isch so de erschti tescht fürd Ehe
squishy-fishy: ja i loh se scho rede, abr irgendwie närvts au, vorallem sin das alles lüt wo noni ghürotet sin, die hän eh kei ahnig...und i hass es wenni in stress chume, well denn hanis gfühl dassi irgendöbis wichtig vergisse und das würd mi wahnsinnig mache... mir hän eus kenneglernt i däm mir e usbildig gmacht hän beidi die glichi.. i bi ebbe ursprünglich us de region basel und er usem zürioberland (gueti kombination züri - basel ), und sluschdige isch dassi ihn zerscht mit ere andere ha welle verkupple us eusere klass, irgendwie isch das chli schief gange , abr bin so froh, dass das nit so use cho isch... isch nämli so vill besser use cho... die andere froge hani dir witer obe scho beantwortet
läck isch no keipe sträng wenn me nit nur liest sondern au no mitschriebt
Isch umi guet mit Dir u Dim GG? Me isch gloubs eifach ou empfindlicher, hesch ja süsch no Stress wo de süsch nit hesch, u viellech ärgerisch di derte no u de bruchts ja de mängisch nit viu. U es isch ja de glich es wichtigs Erläbnis, u hoffentli es einmaligs, u de isch me sicher ou mau pineliger oder hinterfragt gar dBeziehig.
@squishy: Mir hie im Bernbiet hei dr ganz Tag Sunne gha... U si wei ou di ganz Wuche so - i würd zügle
Ohje, aber das muess gloubs so si! Geit ämu mir ou öbe so. Danke viu mau, isch mega lieb!
@Pfloeckli: Mini Muetter het am Telefon denn ou gmeint - "Ah, de bisch äuä nit schwanger...?!" Di hets doch aui zämä, me cha doch eifach ou us Liebi zunenand hürote! Aber i cha Dir eis verspräche, es wird nit besser... I ha jtzt eifach agfange ja zsäge, u we si frage wie wiit, de gibi ds Datum ah, woni zerscht mau bi gfragt worde, de meiste isch es denn scho piinlich, u we si zxte mau frage, hani ou scho gseit: "sicher, u Du wärsch di erschti/dr erscht wos würdi erfahre..." Läck, Du settich di Gsichter aube gseh...
Isch meistens so, mir ou, aber es geit bi üs "nume" no 11 Täg u de chöi mir reserviere!!
@taeboayana Also i finde dini Magnetli dä hammer, isch e cooli idee.. also i hett au freud wenn ich so öppis wür becho.. und i glaube das dörf mer nöd zu persönlich ne dass kei reaktion chunt.. mir hend eusi iladige afangs juli uf post ta und hend vo teil lüüt wo mir am abig au iglade hend na nix ghört.. bin ja gspannt.. mir hend extra druff gschriebe an-oder-abmeldig bis dänn.. und mir hend eus au die müeh gmacht und hend e homepage bastlet und helfti vo dä lüt isch na gar nie druff gsii.. glaub das isch die hüttig gsellschaft… :-S Und gar nöd zfest umegrüble weg de OP. Ich weiss es isch kein schöne Gedanke aber defür gahts dir nachher besser.. und gnüssisch eifach die ziit wod chli verwöhnt wirsch  ich bin nach ere vollnarkose so uf dä schnurre gsii ha viel gschlafe und glese und so sind tage au umegange.. aber wünsch dir jetzt scho nur sbesti dass alles guet verlauft!
@malinchen mir gfalled dini chleider au ganz guet.. mir gfallt serste fast besser.. i ha au eis vo lilly  und i wür au zum trotz gad nöd i dä lade ga.. sorry aber grössi 40 isch ja weiss gott nöd abnormal.. was söll dän ich sege wo im normalfall es 42gi treit? Tsss bodelosi frächheit!! @lula i glaub i wür dinere TZ schriebe dass du dir öppert andersch suechsch wo würkli freud a däm ämtli het.. i wür mi gehrt fühle wenn ich male so es jöbbli dörfti mache und wür mi au mega müeh geh.. viellicht hesch es schomale gschriebe aber i wellere beziehig stahsch du zu dinere TZ? Schwöster? Kollegin?
@sasileu gell so e homepage git schona ztue.. ha au eini bastlet und e huufe stunde investiert..  vo wellere gegend bisch dä du? I ha mir au lang überleit öb ich online eis söll bstelle aber i ha etzt es mega schöns chleid und zumene super priis.. 600.- inkl. Reiferock und apasst.. es isch eifach susstelligsmodell aber es hets vorher na niemert agha well bändel sind all na ipackt gsii.. aber generell sind dete chleider nöd überrisse tüür.. brautmodenbettina.com sie möched na es zweits gschäft uf..
@laprincessa dä hoff ich doch für eu dass das mit därä band klappet.. wer doch super 
@pfloeckli herzlich willkomme im forum.. ja das han ich au müesse alose.. has au nöd so toll gfunde.. die erst reaktion.. bisch schwanger?? Ha dä au überleit öb ich söll irgend en bullshti agä aber has dä sie lah.. het mi au brutal möge.. klaar es hetti chöne sie da mir scho me als 10 jahr zämä sind..aber die wo eus guet kenned hettet au chli chone studiere.. aber mittlerwiilä hend all sgfühl me cha nur hürate wenn mer schwanger isch..
@me mir hend hüt abig 2 termine gha mit fotografe.. aber glaub eusi entscheidig isch gfalle.. kennt vo eu öppert die? Für wer würed ihr eu so anhand vo dä homepages entscheide? Nimmt mi eifach wunder.. michaelauer.ch oder carolefleischmann.ch Morn gömmer mal na id trauringlounge.. mir sind zwar immer chli degege gsii well mir gern dring vomene goldschmied hettet.. aber etzt hends na e aktion mit 11% rabatt und dä priis isch dä ebe schlussendlich halt scho seeeeeehr attraktiv.. wenn für praktisch sgliiche oder sogar chli mee 1200.- unterschied hesch für bed ring dä muen mer sichs scho überlegge.. wo sind ihr go luege für dring? Oder bi wem hend ihr dring kauft? Sooo dä wünsch ich eu doch en schöne abig.
Hey,so min Fiirobig isch au no cho damiti cha schriebe :)
@Squishy-fishy: Joo i probiers mit dem Text nomol som Bilder vom Paradiesli uelade,Bildergalerie meini sust die vom Forum. Wegem Kleid,i weiss ebe selber nüm uf welere Site.Hans nur neumads gseh,aklickt und bi witergleitet worde.Wegem kaufe übers Internet,i glaub das wer mir au echi en heisse oder segemas so...s'Feeling wür mir fehle.I ha das Kleid eifach gseh und irgendwie hets bi mir sones WOW usglösst obwohl sehr viel Glitzer het.
@Taeboyana Wie scho gseit,mir wür eifach so das typische ussueche echi fähle.Wobi ich ha mis Trauzügine Kleid vo dressfirst bstellt,willi eifach nix so richtigs gfunde ha i mim budget.Ha aber mehreri Farbe und Schnitt ide Läde probiert bevori schlussendli bstellt ha.Hans echi z'gross bstellt und da na apasse lah,trotzdem günstiger gfahre.s'päckli het e mega reise hinder sich cha aber i muen sege es isch TOP gsi! Superschön verarbeitet gsi,tolle stoff,Farb genau s'glich und es het scho extras cha woni ide fachgschäfter no extra bezahlt het.aber ebe,dass isch nid mis Hochziitskleid gsi.Chönt mir sowas eigentli nur fürs Standesamt vorstelle,das woni gseh ha isch jetzt meh e Variante,also e Ideesammlig
@Pfloeckli13 Erstens...Willkomme,i bi au nonig lang im Forum debi. Zweitens,isch jo de oberhammer... I bi 24,hürate min GG am 12.september 2014 zivil in Winti und am 13.September 2014 ide chile Verlobt sind mir sitem 14.02.13 und agfange plane hemer im Juni/Juli aber bis jetzt hebi mi nachi zrug aber langsam willi starte so richtig,hihihi. Ha mir gseit den wenn de Countdown vo 365 afangt derfi ungeniert
Also das mit de Bilder vom Paradiesli,also dem Glaswürfel gaht da nid... I schick jetzt de Link für die wos interessiert :) Deht wo de Betonbode isch staht den e Rattan lounge vom Resti nur für Hochziitsgäst
@Pflöckli: Härzlech willkomme bi üs!!! Mach dir kei Chopf über das was anderi säge. V.a. settigi wo sälber gar nid ghürate hei... Das wägem schwanger hani mir ou scho x mau müessä alose, v.a. wöu mir ds Zivile und ds Chirchlechä es Jahr usenand hei. Drbi - wär üs kennt weis eigetlech dasses nid so isch und wenn sicher kei Grund für ds hürate.
@Taeboyana: Die Reaktione uf öii Magnetli chömä bestimmt no!!! I hät ömu mega Fröid... aber i dänke, dass me so Sache am Brutpaar guet gad schnäu cha mitteile pögge ou viu ersch wenn sie säuber hei ghürate.
@Dänu: Ja gäll es geit aube glich no lang bis die Chleider de glieferet wärde. Aber i ha mir dänkt, dass isch gloub no guet, wenn i das Chleid scho dehei hätt wettis anduurend hurti schnäll alegä... I dänke scho, dass vorem HZ d Beziehig chli uf Prob gstellt wird. GG u ig hei die 2 Wuche vorem Zivile ou chli ä agspannti Stimmig gha... Aber idä Flittis het sich alles klärt und sithär ischs eifach super! Mach dir keini Sorge, i gloube das ghört eifach ou drzue!
@chliini: I finde beidi Fotografe mache gueti Bilder... Aber so vom Stil här würde mir die vom Michael Auer besser gfalle.
@Sasileu: Wow, das Chleid gseht würklech schön us!!! Aber chasch ja de Bilder mitnäh, wenn geisch ga aprobiere. De chöi sie dir gad zeige was sie i däm Stil hei...
Lula: hihi das isch au guet . glaubi dass die Lüt denn doof luege isch au richtig so. vorallem sin die au sehr unsensibel, me weiss ja nie öb das denn au würklich klappt und mit so ussage cha me dLüt sehr verletze... find es isch immerno öbis anders wenns dEltere odr dGschwüsterti si...
chliini: abr glaub dLüt hän hüt zu tags sgfühl me duet nur hürote wenn me schwanger isch... dene chunnt gar nit id sinn dass me das us liebi duet.. abr luschdig isch, dass sich mini Muetter au mega ufgreggt het, well mini Tante se au gfrogt het öbi schwanger bi.
sasileu: isch ja würklich de Oberhammer. denn chönne mir ja mitenand mitfiebere bis es ändli so witt isch ;). i ha eifach mol swichtigste welle mache, dermit mir sDatum definitiv hän. jez hei mir au euseri Save the Date Magnetli becho . und jez isch eh chli en stillstand gsi bi euserne vorbereitige da min GG is Militär het müesse, abr morn chunnt er hei und het sletschte mol miesse goh.. juhuu
malinchen: danke danke, das isch ja schön, dass me vo eu allne so willkomme gheisse wird. das findi ebbe scoole a däm Forum, dass es eu allne glich goht, denn fühlt me sich nit so ellei . isch denn de 21.06. für eu es speziells datum, dass dir es johr usenand szivile und skirchliche heit?
@Pflöckli: Mi GG het mir im November 12 dr Atrag gmacht. Da mir när aber no gad si ga Reise und ig no es Studium mache, wärs z stressig gsi im Summer 13 scho z hürate. Drum hei mir üs eifach es schöns Datum im 14 use gsuecht. Dases im Summer mues si, isch klar gsi und wo mir hei gseh, dass dr längscht Tag ufnä Samstig fallt, ischs klar gsi... Irgendwenn dä Früehlig si mir när ufd Idee cho, dass mir ja scho das Jahr zivil chönnte hürate, dass mir nur eis Datum hei und finanziell nid alles uf einisch asteit.
Anmelden
. het eus ja fascht nit gnärvt.. min GG fascht no meh als mi
Mach dir kei Chopf über das was anderi säge. V.a. settigi wo sälber gar nid ghürate hei... 
Das wägem schwanger hani mir ou scho x mau müessä alose, v.a. wöu mir ds Zivile und ds Chirchlechä es Jahr usenand hei. Drbi - wär üs kennt weis eigetlech dasses nid so isch und wenn sicher kei Grund für ds hürate.