@chliini, mir hend au en Termin mitem Michael Auer, am 23. September, mir gfallet sini Bilder mega & am GG au. Sini Priise sind ebä au nöd schlecht, drum hoffet mir fest, das er wet a oisem Hochziit fotograf sii.
Mir händ oisi Ring au ide Trauringlounge in Wädi kauft. Z'erst hämmer au welle zumne Goldschmied, aber det hettet mirs nöd chöne zahle. Mir händ mite Verchäufer gueti erfahrige gmacht, am GG het e Verchäuferin nöd so gfalle. Het s'gfühl gha, das si 'nur' uf s'Geld us isch, und d'Beratig nöd guet gfunde. Ich hans nöd als so schlimm interpretiert, aber viellicht isch das willi au ma im verchauf gschafft ha.
@Pfloeckli: I bi doch sicher gsi dass di Dialäkt eher usem Ruum Baselland chunnt as vo Züri Bini auso nid fausch gläge.
Muesch de luege, we de mau d "Jahresgränze" chunnt, geit de d Zit plötzlech schnäu vrbi! Bi üs sis ja ersch gad vor churzem no 365 Tag gange und i gloube, itz geits de geng schneuer...
Was heiter für STD-Magnetli gmacht? I ha gad vorgester Fotos vo üsne postet, mir hei mega Fröid dranne und verteile die jetz langsam de Lüt.
@Lula: Jöh du bisch härzig, i liebe di Sheepworld Schäfli!!
@sasileu: mir gfaut das Chleid vom Schnitt här no guet. Aber i gseh mi säuber weniger i so viu Bling und Tüll . Bi aber sicher dasses super usgseht, wes zu dim Typ passt!
@ Pfloeckli: Joo finds echt au grad lustig isch öberd im Forum wo genau s'gliche Datum het Vowo bisch du, also wo wohnsch? Und wo hüratet ihr?
@ Taeboyana: Jo, i probier mi eh quer durch alles dure weni den am 20.11. s'erstemal go Hochziitskleider aprobierä S'Bild het mi eifach gflasht obwohl ich jo eigentli nid so de bling bling typ bin
@chliini: Eigentli wäris ja scho ne Ehr. Lah jtzt mau no paar Täg is Land zieh u gugge de, mir tüe üs (aso GG u i) gad schwär drmit. Si isch e langjährigi Kollegin. U eigentli hani gmeint e gueti.
I würdi mi füre Michael Auer entscheide, eifach so vo däm wo meh so gseht uf dr Homepage (u das obwou i gäng gseit ha, i wetti e Frou aus Fotografin)
Mir hei üser Ringe vom Rentsch zThun (http://www.rentsch-ag.ch/DesktopDefault.aspx?tabid=468&tabindex=1&langid=1). U mir hei ou 20% gha (hei das aber ersch närne erfahre, di hei uf jeglechi Art vo Partnerringe 20%)
@Pfloeckli: Isch scho so, di wüsse ja aui nit, ob mir nit scho sit dr Verlobig am üebe si... Chunnt haut eifach so chli druf ah, wie nöch me enand steit. Aber mir hei beidi mau gseit, dass es äuä gad zwöi-drü wärde wüsse wenni mau schwanger bi - ämu bevor di erschte drü Mönet düre si...
Ah no gad rasch e Frag, wie machet ihr das i Lüüt wo zum Zytpunkt vor Iladig kei Partner hei, oder ihr dr Partner nit kennet. Si beidi Fäll Aperogäscht, einisch mit bereits Partner wo gfragt het, u einisch ohni Partner wo gmeint het si nähmi de ggf öber mit...
isch no so doof, aso si wo kei Partner het isch für üs dEntscheidig ziemli klar, dass si ou as Apero ohni wird cho, zuma mir si "nume" iglade hei, dass dKirche im Dorf blibt. U er het dFründin scho nes Wili, ämu wohne si zämä, aber dr Kontakt isch nit enorm intensiv zu ihm, sie kenne mir gar nit
malichen: stimmt scho, denn hesch nur eis Datum... abr mir wärs zwitt usenand, bisch verhürotet, abr irgendwie doch noni, also so würds mir goh . abr stimmt scho chasch sbudget chli schone und chasch 2 mol id Flitterwuuche .
Taeboyana: leider hani de Zürcherdialekt scho chli agnoh, abr so gwüssi Sache hani zum Glück no bhalte . denn gohts wahrschinlich no schneller... abr isch au guet, chas chum erwarte i probier nocher mol öbi cha es bildli ufelade..
Sasileu: i wohne in Fehraltorf, und mir hürote au do. und du? oh du gohsch scho im November goh Kleider probiere... i weiss ebbe noni gnau wenni söll goh, abr glaub i gange erscht im Januar...
lula: ja ebbe chunnt druf a, wie nöch die lüt sin... abr i glaub mini Muetter würd mi das im Momänt eh nit froge, sie hofft dass es no möglichst lang goht und schiebt de Gedanke as Grossmuetter wärde witt vo sich das wäg dinere TZ, das würd mi au mega belaste, i ha mi äxtra fürne kollegin entschiede, woni noni so lang kenn, defür weissi dass si uf de gliche wällelängi isch wieni und unkompliziert isch, als für mini längjährigi kollegin, woni mol gmeint ha dass es mini beschti kollegin isch... i glaub wenni mi anderscht entschiede hätt würds mir jez glich goh wie dir... i glaub wenni di wär würdi TZ wächsle... abr i weiss isch eifacher gseit. well sehr wahrschinlich wird denn eui Fründschaft sehr drunder liide, abr du muesch au uf di luege... bringt dir nüt wenn de e TZ hesch, wo sich nit mäldet, muesch öber ha wo du di 100% chasch druf verloh...
@ pfloeckli: I wohn in Winterthur,hürate in Homburg,nähi Steckborn. Joo i gah im Nov,will irgendwie hend mi die andere vo dem Forum agsteckt und wasi weiss isch das die meiste Kleider 6-9mönet vorher sötsch bstelle.Hend zumal all gseit woni TZ im Mai gsi bi und mit dere Brut unterwegs gsi bin. Im Januar woti den au namal luege,im Mery in Züri.Aber erst nach de Hochziitsmess Und was bi mir isch,i schaff ide Pfleg und cha nid immer springe.Daher woti eifach für alles gnueg Ziit und i gnüüsssses
@Lula: Mir heis bim Apéro so gmacht, dass alli öper chöi mitbringe... Wöu mir hei det zum Teil ou Gäst iglade, wo süsch niemer kennä und ig finges säuber mega unagnähm när so umezstah und niemer z kennä und när so doofe small talk ds füehrä und schlussändlech füehlsch di glich nid zueghörig. Aber wenn die Gäst anderi Gäst kennä, findi chasch scho sägä sie söllä allei cho... So oder so: Das mues ja jedes Paar sälber entscheide, wies das wott handhabe! Für am Abe isch bi üs hingägä ou klar, dass mir niemer wettä drbi ha, wo mir chuum kennä.
@Pflöckli: Ja es isch halt scho chli e spezielli Variante, aber üses Hochzyt wird sowieso gar nid traditionell. Hei scho mängi Erklärig müessä abgäh würum u wieso... Mir wei eifach fiire dass mir enang hei gfunde und es Zeiche setzä, dass mir dr Räscht vom Läbä zämä wei verbringe. Für üs isch ds Ja-Wort vor Gott im Kreis vo all üsnä Fründe und Verwandte wichtiger als ä Unterschrift ufemnä Behörde-Zettu... So hei mir ds gliche Datum für beides u i mues nid immer überlegä obs jetz um üses offizeille Datum geit oder umds rächtlich offizielle.
d'Sunne isch jetzt definitiv ii dä Ostschwiiz achoh, bii uns bliibts nach Wetterbricht au schön yeeeeaaaah!!! Also muän ii diä Wuche nonig züügle
Pflöckli: Jo, ganz klar das da nervt! Es giit nixx z'machä usser sich aah dänä fest z'halte wo siich ungeteiilt für eu froiied! Ihr hend ä tolli Gschicht mitenand würkli guät het diin Versuäch ihn z'verkuplä welle so fehl gschlage!! s'Lescht mal Militär, uf da chan ii no lang warte. Hoffentli wiird diä Initiative agnoh
Lula: Gerngesch, diis Biild isch ja mega liäb I find da immer eh meega schwierigi Frag (mit oder ohni Partner). Am Apéro hend imr wohrschinli unheimlich viil Gäscht, dass uf dä eiint oder ander au nüm druf aah chunt. Aber am Obig wott ii eigentli würkli niiemert debii ha, wo ii ned kenn... Wiird denn no schwer zum kommuniziere. Aber ii denk, wenn ii zB Kollegin us dä Klass iilade, denn lad ii's ja ii dere Gruppe iih und sii siind nöd so Einzelgast wo sus niiemert kennet. Denn müänd nöd no all ihri Schätz mitnäh wo mir gar nöd kennet. Sus würds total unser Rahme sprenge... Da isch so bis jetzt mini Meiinig, mol luägä wiä diä einzelne reagieret. I denk, dass isch ganz am Paar überlooh und jede sölls so machä wiä's wott. Es isch schliesslich am Bruutpaar siin Tag! I ha miir gad überleiit, was isch wenn sii ned ganz absetzisch sondern als "Unterschiftgeberin" beuftragsch. Nebet bii tuäsch denn no eh wiiteri Fründin oder Schwester oder Schwögerin afraage, wo diich aah dem Tag und ii dä Vorbereiitige begleiitet und unterstützt und und und... Weiss nöd, iisch viellicht au en blööde Vorschlag. Aber anstatt sii ganz absetze und eui Fründschaft ufs Spiil setze, isch es viellicht en Kompromiss? Aber zum dä vorschloh chönä, müässt sii ja mol siich öffne...
chliini: Ich find au, beiidi machet guäti Bilder. Und reiin vo dä Homepage und Föteli aluägä würd ii d'Frau näh. Aber ii schiin ja diiä eiinzig z'sii ii find ihri Fotis meega schöön, aber d'Homepage vom Maa isch übersichtlicher ufbaut... Aber denn chunt natürli no uf dä Charakter und Zämäspiil vo Bruutpaar und Fotograf druf aah. Für wer hend ihr eu entschiide? Miir luägät d'Ring erst im Januar. Will denn isch d'Hochziitsmess bii uns in SG und sehr vili Gschäfter hend Messerabatt. Wenn mir denn nixx findet, hend mir uns au scho denkt dert hii z'gooh. Priise sind ja unschlagbar, aber halt eiifach nöd um dä Egge...
Sasilu: Findi guät diin Entscheiid! Chan ii au ganz novollzieh, dass diir de Shopping-Effekt fehle würd. Und Kleiider mit Gliitzer giits au in Brautlädä Got jo nüm lang bis dä Countdown bii 365 Tag stot, denn goot loooos Mersii für dä Link, ii het sus diä Bildergalerie niä gfunde, ha ned mol gwisst, dass da giit ii finds de hammer. Es erinneret mii liächt aah mini Location Gfallt mir uuh guät und iihr hend siicher eh meega tolli Sicht us euem Saal!!
Malinchen: Het mii gad chlii gfröstlet bii diim leschte Post. Isch gad ä wunderschöns Statement gsii.
Me: I ha gester bim Nanu-nana shop chlii gschnoiiget und pätsch isch mii kopf voller Idee für Deko. Und d'Farbe wäret denn Silbrig, lila und rosa (und grüän iim Pflanzeschmuck). Mii arme GG.
Wie gahts eu allne?? Eusi Ferie sind suuuper schön gsi und dWohnig isch sit gester Abig wider eus ganz allei
@chlini Ich han mal paar Siite wiiter vorne es Bild inegstellt. http://www.heiraten.ch/forum/board/anlae...-4_613_320.html Mier sind ebe i de Trauringlounge gsi und sie hed eus vorgschlage, dass sie en Musterring herstelled. Aber wills es extra Programm müend schribe chunnd für das ca. 700.- meh a Chöschte uf eus zue und d’Ring werded au nöd genau so wie ufem Bild. Drum hemmer denn gfunde mier lueged nochlii wiiter und fröged diversi Goldschmiede no a. Wegem DJ simmer eigentli offe für en guete moderne Mix. Ned so Schlagerparty…
@daenu Merci viiielmal füre Link, ha dene jetzt grad mal es Mail gmacht, aber befürchte, dass sie euses Budget sprenged. Han mier die gliich Frag wegem agspannte Verhältnis imfall au grad gstellt. Ich bin so pingelig im Moment und motze die ganz Ziit ume. ufem heiwäg vo Italie hani völlig gspunne. Mier hend ned Puff gha oder so. Ich stelle mier eifach dauernd d’Frag, was isch, wenns nöd für immer hebt. Und das hani ihn denn au gfragt und er verstaht mich überhaupt nid. Findes jetzt mega schwierig das z beschriebe. GG und ich hend nie so Schmetterling im Buch gha und die rosarot Brille uf. Und ich ha chli Angst das eus das zum Verhängnis füehrt irgendwenn. Hed sichs bi eu wider chli gleit?
@Lula Han obe de Link zum Foti vo de Ringe postet. Es sind ned sehr ussergwöhnlichi Ring, mier hend au gseit, mier fahred denn halt mal uf Pforzheim direkt zum Hersteller wenns sii muess. DJ Bazillus isch leider scho usbuecht. Hett mier jetzt no guet gfalle.. De Dj Dubi fragemer jetzt glaub mal a. Wie gahts bi eu vorwärts? Hender alli Ameldige zemekriegt inzwüsche? Und wie verhaltet sich dini TZ momentan?
@squishy D’Beraterin hed überhaupt ned erklärt wieso, ihre gfallis nöd. Aber ihre Gschmack isch doch eus echt egal?! Euse „Schlafgascht“ hed sich geschter Abig id Jugendherberg verabschiedet und hed ab Mitti Monet en neui Wohnig. Sini Fründin weiss gar nöd, daser uf Sofas trampt, die sind ganz früsch zeme und er schämt sich halt chli. Aber jetzt cha eus das ja alles egal si zum glück :D
@Taeboyana Wow, eui Magnetli sind ja de Hammer! Da freued sich d’Gäscht sicher unheimlich! Und gratuliere zu euem Jubiläum!! Bin grad no über es Bild gstolperet vor zwei Minute woni a dich ha müesse denke wege de Deko:
@laprincipessa Euse Sofagascht isch ebe vo Dütschland und hed drum sini Family nöd da. Aber jetzt ischs gschafft! Du tönsch ja echt recht gfruschtet :/ Aber d’Iladige es halbs Jahr vorher verschicke langet ja au no? Und das mitem GG isch doch fascht normal :) mine isch dett genau glich. Er seit eifach go oder no go und ich mache was ich will, haha! Sones „Hochziitstüüf“ gits glaub immer mal, meinsch nöd? Mier sind in Desenzano am Gardasee gsi. Isch mega schön gsi. Hend eus super erholt und dZweisamkeit mega gnosse. Dini Band tönt ja mega geil! Muessi grad mal go schneugge :D Hender sie chönne bueche? 800 Bilder?! Wow, wahnsinn, bin mega gspannt!! :D
@malinchen Du gsehsch wahnsinnig schön us i dem Chleid! Es staht dir echt megamässig! S’erste gfallt mier mit de Verzierig meeega! Findes unterschti Schublade vo de Verkäuferi wege de Chleidergrössi. Wie chunnt de das echt bi mier use?‘ :/
@Pfloeckli Sali und herzlich Willkomme bi eus! Cool hesch du de Atrag gmacht. Finde das mega!
@Chlini Sinder fündig worde i de Trauringlounge? Mir sind ja au gsi letscht Wuche. Zum zweite Mal und au bi dem Mal hed mier dStimmig i dem Gschäft eifach ned passt. Mier isch das alles zu distanziert irgendwie.
@me De Papi will mich doch nöd zum Altar füehre. Offebar heder sich das nomal überleit und er verstaht jetzt plötzlich überhaupt nümme, wieso er das sött mache, als Moslem sött er ja no ned mal ine katholischi Chile. Es hed mi i dem Moment soooo sehr enttüscht, jetzt versuechi vielleicht i paar Wuche nomal mit ihm zrede und suscht mal luege. Mier hend jetzt d’Location definitiv reserviert. Ha so fescht Freud! Jetzt hani mal es Transportunternehme agfragt, was das choschtet, wenns eus de ganz Tag umechauffiered. Hed öpper vielleicht grad Zahle zum Vergliich? :D
Ich bin total am zwiifle a eusne Iladige. Ha geschter 4 Stück druckt und bastlet und zwei sind völlig id Hose. Wenni also 50% versaue chumi wahrschinli de schlussendli gliich günstiger wennis im Internet gah go bstelle. Han de gad wieder afange sueche nach fertige Iladige und min liebe GG hed mi de recht apfurred, das er eusi Iladige super findet und ned akzeptiert dasi ez alles übere Huufe rüehre. schwierig.
So jetzt hoffi ich ha niemer vergässe. Und suscht es grooooosses Sorry! Ha die letschte 10 Siite meh oder weniger überfloge. GG hed mi grad gfragt ob ich es Buech am schriibe seg willi scho so lang drahsitze :D
Anmelden
Bini auso nid fausch gläge.
. Bi aber sicher dasses super usgseht, wes zu dim Typ passt!
Also muän ii diä Wuche nonig züügle