MICHAEL AUER...
Lil und Pflöckli:
Chönd ihr mir denn säge, wie er eu vorchunt und vielleicht au per PN was er für wie lang so ungefähr verlangt? Ich bi nämli au grad echli uf de Suechi und sin Name hani au scho paar mal ghört... D Fotene gfalled mir und jetzt wär nuno d Budgetfrog...
Wäri meeega nett...

Hallo liebi Mitbrütlis

Ig mäude mi ou ume mau...bi geng chli am mitläse, ha aber leider nid so zyt zum schribe...

@Chlini: Wägem Fotograf würd ig ou dr Michael Auer näh.. mir gfaue sini Fotos mega guet...(aber das natürlech immer Gschmacksach)

Chleid im Internet choufe:
Jrgendöper het mau gfragt wägem Chleid im Internet bstelle... Ig möchte mir haut zaprobiere imne Brautgschäft scho nid la näh.. uf das fröii mi mega :-) hamr das zwar ou überleit, aber hami iz eigch eigch drgäge entschlosse... ä Kollegin vo mir het ihres Brutchleid im Internet bsteut ka.. äs isch zwar wük schön gsi, aber haut nid so apasst wiä das imne Brutgschäft isch...

Willkomme Pfloeckli13 Geng diä blödi frage wägem schwanger si.. aber wiä du ja hesch gläse, geits viune so...

Me: mir hei üse Fotograf buechet mir si mega happy mit ihm är macht das zwar hobbymässig aber glich super guet u mir hei üs vo afang ah guet mit ihm verstange.. gloube isch wük wichtig dass dChemie stimmt
U ig fröiie mi mega dasses iz bi üs nid mau me äs Jahr geit

@Pfloeckli: Yeah, das isch e mega schöne Momänt, wenn dr Schatz ds letscht Mau is Militär het müesse! Mine het letscht Jahr dörfe abgäh und i bi soooooo froh gsi, wo ändlech das Gwehr u dä ganz Grümpu usem Chäuer isch cho

Die Diskussion vo wäge hürate, wüu es Ching ungerwägs isch, mues ig mir o immer wieder alose. I ha sehr viu Lüt um mi ume, wo uf dere Wäut ke Grund gseh zhürate, usser wenn me es Ching erwartet - aus angere sig hoffniglos romantisch und naiv. Die Lüt müesse de ihri Meinig o immer offekundig verbreite und mi machts eifach chli hässig, wüu die Entscheidig ja schliesslech gfaue isch und mi niemer me mues vom Gägeteil überzüge. Findes haut o chli schad, es darf schliesslech jede sini Meinig ha, aber das isch haut üsi und i fänds schön, sie würde sech eifach freue und nid wöue über Grundsätz diskutiere.

@malinchen: Das hesch jetz würklech ganz schön gseit mitem Grund, werum dir hüratet. Machets genau so witer und bhautet eui Wünsch, das wird super bi euch!!

@Lula: Bim Apéro würd igs ou nid so gnau näh ob no öper meh chunnt und wie ds Malinchen seit, isches scho chli unagnähm, weme niemer kennt u de so wie bsteut u nid abghout umesteit. Aber am Abe wett ig o niemer, woni nid kenne! D Schwoscht vo mim GG isch chli e Künstlerin was Partnerwächsu abelangt und ihri Beziehige hei meistens nid viu lenger as paar Monet. I ha mim GG scho gseit, dass sie de nur öper darf mitnäh, we sie vorhär e gwüssi Zit mit däm scho isch zämegsi und sie ne nid ersch 2 Tag vorhär amäudet (was drum o guet chönnt sie bi ihre - so passiert a mim GG sim 30. Geburi wo ig es Überraschigsfescht für ihn ha organisiert). Isch vielech chli bös vo mir, aber für so öpis hani de ke Närve und ehrlech gseit mani o nid öper a mim Fescht ha, woni chum kenne und wo de vielech churz drufabe scho wieder Vrgangeheit isch...

@Janedoe: Cools Biud! D Idee von dene Öpfu fändi äbe scho Hammer.

I dänke o, dasses e Bitz wit "normau" isch, dasses Aspannige git ir Hochzitsvorbereitig. Bi üs geits bis jetz ganz guet, aber vielech de im Ändspurt... Vielech hingerfragt me i dere Zit ganz üblechi Usenandersetzige oder Diskussione o ganz angers, as mes süsch aube het? Aber die rosaroti Brüue findi muesme nid ha, im Gägeteil, da chunnt me doch no eher uf d Wäut, we de die mau wäg isch. Für mi isch ganz klar, dassme are Beziehig IMMER mues schaffe, me darf nie erwarte, dasses eifach für immer vo älei super witerlouft. I finde aber entscheidend isch o, wie asme mit Problem oder Töifs ir Ehe de umgeit, wüu die chöme garantiert, da isch niemer drvor gfeit. Isch me denn bereit, o mau für d'Ehe und die gmeinsami Zuekunft z'kämpfe, oder gheit me dHänd i Schoss? Mi dünkts nid, dasses hützutags meh Problem i de Ehene git, aber mi dünkts, dassme schneuer ufgit.

@Squishy: iiiiih, dä shop isch ja Hammer! Muesi ou no gad chli düre luegä...

@Jane: Weisch, ds luschtige isch dass sie Chleider bis Gr. 52 i däm Gschäft hei gha... Also wärs eh keis Problem gsi. Aber d Verchöiferin isch säuber mega dünn gsi und i ha mängisch ds Gfüehl, dass Lüt wo vo Natur us mit sonerä Figur gsägnet si gar nid chöi nachevollzieh, dass es nid so easy isch paar Kilo abznäh für so uszgseh wie sie... So Lüt darfsch eifach gar nid ernscht näh, i ha när glich ca. 15 Chleider chönnä aprobiere, isch also eigetlech nid "schwierig" gsi. Sie het mir äuä eifach wöuä ufd Nase binde, dass ig nid ihrne Vorstellige vorä ideale Frou entspriche...

@Jane: Oh nei... so schad het di Papi sini Meinig gänderet!!! I cha das irgendwie gar nid nachevollzieh, würum er dir dä Wunsch nid cha erfülle. Bi derä Tradition geits ja drum, dass dr Vater sini Tochter ihrem Zuekünftige übergit... Het doch gar nüt mit em Gloube z düe, oder gsehni das falsch??? Würd ers de mache, wenns vor dr Chille wär? De chöit dir ja ds Spalierstah anstatt bim use gah, bim Izug vor dr Chille mache und er übergit di dim GG vorem Igang.

und wägä de Iladige: Meinsch nid du hättsch mit dr Zyt chli üebig? Villecht si eifach 2 jetz gad am Afang nid guet cho wöu de no nid so weisch wie dasses am gäbigschte geit u so?!

nicht registriert

janedoe: Erst Mal Herzlich Willkomme zrugg us eune Ferie! Schön hend iihr eui Zweiisamkeiit chönä gniässä und jetzt gots wiiter. Endli hend iihr eui Wohnig für eu! Das isch wunderschön
Schaad, dass dii Papi siich umentschiide het. Werum echt? I denk isch ä guäti Idee, dass ihm Ziit losch und denn nomol fragsch. Es isch doch so ä romantischi Tradition. Viellicht wenn ihm erklärsch, dass nöd um Kiirche got, sondern drum das dä Vater sini Tochter ii d'Händ vomene andere Maa übergiit? Oooh, d'Idee vo dä Malinchen findi mega passend! Uiii, schlechti News tönt gar nöd guät. I würd wohl all mini Fingernägel abkätsche... I druck dii und hoffe es chunt guät. Het sii denn gsaiit, dass es was schlechts isch oder isch daä ä Buchgfühl? Scho meh us ihre usebechoh?
Du machsch doch diä schönä Kärtli mit dä Federe? Han ii da richtig im Kopf? Giib nöd uf, denn kaiin Meister isch vom Himmel gfalle! Wenn's au eiifach nach z'viil wirkt, chasch jo für d'Obiggäscht eiis bastle und für d'Apérolüüt bstelle. Denn so hettisch viellicht au meh Ziit zum perfektioniesiere. Selber het meh doch oft ä kritischeres Aug und anderi hauts scho vom Hocker!

LaMariee: So guät, ii ha gad globs s'erst Mal diis Monogramm (oder wiä meh dem saiit) gseh/beachtet . Es gseht mega toll us. Gratuliärä eu zum Fotograf. Für welle hend ihr eu entschiide?

Taeboyana: Sehr schön gschriibe find iich diin Post mit dä Tüüfs. Um da gots doch, dass meh genau au ii schlechte Ziit zämästot.

Malinchen: I find da diiä oberfrechheiit!! Es Wunder, dass dere nöd gad usem Lade usegloffe bisch...! Diiä het ja Nerve diä Verkäuferin. Wiiä wär's da bii ihrer Vorgsetzte melde, z.B. per Mail?
So kuuul, genau aah dii selb Folg hani au denkt

@malinchen: haha genau, ja How I met your mother kenni guet!

Wäge dr Bemerkig vor Verchöiferin: I findes uf jede Fau drnäbe vo ihre. I bi säuber o nid übergwichtig und nähmt mir nie im Läbe d Frächheit use, so e Bemerkig zmache! U scho gar nid, weni as Verchöiferin i somne Lade würd schaffe. Nei das geit eifach würklech gar nid. I bi vor paar Jahr imne Lade gsi und hanes Top aprobiert, wo sone Schwümmerrügge het. De hani zur Kollegin gseit, i mües de luege obi e passende BH heig u was seit dä Totsch vore Verchöiferin? "Bi eucher chline Oberwiti muesme ja gar ke BH alege". Ja genau. Wär dere fasch ad Gurgle gumpet. (hie chäm itz sones vor Wuet explodierends Smiley häre, wes eis hätt).

@Janedoe: ach nei das si gad es paar nid so schöni Sache im Momänt. Öper da inne het chürzlech gseit, dass sie mitem Brüetsch vüre louft... hesch du ke Brüetsch? Finde die Vorstellig irgendwie o no härzig... aber da müesst ig gad mit 2 Brüetsche vüreloufe u das wär de wieder fasch chli übertriebe

Hesch es Foto vo de Iladige? I dänke o dass mit dr Zit Üebig bechunnsch. Du hesch doch mau so Prototype zeigt und die hei ämu super usgseh, findi?