Ha sie gfragt um was dases gaht, sie hed gschribe sie seg am schaffe und chieng jetzt nid rede und welli mier das persönlich erkläre. es gieng ums hochziit und um min papi. Wenns nur drum gieng, ober mi zum altar füehrt oder nid würd sie sicher alüte oder mier das verzelle wenn mer znächste mal bi ihne sind. ha sooooo buchweh!
@malinchen & squishy ha ihm au versuecht z erkläre, dases gar kein kirchliche aspekt hed, sondern, das er mich ja denn a mim GG übergit und so nomal sis iverständnis git und denn seiter nur so daser ja jetzt nebe mier sitzi und hiemit gäbi er mier s'iverständnis und übergit mi somit am maa.
@taeboyana ha kei brüeder, nei. Aber GG hed jez gmeint mier laufed de halt eifach zeme ine und treffed eus vor de chile z erste mal und hebed de das defür miteme shooting fescht. findi au e schöni idee.
@iladige Ja mini iladige sind die mit de federe gsi. Finde grad dSiite nümme wonis hii postet ha drum ladi de prototyp nomal ufe. GG hed gfunde mier möched die jetzt hüt fertig dasi nümm uf dIdee chume öpis anders z bstelle aber jetzt bini grad völlig nidergschlage irgendwie...
Janedoe: Es tönt würkli ernst. I hoff für dii, dass es guät chunt und dini Sorge siich nöd bestätiget. Hesch gad würkli viil um d'ohre I find Karte wunderschön. I ha mii jo sogar dra erinnere chönä Da zeiigt doch wirkli, wiä einzigartig und bezaubernd sii sind. Schlussendlich müänds aber eu gfalle. I empfiehl eiifach diir Ziit loh bii dere Entscheiidig. Momentan hesch wirkli gad viil im Kopf...
LaMariee: Het er trotzdem ä Homepage zum schnoiige? Ab und zuä giits da...
Taeboyana: I verstand diin Wunsch nachem Wuätsmiley guät. Sowas darf doch keii Verkäuferin sägä
@Pfloeckli: Isch de Dis Mami so jung, oder wieso wetti so no nit Grosi wärde?
Inwiefern wo de mol gmeint hesch, isch es dämfau nüme so? Aber ja, i dänke wenn ihre TZ Amt künde, wird üsi Fründschaft sehr lide, oder gad kaputt gah, so ufgrund vo däm wienis momentan erläbe.
@malinchen: Di zwöi kenne di andere Gäst, si sit de Kindsbei u dementsprechend kennt si sehr viu u er sit Teenagertage u er kennt no dLüüt us am Verein. Süsch wäris für mi gar keis Thema. U bi ihm findis no bau ehner ok da er mit sire Fründin scho zämä isch, aber si het haut immer mau umi e Zyt lang irgendwer u das si mängisch Wuchene u mängisch Monate, aber ebe...
@squishy: Aso am Obig hei mir würkli nume Lüüt drbi wo mir beidi kenne u üs wichtig si u mir regelmässig Kontakt hei. Da brüchtis jtzt aso ou nit, dass da dPartner mitgnoh wärde wo gad nöii si u mir nit kenne. Aber ufgrund vom Schriebe hie, säge mir gloubs ou ihm ab, wüu süsch wirds de iwenn eifach zviu u unübersichtlech.
Das hani mir ou scho überleit, mit GG sim TZ zämäzhocke u ihm dSituation zerkläre u si ziemli us auem dusse lah, aber ufgrund vor momentane Situation troue ihre drum ou e Szene am Hochzytstag zue...
Was isch das für ne Shop? Aber i verstah Din GG, si ou nit miner Farbe, obwous wunderschön cha usgseh!
@jane: Si si schön, aber so ussergwöhnlech wäri si ja eigentli würkli nit. U de änlich aber vom ne andere Hersteller? Oder isch das kei Option? Mir si geschter no rasch bi de Nachbare vrbi, u hei de x Telefon gmacht, u jtzt hei mir di meischte, aber ebe aui verwütschisch eh nie am gliche Obe, viellech hei mir hinech no chli Glück. Isch es würkli so schwierig, jtzte zwüsse ob me de chunnt oder nit, di einti het gmeint, [i]si chämi sofern si nüt anders heigi, si plani haut nit so lang im vorus; u ou wies mit de Kind isch chönni si no nit säge... /i] U anderi müesse no uf e Termin vom Skiweekend warte Si mir di einzige mit so komische Gäst? GG het de geschter gseit, reg Di doch nit so uf! Aber me weiss doch ob me wott u cha cho oder nit. Wäris mini Familie hätti gseit, si müesse nit cho u dörfe ou gärn deheime blibe... Aber ebe, aus GGs Zuekünftigi isch das nüme dinne. Da si aui di mit Gsundheitleche Problem direkt "harmlos", di chöis eifach no nit säge, u denne isch es meischt gar nit rächt.
Mini TZ spinnt. Hei ja no chli gsimslet geschter, u si het de gmeint i heigi ihre öbis sehr, sehr wichtigs wägno (dr Brutkleidkouf), ha de gschribe i heigi ja no kes, u ebe no eis versueche zerkläre dass i ufgrund vo ihrem Verhalte uf nes Träffe ha bestande (isch für si sehr es unding), si het de ou gmeint es göchi kei Brut mit am Maa gas Kleid koufe, u si het ja ou gseit si chämi mit, wenn si nit TZ isch!! (das hani ihre aber nie zuegseit, sondern eifach aube gschwiege)
Isch de öbis vorgfalle, dass sech Din Papi jtzt doch drgäge entschide het? Verglichszahle nit, aber mini SchwieMu het fürs Unternähme aube dr Gast engagiert, u dr Service isch immer super gsi.
Was isch de i dHose? Aber i verstah Din GG, wäri sehr schad, wenn de Di Karte übere Huufe rüehrsch, di gseh nämli super us!
Wenn chunnt si de vrbi? Drücke dr Düme, dass es nit enorm schlimm isch! Meinsch das Di Papi dHochzyt boikotiert?
@Taeboyana: I verstah Di vou, aber ebe, es kenne beidi viu Lüüt! Aber i würdi bi Dire Schwägere ou nit no so ne Üebig zuehlah, brüchti aso gar nit.
@Squishy: Ach mach dir kein Kopf weg dere Verwechslig vom Monet…I weiss doch au nöd uswendig wenn ihr so hüroted. No Problemo! Ja, du hesches etz grad no guet gseit…ebe doch nomol en grosse Schritt…i mim Chopf fangts denn amigs vollgas a spinne, eifach so phasewies Weisch wa: Bide Deko gits glaubs KEI Männerfarbe – da müends eifach dure! „üsi“ Farbe sind rosa, pink, mint und petrol
@Pflöckli: was hend ihr denn beidi für e usbildig gmacht?
@Lula: Ja han grad umgehend Bscheid becho vom Hotel. Und nur Zmorge choschtet 18 Fr. – findi easy! Du seisches…eifach viel empfindlicher, viel emotionaler. Und mer goht denn ja nur vo sich us…also weisch, me merkt eifach das mer empfindlicher isch und ebe mega emotional. Aber de Partner macht jo genauso en grosse Schritt und reagiert viellicht ebe au meh als susch… Es isch etz wieder guet, aber wird sicher no paar mal chli Knaatsch geh bis zum HZ. Wege Gäscht ohni Partner: I find grundsätzlich…IHR laded IH, IHR säged wer! I ha au es paar iglade und direkt nur SIE agsproche und denn meini au nur SIE. Und die kenned auno anderi Lüt a üsem Hochzit. Eini devo wohnt au mitem Fründ zämä, aber de kenni nöd. Öpper hemmer aber zum ganze Fescht iglade und er isch ebe mit fascht sinere ganze Familie iglade. Er het mir denn aglüte und gfroget ob er sini Fründin dörf mitneh. I kenn sie auscho es bitzli, natürlich nöd so dasi sie würd an Obig ilade (und er het jo au sini Familie) aber i ha denn doch JO gseit! Hmmm
@Pflöckli und Lula Min Vater het am Tel gseit nachdem sie d’Iladig becho hend heged er und sini Partnerin gseit: Jetz chön eigentlich nix meh schief goh, usser das ich vor de Hochzit no schwanger werde…!!! Hani denkt, ALSO BITTE, etz hämmers es paar Jahr super guet mit Verhüete anebrocht – denn schaffemer das auno!
@Chlini: i ha de Mäntig au BSUNDERS DOOF gfunde! Drum würkli..yess gschafft und de Zischtig no dezue Ich würd mich vo dene beide Fotografe jetz au für de Michael Auer entscheide. Han beidi nöd kennt, aber vode Föteli her würdi ihn neh. Aber dSympatie spielt ja amigs auno e grossi Rolle.
@Sasileu: Gell sisch scho chli en heisse online z’bstelle…Aber s’Kleid ufem Foti isch würkli uuuuh schön. Mega bestickt! Wa mi etz chli würd störe, isch das de Oberkörper extrem lang wirkt und dBei denn viel z’churz schiened hald weg dem „verlängerte Hüftschnitt“ vom Kleid. Hey Sasileu, bisch du sone Nachtüüle? Hesch extra für üs no bis i alli Nacht ine die Föteli ueglade? Da isch denn lieb. I find de Glaswürfel wunderschön. Chammers uuuh guet vorstelle!
@Malinchen: Jo gell…also bi mir gohts jo etz 4 Mönet und es isch keis Designerkleid, sondern e Liluca-Eigemarke us ihrem Schniederinne-Atelier. I ha denkt, denn gängs schneller. Oder hani echt nöd so Priorität…wili jo im Juli gange bi für im April? Jedefalls bini ebe scho sehr gspannt wilis jo bim aprobiere nöd i minere Grössi han chönne probiere! Nocher stimmts scho…es wartet jo denn eh no bis im April…aber evtl muemes ja denn no chli ändere/apasse!. Scho händ ihr das au gha? Denn bini aber froh. I merk dasi no recht Müeh ha z.B. mit mine Koleginne drüber z’rede wo unverhürated sind oder au nöd grad vor de Hochzit stönd… I denkt denn das sie’s vlt nöd chönd nohvollzieh das sich de Schritt denn doch recht gross chan afühle und das mer ebe agspannt isch – i wett jo au nöd dass die denn überreagiered und was weiss ich denked. I versuech mir weniger Sorge z’mache!
@Janedoe: Da bisch ja wieder! Hadi scho chli vermisst! Oooh so geil, hesch ihne grad e Afrog gschickt. Sie händ würkli es super Repertoire. Hoffentli sinds nöd z’tüür. Verzellschs mir denn, gell! Danke, dass du so persönlich schriebsch. Ich (und ihr sicher alli) nime s’FÜR IMMER sehr ernst und wett das würkli us tüüfstem Herze – drum macht mich das halbe wahnsinnig. E gueti Fründin vo mir isch ghürate und chunt i wenige Täg (Termin het sie scho gha) ihres erschte Chind über. Sie het mir gseit das sie ihren GG au hütno mengmol umbringe wett weg Chlinigkeite, und dass d’Ungwüssheit bliebi. Sie hegi au alles in Frag gstellt…was mach ich wenn…!? Jetzt fragt sie sich: was wenn mir nöd de glich Erziehigsstil hend? Aber d’Zueversicht und de Glaube ad Liebi, s’mitenand rede und d’Problem agoh hend sie immer wieter brocht. Das i üsne Chöpf mengmol s’totale Chaos herrscht heisst nöd das mir en Fehler mached, sondern eifach, dass mir emotional sind und Mensche wo sich Gedanke mached. Mensche wo liebed und Angst händ z’verlüre. Ich spinn nöd weniger…aber i chans irgendwie besser verstoh Üs gohts aber wieder besser! Und eu? Oh nai…hoffentli laht din Daddy nomol mit sich rede ines paar Wuche. Es goht ja würkli nöd um ihn und um imsin Glaube, sondern um dich und um die Geste. Ich bin ja au schomol inere Moschee gsi, also wieso söt mer als Moslem nöd ine kath. Kirche? E Kirche oder e Moschee – beides sind Gotteshüüser und mir glaubed ja an gliche Gott!!!??? Ou nai, jetzt hanis grad glese weg de Nachricht wo dir dis Mami wet überbringe – i denk fescht a di !
malinchen: das tönt würcklich schön wie du das beschriebsch, genau so sölls si... und findes au richtig dass ihr das so machet wie dir weit.... genau uf das chunnts ja a...
squishy-fishy: ja bi aso au froh, dass das nit klappt het mitem verkupple... bi jez froh dass er fertig isch mitem militär, obwohl is zum teil gar nit so schlächt han gfunde, tuet nämli au guet wenn me wieder mol sich cha vermisse... merkt me vellecht wieder chli meh was me anenand het und was eim fehlt wenn de ander nit umme isch...
janedoe: danke... han ebbe sgfühl gha dassi min GG chli unter Druck gsetzt han und denn hani dänkt, ah chum was sölls machi ihm doch de atrag. mir hän eh vor gha nechscht johr zhürote, also eig hei mir das johr scho welle, abr denn hei so vill scho das gseit dass hürotet (also nit us eusem fründeskreis), abr so dass es eus grad chli abglöscht het... hoffe sehr dass es keini schlächte news vo dim Mami sin
Taeboyana: i hoffe sehr dass er denn das züg au gli cha abgeh... hei mir wieder meh platz im käller . abr denn isch ja ebbe schön, dass me i däm forum no glichgsinnti findet. i probier grad no smagnetli azhänke...
Lula: nei so jung isch si eigentlich nit, also si isch imene alter wo me cha Grossmami wärde . abr si het chli müeh mitem älter wärde... immerhin het si sich chönne mim Gedanke afründe dass sie Schwiegermuetter wird, ha se au schonend druf vorbereitet dass das gli mol chönnt si und wo mir ihre denn gseit hän, dass mir eus verlobt hän het si sich au mega für eus gfrogt, het denn abr gmeint, si sigi froh wenn mir mit grosskinder no chli warte mini kollegin het ebbe afangs johr ghürotet (well si schwanger gsi isch) und mir hän eus eig mol gseit gha dass mir eus gegesiitig als TZ nähme. dass si mi nit als TZ gnoh het, hani no verstande, well si het in 5 Wuuche miesse ihri HZ organisiere und da i ja nit grad i de nöchi wohne, hani ihre das gar nit übel gnoh... abr denn isch trauig gsi (also eifach zivil), und uf de iladig isch gstande mir sige zur Trauig iglade, de bini devo us gange dassi als (vermeintlich) besti fründin au im standesamt debi wird si... vorallem wenn das für mi au so gstande isch... min GG isch au devo usgange und denn simmer natürli mit de Lüt mitgloffe und denn het mi e kollegin vo ihre zrugg gruefe dassi gar nit vorgseh sigi, i säg dir das isch en schlag is gsicht gsi... hätts ja verstande, wenn nur TZ und dEltere debi gsi wäre, abr ebbe es isch au e kollegin vo ihre debi gsi... i bi denn so sau doof dört gstande, am liebschte hätti ghült und wär wieder hei gange, denn hani dänkt, dass chasch ja nit mache, bisch ja zum ässe iglade.. vorallem het si denn no eini als TZ gnoh, wo si immer über se gfluecht het... de obe isch denn scho no luschdig worde, mir hän denn en super tisch gha... abr das het halt scho zimli tief gsässe, dassi eig denn nit meh gsi bi als anderi wo si erscht sit eim johr kennt... jedefalls isch für mi klar gsi dassi se nit als TZ nimme, also i ha eig vorher scho chli zwieflet, abr han dänkt ja chasch ja nit so si, abr nocher isch klar gsi... han mir denn sogar überleit öbi se nur für de apero söll ilade, abr ha mi jez entschiede se glich für am obe izlade, us ebbe däm grund dass schüscht euseri fründschaft ganz am arsch wär... abr si weiss noni dass mir eus verlobt hän, glaub si isch die einzig wos noni weiss, han au ehrlich gseit im momänt no kei luscht ihre das zsäge... weiss nit wie denn dReaktion wird si... cha mir vorstelle dass si no iversüchtig reagiert, well mir so vill zyt hän zum organisiere und alles... naja, abr wird eres denn scho gli mol säge... sorry jez hani grad chli fruscht abgloh
daenu: mir hän dUsbildig zu Zollfachfrau resp. Zollfachmaa gmacht (nit Gränzwach wo uniformiert isch, sondern bürojob)
Sit Tage bin ich stilli Mitleseri da ine, het mich immer greizt zum öppis dezue z schriebe aber da ich im moment so viel um d ohre han, hani denkt ich lahns lieber, suscht nervts mi nur wenni nüme mitchume . Aber ich han mi glich churz welle melde. Mir sind erscht sit öppe 4 Wuche am plane und drum isch na vieles offe und han na en huuufe Offerte dehei umeligge woni sött aluege für alles mögliche :-). S schwierigste isch bi eus grad d Suechi nachere geeignete Chile, han ehrlich gseid denkt das wär s eifachste - falsch denkt ;).
Ich finds super, dasses das Forum git, ich han jedes Mal froid zum Sache läse und Idee sammle. Ich han z.B. vorher na nie vo dene Save the date magnetli ghört und ez bini grad begeistered vo eune :-)!!
Wünsch eu allne na en ganz schöne Abig! Liebi Grüessli Pricana
Wow ihr sind ja gester richtig fliessig gsii.. puhh glese hani all irgendwenn male aber gib mer müeh zum uf alles e antwort zgeh.. sött ja eigentlich schaffe  @sasileu also i finde de Glaswürfel cool.. wür mir au na gfalle und us dem chasch na vieles mache  chasch di also druff freue  @ pfloeckli ja das isch leider so und bi eus warteds eigentlich scho lang druff.. mir sind scho me als 10 jahr zämä..hüratet a eusem 11. Jahrestag am 11. Januar.. und natürlich isch dä immer gad frag cho..es het mi so dermasse ufgregt dass ichs lang gar niemertem me gseit han.. mir sind au na am baue und zügled churz vorher..also wer eus kennt de weiss dass ich mir das nöd atuene  Ihr hend demfall ja au na schön deziit.. mir hend eus am 3.4 verlobt und hüratet am 11.1 aber nur zivil aber trotzdem mit apero und fest..git aso schona ztue.. @lilmonkeyme mir sind gester namal gsii go luege weg dä ring wells ja im moment aktion hend aber die verchäuferin het mir gar nöd passt.. die het mi chum öppis aluege lah.. z.b. ringform dä oder dä, breiti, die oder die.. mann gopf meine leisch ja au es paar tuusig franke ane.. weg de steinli nur die klass.. ich ja was isch dä underschied? Ja sind besseri qualität ou mann.. ha dä gfröget öb sie ring umehet mit verschiedene stei zums mal aluege das hät sie dä tatsächlich gmacht.. etzt mueni da namal aluge.. ha das nöd so tschägged gha bis jetzt..ha sgfühl vom einte goldschmied isch es gar nöd viel tüürer, well i ha bisher immer die schlechter klass igrechnet gha bid ä trauringlounge.. mal luege hüt abig @janedoe mir wüssed eigentlich ungfähr was mer wend aber lueg jetzt die verschiedene offerte namal aa vorallem weg de stei type.. aso wenn dä goldschmied nöd viel tüürer isch dä möched mers döte.. mir het verchäuferin gester gar nöd passt..  hesch es scho chöne kläre mit dim mami? Oder weisch nanig was sie het welle? Und isch schad wegd im papi, aber viellicht tuet er sini meinig doch namal ändere.. Und dini Iladigscharte sind nach wie vor hammer mässig.. i wünscht i het au soviel geduld dass ich selber öppis het chöne bastle.. mir händ im moment eifach nöd de platz dezue und jedesmal alles ufruume schiesst mi au aa..i hett gern a öppis bastlet.. jänu aber luege dä für tischdeko und so dass ich au was cha mache @lula also i glaub i wür dänä lüüt sege entweder a oder ab melde.. i finde das so müehsam..aber glaub die hüttig gsellschaft isch fängs so..alli mögliche optione so laaaaang wie möglich offe phalte, damit mer dän sich immer fürs beste cha entscheide.. gopf me wird iglade zumene hochzit also isch das doch e ehr und entweder het mer freud und me gaht mit freud und suscht laht mers sie.. und nöd druff spekuliere das wänn dän doch na öppis bessers wer ich dä doch nöd umebin.. unglaublich aber es gaht eus au so..nöd nur mit em hochzit sondern generell..mer organisiert öppis und lüüt chönd sich bis an letschte tag ane weder a oder abmelde.. i ha gseit i wirde glaub keinem nacherenne sondern die wo sich nöd meldet sind eifach gstriche..
Und HERZLICH WILLKOMME Pricana.. häsch lust eus chli öppis vo dir zverzelle? Fotograf: Danke für eui Rückmeldige..also mir hend eus au für dä Michael entschiede, er isch de spontaner typ und denke vo ihm werdet mer die bessere föteli ha.. viellicht sind die vo ihre besser bearbeitet und perfekter aber isch alles es biz zu fest perfektioniert und gstellt.. wartet na uf die usgarbeitet offerte vo ihm aber denke dä punkt chömmer abhacke  priise sind unschlagbar, het sie au uf em internet.. dänkä er isch au döt dure sehr faire..
So dä wünsch ich eu es schöns tägli.. die letschte zwei tage hani mi am hochzit gwidmet, hüt isch baustell agseit.. hend dete en termin… mal luege.. hoffe es lauft alles rund 
Pricana: Welcome to our Forum! Schön wiiä mir stetig wachset!! Miir hend au ä Gwundernaseliiste, hesch viellicht au scho gseh? http://www.heiraten.ch/forum/board/perso...4-12_237_7.html Wenn ned immer mitchunsch, isch da doch ned schlimm. Es freut mii uf all Fäll, nomol ä Bruut meh z'ha zum ustuusche
Chliini: Denn isch ja d'Wahl perfekt, wenn ihr eu bim Michael wohler fühlet! So söts doch sii Viil Vergniiägä uf dä Baustell!
Pfloeckli: Yesses, eui Magnetli sind jo denn lässig. Voll veknallt gugget diä Schneggli. Wär dä Hingugger aah unserem Küählschrank Siind demfall meh wiä nuu d'Familie und TZ in Standesamt? Würd ii mir also au vor dä Kopf gstosse fühle... Es isch ja au Trauig uf dä Karte gstande, wiä sött meh da sus verstoh... Chan ii guät verstoh, dass du diich nöd für sii als TZ entschiide hesch. Hender mol drüber gredet, werum sii nöd mit diir im Standesamt grechnet het? Meega krass, wiä Hochziite ufzaiiget, wer würkli zu diir hebt...
Daenu: I ha würkli gad luut müässä lachä bii diim leschte Satz ii cha miir da grad so bildlich vorgstellt. Während em Freispiiel wärs ja mol en Versuäch wert Naii saiich, isch gliich schön, dass du diich mit uns ustuuschisch Yeah's au chlii pink diine bii diir, ii befürchte immer dass es z'kitschig wiird. Will da doch so typische girly-farbe sind. Aber ohnii chan ii miir miis Hochziit eiifach nöd vorstelle Mii GG fiindet, wenn's no silbrig diin het isch ok. Will sus merkt meh jo ned, dass do au no en Maa hürotet
Lula: Was für ä Szene chöntsch diir vorstelle? Weiss gar nöd was maiine chöntsch... Aber nu scho s'Risiko, dass was passiere chönt, wär jo en klare Grund zum sii nöd debii ha wölle... I ha mir nöd vorstelle chönä, dass dä Lade öper nöd kennt Es isch so ä Ladä-Ketti vo Dütschland mit luuter Krimskrams. Kerze, Vase, Bastelmaterial, Dekomaterial und viellicht sogar chlii Gschirr und und und nanu-nana.de
Anmelden
Da zeiigt doch wirkli, wiä einzigartig und bezaubernd sii sind. Schlussendlich müänds aber eu gfalle. I empfiehl eiifach diir Ziit loh bii dere Entscheiidig. Momentan hesch wirkli gad viil im Kopf...
är macht sehr natürlechi Fotos u das gfaut üs vorauem 
U anderi müesse no uf e Termin vom Skiweekend warte 
Si mir di einzige mit so komische Gäst? GG het de geschter gseit, reg Di doch nit so uf! Aber me weiss doch ob me wott u cha cho oder nit. Wäris mini Familie hätti gseit, si müesse nit cho u dörfe ou gärn deheime blibe... Aber ebe, aus GGs Zuekünftigi isch das nüme dinne. Da si aui di mit Gsundheitleche Problem direkt "harmlos", di chöis eifach no nit säge, u denne isch es meischt gar nit rächt. 
cha jo amigs de Kids nöd guet sägä...mached eifach chli was...dChinzgitante mues etz schnell im Hochzitsforum schriebe 
. Aber ich han mi glich churz welle melde
Mii GG fiindet, wenn's no silbrig diin het isch ok. Will sus merkt meh jo ned, dass do au no en Maa hürotet