Guete Morge liebi Brütlis!

@squishy
Jöööh merci! Stimmt, wenn mer sich drah cha erinnere muess was hange blibe sii ich ha sie jetzt geschter no mim Mami zeigt und sie findet sie super. Mier lönds glaub wirkli so

@Lula
Eus würded ähnlichi vielleicht au gfalle aber mier denked immer, wenn mier de Ring ned zumindescht eimal live i de Hand gha hend fragemer eus de immer 'was wäri wenn?'. Han jetzt z Thun bim Rentsch afgraget, er luegi mal waser mache cha
Hä? Aso die wo nume will cho wenn sie nüt anders hed denn würdi glaub grad wider uslade :/ ich mein sie bechunnt e Iladig und gsehts als Option falls nüt bessers chunnt oder wie? Findi völlig denebe!
Bi de Lüüt mit de gsundheitliche Problem muessmer vielleicht scho es Aug zuedrucke aber au die chönd sich ja mal provisorisch amelde.
DU hesch dinere TZ öpis wichtigs weggno?! Du hesch sie ja no gfraget gha? Aso irgendwie schiint mier die Frau recht chnorzig? Aso ich ha chli s Gfühl sie verdreiht da jetzt total d Tatsache. Bisch immerno sicher, dass du sie als TZ willsch bhalte?

@daenu
Han eu au vermisst!! Bin im Hotel immer am Morge mitem WLan gschnell go luege was iher so zbrichte hend
Vo Maxin hani leider no nüt ghört. Aber bin mega gspannt.
Das mit dinere Fründin und de Liebi hesch mega schön gschribe, mich berüehred so Sache immer voll!
Schön, dases bi eu wider besser lauft. Bi eus au!

@Pfloeckli
Ohh das verstahni voll weg de viele Hochziite. Mini facebook Startsiite isch im Moment mich frischvermählte übersäät GG hed gseit segi grad guet das mier im Mai hüratet, denn fangt d’Saison erst a und es isch nid scho die 30igst Hochziit i dem Jahr

@Pricana
Herzlich Willkommä!
Verzell doch echli vo dier/eu? Wenn isch eue gross Tag?

@chliini
Es seged so viel, dass die Verkäuferinne dett chli schwierig seged. GG und ich hends ja au so erlebt. Und ich find mitem Goldschmied treffeder eh die besser Wahl
Das mit de Geduld und em Platz isch ebe au chli mis Problem. Breite immer alles ufem Chuchitisch us und ha nid wirkli Stauruum… Aber vorallem will mier alles einheitlich möchted (Chileheft, Tischkärtli, Menü, Danksägig…) blibemer jetzt debii und bastled selber. Euse Gschmack würd suscht de fiananziell Rahme sprenge…

@me
Danke für eui liebe Wort!!! Iher sind soooo super!! Mis mami hed geschter tatsächlich schlechti Nachrichte mitbracht :
Min Papi hed ihre gseit, das er nid ad Hochziit will cho. Er chieng das nöd mit sich veriibare ine kath. Chile zgah. Ehrlich gseit hani chli demit grechnet dass das chunnt und ich ha au gseit, das ich das akzeptiere chan. Aber offebar willer au am Abig nöd cho, will er nöd möcht, das d’Lüüt denked, er chunnt jetzt go schmaroze und isst eifach mit. Mis Mami hed ihm gseit, das er mier das nid cha atue will ich de ganz Tag brüele wenner das macht. Und d’Lüüt reded doch viel meh, wenn er gar nid uftaucht. Irgendöper wird mich doch sicher frage wo min Papi denn sig und was sölli denn sägä?! „er hed kei Luscht“???
Und jetzt chunnt de absolut Hammer: Da min Vater uf sinere Siite no en ziemlich grossi Familie hed, willer eusi Hochziit gheim phalte!! (eigentli sött jetzt da es böses Smiley ane – da drah sötted d’Admins i dem Forum chli schaffe) Da mier kei Bezug zu dere Familie hend will ich au niemer ilade vo dene. Und wenn eine iladsch, denn muesch nachher 300 anderi au no ilade. da mier imne mega Buurekaff lebed gits es riese Gschnurr wenn nur eine öpis devo mitbechunnt und denn heissts, „was dini Tochter hed ghürate du hed kein einzige Albaner iglade, sone Schand“. Ich denke als Ussestehndi oder au als Mitleser hie isch das mega schwer zverstah aber ich möcht minere Muetter das Getuschel nöd atue Mier müend jetzt alles ufe Chopf stelle, en neui Aperolocation sueche und en neue Aperocaterer.
Ich säg eu, ich bin in Träne usbroche und mier heds völlig de Bode unter de Füess wägzoge. Das min Vater mini Muetter vorschickt mier das z erkläre!!! Und mini Muetter fühlt sich jetzt voll mies. Er hed ihre gseit, das er sich ned so cha usdrücke, dass ich das verstah und er welli kei Striit mit mier. Han ihre gseit das ich nid will dass sie mit ihm redet was ich denke und empfinde. Ich will das selber mit ihm kläre. Sie isch doch kei Postbote! Chan das echt akzeptiere und gwüsserwiis au verstah daser nid über de religiös Schatte cha springe. Aber wenner am Abig nid as Fäscht chunnt denn weissi au nid wiiter. Ha minere Mum gseit, dass das euses Verhältnis denn komplett kaputt macht (han nie e intensivi liebevolli Bindig zu ihm gha) und es hed mier sHerz broche de Schmerz i ihrne Auge zgseh. Drum weissi jetzt scho, das ich uf d Zäh bisse wird, ihre zlieb…

Hallo Zusammen

Bin zwar erst seit 5 Tagen verlobt und erst ganz am Anfang unserer Planung... aber ich kann es kaum warte los-zulegen.

Klar haben wir schon vor dem Antrag das eine oder andere mal über das Heiraten gesprochen, aber nie ganz konkret.

In den letzten paar Tagen haben wir aber festgestellt, dass wir uns bei den Fixpunkten (Zeitpunkt, Welches Standesamt, Kirche ja/nein, Apéro, Gästekreis... ) ziemlich einig sind oder einen Konsens gefunden haben.

Ich bin so glücklich und freue mich auf die Zeit und hoffe hier im Forum viele Gleichgesinnte zu finden :-)

LG

@verliebt, verlobt:
Willkomme!
Joo findsch bestimmt Idee vorallem gends amigs voll gas mit poste
Eusi Hochziitskarte het so de Titel "verliebt, verlobt, wir heiraten"
Hender scho e Terminwunsch?

@squishy-fishy:
Ahh danke!!!

@pfloeckli:
Hihihi,de verliebti blick uf eune Magnetli isch jo de hammer
Super! Bi scho gspannt druf zum lese wenn du feedbacks bechunsch!

Alsooo,i wünsch eui no e schöns Tägli

sasileu: Danke! Mir gfallt öies Motto natürlech sehr!:-)
Mir wette gärn September/Oktober hürate... I würd 4.10.2014 no cool finde, aber es muess nid si.
Ich ono chli vo Prüefigsdate vo mim Schätzu abhängig.

@verliebt,verlobt
Härzlich willkomme und härzlichi Gatulation zum Verlobig! Wünsche dir ganz viel Spass bim plane vo euere Hochziit und freue mi, wieder en Bruut meh zum Ustuusch dazha

@sasileu
Hehe meinsch bim bastle à la wenns mal lauft de laufts? Hoffentli!

@squishy
Du seisches, es schiined alli irgendwie mitenand verwandt und jede Albaner woni atriffe chönnt theoretisch irgend e Cousin vo mier si.
Mini TZ isch leider gar ned begeisteret vom baschtle aber min liebe GG hed jetzt vorgschlage daser mier würd helfe

@Pricana
Ui das isch aber au recht hert, wenn de eiget Vater d Hochziit als schwachsinn betitlet? isch der denn jetzt zum vierte Mal scho verhüratet oder sind das eifach so Lebensabschnittsfründinne?
Gratuliere zur Verlobig, tönt wirkli super schön so am Strand *träum*
Hehe mier hend eus bisher au gar nöd mit em Thema „bisch du schwanger das iher hürated“ müesse usenandsetze, aber glaub wirkli au us em Grund das mier das genau so gsehnd wie du und eusi Lüüt das au wüssed.

@me
Ich versuech jetzt das alles nomal chli zämäzfasse:
De Apero müend mier ame andere Ort mache, will d’Location i eusem Wohnviertel gsi wär. Und dett kennt halt wirkli jede jede. Und es gaht ebe ned mal drum ob Verwandti dette wohned, obwohl das au de Fall isch, sondern das dett allgemein vieli Albaner/Mazedonier usw wohned und denn ischs nur e Frag vo de Ziit bis die mini Familie verurteiled, dass nur eusi Schwiizer Fründe iglade worde sind und ned die 300Köpfig muslimisch Familie. Bi ihm gahts immer ums „Ansehe“, was die ander Lüüt säged isch sooo wichtig dere Tradition. Und drum willers geheim halte. Ich ha de nur gseit, waser de macht wenn ich schwanger bi, denn redet dLüüt no schlächter, dasi vomene Dütsche schwanger bi und nidmal ghürate, aber mini Mum hed gseit, er redet sich de dett sicher wider irgendwie use. Finde das sooooooo truurig
Min Vater hed gseit, das er mich ja au ned zwingt, das ich muslimisch hürate und uf sini gwünschti Art und drum sölled mir ihn doch au chli verstah. I sinere Religion fiired d’Familie vo de Bruut nöd und gaht dementsprechend au ned anes Fäscht sondern truured um die verloreni Tochter.
Betreffs de Partnerwahl isch er absolut iverstande, au mit de Hochziit an und fürsich. Aber weiss gar ned was mache echt. Mim Mami zlieb willi mi ned striite will es fallt alles uf sie zrugg, schlussendlich isch nämli er denn verruckt mit ihre, sie heb das nid richtig überebracht oder was au immer :(

Ich danke üch soooo fescht für eusi Unterstützig und die liebe Wort!!!¨Merci viel mal!! :-*