@janedoe: Ach Mischt, das tönt ja ächt vrzwickt! Dis Mami isch da ächt ir Zwickmühli. Aber wasmi mega ma a dere ganze Gschicht isch, dasses dim Vater - so wies tönt, exgüse fausi fausch liege - houptsächlech drum geit, sis Gsicht zwahre und guet dazstah und du drwäge ds haube Hochzit muesch ufe Chopf steue. Damit är sech nid mues rächtfertige oder me nid schlächt dänkt vo ihm. Bi auem Verständnis für sini Religion, es sött hie eigentlech um di und di GG ga und EUCHI Wünsch!

Isch de dis Mami Schwizerin? Und isch das iz ds 1. Mau, dass die ungerschiedleche Religione so fürne Konflikt sorge oder hets de das scho öfters gäh? Mega schad, dass das in Bezug ufs Hochzit so zwüsche euch steit.

Meinsch nid dir chöit ihn wenigstens überzüge, dasser am Abe glich chunnt? Du kennsch ja sini Gründ und i dänke nid, dass öper zGfüu het er chämi cho schmarotze. Sie wüsse ja äuä, dass är Moslem isch und chöi das vielech verstah, hingäge dasser a ds ganze Fescht nid wott cho, da würd ig mi as Gascht viu meh frage. Und für dis Mami wärs doch ono schön, wenn är am Abe drbi wär, oder nid?

Hoi Mädels


@Dänu: Isch doch e guete Priis!
Jep, bi aber würkli so froh, isch es nit "nume" bi üs so. Wobi mir hei im Moment so viu Theater um üs ume, dass zHochzyt u dVorbereitige gad so chli müesse zwüsche dri passe...

Ja das sicher, aber mir si ebe beidi sehr unsicher, zumau mir ihn ja ou nit wei träffe, aber ebe. Aber Du kennsch si immerhin, mir kenne si gar nit. Er het zwar ou scho vore gredet, wenn mir ihn im Dorf hei gseh, aber ja...

Wou... U wär seit de, dass es schief gange wäri? Er cha ja eigenlit nit wüsse ob Dir nit scho lang am üebe sit

Das wäris no, dEltere würdi dr äuä flissig afe alüte, wenn das dKiddis deheime würde verzelle


@Pfloeckli: Ah ok. Aber isch doch schön, cha si sech (glich) so mit euch fröiie!

Het si de Di vorher mau drufagsproche oder Dir das persönlich gseit? Findes iwie glich no schad, ämu wenn me enand dass immer so gseit het.
Das gloubi Dir sofort, dass es en Schlag is Gsicht isch gsi!! Tuet mir mega leid für Di! Heit dr mau drüber gredet gha?
Isch es de dFründschaft no wert? Wüu isch ja ou schad, wenn se jtzt iladisch u aus u Dir närne paar Mönet später gar kei Kontakt meh heit, weisch wie ni meine. Logisch das chas immer gäh, aber ebe, wenns scho jtzt so isch.

Tob Di us, mängisch bruchts eifach gad genau das!

Cooli Magnetli!! Heit dir de ou süsch Worms dinne?


@Pricana: Härzlich Willkomme bi üs!
Ändlech? Wie lang wartisch denn scho uf Din Atrag? Hesch es Foti vom Ring?


@chliini: Isch leider nit müglich, gäbti nume Ärger, aber i wirde dr Kontakt uf nes minimum beschränke, u füre Fall dass si de tatsächlech nit chöme, wirds eifach zletscht mau gsi si! Mir säge gäng was zersch chunnt, isch zerscht... Isch eigentli scho schlimm, zumau dass Problem süsch unter Junge herrscht, u di fröiie sech u tüe so gar nit schwierig...


@squishy: Das si es mega Drama hätti abglah, zumau mini Stiefmuetter isch mitcho, oder di ganz Zyt nume hätti gmotzet... So wie si im Moment drufe isch, troui ihre das leider zue!

Dä Shop gseht ja super mässig us!! Bi hüet gad chli Online ga stöbere für Deko Sache u ha gad ganz viu Sache woni gseh, jtzt ou derte Online gseh!! Juhui...!!
Merci viu mau!!


@Jane: Geit ebe nit, isch e Nachbari u e gueti Fründin vor SchwieMu, etc. Wenn si aber nit wärde cho wird dr Kontakt ufs minimum beschränkt u zuekünftig gits eifach kenner Iladige meh!
prov. zuegseit hei si scho, isch haut nit eifach zum Plane, u ou für üs nit gad eifach...

Nee, sicher bini gar nüme. Bruche gloubs eifach gad chli Zyt für zwüsse wie u obs witergeit.

Het doch nüt mit Schmarotze ztüe! Es isch Din Vater u er chas mit sim Glaube nit veribare i ne kath. Kirche zgah, dh aber ja nit, dass er nit mit öich darf u söu fiire u mit öiich uf öiiches Glück azstosse! Meinsch nit Du hesch e Chance no mau mit ihm zrede u zure gueti Einigung für beid Sitene zcho!
Aber es isch doch öichi Entscheidig! Logisch isch es nit eifach, ou mir hei am Apero zT so iglade, aber wenn Dir kei Kontakt zu ihne heit. Si müesse doch ou chönne verstah dass da ir CH e anderi Mentalität herrscht.
Isch Din Vater de ou süsch öbe so, dass er Dini Muetter vorschickt?
Meinsch nit Dis Mami wirds irgendwenn verstah, dass unter denne Umständ kei Beziehig meh müglech isch?
Es tuet mir mega leid für Di, dass Du das so muesch miterläbe!! Füehl di tröstet!


@verliebt, verlobt: Herzlich Willkomme bi üs!

@Taeboyana
Nei du liisch nöd falsch, es gaht genau da drum, ihm ischs nur wichtig, das er guet dastaht…
Mis Mami isch Schwiizerin, ich ha geschter au mega lang mit ihre über ihri Beziehig gredet und ha ihre gseit, das ich nöd cha nachvollzieh, wieso sie sich nöd längstens vo ihm trennt hed. Sie seit, das mini Schwöschter und ich ihn nie so gseh hend wie sie ihn gseht und das er mit ihre allei au ganz andersch isch. Aber die Konflikt heds scho öfters geh. Vorallem wo mier Teenies gsi sind und halt mal chli Scheiss baue hend isch immer mini Mama schuld gsi a allem. Und er hed au öppe mal gseit wenn mier muslimisch erzoge worde wäred denn wär alles andersch.
Mim GG sini Familie isch sooo tolerant, sie wüssed ja das er Moslem isch und hend sones grosses Mass a Verständnis, dass jede würd chönne nachvollzieh wieso er nid id Chile chunnd. Aber wieso er nid as Fäscht chunnt, das verstaht niemer, ich au nid. Das chönnti ihm au ned verzeihe. Und wie du seisch, wenner nid chunnt, denn fraged sich d’Lüüt viel meh als wenner am Abig gmüetlich chunnt go esse.
Und mis Mami hed jetzt sones schlechts Gwüsse, dass mer alles müend umstelle, ihre gahts mit dem ganze am schlechtischte. Und das macht mi so fertig. Sie hed geschter gfunde, dass sie eus de Apero zahlt, will mier ja jetzt alles müend umstelle. Sie schenkt mier aber scho sChleid! Und sie hed mier en riese Betrag usem Erbe vo eusem Grosspapi gschenkt wo au ihre zuestah würd. Ich würd ihre so gern die Sorge neh, aber sie reded als wär SIE Schuld a allem und obwohl ich ihre hundert tuusig Mal gseit ha das alles okay isch, weiss, dases ihre immerno schlecht gaht

@Lula
Verstah das voll wege dene Iladige. Es isch so blöd wenn nachher viel zviel Lüüt iplanisch will die sich nöd definitiv chönd entscheide
Und weg dinere TZ wünschi dier ganz viel Glück, dass du en Entscheidig chasch fasse, wo für dich und din GG zu 100% stimmt.

Ich will uf jedefall nomal mit mim Papi rede. Er hed ja mini Muetter vorgschickt und das findi unter aller Sau. Uf jedefall wird ich nomal mit ihm allei rede und ihm erkläre, das ich ihn sehr wohl verstande hätti, wenn er mier das gane selber erklärt hett. Und das es für mich als sini Tochter en Herzenswunsch isch, das er mit eus fiired und de Abig verbringt. Ich hoffe er laht sich umstimme…
Min Vater hed sit ich uf de Welt bi immer mini Muetter vorgschickt. Bi dene isch das so: d’Muetter isch verantwortlich für dChind. Wenn die en Scheiss mached, denn hed dMuetter verseit. Wenn de Vater öpis will verbiete, denn wird dMuetter das müesse mache. I ihrne Chöpf sinds wie vor 200 Jahr und ich weisses nid wieso mini Mum ihn so sehr liebt. Wirkli nid. Danke für dini liebevolle Wort!!

@malinchen
Es isch ebe so, das GG und ich in ZH wohned, mini Eltere aber in SZ. Drum wird Lüüti und so ned sProblem sii. Aber ich ha sgliche au gseit, das ich das au gar ned verheimliche will und mis Mami hed de gseit, es gaht drum, dass die Lüüt ned iglade werded, also chamer nachher eifach säge mier hebed in Dütschland bi mim GG ghürate im chline Chreis. Frag mi jetzt nid, wieso er denn nid eifach cha cho wenn das de Plan isch. Ach, s macht mi eifach verruckt und truurig will null Logik dehinter steckt.
Mier hend eus gar nie dFrag gstellt obmer zwei Fäscht sölled mache, aber ich kenne 90% wo dene Lüüt eh nid. Also vo dem her, nei danke.

Wege dim Chleid würdi glaub au prinzipiell ned dette chaufe. Usser es wär jetzt wirkli DAS Chleid….

@me
Ich han no GOOD NEWS: Mier hend euse Standesamttermin hüt gänderet. Hätted de Termin am 16.05.14 gha aber irgendwie bini mit dem Datum ned so glücklich gsi will mier ja en DIY Hochziit planed und en Tag nach dem Datum s Kirchliche hend. Also wärs eifach viel zstressig. Jetzt hemmer grad en neue Termin gfixed
De 14.02.14! Am Valentinstag! Genau eis Jahr nach em Atrag vo mim GG

Zuletzt bearbeitet am 04.09.13 17:20

und eis Johr vor üsem Hochzit :D

jo, aber ersch wenn d' Jane ihres Zivilhochzit het :D

Macht nix... es sind ja nicht mal mehr ganz anderthalb Jahre... Und mein Countdown ist auch schon sehr geschrumpft. Am anfang waren es über 700 Tage. Jetzt sind wir dann schon bald bei 499 :D DAs ist ein riiiiiiiiiiiiiiiesen Fortschritt und so langsam fangen sogar wir an unsere sieben Sachen zusammenzusuchen.
Ja, er hat mit ihr geredet und es ist soweit jetzt offiziell, wir erzählen es auch jetzt mehr herum. Aber ein gutes Verhältnis habe ich noch nicht mit ihr. GG hatte mit ihr mal ein offenes Gespräch und sie haben abgemacht, dass wir mal zu dritt über alles reden sollten. DAs ist aber noch nicht geschehen, obwohl das schon über 2 Monate her ist und ich GG immer wieder gesagt hab, dass er das jetzt in die Hand nehmen muss, weil die Tante sicher nicht kommt: Du wir sollten Deine Freundin mal einladen, wir wollten doch reden. Aber GG tut es nicht... Keine ahnung, ist wohl einfach zu faul und es ist ihm nicht so wichtig. Ich werde in ein paar Wochen dann nochmal stupfen und dann sag ich aber, dass ich es nicht noch einmal sage, ist schliesslich auch nicht meine Aufgabe...
Sonst geht es uns aber sehr gut... Danke. Ich lese eigentlich noch alles bei Euch mit, schreibe aber nur, wenn was ganz wichtig ist :D
Grüessli Kleinefeder