Und ich ha da no miin Ring bi meeegaaaa happy, ha chöne bis uf 2 usläse, aber ha denkt min GG gaht uf de Traditionelli (Film/Bilderbuech) Verlobigsring, bi mega froh dasers nö gmacht het

Datei-Anhänge

IMG_0269.jpg (42x) Mime-Type: image/jpeg, 53 kB

lilmonkeyme: schöne ring, gfallt mer!

was hend ier für es datum?

Also mini Liebe...
Leider chumi gad nüm so noh mit schribe, aber gläse hani alles, woner do so gred händ... Ha äbä ä mega strengi Wuche und bi ussert hüt jede Obig bis am halbi 12i z Züri, wil mir am Sunntig ä grosses Konzert mit üsem Chor i dä Tonhalle hend und no vill müend probe und so.
Es Willkomme a alli neue do, schön dass ihr eu zu üs gselled. I bi jo mol vor fasch emene Johr do fascht di einzig gsi, wo erscht so spot hüroted. Hami amel fasch nöd getraut zum säge, dass ich erst 2014 cha hürote Weiss eigentlich öpper vo eu, was mit dr Arwardsbraut worde isch? Sie hät scho uuuuu lang nüme gschribe und isch do die erscht gsi, woni entdeckt ha, wo au i 2014 het wöle hürote. (wobi, jo bi üs leider immer nonig klar isch ob mir überhaupt 2014 hüroted )
Heee und eui Ring findi imfall uuuuuuuu mega schön. So eine wied Carole hani eigentlich au wele, aber hamer denn glich dä ander gkauft, wo jedes Steinli einzel gfasst isch - aber viellicht chaufi denn dä mit dä Kanalfassig glich au mol no. Und so eine wie d' Lil hani ganz en ähnliche scho sit es paar Johr (aber bloss in Silber mit Zirkonia und er isch leider chli agloffe )...
Süsch glaubi isches eifach wichtig, dass alli wo do läsed und schribed ihres eigeti Tempo gönd bi dä Vorbereitige und sich au nöd abschrecke lönd vo däm was andere säged, dass si scho heged. Mir zum Bischbil händ (leider) no gar nix, nödemol es Datum. Das lit eifach dra, dass min GG momentan nonig bereit isch, do drüber z rede... Aber er hät versproche, im Februar dege mir wenigschtens emol di grob Richtig bestimme, ebe öb mir zum Bispil im Herbst 2014 oder ersch im Früehlig 2015 hüroted. Früener wirds eh nöd, will er ersch im Summer 2014 sini Erschtusbildig abschlüsst und vorher uf kein Fall wett hürote...
Ah und wege dä Iladigscharte: ich finde es hät beides en Reiz. So öppis Sälbergmachts isch doch sehr schön und persönlich. Wenns aber bloss so es paar Herzli und Glitzersteinli uf eme farbige Blatt sind, denn findis amel au echli unpersönlich und irgendwie wär denn e schön gmachti druckti Iladig mit Fotene oder so doch no fasch schöner.
Ich ha eigentlich immer wöle eini selber mache und ha vor öppe zwei Johr au scho e feschts Bild devo gha. Mittlerwile möchti aber gern 3 Element vereine, wenns irgendwie goht und weiss nonig ob das möglich isch.
1. hämmer dä Herbscht meeeeeega schöni Paarföteli gmacht und i het gern so eis irgendwie debi, wils eifach so schön sind und wils au so persönlich isch
2. cha min Schatz hammermässig zeichne (min Avatar isch vo im und bloss e 10 min - Zeichnig...)
3. ich baschtle ebe u gern und ha im Läbe au scho vili, vili Chärtli gmacht und wett gern au das Element ibaue...
Viellicht irgendwie so, dass mer es Foti so düend bearbeite, dass mirs schwarz wiss mached und d Persone usschnided und min Schatz denn en passende Hindergrund dezue duet zeichne. Das Bild mösst mer denn notürli am Schluss scho lo drucke und denn chönt ich jo en schöne Rahme dezue mache oder es Fenschterli oder so... Bi no echli am Studiere und mit mim GG mues i denn au no drüber rede, wenn er denn Kapazität hät... (er söttis jo au no zeichne :D)
Also jetzt höri aber für dä Moment... Sorry, hätt wider emol müesse si

Zuletzt bearbeitet am 10.01.13 20:02

De Rest chunt irgendwenn mol haha ;) nei Seich

Dänn häder mi a de Hand gno anen Stell gführt und sgeit wänners seit chöni d'Augebinde wegnäh - woni das gmacht han isch mir fast s'Härz id Hose gheit! Mir sind imene wunderschöne Park i de Nöchi vo öis gsi (sind scho oft det go spaziere) det häds en mega schöne Teich (mit Schwän! :) und emene schöne Holzpavillon ich bin det inne gstande und er unde dra unde a de Träppe - er häd es riise Härz us Cherzli gmacht und au uf de Träppe häds no vili Cherze gha uf beidne Site.. Dänn häder gseit dasser mir hüt ganz es speziells Geburigschänk möcht mache, dänn häder gseit als ersts möcht er mir es Lied widme und häd eis vo öisne Lieder abgspilt (mit mim Ipod Logitech Böxli) - dänn häder sich bedankt für alles wasi für ihn mache, dassi immer für ihn do sig etc. etc. für die wunderschöni Zyt womer zäme verbrocht händ und wasi ihm alles bedüte, dassi für ihn innerlich und üsserlich die allerschönsti Frau sig und wieso und werum er mi über alles liebt *schmelz* und dänn häder one in a million abgspilt =) <3 dänn häder gseit dasses en spezielle Grund git wieso mir do sind und au wieso dassmer z'Luzärn gsi siget hüt wilmer det jo ebe öises 1. Date gha händ und dänn häder gseit jetzt möcht er mir nomol es Lied abspile wo en spezielli Bedütig für ihn häd.. Dänn isch s'Lied vom Eros Ramazotti "Ti sposerò perchè" cho und spötistens det hani nur no brüelet und brüelet us Fröid (s 1. Mol i mim Läbe hani vor Fröid brüelet! =)) und dänn nachemene Zitli ischer uf d'Chnü und häd gseit: und drum möchti di hüt froge: wötsch du mini Frau wärde? mi vuoi sposare amore? oh gott de momänt werdi NIIIEEEE MEH VERGÄSSE MIS GANZE LÄBE LANG! ah jo de Ring häder natürli au dänn uf de Chnü no füregno aber de isch sooowas vo näbesächlich gsi (hanen öich aber glich aghängt wils öich jo wunder gno häd - ich lieb ihn er isch eifach perfekt er häd en super usgwählt und au d'Grössi eifach alles super perfekt :) händ öis sooo lang umarmt und küsst und han gseit dassi das natürlich weigi :) dänn sindmer no lang zäme det im Pavillon höckle blibe und händ no mit mim Lieblingsmoscato agstosse & er häd sogar no anen Kuscheldecki dänkt für imfall dassi wider chalt han! =) Und en Playlist häder no gmacht mit all öisne Lieder =)

Jo das wärs gsi hehe sorry fallses chli lang worde isch aber jedes Detail isch (für mich) so wichtig drum hani nüt usgoh ;)

soo romantisch hetti mir min Atrag nie z'ertröime gwogt! =) min Schatz isch ebe ned uf Chnopfdruck romantisch ;) Aber er häd sich eifach sälber übertroffe =)

Ihr händ mi no gfrogt obi Italienerin bin - nei bin Schwizerin aber er isch Italiener und ich rede au flüssend italienisch also i mim Härzli binis scho chli ;)

So jetzt wüssed ihr scho ganz vil vo mir ;) Han chli müesse nohole schinbar hehe :) Jetzt bini gspannt wider vo öich z'läse und vorallem usztusche wies mit de Planig bi öich so vorwärts goht! :)

Buona notte a tutti und bis bald :)

Liebs Grüessli della principessa :) (la principessa wili mi momentan sit de Verlobig wienen prinzässin fühle! =)))

PS: no 1 Frog: was heisst GG usgschrebe? go mol devo us dasses Verlobte oder Zuekünftige heisst oder? Aber was heisst GG? leses do überall aber kei Plan wases heisse söl hehe ;)

Datei-Anhänge

Verlobung.jpg (31x) Mime-Type: image/jpeg, 218 kB