Schöne guete Abig mitenand! @Taeboyana, nei s Datum hani glaub nanig gseid, mer werdet am28. Juni 2014 hürate ! Hehe ja ich find ebe au das gaht die Vorgsetzte gaar nüd a und sött nie en Iifluss ha ufd Entscheidige vo Cheffe.
@_janedoe, Ja es isch typisch gsi vo mim Vater so e Reaktion, ich han nüd anders erwarted aber ebe, s entüscht eim amigs glich wieder. Nei nei er muen immer grad hürate wenners ebe us andere Länder holt sini Fraue ;). Mir hend jetzt eendlich die perfekti Chile gfunde gester und sie isch per Zuefall ei Gehminute entfernt vo sinere Wohnig, ich würd behaupte er gseht sogar uf de Chileplatz wenner usem Fenster lueged. Nimmt mi denn scho wunder ober würklich nöd chunt obwohl er nur eimal umgheie müesst.. . Das mit dim Vater isch würklich total schad.. Ich chan guet verstah das total hin und her grisse bisch zwüsched dine Eltere und das dinere Mueter nöd na meh Chummer wetsch mache. Es tuetmer leid wenni das jetzt säge aber es isch eifach so egoistisch vo dim Vater! Ihr sind sini engsti Familie und das sötti eifach s wichtigste sii! Wenn hürated ihr? Ich hoffe würklich es ändered sich bis dete na öppis und es chunt doch na guet ! Jetzt hanis grad gläse wägem Datum, tönd ja perfekt mitem 14.02.14 !! Das isch doch grad wieder en Ufsteller .
@Lula, ja endlich  Ich han s ganz Jahr scho denkt das öppis im Busch isch und dasser mir hoffentlich bald en Aatrag macht und immer wenni denkt han es isch sowiit isches doch nöd so gsi. Idä Ferie hetter mir denn na gseid er het de Ring scho sitem März und u oft däbii gha aber denn doch immer denkt es isch nöd de richtig Ziitpunkt ;). Und womer uf Paris sind endi April hettern dehei vergesse :D. Ich lueg nachher grad mal obi es Fötteli han ufem PC und suscht machi morn eis .
@sasileu die lampions ufem erschte bild gsehnd suuper us !
@chliini22, zude Ring chander na nüd säge bi eus, da simer jetzt zerscht mal chli am umeluege . Finds aber extrem wie tüür die alli sind.. Jetzt simer eus au am überlege zum zwar schöni neh wo eus zu 100% gfalled aber wo nöd unbedingt müend Gold sii und denn z.B. ufs 5 Jährige oder so neui z chaufe wennmer wieder chli Budget hend ;). Mir hend aber vorallem Problem will ich en schmale Ring wet und er en Breitere . Aber das müemer denn halt apasse lah. Ja mir sind idä Ferie na total entspannt gsi und hend eus alles chli eifacher vorgstellt und wo denn eusi Wunschchile und d Wunschlocation scho usbuecht gsi sind hani denkt ez mueni stresse und die wichtigste Sache so schnell wie möglich abkläre . Aber ebe, mir hürated au im begehrte Juni, chanmer guet vorstelle dasses im Januar na chli meh Frei het .
@squishy-fishy, ja dere Meinig bini ebe au  Ich han unbedingt welle, dasses alli wo eus wichtig sind persönlich vo eus erfahred und erscht nach 3 Wuche hanis denn uf FB gschriebe, will ich würds halt scho am liebschte de ganze Welt verzelle :D! mir hend übrigens au es pinks/lila hochziit, sind voll mini Farbe und mim GG isches zum Glück ganz egal welli Farbe !
So han na es Fötteli gfunde vode Ferie, obwohl ich finde er chunt ufem Bild gar nöd so übere wie suscht, aber das isch wohl immer so . Ich wünsche eu allne na en super Abig!
@Pflöckli: Sind kuul euri Magnetli – härzig mit de Schnegge!
@Pricana: Willkomme! Zum Ideä sammle und ustusche bisch do im Forum sicher richtig! Das tönt mega romantisch am Strand vode Dom.Rep. wooow! Ich chans dir genau nohfühle. Ich bin au schier platzt und hans allne welle verzelle…grad sofort und uf de Stell. Und mich frögt mer au dauernd weg Familieplanig – ich bin erstuunt wie direkt dLüüt bi somene doch sehr persönliche Thema sind – fühl mi amigs voll überrumplet!
@Squishy: Jo ich würd jo gern chli meh schriebe am Tag duur, aber im Freispiel heissts immer „Frau Keller dies…Frau Keller daaaas… Frau Keller dä het mir dä Pinsel klaut…dä teilt dä Knett nöd mit mir…dörfi öppis trinke (muesch mich doch nöd fröge)…Frau Keller i mue en Gaggi, aber ez ischer scho cho… Ja Meitlifarbe – i bi gar nöd de Typ für rosa und pink, es gfallt mir scho, aber es stoht mir nöd, aber bide Deko chunnts jo nöd druf a obs mir stoht, und bide Blueme findi halt zarts rosa und hot-pink mega schön! ER halted sich drus us de Deko
@Janedoe: Yaaaay, Valentine’s Day!!!!!!!!!!! Gratuliere! Nurno 5 Mönet Das isch würkli e meega schwierigi Situation! I weiss fascht nöd wani söll sägä. I versuechs würkli z’verstoh und i find du bisch würkli sehr tolerant und verständnisvoll. Zwüsche 2 Kulture ufzwachse isch sicher nöd eifach. Und dRolle vo dim Mami, zwüsche Stüehl und Bänk, isch au nöd grad beniedenswert. Din Daddy isch vermuetlich eifach so fescht i dem Denke ine, daser da nöd usbreche chan. Es mues zermürbend si wemme soviel druf git was anderi säged. Aber etz mol ganz ehrlich: was isch mit dir?? Wetsch du dich verstecke? Und heimlich hinter „vorgehaltener Hand“ JO sägä? Das du dis Mami schütze will verstohni mega guet, aber sie entscheidet sich ja für ihn!?
@Verlieb, verlobt: Wooow, gratuliere zur Verlobig und herzlich Willkomme!
@Sasileu: Ja das glaubi…wennd bis 23:00 schaffsch chasch sicher nöd grad abefahre…
@Lula: Ja isch würkli no en guete Priis für sFrüehstück! Bin ja gspannt wievieli dass denn chömed! Es isch definitiv nöd nur bi eu so…und es stimmt, ihr hend bim beschte Wille derzit gnueg Theater…isch ja mega müehsam! Und wieni glese han hesch jetzt mal chlige chönne mit dinere TZ smsle und denn haglets auno Kritik a dich! Chani jo gar nöd glaube! Du hesch ihre ja sBrutkleid-chaufe gar nöd weg gnoh…du hesch ja no keis und sie het jo kei Anstalte gmacht zum sich bemüeh, dass alles is Lot chunnt und ihr zämä chönnted goh… Also mengmol verstoht mer scho dWelt vo einige Lüt nüm!?
@Malinchen: Da verstohni mega guet dases niemertem hesch wele sägä. Und isch sicher schwierig gsi grad so kurz vorem Ziviler. Was Taeboyana gschriebe het isch absolut au das wonich denke: me mues IMMER ade Beziehig schaffe und dProblem zämä apacke.
@Dose: i finds etz no luschtig! Chunnt mer denn mehreri über?
@Snet: Do ghört mer grad mega, dass du us Erfahrig redsch. Dini Wort findi sehr treffend.
Wäg dene div. Kulture mer isch no i sin cho hei bi mim gg sinere gusine ou 2 mau as hochzit dörfe:) u zwar hei si zersch normau standesamtlich ghürate är het ihre name a gno:) u sini fam ca. 10 pers. Hei mitgfiret.. Die 2 hochzit isch de näre eifach no so gsi das sie zfride si aso ungles/ tantene ... u so si fam het de mit kesbroblem! Dörte heimer zumene feine ässe dörfe mit ca. 200 lüt mane u froue bis nach em ässe trennt isch no spetziell gsi wöu de CH ateu isch de um10 persone gsi u mer si so spetziau gest gsi:)..
@ dose: jenach däm es git spili sprich für jede burchdtabe im aufsbet bechuntme eini über... Natürli ohni ettigette.. Oder tz organisiere öbis das jede gast eini darf mitnäh:) Je nach geste auau hetme de dr schrank vou.. U uf das chönti de verzichde:)
Phuu, scho denkt mis geliebte Forum gits nümme, has hüt Morge öppe 20 Mal probiert
@malinchen Du glaubsches nöd aber ha minere Muetter gseit, sie söll mim Pa mal das mit de zwei Fäscht vorschlah. Han aber au gseit, das er das wird zahle wenner das will :D
@sasileu D Idee mit de Lampions findi hammer, wärded mier uf jedefall au mache, aso PomPoms eifach
@kleinefeder Ahhhh so cool, au en Valentinstagbruut hürateder denn kirchlich oder zivil? Hoffentli klärt sich das mit dinere Tante bald mal, din GG schiint chli en Tritt in Arsch zbruuche diesbezüglich? Für dich isches ja wichtig, also sött er sichs doch au chli zu Herze neh? Das mit de Konserve hani au nöd kennt. Ich find das eigentli no recht witzig aber zimli sicher bruchsch de gnau das nid und schmeissisched de furt, chli Verschwendig isches scho. Ich würd de glaub die Lüüt ilade wo mich mit dene Dose beschenkt hend und sie mit dem bechoche was de halt us de Dose chunnt
@Lula Ich han no en Zwillingsschwöschter suscht kei Gschwüschterti. Bi mim Mami isches sicher alles chli mitenand, Angst vorem allei sii, Abhängigkeit und dGwohnheit. Mir hürated zWädenswil standesamtlich und da de Valentinstag en Friitig isch, hend die sowieso regulär Trauige. Aber mier hend immer gseit, das eus die zivil Trauuig ned soooo wichtig isch. Mier wend kei Ringtuusch zum Biispil. Eigentli hättemer ja en Tag vorem kirchliche de Termin gha und jetzt wüssemer voll nid weles denn üse Hochziitstag isch, de zivil oder de kirchlich? Möched iher zweimal Ringtuusch und wie gsehts mitem Name us? Fragen über Fragen
@munggi Naaaa, wie sind d’Ferie? Ich wirfe das alles nöd für min Papi übere Chopf sondern wirkli vielmeh für mis Mami. Sie würd schlussendli drunter liide…
@chliini Mier hend für d’Ring 2500.- budgetiert und wärded uf jedefall mind. 585 Gold neh. Wenn 750er dinneliit denn gern au die Ich mache mier halt chli Sorge will mier Wiisgold möchted, wegem Gelbstich aber Platin wärdemer eus wahrschinli nöd chönne leischte. Wieviel hend iher denn für eui Ring grechnet? Danke für dich Mitgfühl!! Also das mit de Chile wärdemer uf jedefall nöd ändere. Ich weiss sit ich mich erinnere cha, das ich i dere Kapelle wett hürate und da bini ned bereit zum Kompromiss igah. Mit dem dasmer de Apero umplaned findi möched mier e grosse Schritt… Ich glaub scho, dasmer schlussendli e gueti Lösig findet... (ich hoffs!!! )
@squishy Heisst das jetzt, das mer vo dier farbigi Biträg dörfed erwarte Weisch was isch z’luschtigschte a dem Ganze wege de verlornige Tochter? Ich ha zu mim Papi vor ca 3 Wuche gseit das er doch de muess truurig sii und brüele will er mich denn us de Familie id Händ vonere neue Familie git und denn seiter zu mier ‚Du gahsch ja nid verlore und bisch ja sowieso scho sit Jahre uszoge, da muessi sicher nid truurig sii wenn du hüratisch“!!! Und paar Wuche spöter seiter minere Muetter das mer i sim Glaube truuret. So Sache mached mi de eifach chli sprachlos. Jöööh das isch mega herzig das du so a mich denksch! Wirdi ja grad rot Ich glaube fescht drah, dases jetzt mit de guete News wiitergaht. Und das iher so guet i de Ziit sind freut mi! Mier hend gar kein Ziitplan, de einzig fix Punkt isch, dasmer im Oktober/November wend dIladige verschicke. http://www.marthastewart.com/265163/pom-...minarias-how-to Da no en Link zum PomPoms selber mache, das würd sicher au i das Gärtli passe falls selber gern baschtlisch?
@snet Wow! Du sprichsch mier soooo us de Seel! Min Vater und ich hend eigenlich kei ‚Beziehig‘ i dem Sinn zu enand. Er isch übrigens au Mazedonier. Ich respektier ihn nur minere Muetter zlieb. Ich han früeher die Gspröch au oft gfüehrt, das er halt wieder zrugg gah söll wenns ihm hie nöd passt und das hed denn immer zu wuchelangem ignoriere gfüehrt worunter wieder mini Muetter am meischte glitte hed. Min Vater akzeptiert gottseidank mini Partnerwahl und bemüeht sich au mal um es Gspröch wo meh als „hoi“ und „tschüss“ beinhaltet. Aber logisch hetter lieber, ich würd en Moslem hürate. Minere Muetter chani die Sorge nöd neh, sie quält sich so, obwohl ich ihre jetzt so oft ufzeigt ha, dass sie sicher nüt defür cha… Hesch denn du gar kei Kontakt meh zu dim Vater und i welere Religion bisch de du erzoge?
@Pricana Er motzt Dich a dass du hüratisch aber isch selber zum x-te mal ghürate? komischi Logik? Luschtigi Gschicht wege de Chile. Also erstmal herzlichi Gratulation dadezue! Ich hoffe din Papi taucht de glich uf. Vielleicht hauts en um wenner usem Fenschter schieled und dich i dim traumhafte Chleid gseht und sich denn cha überwinde. Ich hoffes uf jedefall fescht für dich! Genau, hürated am Valentinstag. Aber de grossi kirchlichi Termin hemmer am 17.Mai 2014. Din Ring isch suuuuuuperschön
@daenu Hahahahahah weisch wie hani jetzt bi dinere „Frau Keller dies und das“ Verzellig glachet? hahahaha! Ich will mich uf jedefall nöd verstecke und das machi au nöd. Da d’Aperolocation eh nid euse Wunschort gsi isch sondern eifach günschtig und praktisch findis ned schlimm de zwechsle. Wärs eusi Traumlocation gsi würd das gaaaanz andersch usgseh. Wenn mich öper druf aspricht denn wirdi au ganz sicher nöd verheimliche dass mier hürated. Das hani mim Mami au klipp und klar gseit. Jetzt bini aber wieder recht positiv gstimmt. Ha scho es paar neui Ideeä für en Apreolocation und dasmer de Valentinstag fürs Zivile hend chönne reserviere hed mer grad wieder so chli en Ufschuub geh Ich han hüt mitem Gianni vo maxin gredet. En meeeega Nette! Er hed zerscht Mal chli pläuderlet mit mier, wie denn eusi Ferie gsi seged und wieso mier nume so churz i dFerie sind („ja, sGeld fürs Hochziit sammlet sich leider nöd vonellei uf eusem Konto a liebe Gianni“ :D). Für eus sinds leider absolut unbezahlbar. Ihri Priise fanget bi 3‘500.- a. Schaaaaade!!
@me Ich möcht mich nomal bi eu allne ganz fescht für eui ufmunternde und verständnisvolle Wort bedanke!! Das bedüted mier enorm viel und git mier mega Chraft! Danke! Danke! Danke! Fühled eu umarmt! ...und schlafid guet!
Guetä Morge Han gester schön fliessig mitverfolgt und es freut mi findet de eint oder ander vo eui mini Lampionidee au schön Sust hani nid grad viel zum sege... Bi mir gits folgendi News: - I und min GG hend gester euse Iladigstext abgschlossen,also eigentli s'ganze Kärtli isch jetzt so wiemers wend -Gester sind eusi Muster-Magnetli acho woni hüt nachem schaffe bide Post cha go abhole*freu* Mir hends ebe so,dass mir Kärtli früh wend verschicke,so afangs Nov. Und mitem Kärtli wird den no es Magnetli verschickt,das wird miteme Bändeli über Karte gspannt und ufem Magnetli staht den na save the Date -3. news,nuna hüt Frühdienst den e Wuche Feriä
I wünsch eui allne en guetä Start in Fritig und e schöns Tägli Byebye
@janedoe: Das ist wirklich ungemein schade wegen deiner Mutter. Aber glaubst du nicht trotzdem, dass die einzigen 2 Personen, die über die Hochzeit entscheiden solltet, du und dein Freund seid? Schliesslich ist das einzige was deine Mutter tief im Herzen will, dass du glücklich bist. Wenn du und dein Vater ja keine Beziehung zueinander habt, dann ist es ja eigentlich auch egal ob er an die Hochzeit kommt oder nicht? Und da kann ja deine Mutter von sich behaupten, dass sie alles versucht hat.
Mein Vater wurde erst streng gläubig als ich 7 war. Aber dann gings richtig los - ich musste in die albanische Koranschule (und ich spreche kein albanisch!), fasten, etc. Ich habe diesen Mann nicht mehr wieder erkannt. Dann, zum Glück, kam aber die Scheidung als ich etwa 12 Jahre alt war. Ich habe ihn dann nur sporadisch gesehen und seit 6 Jahren gar nicht mehr. Es ist sehr schade mit meinem Vater - er missbraucht den Islam für seine schlechten Taten und Ansichten. Für mich hat leider sein Verhalten gar nichts mehr mit dieser Religion gemein.
Und bei mir wars gerade anderst rum - ich wollte meinen Vater nicht bei der Hochzeit dabei haben.
TGIF!! Goood Moorning allersiiits!! Puhh ich bi also froh isch die Wuche ume.. na hüt und dän Weekend.. Ring: Danke für eui meldige betreffend Ring.. mir sind da irgendwie nachli unschlüssig.. Ursprünglich hemmer gseit mir hettet gern en speziellere Ring vomene Goldschmied und dörf au öppis choste..hend eus male 5000.- budgetiert gha. I ha au kein Verlobigsring welle well i gfunde ha dänn liit dä Ring nachher nur ume und für die churz ziit bruch ich keine defür denn chli en tüürer Ehering. Aber mittlerwiilä simmer chli zrugg krebst.. vomene speziellere uf en schlichtere und sind au am überlegge anstat 750 nur 585 zne.. aber mini 11 steindli für 11 jahre beziehig die phalti bii ; und viellicht lahn ich mir dä für jedes wiiteri jahr es steinli lah inemache.. mal kucken also am GG sine wird sicher die günstigeri Variante well er het die letschte 10 Jahr au nie en Ring agha und bin da nanig so sicher dass er dän ab em Januar en Ring träge wird.. !? Ich versueche nacher zwei Bildli ufezlade was i gmeint ha mit spezieller und jetzt schlicht..
@squishi-fishy was machsch dä du für e schuel? Ja wenn ihr ja voll im ziitplan drinne sind isch das ja tiptop und dörfsch dir ja au e usziit ne.. zum glück han ich kei so e liste welll dä hett ich schlafloosi nächt..
@lula i lueg demfall mal dä Rentsch au na aa.. mueni gad na google
@kleinefeder also das mit dänä konservene hani au gad welle uf eusi no-go liste ne und dän het min GG gmeint so viel verstand heged eusi TZ dass so en seich nöd planed, vorallem wüsseds ja dass ich e Glute- und Laktoseintoleranz ha und so sache praktisch so guet wie gar nöd cha bruche..
Verlobig: Isch lustig.. eigentlich hett ich mich ja au mega sölle freue aber ich has na x monate für mich phalte.. irgendwie het jede druff gwartet und dä druck vo usse het mi öppe die fast zermürbt.. immer wieder die frag und? Wenn hüratet ihr? Wenn gits chind? Usw.. nur well mir scho me als 10 jahr zämä sind.. mir händ dän sit afangs jahr scho immer wieder übers hürate diskutiert und hend dän gfunde oke wenn mir scho züglet und alles müend umändere dä chani dän gad alles i eim mache und drum misch sdatum au uf dä januar gfalle.. dass mir etzt gad a eusem 11. Jahrestag chönd hürate isch au gad na zuefall und min GG muen nur 1 Datum merke.. Mir hends dän irgendwenn de Eltere gseit und dä Kollege han ichs nach 2-3Mönet gseit und im Gschäft wüsseds es nanig.. natürlich freu ich mich aber dä Druck und Erwartig vo allne rundume het mi dä fast verdruckt.. aber so die engste wüsseds es.. und was dän wiiter gschnurrt wird isch mir gliich.. has au nöd uf em FB postet..dete wird ich dä eifach im Januar min Name ändere und dän werdets es scho gseh
Phu gester isches abgange... am Morge isch ja ds Forum nid gange und wos de funktioniert hätt. hani ke Zit gha. I cha gloub nid uf aues igah, sorry!
@sasileu: D Lampions findi o sehr schön! oder äbe so Pompons zum baschtle wär sicher o no witzig. Ig bi am Mittwuch mit mire TZ no eis ga zieh und sie het mir scho gseit, dass sie mir de sehr gärn würd häufe mit Deko baschtle und so, mega härzig. Sie isch sehr kreativ und machts o gärn.
Das tönt interessant mit eune Magnetli. Aso de verschicketer die zäme gad mit de Iladige? Chamers no nid gad vorsteue wies de usgseht, postisch de es Biudli?
@daenu: Ig ha o fasch Träne glachet bi dire Beschriebig vo de Ching Ig gibe o Chindertraining und kennes echli, obwou die scho euter as Chindsch-Auter si. Meistens müesse sie just 5 min nachdäm mer agfange hei, aui uf ds WC! Oder chürzlech het ds einte Meitli mis Iphone gseh (sie isch knapp 12i) und gfunge: "I wott o es Iphone, AUI vo mire Klasse hei es Iphone!!" De hani gseit, dass ig sig 16i gsi woni mis 1. Natel heig becho, de luegt sie mi a u seit: "Jaaaa, das isch aber o im letschte Jahrhundert gsi!!" Wie rächt sie het - es isch sogar no im letschte Jahrtusig gsi!
@munggi: das Dosespieli wär die puri Folter für mi GG. Er isch glehrte Choch und steit gar nid uf kulinarischi Überraschige, er wott schliesslech wüsse was er chochet/isst
@Pricana: schöne Ring! Bi mir hets äbe ke Verlobigsring gäh, wüu mir beidi zGfüu hei gha, sone typische Ring mit Stei (wasi zum aluege mega schön finde!) nid zu mir passt und für mi o nid so gäbig isch, wüuine bim Sport eh geng abzieh u de plötzlech no vrlüre... i findes äbe schön, weme dr Vrlobigsring när no zäme mitem Ehering cha trage, bi aber säuber überhoupt nid Fan vo 2 Ringe am gliche Finger... drum hets für mi es Chötteli mitme Härzahängerli gä, womer de zäme si ga choufe und ig liebes
Ig has mine wichtige Lüt o persönlech wöue säge. Da mir aber wo mir üs verlobt hei zOustralie am reise si gsi, hani no fasch e Monet müesse warte Dr Familie und de ängste Fründinne hani natürlech es SMS gschickt
@janedoe: Valentinstag isch würklech es schöns Datum! Das het mi gad ufne Idee bracht. Mir hei üs am 21. März das Jahr verlobt und das wär nächst Jahr ou e Fritig! Mau luege, was GG vo dere Idee hautet. Wär ämu no witzig. Süsch würds bi üs äuä eher Juni.
@me: Ig schaffe hüt dr letscht Tag vor dr Operation und mues no dieses u jenes fertig mache. Hoffe, i chume de hüt Abe mau zum Büro us. Aber wird scho ga. U när giuts de gli ärnscht...
@ Taeboyana: Ohh schön hesches mit dinere TZ au sehr guet.het jo leider sotigi im Forum wo echi kämpfet mit ihrne Mini isch Tochter vo einere wo es Papeteriegschäft het und sie selber hüratet ziemli nöch bi mim Datum. Daher isch sie eh au voller Vorfreud was u spass macht :-)
Joo erklärig vo mine kärtli echi kompliziert,sofern ich am Obig mini Muster-Magnetli han zeigis eui au mitem Musterkärtli zäme
Anmelden
! Hehe ja ich find ebe au das gaht die Vorgsetzte gaar nüd a und sött nie en Iifluss ha ufd Entscheidige vo Cheffe.
.
Ich han unbedingt welle, dasses alli wo eus wichtig sind persönlich vo eus erfahred und erscht nach 3 Wuche hanis denn uf FB gschriebe, will ich würds halt scho am liebschte de ganze Welt verzelle :D! mir hend übrigens au es pinks/lila hochziit, sind voll mini Farbe und mim GG isches zum Glück ganz egal welli Farbe !
. Ich wünsche eu allne na en super Abig!
