@janedoe, findi guet din vorschlag mit de zweite Fiir wo er müessti zahlehets ihm dis mami scho gseid? Hehe ja sini Logik chan niemert ussert er selber nahvollzieh, dass isch scho immer so gsi leider. Ja es nimmt mi würklich wunder ober denn uftaucht oder ober überhaupt reagiert ufd Iiladig (hend na gar kei Ahnig wie die sell usgseh und wenn sie denn usegaht), ich hanem am Tel extra gseid er sell denn im Juni nöd id Ferie und er nur so „ja bis im Juni chan na viel passiere“.. und ich so hä wie meinsch das? Und denn hetter s thema gwechslet.. ; Finds super dasses nöd wirsch verheimliche wenn dich öpper druf aspricht, es isch immerno eue grosse Tag und da sellmer sich eifach nur selle druf freue und au chöne drüber rede!
@chlini22, isch echt schad dass eim s umfeld oft so en druck macht , dassmers nacher nöd grad wet verzelle wenns so wiit isch, finds eifach au unaständig jede ständig zfröge wenner hürated oder wenns chinde git. Ich han zum Glück nur ei Kollegin woni monatlich gsehn und sie het jedes mal gfröget warum ich nanig verlobt bin. Und ihre hanis denn au z letscht gseid gha wos so wiit gsi isch..
@Taeboyana, das mitem Chetteli isch au e sehr schöni Idee. Ich glaub ich wird de Verlobigsring eifach wiiterhin ade rechte Hand träge, chanmer nämlich gar nöd vorstelle zumen wieder abzzieh und zumene andere Ring würder glaub nöd passe ade gliche Hand. Hehe ja also wenni en Monet het müesse warte hettis au per sms gschriebe, mini zwei Wuche sind ja scho eewigs lang gsi! Ou isches morn sowiit mit dinere OP? Han das Jahr scho zwei OPs hinder mir gha (zwar nüd schlimms, nur öppis müehsams und langwierigs am Fuess) und ich bin jedes Mal so nervös gsi vorher.. Hoff du chasch glich guet schlafe und ganz ganz viel Glück für morn! Und denk dra, zum a öppis schöns z denke vor de Narkose (Hochziit ?), denn träumsch viellicht devo! Alles alles Gueti!!
@laprincipessa, hehe merci Ja isch würklich luschtig gsi woner gseid het er hetten vergesse mitneh uf paris, aber im nachhinein hets eifach so müesse sii, anderscht wärs sicher nur halb so schön gsi (het 3 täg gregnet und isch uuu chalt gsi in paris). Jep hani ebe au gfunde, gaht die würklich gar nüd a und vorallem het au eimal fröge glanged! Hey wow eui Fötteli sind würklich super schön !! Mega es herzigs Pärli sinder !!S Fötteli vorem Pavion isch au genial mit de Farb vo dim Chleid! Was suecheder denn gnau für e Band und i wellen Ziitrahme? Ich bin halt recht begeisterd vo eusne, sind au usem ZH Oberland und sie chönd alles spiele, vorallem aber au CH-Lieder Mer hend die vor drü Jahr gseh ufeme Buurehof spiele und d Lüüt hend Tanzed dezue! Und bis Schwiizer mal afanged tanze z mitzt am Sunntig Nammitag bruchts minere Meinig na viel . Und Gottseidank hanis Visitechärtli mitgno gha und wieder gfunde und sie sind na frei gsi für euse Tag jipiih.
@squishy-fishy, merci vielmal fürs kompliment ! Ich finde au es isch de perfekti Ring für mich, het mir selber kein schönere chöne ussueche ! Jep han es Fötteli, aber leider grad nume vo usse. Aber sie isch würklich super für eus und het alles woni mir vorgstellt han. Ui ja guet wenn du dini Ring so viel mal verlürsch denn lohnt sich viellicht doch kein tüüre ;.) Ussert du leisch ihn denn adä Chette a ?
@daenu16, jep ich weiss, han nur grad keis anders fötteli gha merciii vielmal !
@Lula, freut mich für dich das jetzt e neui und sicher viel besseri TZ hesch!! Hesch der „alte“ scho gschriebe? Denksch d Fründschaft wird jetzt ganz beendet sii? Isch schad hets so müesse cho..
@malinchen, viel spass morn und vorallem ganz viel Erfolg und das du DIS Chleid wirsch finde !
@sasileu Hesch es Föteli vo de Magnetli? Bin mega gspannt! Und wünsche dir natürlich meeeega schöni Ferie! Gönder furt? Mini endet das Wuchenend leider schowider
@snet Inzwüsche muessi ebe au sege, dases mir de eigentli egal isch ober chunnt oder nöd. Ich will nöd die ganz Family durenandwirble und er söll das halt handhabe wie er will und eus möglichscht in Rueh lah demit. Es tönt, als hättisch du recht schwierigi Jahr erlebt, das tued mier mega leid für dich! Ich chan mier das asatzwiis vorstelle und weiss au, das min Vater einigi Versüech gstartet hed, das mit mier und minere Schwöschter genauso durezzieh aber zum Glück sind die vo minere Familie alli im Keim erstickt worde. So hert dases tönt, aber guet, dass du dich vo ihm hesch chönne löse!
@chliini Das mit de 11 Steinli findi e schöni Idee, au die immer zerwiitere! So hed de Ring no en persönlicheri Bedüütig.
@Taeboyana Mier hend ebe nie drah denkt, es Jahr nachem Atrag zhürate will mier ursprünglich zivil und kirchlich am gliche Tag hätted welle aber da das denn nöd klapped hed hemmer irgendwie automatisch e Tag vorher reserviert. Und mer seit ja, mer muess innerhalb vome Jahr nachem Atrag hürate Hey ich wünsche dir toi toi toi bi de Operation!! Mögi alles guet cho und das du dini Schmerze loswirsch!!
@principessa WOOOOOOOOOW! Soooones schöns Päärli! D’Föteli sind wunderschön! (Ich hätt mier dich jetzt eher dunkelhaarig und südländisch vorgstellt weg dim Name ) De Sofagast chunnt hüt nomal da go schlafe und denn simmer en endgültig los *juhuuu* Ich bin katholisch erzoge, wie mis Mami. Mini Eltere sind ned ghürate (min Vater hed immer gseit er will ned, das dLüüt denked, das er nur mit minere Muetter zemeisch, daser de CH-Pass bechunnt) und drum han ich denn dReligion und de Name vo de Muetter becho. Hesch di jetzt chli ufem Standesamt informiert? Finde das mit eune Plän standesamtlich am Jahrestag zhürate mega schön, und das alles ame 5. Isch sowieso Din GG isch ja meeeega süess mim chömed Rose nume sehr selte i Sinn (eigentli nur wenni lang weg bi oder er es schlechts Gwüsse hed )
@Lula Mini Schwöschter heds no viel schwieriger mit ihm. Die zwei hend gar keis Verhältnis meh zuenand.
Das wegem Name hani meh gmeint ab wenn das ich denn sin Name offiziell träge, abem zivile im Feb oder abem kirchliche im Mai? Irgendwie fändis voll schad scho abem Februar das alles zändere will für eus isch de grossi Tag erst z’kirchliche. Drum fragi mi ebe au, ob mier überhaupt e Ringtuusch ufem Standesamt wend. Am liebschte würdemer i Jeans und Shirt is Standesamt inelaufe, gschnell dett unterschriibe und wieder gah.. Doof?
Wow hey, jetzt hani grad glese wege de TZ! Finde das sooo guet, das de Schritt hesch gmacht!! Jetzt chunnt sicher alles guet, das glaubi au! freue mi richtig für dich!
@squishy D’snet heds ebe richtig gseit: Er missbrucht sind Glaube für sini Tate. Bi ihm ischs voll so, wenn de Glaube sini Situation zum positive wendet denn ischs zwichtigste vo de Welt. Aber er gaht z.B. nöd id Moschee, liest nöd im Koran (nümme) und faschtet au nid. Also alles was ihn ‚aschisst‘ isch de nid so wichtig hani zGfühl. Aber, ach, irgendwie magi mi gar nümme demit usenand setze Ich bastle leider ned sooo gern, aber d’PomPoms willi unbedingt au mache Cha mier die voll guet über eusem Candy Buffet vorstelle Din Ring isch gschmolze?! AUA!! Dini Ringgschichte töned doch chli chaotisch aber seeeehr sympathisch
@daenu Ich chume bi Pinterest voll nid drus, für mich isch das es riese Chaos a Bilder Klar, a schöne Bilder, ha dett au scho mega Inspiratione gsammlet, aber wie das ganze funktioniert checki glich nöd, haha Ich glaube, das mer als Chindergärtneri beides hed, en meeega Stress aber d’Chind gebed eim sicher au vieles zrugg ;) Ja ha mich au chli gwunderet wege maxin. Janu, wiiterluege
@malinchen Bisch ächt scho am Bruutchleider-luege? Wünsche dier gaaaanz viel Spass – und Erfolg – hüt!
@Pricana Mis Mami heds im gseit – er überleits sich. Aber has obe schomal gschribe, langsam ischs mer echt egal. Finde din Vater tued chli seeehr fies, de Spruch hetter sich also au chönne verkneiffe Dörfi frage wie eui Band heisst und was die ungfähr choschted? Ich bi ja recht gschockt gsi ab dene 3500.- bi eusere erste igholte Offerte drum willi nümme 100 Bands afrage wenn alli so tüür sind
@me Okay, iher denked jetzt ich spinne. Ich denkes ehrlichgseit selber au chli… Aber nach dem riese Theater weg mim Vater hend min GG und ich gmerkt, wie stressig sone Hochziit eigentli wirkli chan sii… Und uf de Suechi nachere neue Aperolocation isch minere Mutter dIdee vome Restaurant i Sinn cho. Mier sind de vorgester sponti dett hii und hend denn de Saal dörfe go aluege. Es isch en umbauti Schüüne und ich bi inecho und han eus dett inne gseh fiire. Es hed wunderschöni Rundi Tisch, en Bühni, e Huufe indirekti Belüüchtig,… In Gedanke hani innerhalb vo Sekunde de Saal festlich dekoriert und cha mier alles sooo genau vorstelle, dasi mal schüüch de Vorschlag gmacht ha, jetzt eifach s’ganze Hochziit ufe Chopf z’stelle… Wennscho – dennscho? Min GG hed gseit das ers genauso gseht. Also hemmer mal e Nacht drüber gschlafe und vergliche. Im Chärnehuus (s’Huus isch ja au en absolute Traum und min Favorit gsi) hettemer alles müesse selber ufstelle, mier hetted müesse Tisch amiete, dekoriere und vorallem am Sunntig morge au alles wieder go abruume, Tisch zruggbriinge usw. Und mit allem bis am Mittag fertig sii. Und denn hemmer afange rechne. Mier chömed en Drittel günschtiger, wennmer im Restaurant fiired wo alles inkl. isch und mier a nüt müend denke. Also simmer gester nomal zum Restaurant gfahre, hend nomal alles genau agluegt und müend i de Location keeeeein Finger chrumm mache und au nid so wiit fahre (s'Resti isch ca 20 Min vode Aperolocation weg, die ander Location wär 45 Min entfernt)
En Aperolocation hemmer au grad no reserviert, die isch chli ufem Berg, mega abgschotted und mier hend d’Ussicht über mis Heimatdorf, was mi voll freut (han eu es Föteli aghenkt, isch aber chli verschneit ) Ich ha zerscht gfunde, mier chönnted en Düütsche Apero mache, damit min GG au chli sini Siite aspricht aber er hed gseit, das willer gar ned, also isch das jetzt au gfixed und tuusig mal schöner als Aperolocation Nr 1
Vielleicht hed das alles eifach so stressig und müehsam müesse cho, das eus chli klarer wird, was mier wend und chönd erträge…
Ahh und ich han de DJ Benz vo diehochzeitsdjs agfragt für zum spiele a eusem Tag aber er isch leider scho usbuechet gsi, und jetzt hed sin Partner, de DJ Dubi eus es Mail gmacht, das er no Ziit hetti. Findi no recht flott :D Aber mitere Bühni im Saal würd sich e Band jetzt fascht no meh abiete?
So, jetzt hani gnueg vo mier verzellt. Wünsche eu es meega schöns Weekend, gniessets!
@jane, ich lise i dem Forum nur na mit, es gaht mer chli z schnell... aber ich han der husch welle sege, das mit dem dj dubi sicher öpis guets hetsch :) bi scho am einte oder andere fescht gsi, wo er ufglait het, und s isch immer super gsi :) er isch bi eus i de Region recht bekannt.
@Pricana: Mir gseh üs nächscht Wuche, mau gugge. Hoffe sehr es ändet nit ihre Katastrophe. Aber ja, es isch sehr schad. I weiss es nit, Ufgrund vor momentane Situation rächni mit auem. Härzigi Kirche! Wie heisst Di Band? Tönt nämli sehr guet
@jane: Ohje, das so ischs mega schad. Gshet er de gar nit ii, dass er uf am beschte Wäg isch, Di ou no zverlüüre?!
Sorry Ab am ziviler, dass isch das wo rächtlich zählt. Chöit ja guet ohni Ringtusch. Gugg doch dSituation eifach so ah, dass de vo Februar bis Mai Zyt hesch, zum aus zändere, u dSitaution zgniesse u de chasch ab am Mai vou "dürestarte". Mir hei gäng gseit, mir göh sehr leger, aso GG i Badhose u i i Flipflops... Mittlerwile si mir aber sowit, dass mir sicher schöni Hose oder Jeans alegge u nes Hemd/Bluse oder so. Schlicht, aber ebe glich chique. Wüu mir wei ja närne ga schiesse u de isch e Jupe eh nit gäbig...
Aber Doof isch es sicher nit, es isch öichi Entscheidig, u wenns für öich stimmt, de göht i Jeans u T-Shirt ufs Standesamt
Hoffes, merci Dir viu mau!
Du spinnsch doch nit! Im Gägeteil i finde es tönt absolut super mega genial!!!
Wo ni das Bild gseh ha, hani aso gad no eis im Text müesse ga gugge, bi aso froh isch es keis aktuells Bild...
Chasch ja dBühni ou zum Tanze bruche? Oder für süsch Darbietige oder e Gschänklitisch
@janedoe, es freut mich meega das ihr so e gueti Lösig gfunde hend !! Und scho denktmer wieder, es git Sache die müend eifach so passiere Isch ja genial wenns günstiger isch und ihr erscht na beruhigter chönd fiire willer nöd alles selber mache müend, tönd echt perfekt :)!! Und isch u es schöns Foti, da freuts eim (miiich) doch grad wieder uf de Winter
@Lula, ich hoffe sehr es wird es guets Treffe und sie wird din Schritt verstah, es isch ja würklich nur ihre zuezschriebe dasses so cho isch
Eusi Band sind d Fine Taste, mer chan sie abere 3er Formation bueche bis zu 6 Lüüt glaub. Mir hend zerscht au gfunde e Band isch viel z tüür und han mi zerscht vom Gedanke müesse verabschiede. Denn isch mis zuekünftige Schwiegermami cho und het gseid sie het eine troffe im Lade wo sie vo früehner kennt und de hegi e Band und het eus d CD gä und sind gnau die gsi denn hani denkt guet es muen so si und mer hends bueched Hend halt eifach nur für 3h bueched, mer werdet währed em Z Nacht Musig abem ipod laufe lah und denn nacher für Tanz etc hemer d Band. Für die 3 Stund und 3 Lüüt zahlemer 2100.00.
Hm min Pc het grad gspunne und s hetses eifach gschickt
Mir werdet eus schön alegge ufs Standesamt aber au nume, will ich u gern Kleider ahan und denn endlich mal en Grund han dezue Aber es wird au bi eus e churzi Sach mit Unterschriebe und nachher go Z Nachtässe mit de TZ und Family, die wo wend. Ring tuuschemer erscht ide Chile, aber bi eus ischs ja au so dassmer nur öppe e Wuche vor de Chile ufs Standesamt gönd, denn chunt das nöd so drufa
e kollegin vo mir het gseit si heigi ev e band aber si luegi nur wensi ou dörf as hochzit cho:) weis zwar ned wini heisst ;) aber si spile aube füre hofer u füre flöru ast ... ?? u si würde bevor mir ist resti gienge bis a schluss ca 6-8h je nach lust aund laube blibe u das für 1600fr u de eifach ihres ässe no isch ned zviu!? ha eifach chli angschd das üsu lüt ned tanze die autere si 55+ u die unge hei fasch aui ching... u de si no es bari wo so fürs fire si...
Hui i chume ja scho fasch nümm mit bi euchem Tempo... Geschter hani im Büro no müesse Gas gäh wüui ja itz 2-3 Wuche nid schaffe und hüt simer no furt gsi. Cha sicher n¨ümm uf aus igah vo euch, sorry!
@Munggi: Bi üs hets churz o gad abeglah und ghaglet! Mir si im Fau o nid so (oder nümm) d Tanzfüdlis, aber i tanze eigentlech glich no gärn und wetts am Hochzit scho. Üsi Gseuschaft wird o sehr dürmischt si vom Auter här, aber git sicher paar wo de gärn tanze.
@Pricana: Merci für dini liebe Wünsch! d OP isch ersch am Mänti, aber i mues morn scho a 3 iz Spitau. Das isch e gueti Idee mit a öpis schöns dänke vor dr Narkose.
@Principessa: Wunderschöni Föteli und mega härzigi Acessoires! Da chöiter würklech viu mache mit dene Föteli. Geit mir genauso mit¨üsne vom Shooting, es si soviu gueti, dassi gar nid weiss weli zbruche... mir wei sicher de no paar für uf d Iladig und i ha dänkt i la de no irgendöpis mache für mi GG uf Wiehnachte oder so.
@malinchen: Wie isch ds Chleidershopping hüt gsi? Erfougrich?
@Lula: Isch sicher guet, dass zure Entscheidig isch cho i Sache TZ, das Ganze zieht sech ja itz scho lenger. O wenns natürlech nie schön isch, weme so Konsequänze mues zieh...i hoffe, dass dir es guets Gspräch heit und sie dini Entscheidiig o cha verstah. Wenn triffsch se? U natürlech wünschi dir vo Härze, dass du mit dr neue TZ die Person hesch gfunde, wo du dir wünschisch und verdiensch und dass sie di zu 100% cha ungerstütze.
@Janedoe: Das tönt super mit dr neue Location! I gsehs o so, dass das äuä würklech het müesse si. De fiiret dir itz imne Resti u heit när eifach ds Huus gmietet zum übernachte?
@Garderobe bim Ziviler: I wett mi scho chli schön mache, wirde sicher es Chleidli alege. Aber das machi o süsch viu u das bi eifach ig, i lege mi fürne schöne Alass o gärn schön a. Wes aber nid eue Stil isch u dir beidi nid weit, de isch doch das o ke Problem, leger zga. I würds de aber eifach vielech de Gescht (we dir Gescht heit am Zivile) o chli kommuniziere, wüu i ha vore Arbeitskollegin ghört wo isch iglade gsi und für sie isches säubstverständlech gsi, dassme sech echli zwäg macht u de hei sie und ihre Ma schlussändlech viu chicer usgseh as ds Brutpaar und d Standesbeamtin het gmeint, sie sige die wo hürate
So mini Liebe, i säge hie mau Tschüss fürnes Wili, weiss nid wie guet ds Wifi im Spitau funktioniert und wie schnäu ig de wieder gnue fit bi zum schriebe... Wirde sicher aber früecher oder speter wieder es Läbeszeiche vomer gä. Merci viumau euch aune fürs ami dänke und eui liebe Wünsch!
Anmelden
!
hets ihm dis mami scho gseid? 
. Ich glaub ich wird de Verlobigsring eifach wiiterhin ade rechte Hand träge, chanmer nämlich gar nöd vorstelle zumen wieder abzzieh und zumene andere Ring würder glaub nöd passe ade gliche Hand. Hehe ja also wenni en Monet het müesse warte hettis au per sms gschriebe, mini zwei Wuche sind ja scho eewigs lang gsi
Ja isch würklich luschtig gsi woner gseid het er hetten vergesse mitneh uf paris, aber im nachhinein hets eifach so müesse sii, anderscht wärs sicher nur halb so schön gsi (het 3 täg gregnet und isch uuu chalt gsi in paris). Jep hani ebe au gfunde, gaht die würklich gar nüd a und vorallem het au eimal fröge glanged!
!!S Fötteli vorem Pavion isch au genial mit de Farb vo dim Chleid!
Isch ja genial wenns günstiger isch und ihr erscht na beruhigter chönd fiire willer nöd alles selber mache müend, tönd echt perfekt :)!! Und isch u es schöns Foti, da freuts eim (miiich) doch grad wieder uf de Winter 
