@Lula: I hoffe ou, dass d Fründschaft zu dire "alte" TZ nid gad usenand bricht und dass sie dini Entscheidig versteit. Villecht ischs für sie ja ou ä Entlastig, wenn sie im Moment us persönlechä Gründ d Energie nid het chönnä ufbringe...

@Pricana: wooooow, ä mega schöni Chille!!!

@Jane: haha, dir sit zviel!!! Aber das isch ja super wenn dir jetz ändlech "DIE" Location gfunge heit!!! Das tönt ächt cool, wenn dir weniger zahlet und när nid no säuber müesst ufrume etc. Und d Ussicht vor Apérolocation isch hammer!

@Taeboyana: oh scho gli muesch irücke! Aber muesch luege, das wird scho guet use cho und glii heschs hinter dir!!! Dänke fest a di!

@me: I ha geschter MIS Chleid gfunge!!!! I ha ja e Termin im Mery's gha und einä bi Meister Couture. Im Mery's hani wieder chli Päch gha mit dr Bedienig. Das mau hei sich aber v.a. mini Mädels ab ihre ufgregt, wöu sie die ganz zyt für mi het gantwortet, wenn sie mi öpis hei gfragt u einisch het mis Mami so gseit i luegi chli komisch woni ds eintä Chleid ha anne gha, när seit sie: "Nei, sie strahlet!" Aus wüsst mis Mami nid besser wenn dasi strahle und wenn nid... U obwohl ig ihre gad am Afang ha gseit, dass ig schlichti Chleider möcht, hani zersch 10 pompösi müessä aprobiere "zum sicher gah, dasi ufem richtige Wäg bi." Wo sie mir när ändlech die schlichte Chleider het füre gäh, hani mi Favorit gfunge! Es het dr Rücke frei, mega spezielli Träger und isch schlicht und fliessend aber miterä rächt grosse Schleppe und mega schönä Perlästickereiä. Dr einzig Nachteil: I hät das Modell müessä näh wöu sies nümme hätte chönnä bstellä. Hät zwar 25% Rabatt becho, aber i hätt d Reinigung sälber müessä zahle u die hät ca. so viel kostet, wie das woni hät igspart. Und es isch inne voll Make-Up gsi - nid vo mir!!! süsch wärs ja no eis... Aber das het mi när irgendwie lah zwiflä. I ha när gseit i möcht glich no dr Termin am Nami wahr näh und mi när bi ihnä mälde. Bi Meister Couture ischs seeeeehr cool gsi!!! D Frou Meister isch u härzig und sehr kompetent. Und sie het hammer schöni Spitze-Chleider. Aber leider isch det keis Chleid gsi, wo ds anderä hät chönnä topä... Mini Besti het am morge no bim Liluca ä Katalog gholt gha, wöu sie eh det verbi gloffe isch, u de hei mir dä düre gluegt und när gsehni det drinne genau das Chleid wo mi im Mery's so umghoue het! Drum si mir när spontan det verbi und per Zuefall het die einti Beraterin gad kei Chundin gha und het sich chönnä zyt näh für mi! I ha när nüt gseit dasi das Chleid scho im Mery's ha aprobiert und ha ou no mal paar anderi agleit und mues sägä, dass ds Liluca für mi die schönsti Uswahl het gha... Aber woni no mal das Chleid ha agleit hani sofort gmerkt - das isches! Aber, komischerwiis ischs im Liluca fasch 1'000.- tüürer als im Merys, aber sie hättes no chönnä neu bstellä. Das isch mir när ersch rächt komisch vor cho und i bi no mal mit mine Mädels es Beratigs-Kaffi gah trinke. Vo det us hani när no mal is Mery's aglüte zum nachefrage, ob i d Reinigung würklech sälber müesst übernäh. D Frou am Telefon het mi de gfragt um weles Chleid dases de göngi u da hani dr Typ gseit wo sie mir im Liluca het ufgschriebä. Da seit die: "Mir hei keini Chleider vo Pronovias, nur Eigemarke." Da isch bi mir de z 20gi abe, dass die also d Chleider vo de anderä Härsteller kopiere! Dür das isch natürlech ou dr Priisunterschied plausibel. I bi när no mal zrug is Mery's und ufe 2. Blick isch ds Chleid würklech nid ganz glich gsi. Anders Material und d Stickerei viel weniger schön verarbeitet etc. Aber süsch eifach voll ä Kopie! Das hani gar nid gwüsst gha vom Mery's und findes ehrlechgseit chli schäbig… Also nid dass sie Eigemarke verchoufe, das isch ja super und grad wemä nid es riesä Budget het natürlech mega cool. Aber eifach d Chleider vo de Designer kopiere - naja. Uf das hani denä gad gseit, i heig mi für nes anders entschiedä. Also si mir wieder überd Strass ids Liluca und det dr Choufvertrag ga unterschribä! Es isch sooooooo es cools Gfüeu jetz ändlech MIS Chleid z ha!!! Jetz möchtis am liebschtä allne zeige, mues mi mega zrug halte… I ha drum beschlosse, dass mir mini Fründinne d Fötelis nid söuä gäh. Aber i ha natürlech eis usem Katalog… ;-)

Sorry für dä mega läng ego-post! Aber ha gad soooooooo Fröid!!!

Datei-Anhänge

MY DRESS.jpg (82x) Mime-Type: image/jpeg, 6 kB

Wow... Gratuliere Malinchen.. So ein Kleid, könnte ich nie anziehen, dafür hab ich ganz einfach nicht den Rücken... Aber wem es gegeben sei Ich bin sicher, Deinen GG wird es fast umhauen, wenn er Dich in diesem absoluten Traumkleid sieht...
Glückwunsch.
Ach, ich würde so gern auch endlich ein Kleid kaufen gehen... Aber ich hab mir vorgenommen noch zu warten, bis wir wichtige Eckpunkte festgelegt haben und mal sicher sind, dass wir wirklich an unserem Datum heiraten können (Kirche, Location...). Das wird sicherlich noch bis Oktober dauern und vielleicht warte ich auch grad noch bis ins neue Jahr, dann kann ich sagen, dass ich in einem Jahr heirate
Aber ich finds so toll, bei Euch schon durch die ganze Erfahrung durchzugehen und alle Kleider zu sehen, die ihr euch aussucht...

Vilicht hend sie sich trennt...

Ja mer chönntis würkli grad glaube, dass sie sich trennt hend...aber so isches nöd. Und mir hend sie au gemeinsam iglade..sie WOHNED zämä. Ich han die Kollegin au am Mittwoch gseh - sie hend sich definitiv nöd trennt.

Morgä Mädis!

Fertig Ferie Und total verpnüslet. Hoffe üch gahts guuuuet!

@lela
schad das nümme mitschribsch! Finde amel au, das sich dSiite mega schnell fülled aber für mich ghört s FOrum scho chli zum Alltag
Han am DJ Dubi jetzt nomal es Mail gmacht, dasmer mal zemesitzed.

@Lula
D'Bühni chamer bruche zum tanze, für Darbietige und so Sache, ja. Genial!
I Badhose und Flipflops as Zivile wär sicher witzig. En Kolleg hed in Azug und Flipflops ghürate (kirchlich!)

@Pricana
Merciii dass di mitfreusch Mir wäred ebe au en Tag vorem kirchliche ufs Standesamt und hend gar kei Wert druf gleit aber jetzt befürchti, dases denn gliche en chline 'Event' git am Valentinstag willis ned cha bliibe lah

@munggi
Findi jetzt fascht chli frech dass dier Kollegin nume hilft wenn sie as Hochziit iladsch. Das isch ja scho erpresserisch?
Weisch inzwüsche vielleicht de Name? Tönt nämli recht spannend!
Mier hend das Problem wegem Alter und em tanze. Und mier sind voll kei Tanzfüdlis. Aber irgendwie so ganz ohni fändemers au schad...

@Taeboyana
TOI TOI TOI hüt! Dänke fescht a dich!
Ja mier hend s'Huus jetzt eifach gmietet zum übernachte und fiired de ime Resti. Chunnt eus so am günschtigste

@malinchen
OH.MEIN.GOTT.!! Das Chleid isch en Traum, de Rugge!! Aso gratuliere zu dem wahnsinns Teil
Ich han ebe au scho gläse, das Merys nume Eigemarke verkauft, dases aber Kopie vo grosse Marke sind findi au recht denebe und findes stark, hesch das au grad gseit!
Tönt nacheme sehr intensive Tag wo du da gha hesch

@daenu
Ich glaub wenni mi wirkli mit Pinterest afange usenandsetze, denn schaffi gar nüt meh im Gschäft
Ich denk au, dass mier die neu Chance jetzt packed und vorallem uf eus lueged :)
Das mit de Musig am Apero tönt cooool, hesch scho meh us dim GG usebracht?
Hääää? Min erste Gedanke wär jetzt au gsi, das sich die beide trennt hend aber hmm... recht schräg Henderem denn jetzt scho zrugggschribe?

Hallo Zämme,

so mäldi mi au wiedermol! Hoff dir sit alli guet i die neu Wuuche gstarte.

Pricana: herzlich Willkomme. vo wo im Zürioberland chunnsch denn du?

Chliini: oh das tönt ja mega schön, wenn dir a euem Johrestag hürotet.. hani zerscht au mol welle, abr da das nechscht Johr en Dunnschtig isch, isch das chli doof.. jez hürote mir eifach im gliche monet (September) und am Tag vo minere Lieblingszahl (13). also isch es so au öbis speziells.

Squishy: danke schön. mir händ au voll de plausch a de magnetli. leider het me hüt zu tags fascht keini magnetische Küehlschränk meh... abr bis jez het no jede öbis magnetisches gfunde ;). bi eus isch immerhin de Backofe magnetisch, bi mine Eltere isch nit mol meh de magnetisch
ja sin au no gschwüsterti mit, also das hani ja no verstande... abr e kollegin vo ihre isch au no mit gange... ja ebbe isch Trauig droff gstande und denn hani mi scho gfreut, vorallem hätte mir denn au nit so miesse stresse zum pünktlich dört si...
und i bi würklich froh, hani das nit gmacht nur welli sGfühl gha ha i sött se als TZ neh... bi mit minere jezige vill glücklicher, si isch super... und interessiert sich au mega defür... und si het au scho zue mir gseit, weisch i will denn nit nur cho unterschriebe i wott denn scho chli öbis mache
nei mir hän nie drüber gredet, i dänk si weiss au gar nit wie mi das verletzt het... wäg däm hani bis jez ihre au noni gseit, dass mir verlobt sin... si isch so zimli die einzig wos noni weiss.
oh ja do merksch wär die richtige lüt sin...

sasileu: danke... isch no luschdig wie dLüt reagieret. also i erwart keini grosse reaktione, schüscht wird me nur enttüscht. well meistens sin dLüt nit ganz glich begeisteret odr chönnes nit zeige wie me sälber... abr isch no härzig, dKollege vom GG, woni dänkt ha, ja die wärde kei grossi reaktion zeige, die hän sich voll gfreut und sich mega bedankt. schüscht hei mir noni so gross Reaktione, abr mir hän au noni alli verteilt.

lula: ja isch würklich super cha sich mis Mami mit eus freue. und das macht si au würklich, si het ebbe scho es kleid gseh wonere würd gfalle, wo si den a eusere hochzyt cha alegge . so fallt eres no lichter...
ja mir hän mol drüber gha, si het mi ebbe mol gfrogt öbi si als gotti würd neh bi euserne kind, denn hani gseit, isch no schwierig da min GG 3 Schwöstere het, abr du wärsch sicher mini TZ, denn het si gmeint, ja dich wotti au als mini TZ...
nei mir hän ebbe nie zämme gredet, ebbe si isch denn schwanger gsi und da si eh nit i de nöchi wohnt, hei mir halt au nit immer zyt... i glaub i ha se au sit ihrer Hochzyt gar nüm gseh .
ja genau die gedanke hani mir au gmacht, abr das isch so e schwierigi entscheidig, sölli sölli nit... abr i wott se au nit eifach us Rache nit ilade... i kenn se ja scho mega lang und mir hän vill zäme erläbt... isch mega schwierig... ha mi jez eig scho entschiede dassi se und ihre Maa für de ganz Tag ilad, abr ganz sicher bini noni mit minere entscheidig... abr i wird ere mol es Magnetli gäh, si weiss ja nit dass das nur für die gladene gescht isch. denn wotti au mol chli luege, öb vo ihre us öbis chunnt odr nit... well i has gfühl bis jez ha immer i mi miesse mälde... jez hani plant dass mir de odr nechscht monet mol öbis abmache, denn hani mini pflicht do denn muess si mol chli öbis vo sich us zeige...
danke... nei mir hän eig nit irgend es thema, die Schnäggli hei eus eifach gfalle und hei gfunde sin no luschdig... mir hän nit so romantischi magnetli welle, hätt nit so zue eus passt.

malinchen: DANKE

standesamt: also mir wärde au eher schick as Zivile goh, i imene kleid und GG im Azug mit Krawatte, mir hän ebbe scho cooli sache wo zämme passe, also kaufe nit äxtra öbis... abr i mach mi ebbe au gärn schick, wäg däm wärde mir das scho so mache...

so denn wünschi mol allne en guete