| Bräute 2014 |
|
|
1 .. 178 .. 353 354 355 356 357 .. 677 .. 997
|
09.09.13 12:39
munggi87 
|
Re: Bräute 2014
Jandoe sie fingt die de oberhammer u si kentse privat.. De mame weisi no med da sie i div. Formatsione ufträtte.. Aber si frogt hüt noche wies genau isch da sie sehr hüfig usbuechet si... Sie hetse a ihrere hochzit gha..
Lula i ha dänkt da mit si ned kenne chöi di eigentli ou nur de houtgang u dessär ha..
I finge de pris ok ha zwar nie mitere bänd im budget grächnet da mir eh nie geüst hätte wär mit söue näh u hätte zersch d idee vore junkbox gha( 500fr)
Aber de gg meint sig scho übertribe ;) i ned:) aber är lot mir zimlich freii hand z mache was mir gfaut aso seit scho ou sini meinig!
|
|
|
|
|
|
09.09.13 13:36
capriolo
|
Re: Bräute 2014
Hoii, au i köra zu dä 2014er, freu mi scho uh fest  Ha nu mol di letzt vo dene fangs 355 Sita glese und cha vilicht no ä positivs Feedback zum Thema Hochzitshuus geh. Bin nämli letzt Wucha au im Mery's (Bad Ragaz) gsi und ha 2x ä top Berotig übercho! Und das obwohl i bim erste Mol eifach unangmolde uf dä Matta gstande bin... was i an Wünsch ans Kleid gseit ha het sie sofort umgsetzt und füra gholt, mi ehrlich druf hi gwiese wenn öpis mol nid so passt het (und i das au so gsia ha) und dä Hammer isch no, das i eigetli scho mis Wunschkleid im Chopf ka ha, sie mir aber nocher zusätzlich no eis zum probiere geh het, wo mi eifach umghaua het. Schlussendlich hani mi letzt Samstig bim 2. Bsuach mit minere Schwöster definitiv für das Kleid entschiede wo i wohrschinli nia selber usem Gstell gno het  Aber s'isch echt än Traum und bin sehr dankbar für dia toll Berotig. Ob das Kleid jez ä Kopie isch oder nid chani nid beurteile (vilicht isch das dä Grund warum sie eim kai Marke/Modell bekannt geben), aber das isch mir ziemli wurscht *happy*
Zuletzt bearbeitet am 09.09.13 13:37
|
|
|
|
09.09.13 14:17
squishy-fishynicht registriert
|
Re: Bräute 2014
Guäätä Mittag mitenand 
Janedoe: Wooow, wunderbar wiiä siich alles zum guätä wendet! I find uf gar keiim Fall iihr spinnet, sondern machet us dä Situations nu s'Best und no besser! Es iisch ja nonig irsinnig spoot zum alles chlii durenand wiirble. Umso besser, dass es jetzt total zu eu passt! d'Ussicht isch dä ober hammer! Es wiird perfekt, ii gspürs 
Zivile: Bii uns zählt s'Zivile au nöd viil. Aber ii wott mii gliich hübsch machä. Eiifach wills ä Tag isch wo meh es schöns Kleiid chan alege und Frisur machä und ii gliich feste will, dass ii eh noiie Name träge I ha au z'erst nixx noiis welle aziiäh. Aber ii bii aah "unserem" Obigkleiidlade verbi gloffe und es het sooo viil schöns. I wird globs nöd chönä wiiderstah. Aber das werdet miir früähstens im Januar (weg dä Ferii) oder denn kurz vorher machä. Aber ii Jeans und T-Shirt isch au recht. Es erinneret mii aah Grey's Anatomy. Diiä hend das au so gmacht und es het total zu ihne passt  Derum go-for-it!
munggi: I glob geg dä Priis chan meh nüd sege. Fin dii sogar recht günstig!  Jetzt müänd iihr eu entscheiide, ob tanzt sött werde. Bii uns iisch das es absolut "must" aber mir hend au scho paar Zuäsage, dass mit uns tanzet
Malinchen: Dii Ego-Post iisch suuuper gratuliiärä diir zu diim erfolgriiche Tag. s'Klaiid isch echt meega schöön! En Traum iin Weiss Tönt trotzdem nach em turbulente Tag, aber es het siich voll glohnt! Froii mii sehr für dii!
daenu: yess, du färbsch dini Schrift  Du nimmsch Studente?? Oooh, do wacklet gad mini Ohre Nehmt mii so irsinnig wunder wärs isch, aber da ghört jo ned doiine 
Meega schön, bechömet iihr so liiäbävolli Rückmeldig! Aber diiä seb isch ja wirkli komisch... Aber so wiiä ich lese, stot er eu nöd meeeeeeega nöch? Denn cha meh jo de Kopf schüttle und denn abhake. Oder iisch da gemeiin? I chönt mir no vorstelle, dass er eiifach nixx vom hürote haltet. Giit ja sottigi...
capriolo: Welcome to our Forum! Schön dass dini Erfahrige mit uns teiilsch! So unterschiedlich sind d'Berootig, ii eigentli dä gliiche Gschäftskette... Hesch es Bildli echt vo diim Klaiid?
Wiiä lang siind iihr denn verlobt und wiiä wiit sind iihr ii dä Planig und wenn findet eues Fest statt?
Me: Miir hend es Bekanntepärli agfragt wegem Apéro. Sii machet das no sehr oft. Er isch Bäcker und sii Köchin (oder eiifach sus total in Kuchis engagiert). Leiider hends ned soo überzügt tönt. Sii werdet siich berate, aber eiigentli hettets nächst Summer wiider Mol gross in d'Ferii welle und mir hürotet ja mitte im Summer  Jetzt überleget mir uns chlii, was es für Alternative gebt. Caterer siind eiifach gad viil tüürer, wenn mir soooooo unglaublich viiiiil Lüüt debii hend...
Defür isch am Sa am GG siis Mami cho und het uns usgfragt bii dä Bluämä. Was, und wiä und wer und wo. Sii het denn gfunde. Sii müäss es ja wisse. Sii het scho viil Dekos gmacht, au bim ältere Brüäder. Sii würds uns machä oder aber eiifach d'Floristin zahle. I bii voll erstuunt gsii und meega dankbar I ha mii miit dem Thema nonig so beschäftigt. I weiss weli Bluämä und weli Farb. Aber wer und wiä, da han ii nonig aguggt.
Sus plaanet mir jetzt scho chlii unser ersts TZ-Treffe. Mir gönd unser Resti go aluägä, esset Glace und informierets über unseri Erwartige. I froii mii scho meega druf, und bii soo gspannt! Mir möchtet au so äs Täschli machä, wiä Taeboyana gmacht het. I hoff, sii reagieret chlii positiver 
Und joo, mini Sis isch gescht amene Hochziit gsii. Sii het gmaiint, es heg genau 1 Bitrag vomene Gast geh. Sus NIXX!! Und bii dä Hochziit wo mini TZ debii gsii isch au nu öpis und biim TZ siim Brüäder giits bis jetzt au keii Ameldige für Darbiietige... I bii chlii gschockt. I kenn nu Hochziite mit viilne lustige und (meh oder weniger) kuule Spiili. Und jetzt so eh Flaute. Wiiä kennet iihr das? Und was macht meh am Abiig, wenn gar niiemert was darbietet? Cha jo au nöd nach jedem Gang tanze...
Wünsch eu allnä ä wunderguätä Namittag
|
|
|
|
09.09.13 21:20
Lula
|
Re: Bräute 2014
@Pfloeckli: Isch doch super! Serigi Mamis si doch eifach Gold wärt.
Ohje, das tönt würkli nit gad optimal! Weit Dir de di 3 Schwoschte vo Dim GG würkli aui aus Gotti näh? Wüu si si ja eh Tantene, u es wäri ja de ou sehr eisitig, daher. Aso isch nit bös gmeint.
Nee, Rache wäri sicher nit guet, aber isch ja de ou schad, wenns nur halbherzig isch.
Ou, sorry... Aber si si mega härzig!
@munggi: Werum nit, aber i würdis mit ihne agugge. Mir hei beides gha, DJs wo gmeint hei si ässi mit, serigi wo gmeint hei es Sandwich im vorus längi us ne de scho fasch nit rächt isch, wenn si dörfe mit ässe, u de no die wo eifach schnäu was wette. Aber für üs isch klar gsi, si verbringe dr Obe mit üs, aso dörfe si ou mitässe. Bire Band wäris gloubs ou evtl. Salat, Houptgang & Dessert.
Aber e Junkbox fändi jtzt no witzig, ou für süsch mau e Alass drnah... 
Isch doch no so gäbig, wenn de quasi chasch mache was de wotsch
@capriolo: Härzlech Willkomme bi üs - vorsicht, das Forum macht süchtig!
Magsch üs chli öbis vo Dir verzelle?
@squishy: U de sMigros Catering, oder süsch dr Dorfbeck? Di hei doch mängisch ou no gueti Agebot?
Jöö, Dini SchwieMu isch ja ou härzig! Isch aso es super Agebot!
Aso ihr göht mit de TZ is Resti, oder ällei?
Wäg de Darbietige, kennes mit wenig Spieli u Musik u Tanz. Aber dr Obe ghört üsne TZ, mir hei e DJ, u für üs stimmt das so, wüu de chasch ou chli mit de Gäscht rede, etc. Aber üse TZ het de zGfüehl gha, dass längi nit, u jtzt gugge si...
@Standesamt: Chique wirds sicher, aber ebe, chöi durchus ou Jeans oder Hose si, obwou ig eismau gseit ha, dass wäri ja eigentli Glägeheit mau e schöne Zweiteiler ga koufe. Aber Frisur wetti mir glich lah mache, u Schminke lah ig mi äuä ou gad.
|
|
|
|
09.09.13 21:38
Pricana
|
Re: Bräute 2014
@malinchen, Gratuliere dir herzlich zu dim schööne Chleid, gseht echt mega us!! De Liluca-Lade hani gar nöd kennt, wie gsehts dete priislich so us, chunsch chli alles über?
@daenu16, isch ja kul das na e musig-überraschig hesch! Wotsch nöd dini Fründin mal druf aspreche? Tönd ja würklich so als hetted sie sich trennt? Viellicht het sies letscht mal eifach nanig welle säge?
@Lula, ja es isch leider en stolze Betrag Drum hemers eus au lang überleit, aber mir sind so begeisterd gsi vo ihne und hetted so gern chli stimmigsvolli musig dassmer eus das jetzt leisted.
@Pfloeckli13, han grad müesse nahlese vo wo du bisch, bin ganz i dinere Nächi Mir wohned in Wetzike und han sogar 3 ½ Jahr in Fehraltorf gschaffed. Und hürate tüemer au idä Kile in Fehraltorf !
@squishy-fishy, Schad klappeds evt.nöd mit dem Kollegepärli für de Apéro, mir sind au fliessig am Offerte iehole aber es isch würklich mega tüür. Aber mir hend leider niemert womer grad so chönd und wönd fröge, drum werdemer scho en Caterer neh, denn wird au alles gmacht und vorbereitet und abgruumed, het irgendwie es schlechts gwüsse wenn das öpper vo eusne bekannte würd mache. Aber hetti geiigneti, hettis wahrschinlich au gfröget ;). Das vom Mami vo dim GG isch ja u herzig, und scho wieder isch öppis abghöckled ;).
Ich han minere Schwöster (minere TZ) extra gseid sie sell luege dasses denn zwüsched ine chli unterhaltig und redene git und sie het gmeint das seg keis problem ;). Finds au schad wenn niemert öppis seid oder macht, aber mir hend eus da nanig so viel überleid wassmer gnau wend mache.. aber sicher hoffentlich kei langwieli ufcho lah .
|
|
|
|
|
|
10.09.13 09:08
capriolo
|
Re: Bräute 2014
Guata Morga
Mol du, do gots würggli ab... haha, bi numma so güebt mit Fore, hoffa scho nid das i grad süchtig werde...
Das stimmt scho, i ha einigi Mitarbeiterinna gsia, di meiste no recht jung. Wüsst nid ob mi ä anderi au so guat berote het. Mini isch doch scho chli älter gsi und het dementsprechend Erfahrig ka was i sehr gschätzt ha.
I selber bin 30i wohne im Sarganserland und sit 9 Johr simer äs Paar Dä Atrag het er mir an dä letzte Wiahnacht gmacht, hürote tüamer im August 2014. Mir sind sicher nid dia wos überstürzt hen Schlussendlich hesch eh nia ä Garantie, egal ob noch 2 Mönat oder noch 10 Johr hürotisch. Hauptsach s'stimmt für beidi. Hen noch dä Summerferie agfanga mit plana und organisiere, Chircha, Fotograf, Apéro, Lokalität füra Obed und mis Kleid sind scho fix alles andere chunnt nodisno und bin dankbar für jede Tipp oder Input woni überchuma.
Tüen ihr im Früehlig oder Herbst hürote?
Grüässli und schöna Tag!
|
|
|
|
10.09.13 10:44
Pfloeckli13
|
Re: Bräute 2014
Guete Morge mitenand,
lula: ja mis Mami isch super... si chunnt au mit cho mis Kleid ussueche und freut sich scho druf...
also alli nit ;). mol luege wie vill kinder dass es denn git . abr wött scho dSchwöstere neh, es isch eifacher. han ebbe im Bekannteskreis gseh (muess ja nit immer so si) dass es schwierig isch, wenn me kollege als gotti odr götti nimmt... mit de Gschwüsterti bhaltet me de Kontakt halt vill eifacher... also ebbe das isch mini Erfahrig, wäg däm isch das für mi scho gli mol klar gsi, dassi nit kollege wird as gotti odr götti vorgseh... das stimmt scho klar sin si au scho tantene
nei nei nimm das au nit bös, dörf ja jede sini meinig ha und jede sölls denn so mache wieners für richtig haltet...
do hesch vollkomme rächt, isch scho schad wenns halbherzig isch... abr die eintscheidig isch so schwierig... weiss ächt nit was mache... dennn dänke ja i lad se i und e wuuche spöter dänki denn wieder nei zum apero längt und so witer...
pricana: voll cool, dir hürotet au in Fehraltorf!! was hän dir fürnes Datum? sorry weisses nüm..
was heit dir fürne pfarrer?
capriolo: herzlich willkomme.
also mir dien im herbst hürote..
|
|
|
|
|
|
|
|
|
|
1 .. 178 .. 353 354 355 356 357 .. 677 .. 997
|
Anmelden
