squishy-fishy aso mir wette emu ou das öbis louft u ned nur das umehoket wirt bis itze die hochzit hei gest sich ou dörfe mit iibrinhe mit dr ungerhautig si heisich de bi de trouzüge g mäudet..

Es got jo no chli finge de scho öbis wo bast:) s resti isch ou no ned ganz definitif u bim eine vo beide het ke band platz... :)
S outo isch en morgan plus:) isch unger argovia classic cars gse:) är darf de säuber fahre

@Novia: Also i ha bim Liluca Bern ja sehr gueti Erfahrige gmacht. So viel i weis gits in Züri ou ä Filiale. Aber ob de ds Personal ou so cool isch, isch halt immer schwierig z säge.

@Jane: Die Chärtli si mega schön! Aber ganz ehrlech, mir gfalle öii no fasch besser... D Idee mit dr Fädere het mir so guet gfalle und d Farbkomposition isch ou mega schön! I fänds mega schaad wenn du die würdsch wäg schmeisse... Anderersits chani di guet verstah, i bi ou immer meeeeega kritisch denä Sache gägeüber woni säuber mache und v.a. weni när so lang a öpis dranne bi fingi schnäll mal öpis anders viu schöner u mis eignä mega amateurhaft und hässlech. Ou wenns vo usse gseh überhoupt kei Grund drfür git...

@Pflöckli: I würds ou so mache wägä derä Kollegin. Du muesch ja würklech no gad nid jetz entscheidä, ob du sie wotsch ilade oder nid. Mir hei ou no paar Lüt "provisorisch" uf dr Gästeliste, wöu d Fründschaft entweder eher gad chli haperet oder wöu mir enang no nid lang kennä...
Aber es cha immer schief gah, mini Schwägerin het ihri hütigi besti Fründin denn nid a ihres HZ iglade, wöu ä gueti damaligi Fründin het gseit si chäm nid wenn sie die iladet - mit derä het sie hüt nix meh z düe. So Sache chame halt mängisch eifach nid wüsse...

@chliini: dake! Ja äbä, so wie igs erläbt ha isch dr Mery's eher ä tieferi Priisklass, da sie die "Eigemarke" hei. I würds uf jedä Fall empfähle, wenn me nid sones grosses Budget het. Eifach uf jedä Fall gad scho vo Afang a der Verchöiferin sägä, wie höch dass ds Maximum isch...

@Sasileu: öii Chärtli gfalle mir ou guet. Ds Format isch mal öpis anders und ds Brutpaar isch würkli härzig!

@Squishy: I würd mir jetz da no keini Sorge mache wägä de Biiträg. Das chunnt de scho, wenn dir d Chärtli dusse heit. Weisch du de, ob sich die anderä Brutpaar öpis gwünscht hei? Ev. hei sie sich ja explizit keini Biiträg gwünscht?
Ou cool hesch ou öper gfunde wo dir d Haar macht! I findes mega schön wie viel Unterstützig dir i öiem Umfäld findet... Da wärde sicher ou paar Lüt ufd Idee cho, irgend ä Biitrag ds mache, meinsch nid?

@ squishy-fishy:
Danke, fürs Kompliment ad Charte. Päärli hemer uf de gliche Homepage gseh wie de Karteabüter, aber sie hends nach eusne Wünsch in position bracht

@malinchen: ah super, merci vielmal für de tipp! Denn gahni würklich na go luege dete, han gseh in Züri gits au eine! Ja ich han im Moment na d Vorstellig vomene richtige A-Linie Prinzessinekleid, wird demfall scho chli türer . Aber wenns au günstigeri hend gahni würklich mal go luege!

@Pfloeckli13: ja mer hürated au in Fehraltorf, am 28. Juni ! Und du, im Septemer oder?Mir hend en Pfarrer vo Pfäffike will ich dete ufgwachse bin und ihr? Hender de Saal au gmietet für de Apéro? Weisch du grad obmer d Tisch chan mitbenütze? Han d Unterlage ebe nanig becho zum unterschriebe, blange scho richtig druf !

@_janedoe, d Chärtli sind meega schön, aber meinsch nöd isch schad für de ganzi Ufwand wod scho gha hesch ? Und so wie ichs in erinnerig han sind die wo du selber gmacht hesch ja au mega schön! Aber isch halt scho so, wennmer öppis selber macht ischmer selber immer am kritischte, aber ich bin sicher eui Gäst freued sich über selber gmachti Chärtli!

@squishy-fishy: Gratuliere zu dinere Friseurin, isch doch super wennd öpper hesch wod weisch dasses dir gfallt, dass suechi auna.

Isch eigentlich scho mal öpper vo eu uf Konstanz go Kleider aluege? Git ja so es Hochziitshuus dete woni eigentlich na wot go luege, vorallem au wägem Priis. Aber wot au uf Züri i die normale Làde und han chli Angst dassi mi i eus verlieb wo denn z Tüür isch

So, wünsch eu allne na en schöne und erholsame Abig !!

@Pricana:
Hee i gah am Samstig mit mim GG uf Konstanz,i glaub das isch au s'Hochziitshuus.Mir wend go Ring aluege,will i bi als TZ emal deht gsi und Kleider hets mega wenig cha aber Ringuswahl het u gross gwirkt und jetzt derfi jo selber go luege

@chliini
D'Aperolocation isch in Ingenbohl/SZ und dFestlocation in Schwyz selber. Mier hend jetzt entschiede, alles i dem Egge zmache, wo au d'Trauuig stattfindet. So ischs au nid es Hin- und herfahre die ganz Ziit
Hey cool hender d'Ring kauft, hesch grad es Bild?
De Michael Auer isch sicher e meeeega Wahl, gratuliere! Ha eifach scho ghört, das er mega tüür seg?

@sasileu
Genau das isches, mer hed e Vorstellig im Kopf und mini Vorstellig hed mi nie so richtig zfriedegstellt. Gits es Bildli vo dim Chärtli? Das mitem Magnet tönt meeega interessant und ich cha mier das gar ned recht vorstelle :)
Drsch, ned so Voreilig! Has jetzt grad gseh! Gfalled mer mega! Eui Gäscht freued sich sicher riesig.

@munggi
Ohh, hesch es Bild vo dine Chärtli? Bin soooone Gwundernase!
Schad wege de Band und wow, schiined ja meeega beliebt zsi!!!

@squishy
Du bisch soooo härzig! Freue mi mega für dich wege de Coiffeuse! Das beruhigt doch scho sehr wennmer wider e Punkt cha abhake!

@Pricana
Mier sind hüt grad im Hochziitshuus gsi. Ganz spontan und leider hed d'Ziit nümme glanget bi de Chleider zluege, hends nume bis zu de Ring gschafft :D

@me
Hey DANKE eu allne für die liebe Wort zu eusne Chärtli, das hed mier meeeeega es guets Gfühl gäh! Die wo die Charte bastled woni postet ha hed mier hüt e Afrag im FB gschickt und gmeint dass sies würd mache. Denn hemmer chli hin und hergschribe, das ich ebe scho alli Iladige druckt ha und denn hed sie gfunde, dass sie demfall eifach es Deckblatt würd gstalte woni de au no mit de Federe chönnt ergänze und de müessti das eifach nur no uf eusi Charte chläbe. Somit bliibts en halb selbergmachti Charte und isch trotzdem professionell! Es isch die perfekt Lösig für eus!

Uuuuund, mier hend EUSI Ring gfunde und kauft! Sind ja jetzt mega lang uf de Suechi nacheme Gschäft gsi, wo de cha bstelle und hend voreme Ziitli im Hochziitshuus z Konstanz aglüte und hüt hed sie zruggglüte und gseit, dass sie en zur Asicht dahed. GG und ich sind natürli gad is Auto gsprunge und losdüüst und er ischs also wirkli, euse Traumring! Er isch mit 2600.- zwar liecht über eusem Budget aber das egal! Freued üs soooo
Mier hend als Gravur welle 'Eigentum von xNamex' schribe, hätt das meeeega witzig gfunde, aber de Platz hed ned usgreicht

Also hüt isch für mich en perfekte Tag gsi! Ich hoff eu allne gahts genauso guet!
Schlafid guet!!!