kleinefeder:
ich finds guet das din schatz zersch sini usbildig fertig macht. en hochzit brucht ja vill ziit und au gäld, drum isches sicher besser wenn er no bis im summer 2014 wartet.
finds aber super das du scho so idee hesch mit fotene usw. ich han no gar kei idee... aber ich dänke das chunnt mit de ziit au no :)

principessa:
wow, en super herzigi gschicht vo euch!! wie im film!!! ha fasch au träne gha bim läse
und de ring isch au u schön!
mier werded evt. au in luzern hürate. aso ufs zivilstandsamt eher ned, aber nacher denn s ässe. mier wohned ja im kt. zug und da isch d uswahl a restaurants seeeehr beschränkt.... ad seeburg hemer au scho dänkt, isch würkli hammer det!

Hoi zämä

@lilmonkeyme: Schöne Ring!! So ne ähnleche isch maui ire Bilag vor Coopzytig gsi, aber mit Silber, u da mir dFründschaftsringe bereits in Silber hei, hei mir ebe es anders Material wöue.

@Carole: I finde ne no guet. Aber faus de öbert im Dütsche kennsch, de lah dr ne dert ane lah schicke, chunnt di billiger...
Mir si mi Verlobigsring im November ga bstelle, u am 14. Dezember hani ne chönne ga reiche, u sit denn liegt er im Büro bi üs deheime... GG het dIdee, dass es mau no ne Atrag git, bi aber gspannt, obs überhoupt no so wiit chunnt, oder ob er mir dä mau bimne gmüetleche zNacht git. Muess ne gloubs mau umi chli drufaspreche...

@kleinefeder: U wenn Din Schatz es Foti abzeichnet, u dir dass denn vervielfältiget, u Du das verbastlisch? Weisch was i meine?

@laprincipessa: Wäri doch ou schön am Jahrestag zivile zha, u denn im Summer no zkirchleche. Wenn sit de Dir zämächo? Säg mau, was heit ihr für nes Budget?? Aber für nes Video, chasch ja ou gugge, ob nit en Kolleg hesch, wo de süsch gar nit würdisch ilade, u denn er Dir chönnti es Video vor Trouuig mache.
Din Atrag tönt troumhaft!!!

Lula:

---

Hoi Carole, ha Dir gad e PN wöue schicke, aber Du hesch das gsperrt?!

@Carole: Jep, jtzt geits.
Naja, mir si ja ebe eigentli scho fasch zwiit für no ne klassische Atrag. Aber chunnt de scho was. Mau gugge. Das isch ou mau was, so aus Geburigschänk. I ha mir dä aus Adventsgschänk gad säuber gschänkt, GG het drfür e Adventskalender brcho.

guguseli

carole: danke vilmol jo s isch würkli wie im film gsi bez. no besser hehe ;)ah jo vo zug bisch jo au schnäll z'luzärn! sinder d'seeburg dänn scho go aluege? das wämer jetzt dänn ebe bald mol mache nach de hochzytsmäss :)

lula: jo wär ebe würkli no cool gäl am 05.04.09 sindmer zämecho und im 2014 triffts sogar uf en samstig - vilicht scho es zeiche ned? ;) aber zum s'ganze fest dänn z'mache hani eifach z'fest angst wägem wätter - april april, da macht das wetter was es will oder? ;) danke hehe :) falls din Göttergatte (haha uf das wäri jetzt niiieee cho ) dir dänn au no en Atrag macht bini au scho gspannt uf d'Details ;)) ah wägem Budget hämer mol gseit 30 bis allerhöchstens 35! wilmer halt ebe am Obig so vil Lüt sind und imene schöne Restaurant wänd go ässe müendmer scho mit dem rächne.. und ihr?

FringillaVigo: hmm meh Lüt ilade fürs Apéro isch kei Option? ;) mer seit jo mer söt möglichst vil Lüt am Apéro ha & dänn am Obig wenig (mir sind zwar au am Obig no relativ vil) aber dänn chöntsch ebe d'Chile ev. chli uffülle? klar mer söt scho nur die Mönsche ilade wo eim wichtig sind aber isch so en Idee gsi? oder wänd no chli witerluegsch ev. findsch sust no en schöni Chile / Kapelle i de Nöchi wo chliner isch? :) Glaueb isch no schwirig dini Frog z'beantworte, schlussändli muesses für dich stimme und mit vil Bluemedeko chöntsch jo ev. die"hässlichi" Chile au chli ufpeppe? ;)

ps: chamer bi öich au kei "at" s schribe? s'chunt: URL's und e-Mail Adressen sind zur Zeit in Thema Erstellung / Antworten NICHT erlaubt.. so doof :p