@sasileu
Ihr schiined ja en exklusive Gschmack z ha Nimmt mi de Wunder was ihr findet!

@Lula
Findes amigs sooo luschtig im Usgang dene Fraue zuezluege wo riese Hake ahend und laufed wie Störch. Unmöglich
Ohjee bi dier tönts wirkli ned so guet. Weiss gar ned wasi dier da söll rate!

@me
Es chunnt immer besser Eusi 'Karteretterin' (so nenn ich sie jetzt eifach :D) macht mier no passendi Boxe für d'Chärtli, die sind ufem Bild woni gester postet ha au druffe gsi. und passendi Namens/Tischkärtli in Form vo Milchboxschachtle womer denn direkt chönd s'Gastgschenk driitue! Ich verreck ab dere Frau, die isch sooo grossartig. Sie macht sich e riese Arbeit, wohnt in Österriich, isch aber Dütschi und ihri Schwöschter wohnt zuefälligerwiis ganz i de Nöchi vo eus. Jetzt chani dere en Mustercharte bringe und sie bringt sie denn de Karteretterin uf Österrich und nimmt die fertige Charte wider mit.

@Squishy: Ja isch übernime Studentinne, geschter sinds do gsi. Ich nimm aber nid ah dass die kennsch, ich übernime jo Studis vode PHTG.
Jo i freu mi au über di tolle Rückmeldige, und über die komischi…nennemers Halbabsag…schriebi noher no.
Mir hend en super Apéro-Catering us Will www.h2plus.ch SUUUUPER!!! Und chasch selber sägä wieviel ihr wänd usgeh pro Person!!! Sie gönd uf alli Wünsch i

Komischi Absag: Wienich gseit han, sie sind ganz sicher nöd trennt. Es het mer denn aber kei Rueh loh und ich bin am Mäntig Obig no verbi gange.
sie sind grad beidi dihai gsi und i ha denn gseit wies mir goht und ebe dasis so komisch findi.
Er het denn gmeint er hegi etz nöd so de Bezug zu üs und drum welli er üs nöd no uf de Täsche ligge. Ich ha denn betont, dass er üs nöd uf de Täsche liet, und dass mir ihn sehr gern iglade heged, vo Herze, und nöd nur als Ahang. Ich segi ide letschte 6,5 Jahr wo ich BEIDI kenn…au a diverse Fäschtli bi ihne gsi (ja wie gseit sogar grad vergangene 25.Dez)!!! Er chön sichs ja nomol überlegge…wenner nöd weli segs au OK! Etz chani sägä: WER NÖD WILL HET GHA!
I säg nöd dasi mit ihm immer super uf einere Welle gsi bi, aber grad hani ihn chli meh schätze glernt, und das wo er macht isch nöd grad sehr konstruktiv. Für sie wärs doch au uh huere blöd…sie am ganze Fäscht und er goht am Apéro hai??? Sorry, aber….tssssss

@Lula: es halbs Joohr no gaaar nüm lang. bi üs sinds genau morn no 7 Mönet!!!

@Novia_Mayo: schad schriebsch nümme do, gohts guet? Liluca gits doch au zZüri, oder?
Also i cha nur schwärme vo Liluca, hehe!

@Sasileu: Gfalled mir sehr guet eui Chärtli und Magnet!!
Für das Geld findeder sicher super Ring. Immerhin sölleds eu au lang hebe und gfalle!

@Janedoe: hey so kuul händer euren Ring chönne bstelle!!! Mir chönden au bald go abhole, henden ja in KN bim Goldschmied macheloh. Gell, i hans jo schomol gseit gha, aber die diagonale Steinli gfalled mir immerno wahnsinnig guet a dim Ring.
schriebsch wennd s’negsch mol zKN bisch? Denn chönntemer es chlises Bräutetreffe mache

Me: min Brüeder isch nach 19 Mönet Hochzitsreis haicho am Sa und etz sinds sitem Mo bi üs. Er isch au üse Tätschmeister. Leider lauft grad so viel bi mir mit Eltereobig und und und, dasi gar nonig Ziit gha han dZiit z'nutze und mit ihm chli z'plane.
Also gredet hemmer scho über sHZ, aber halt au über ihri Reis und so...

@daenu
Hihi vielleicht chömmer ja grad gliichziitig de Bescheid über das dRinge fertig sind? Also ich melde mich uf jedefall wenns sowiit isch, de chömmer echt es treffe organisiere, wenns grad passt
Hoffentli leit sichs bald mit dine ganze Termine, dass mit dim Brüetsch chli chasch plane!
p.s. lueg mal i dim fb postfach bi sonstiges

Das mit dim Kolleg findi recht komisch. Ihr kenned eu ja doch scho recht lang und au wennmer nöd immer uf einer Wellelängi isch, findi, mer chönnt das Gschenk, en Iladig zbecho, doch eifach aneh. Was seit denn sini Fründin überhaupt dezue? Also ich wär glaub recht sauer uf min GG wenn er sich so würd astelle bi Lüüt womer scho ewig kenned...

@muenschii
härzlich willkomme und härzlichi gratulation zum Atrag! Hesch en Ring becho? Wettsch eus chli vo dier/eu verzelle?
Die letschte 360 Siite nacheläse wär glaub au de wahnsinn
I welere Region wärded ihr denn fiire?

Also mier hend es Gsamtbudget vo 25'000.- als absoluts Maximum. Hoffed aber schwer, dasmers schaffet drunter zblibe!

Zuletzt bearbeitet am 11.09.13 16:33

Hoi liebi Fraue...

Ab und zue hani chli mitglesse da im Forum. Han mich aber nonig so richtig getraut zum mitschriebe. Hihi! Aber jetzt hani dänkt machi doch au mal mit. Drum stelli mich gad vor und den chönder mich usfröge wenn ihr wend…

Vor enere Wuche hämer erst agfange plane aber händ scho rächt genau gwüsst was mer wend. Den hämmer de letscht Samstig 5 Lokations i allne mögliche Gegende abklappered. Und das hämmer bis jetzt:

Mir hüratet am 13.06.2014 und hend das spontan entschiede. Es isch en FR und ja es isch de FR de 13. aber mir findets irgendwie genau darum lustig. S coole a dem Datum isch musch der wenig Sorge mache wills fast niemert wott. Euses Zivilstandesamt hät no jede Termin frei a dem Tag und s Resti au wo mir gah wend. Jetzt hämmer die Wuche einiges reserviert.

Mir hüratet „nur“ Zivil im Standesamt Bade i de Villa Boveri im Gartesaal (dümmer morn reserviere), nacher gömmer is Hotel Seerose in Meisterschwande wo direkt am Hallwilersee lit. Dete simmer im Classic Teil. Mir hend als Motto so chli Vintage / Landhus Style. Was jetzt no sueche isch en VW Käfer wo mer vom Hotel is Standesamt chömed. Ich dun ebe sicher mit de TZ scho im Hotel übernachte vor em Hochziit und den luegi dasi gad im Hotel d Frisur und Make-Up mache lah chan. Schön findi das d Hotelzimmer so zum Stil vom Hochziit passed und darum wird au d Fotografin scho bim Vorbereite debie sie. Mir hetted hüt eigentlich euses Shooting für d Iladige planed gha hämmer aber leider wegem Wetter müsse absäge. Jetzt werdemers afangs Oktober mache. Wenn mer mit de Fotografin einig werdet und sie guet findet den nämed mir sie gad für eusi Hochziit - euses Datum hät sie uf jedefall reserviert. Den hämmer de Bluemelade mal aglueged und chli Deko studiert. Bluemeidee duni es Foti drah wie vom andere au. D Farbe wemmer so in altrosa, pistasche/aqua und wiis/beige halte bzw. eifach alles in Pastell. Findi amigs no richtig schwierig i de Richtig blibe. Den gseht mer dete wieder öpis und denkt au no schön und muss sich den wieder besinne - nei passt nöd zu eusere Idee. Schwer, schwer…

Was mir jetzt no bruched isch Musik, Chleidig, Deko, Flitterwuche, Ring (vorstellig hämmer scho gnaui und händ au probiert aber DE Ring isch nonig debie gsi)… Het sicher no meh aber das chund den nach de andere Pünkt. Hihi!

Freu mich mit eu mitschriebe und entschuldiged, dasi eu scho so volltexted han.

P.S. Mir hend vo de Trauuig bis zum Schluss alli Gest debie und werdet zwüsched 40-50 Persone sie.

Datei-Anhänge

	Seerose.jpg (24x) Mime-Type: image/jpeg, 25 kB
	Kleid.jpg (40x) Mime-Type: image/jpeg, 49 kB
	Blumen_1 .jpg (30x) Mime-Type: image/jpeg, 149 kB
	Zivilstandesamt_1.jpg (20x) Mime-Type: image/jpeg, 220 kB

Danke Munggi mussi gad mal luege.

Hihi, will immer weni glässe han, hani nachher denkt ohoh, mir händ ja no garnüt reserviert im Gegesatz zu eu da drinne. Den bini amigs gad chli nervös worde.

Ja mir hend eifach welle sicher gah, das mir wenn mer in Festsaal inelaufed säged - WOW! Und lustigerwiis hät eus s letschte wo mer aglueged hend am beste gfalle wies hald mängisch isch.

Ups, eifach vergesse zschriebe. Mir hend scho es Apero das wird vor em Restaraunt direkt am See sie. Und falls nöd guet Wetter isch isch dine e Lounge wo erst das Jahr baue wird wo im gliche Stil wird als Uswichsmöglichkeit vorhande.

Nei s Chleid hani nonig... Das hani ebe online gfunde, aber finds total schön. Ich wird den im Okt./Nov. mal i Bruutläde gah und den mal luege wasi gfinde.

Apropos Budget, mir hend grechnet ca. 20'000 CHF. Ohni Flitterwuche... Hoffe das schafmer.