Muenschi ;) han aber ou eigentli gwüst daser ned söti nei säge;)

Bezüglich wätter hani aus erst e reservierig ufgä;) de heisi gmeint sie güenges notiere aber lb de no liferbar sigi wüssesi ned

Muenschii: Ich find mir hend zwar die wichtigste Eggpfiler aber usert em Zivilstandesamt und de Lokation hämmer ja no nüt reserviert. Ich chans irgendwie nur als erledigt gseh, wenns definitiv isch. Jetzt isch hald alles no chli "schwammig" und mer het 100ti vo Idee. Irgendwie schaffemer das doch alles!

Daenu: Ja ich dänks au das nächstmal den klapped wird afangs Oktober sie. Bi wellem Fotograf sind ihr gsi? S guete isch jetzt chamer chli a de Iladige umebastle. Mir werdets online bstelle nöd selber bastle. Hämmer schlicht wägs kei Ziit... Aber han e mega Siite gfunde. Wo händ ihr eui Iladige gemacht oder werdets mache? Danke wegem Chleid, ich hans leider nume online gseh... Wer ziemlich günstig. Aber ich weiss nöd obi das wage wott online bstelle. Go probiere imene Bruutgschäft wirdi so oder so.

nicht registriert

Guuuätä Abiig mitenand,

Nu en halbe Tag nöd driin und scho explodierts, 5 Siite aah eim Tag. Isch das echt noiie Rekord ?

munggi: Oooh woow, uf dä Siite 309 hesch ja irrsinnig schöni Sache postet. Dä Schmuck gseht so schöön us und au Karte iisch dä hammer. Ihr hend au es uuh meega lässig Bruutbaar und diä Kordle. Gfallt mir sehr!! I weiss ned, han ii viellicht dozemol scho gsaiit, aber so Kompliment darf meh siicher zweimal gäh

Janedoe und Lula und Sasilu: Wüünsch eu guäti Besserig und chlii Wärmi zum Uftanke. s'Wetter het ja wirkli gad ä Sprung geg abä gmacht

Sasilu: Oooh ins Standesamt gönder. I bii suuper gspannt uf dii Bricht. Da stot jo irgendwenn bii uns au aah. Bin froh, wenn ii scho chlii weiiss was lauft! s'Ringbudget iisch echt ned schlecht. Do werdet iihr siicher was tolls finde! Bii denn au scho gspannt

Janedoe: Wooow!! Wooow! Wooow! Ihr sind do aah ä Wunderfrau groote. Meega Glück dass ihri Schwester so nöch wohnt! Es tönt so toll, was sii für eu alles so liebevoll macht. I bii jetzt scho gspannt uf s'Resultat. I nimm aah du au ?

daenu: Danke für dä Link. Es tönt grad wirkli meega spannend! Hend iihr diä agfragt? Darf ii so indiskret nafrage, was ihr pro Person zahlet und defür überchömet?
Du ja, es giit eiifach Lüüt, wo mengmol chlii komisch denket. "I wott nöd uf eurer Täsche liige" Was isch denn da, find ii chlii eh komischi Begründig. I finds sehr ufmerksam das extra verbii gange bisch. Da zeiigt ja scho nur, dass er dir ned nuur egal isch, au wenn er nöd jetzt en meega enge Kolleg isch... Aber jo, wer ned will het gha.
Wooow, 19 Monat Hochziitsreiis? Da tönt jo obermeega hammer. Wo iisch er hii? Jetzt han ii's gad glese. Ned schlecht so eh Rucksacktour. Wer aber wer nixx so für mii. Hochziitsreiis söll au chlii gemütliches chillen sii.

muenschi: Welcome to our Forum! Schön, hend mir eh Bruut meh zum Ustuusche! Ich fiind ihr hend scho recht viil! Leiider kenn ii aber keii Location bii diir ii dä Nöchi für diä freii Zeremonie
Unser Budget liit au bii 25'000.- maximal! Am Apéro siind enorm viil Lüüt (uf dä Liste siind 300, hoffet aber uf ganz viil Abmeldige ) und am Obig no 70. Wa siind denn so eui Vorstellige?
Jetzt han ii's jo grad glese. 10'000 isch scho eher schwierig aber ned unmöglich. Het au ä "Forumsgruppe" wo Budgetvorschläg het. Han eini gseh wo 2000.- usgeh het fürs Hochziit. Giit nixx, wo's nöd giit Aber er het ja scho chlii iglenkt

Pfingstrose! Au diir es herzlichs Willkomme! So schön wiä unser Forum blüäht und gedeiht. Immer meh kreativi und zurratstehendi Bürtlis Ihr hend jo wirkli Gas geh mit Vorbereiite. Schön, dass bii eu so guät lauft! s'Kleiid iisch wirkli wunderschön und d'Laterne uf em einte Foti sind mir grad ins Aug gstoche. Sowas gfallt mir soo guät!!

Wünschä eu allnä ä guäti und erholsami Nacht. Pfuuuset guät!

@Lula: Ups, stimmt ha vergässe es Foti ufelade. Machi jetzt, aber ebe, das isch nur e ungefähri Vorlage wie eusi Oberflächi söll si.

@squishy-fishy: Danke!

@me:
Min Termin bim Zivilstandesamt staht
Total verchältet, unhübsch und die ganz Ziit verpfnüüslet bini hüt Morge mit mim GG bide Stadt euse Traumtermin go ussueche.Und die Dame isch u herzig gsi, so wie chani eui wiiterhelfe...mir würdet gern eusi Standesamttermin abmache...findet Sie immene u fründliche, fröhliche Ton oh super, das isch schön! Mir euses Wunschdatum gnennt, sie eus na paar Infobroschüre geh, unter anderem muemer 3Mönet vorher nomol verbi cho zum Sache bespreche etc. Nacher het Sie gmeint sie wünschi mir gueti Besserig, aber i heg jo jetzt ganz offiziell en Verlobte a minere Site wo bestimmt guet uf mich luegt und das sie eus e schöni, ufregendi Vorbereitigsziit wünschi.
Isch kurzi Sach gsi, gradmal so 15min aber ald glich speziell
Joo und jetzt ziehni mi wieder zrug ufs Sofa und s'Bett, damiti immerhin für am Samstig echi fitter bi.
Aja, e herzigi Chlinigkeit hani vo mim GG au na becho als Überraschig

@muenschii
Ja, ich han eu e Ring becho
Im Budget sind 55 Persone am Abig und ca 80 am Apero igrechnet.
Wieviel wend denn iher usgeh?

@Pfingstrose
Willkomme!
Ame Friitig de 13. hürate findi super! Morn wär ja au sone Kandidat
Und weisch was, es isch au no grad vollmond am 13.6.14... Da hender sicher e super Sternekonstellation
S'Chleid gfallt mier mega, hesches de bi some Chinahändler entdeckt oder ime 'seriöse' Shop?

@daenu
Hender eu für en Gravur entschiede? Mier hend d Schrifte au nöd gfalle!! Drum hemmers schlussendli in Handschrift gmacht. Isch deno persönlicher
Hmm ich find au ned, dass sie sött striite mit ihm wege dem, aber irgendwo chönnt ich nöd sege, es gaht mich nüt a?

@sasileu
Wünsche dier uf jedefall viiiiel Spass am Samschtig, hoffentli macht s Wätter chli mit!
Und gratuliere zu euem Termin! Cool dass das klappet hed! Hend iher de müesse persönlich verbii gah? Mier hend das ebe eifach am Telefon gmacht..
Gahts der demfall no nöd besser? Ich ha min GG jetzt no agsteckt und mer sötted beidi dehei im Bett bliibe aber chönd ebe nöd...
Wow, eui Ring würded mer etz au no meeega guet gfalle! Gsehnd au ziemli hochwertig und tüür us :D

@squishy
Ich bi soooo fescht gspannt, ja! hihi Mal luege was sie eus bastled. Gester hed sie mier es paar Vorschläg vo Papier gschickt wo sie chönnt verwende, und gaht voll uf eusi Wünsch i. Tooooull

Liebi Brütlis, i mäude mi unter die Läbige zrügg! Isch aus guet gange und itz bruchts haut eifach Geduud. Geit aber jede Tag besser. Ha ou fliessig versuecht mitzläse, aber ha eifach bis itz noni möge schriebe… am Samsti darfi so wies usgseht hei und de no 2 Wuche dähei erhole.

Wiukomme Muenschii und Pfingstrose! Dir heit ja würklech scho viu chönne erledige. Bi üs steit ja ds Wichtigste o, aber im Momänt isch natürlech komplette Planigsstopp wüu ig im Spitau bi… defür hani de när chli Zit.

@Janedoe: Bi euch geits ja gad angers ab! Tönt nachere super Lösig mit de Iladige,bi gspannt!

@ aui chränkelige: wünsche euch aune gueti Besserig und füehle mit euch, sehne mi nach 3 Tag ir Waagrächte (mit super sexy Thrombosestrümpf) o nachem Autag zrügg wo nid aus so asträngend und schmärzhaft isch… aber es chunnt de scho. I gloub dr Herbscht het jetz würklech Izug ghaute und mir müesse üs wieder uf die chüeleri Jahreszit isteue.

@malinchen: Haaaammer Chleid hesch usgläse! I ha ja sooo müesse schmunzle! Genau das hani scho i verschiedenste Heftli gseh und immer dänkt, das müessi de vielech o mau aprobiere… finde dr Rügge und dr Usschnitt meeega schön! Steit dir sicher super.

@me: so, i hoffe i cha ir nächste Zit o wieder meh mitschriebe, aber bi däm Tempo wo dir a Tag leget, isches nid eifach (vorauem nid churz nachere Vollnarkose…).

Es schöns Tägli aune!