Lula: Mir chönd s Standesamt zum Glück scho 1 Jahr vorher reserviere. Bini ziemlich froh. So 3 Mönet vorher findi immer so knapp und heikel. Mer weiß ja nie ob de Termin den scho weg isch. Und da mir nüme Zivil hürated isch das scho au es Kriterium gsi. Wege de Turte hani mal chli im Internet gsuecht und ich find's no schwierig zum en guete Abüter finde. Mit em Resti hemmer zum Glück chöne verhandle, dass mer s Tellergeld striched. Suscht hetmers glaub lah. Mir mached ebe es Käsbuffett und den no Tourte. Keis Dessertbuffet...

Budget
Mir hei 25'000 als Obergrenze. Bis jetz gsehts nid schlächt us, dass mir das schaffe. Aber ou wöu mir immer wieder vo allnä Sitä Gschänk bechömä (ds Outo chöi mir gratis vo mim Chef bruche, ds Brutchleid schänkt mir mis Mami, GG's Mami schänkt ihm si Azug etc.), das Gäld chöi mir jetz als scho fürd Honeymoons ufd Site legä...

@Sasileu: Oh, isch sicher ä spezielle Moment gsi dä Termin ufem Standesamt ga reservierä!

@Taeboyana: Schön, dass alles guet gange isch!!! Und nur no 2 Mau schlafe när chasch scho hei! Haha, so zviel dass das Chleid scho agluegt hesch! I würd i däm Fall de is Liluca... Es isch würklech meeega schön und bequem!
I mues jetz mini Rückemuskulatur no chli uf Vordermann bringe...

@chliini: oh das tönt ja mega cool mit öiem Huus!!! Cha mir guet vorstelle, dass das für di fasch dr grösser Schritt isch gsi, als dr Atrag...

huhu chliini22
ich han schnell e frag a dich weg em huuschauf und de namensänderig:
mer händ jetzt au grad d reservation für es huus unterschribe und unterschribed endi september de vertrag bimne notar. und nächscht jahr im april werde mer hürate.
villicht weisch du das grad well du ja zemlich ide gliche situation bisch: muss mer d unterschrift im chauffvertrag und de iitrag im grundbuech nach de hochziit namal ändere weg de namensänderig? und chömed da namal notarchöschte dezue?
merci :)

chliini22:

---

dä grösser schritt hani im früehlig letscht jahr gmacht..wo mir underschriebe gha hend fürs huus.. das isch für mich fast emotionaler gsii als dä atrag und zwüsse das ich glii min name wird abgä.. aber es isch euse wunsch gsii dass mir quasi als chliini familie iziehnd.. und drum au im januar..dä müend mer alles nur eimal ändere.. mir hettet au chli früehner chöne studiere und letscht jahr na überlegge wegem hochziit aber irgendwie isch eus das gar nöd in sinn cho..

mir händ im kanton aargau es huus kauft. es isch es doppelEFH wo mer selber umbaued (baujahr 1934). es isch halt sehr alt und mer muss uh vill mache. aber es isch für eus die perfekti lag, e super grössi und miteme schöne garte und ere riese terrasse wo mer chön usbaue :) und ehr?

Sasileu: Also ich bin scho in Thailand und in Bali gsi... Findi beides total schön. Chund hald au chli drufah was ihr wend und wie lang ihr gönd?! Warum z.B. nöd beides?

muenschii: Also mir werdet s definitive Menu erst 1-2 Mönet vor de Hochziit müsse festlege. Bis jetzt hämmer eus aber so dänkt:

Gemischte grüne saisonale Blattsalate
mit sautierten Champignons und Kräutern

Kraftbrühe «Royal»
mit Eierstich und Lauchstreifen

Rindsfilet «Wellington»
mit feinstem Trüffeljus serviert
mit Thymian-Bratkartoffeln
und einer bunten Gemüseauswahl

Käsebuffet

Hochziitsturte