Minggi: Dis esse tönt au mega fein! Und ich liebe Fleisch vom heiße Stei. Aber ich würs ehrlich gseit nöd fürs Hochziit wähle. Mir hend das mit em Gschäft letscht Jahr als Woehnachtsesse gha und nachher schmöcksch imfall extrem starch nach Fleisch und Fett vom brötle. Hesch hald nachher de Gruch de ganz Abig. Suscht würdis sicher vorher usprobiere ob's eu nöd stört.
Hmm usbrobiere dürmer göi jo nöchschd fr go de saau a luege( sternenhimmel aus swarofski steinen) Is sicher eis so es fleisch;) ou zum luege öbis öbis gänd für chleider ni das die versprütz si! De gsemers de wimer üs entscheidä..
@chliini: Jep, ha ebe süsch ou gäng ziemli es Chaos gha. Wieso müend ihr dänn Juni/Juli i dFerie? Hoffe ihr findet für öich di optimal Flittis E chlini fändi ebe schad, wetti gärn dr oberst Stock ifrüre füre erscht Hochzytstag u wenn de aui wei isch ja de glich zweni da. Und weisch scho was de wotsch mache, wäg dr KK?
@Pfingstrose: Mir chöi hie es haubs Jahr vorher reserviere, u müesse närne 3 Mönet vorher für die Trouuigsermächtigung gugge u dDokument ireiche wo si bruche, u das Ehevorbereitigsgspräch füehre. Wie hesch de das mit am Resti chönne verhandle? I bi mit am lienert ( http://www.lienert.ch/content/index_ger.html ) am lieböigle, da macht ebe ou gf Tortene u het hammer schöni dinne. Du hesch Dis Menu ou scho? Tönt aber ou wunderbar fein!
@sasileu: Isch doch e wunderschöni Idee mit de 7. Stöck! Nach Dire Idee sette mir 5,5 Stöck ha
@muenschii: Wenn hürotet ihr nöime? Mir hürote i 6 Mönet u hei no so kei Ahnig was mir wei, has aber ou no nie zämä agugget... Aber wow, Dis Menu tönt wunderbar, da chunnt me ja direkt Hunger...
@squishy: Was weit de Dir so plane? Aso fürs TZ Träffe.
@munggi: Tönt aso ou fein bi öich, bi aber ou nit sicher ob dr heiss Stei optimal isch, scho nume wäg am spritze, etc... Isch sicher schwierig zschribe, dass dAperogäscht am vieri söue gha. Wie wäris de, wenn ihr denn e Kutschfahrt, oder e Stadtrundfahrt machet, u so e klare Schnitt heit? Üse Iladigstext, für dAperogäscht ohni Fescht, mit 4 Versione Di/Öich
Weiss eifach gad nit, ob Dir das so viu hiuft?!
@me: Ha hüet dr Termin uf am Standesamt chönne alüte! Jtzt heisst umi drüü Mönet zwarte bis mir das Ehevorbereitigsverfahre chöi i Agriff näh... Mit mire "aute TZ" hani geschter gredet, si het gmeint, si heigi so was scho erwartet u gottseidank isch zgrosse Drama (afe) usblibe. Auerdings weiss si nit ob si as Hochzyt chunnt, derte wott si mir no Bscheid gäh. Aber es isch würkli dr richtig Entscheid gsi. Si het di meischte Zyt vom Träffe über sich u ihre Job gredet u Schwierigkeite mit anderne Kolleginne... Übers Hochzyt hei mirs paar mau kurz gha, si het aber gar nüt nachegfragt... U nach däm sis erfahre het, het si gmeint si müesse nüme mache, etc... Das Wucheändi wärde mir vorwiegend gniesse, u gugge dass mir nit zviu deheime si
Lula: Oh isch scho speziell mit dinere TZ. Bin froh für dich häsches jetzt chöne säge isch dir sicher au en Stei vom Herze gfalle. Und die Variante wies jetzt häsch passt ja sicher viel besser für dich. So schöni Iladige! Super gmacht... Ja Text isch hald so e Sach... Finds au mega schwer.
De het würklich au schöni Turte... Ich han mal uf Zuckerbunt glueged. Find die eifach de HAMMER! Aber eher tüür... Wegem Tellergeld hämmer am Resti eifach ehrlich gseit, dass mir ja quasi s Käsebuffet als Dessert het und wenn mir no Tellergeld müssted zahle den würded mir das weg lah und en normale Dessert mache au wenn mirs schad findet. Ihm würdi das Geldmässig ja nix bringe. Den heter den igwiligt. Zum Glück... Mir hend ebe au no öpis anders wo mir münd asprechre aber hend dänkt mir wartet no chli... D Stuelhusse wo sie händ chosted pro Stuel 8 CHF also bi 50 Lüt gad mal schön 400 CHF für öpis wo sie immer dete händ. Findi also enorm viel... Oder isch das bi eu au so?
Aso jetzt chunnd mer ja de nach es paar Stunde offline sii fascht nümme mit
@sasileu Mega herzigi Idee mit de 7Stöckige Torte! Hoffentli sinds de au gnueg Lüüt wo devoo essed
@Pricana Ich han ebe au scho einiges schlechts über d’Beraterinne ghört aber ich wett so gern dett ane wege de riesige Uswahl. Mal luege, ich brichte uf jedefall! Mier hend de Termin uf die 6i gmacht, sie hend Abigverkauf bis am 9i und das wärdemer wahrschinli usschöpfe, mer zahlt ja au 50.- für d’Beratig
@Lula Ja es isch echt de richtig Entscheid gsi wege de TZ! Die isch ja de hammer echt! Voll denebet, dass die jetzt findet sie wüss ned ob sie as Hochziit chunnt? Die würdi glaub grad gar nöd ilade. Ui, s’macht mi grad richtig stinkig! Total egoistisch!
@squishy Viel Viel Spass am Weekend mit dine TZ, hoffentli hebet s Wätter für es Glace
@munggi Mier schribed folgendes uf dIladig: Die Trauung findet um 14:00 Uhr in der kath. Kirche xx in xx statt. Zum anschließenden Apero in xx, laden wir dich/euch herzlich ein. Ich glaube ehrlich gseit nöd, dass die Aperogäscht das explizit müend gseit becho oder meinsch scho? Bi eus werded das d’TZ koordiniere und dGäscht de informiere, das mier jetzt wiiter id Festlocation gönd.
@Pfingstrose Mir hend die Diskussion au gha wegem Gabelgeld. Und schlussendli hed sies denn in Menüpriis inegno. Wege de Husse, mier hend eus dumm und dämlich gsuecht wege Husse, 8.- liit glaub zimli im Durchschnitt. Ich ha de zum Glück hie im Forum dörfe anere Mitbruut ihri abkaufe. Wenn das nöd klappe hett, hettis hie bstellt: http://www.chaircoverfactory.com/
@Menü & Hochzeitstorte Euses Menü gseht so us (hend ja schomal eis gha, aber das hemmer ez leider chli müesse abändere willmer am Caterer abgseit hend)
Melonensspiessli mit Rohschinkenrosen garniert
***** Kartoffelcremesuppe Mit Rahmhäubchen und Safranfäden dazu Blätterteigherzen
***** Buffetvariationen Vom Grill: Rindsfilet, Lamm Racks, Pouletbrust, Schweinssteak Kalbsbraten Dazu Kartoffelgratin, Nudeln Bohnen, überbackene Tomaten, Karotten Verschiedene Saucen
***** Mier werded en vierstöckigi Hochziitstorte ha, aber ich denke, dasmer nur zwei Stöck Torte möched und die restliche zwei Styropor oder so. Und d’Cupcakes wärded im gliiche Stil wie d’Torte
Was zahled ihr eigentli fürs Esse/Trinke pro Person?
@me Am Weekend müesstemer beidi schaffe, also wär hochziitstechnisch chli Pause aber GG isch gester Abig spat nachem schaffe no zum Arzt und hed d'Diagnose Bronchitis, sini Ärztin hed de gfunde, ich söll das unbedingt au abkläre, jetzt hani hüt am 5i en Termin. Mal luege was de Arzt meint und obmer de beidi chli dörfed flachligge :/
@chliini22: super wenn dis Geld zrug bechunsch!! ich weiss au nöd, ob ich würd azeig erstatte oder nöd, würds wahrschinlich wägem Ufwand nöd mache, aber eigentlich söttmer ja scho, so lüüt sötted nöd ungschore devo cho! also wie meineds das mitem "kein typische hacker agriff", chönts demfall öpper sii wod kensch? so sache sind echt müehsam :(!
@munggi87, ich bin leider erscht na uf de suechi nach de richtige Karte, chander drum nanig helfe mitem Text :)! Aber Fleisch vom heisse Stei tönd meega!
@Lula, mir ich han mir au de Lienert aglueged für eusi Torte Wot ebe so e grossi Wissi mit lila oder pinke Schmetterling duruf und ich glaube dete hani so eini gseh . Super isch s Gspräch mit dinere alte TZ "normal" gloffe, aber wieso weiss sie nanig ob sie as HZ chunt, wäge dem was gloffe isch?
@Pfingstrose: mir werdet au öppe so viel zahle für Stuehlhusse. Sie hends früehner für CHF 10.00 / Stuehl abote aber ez tüends umbaue i eusere Locations und denn chaufeds eigeni, denn hetter gseid es wird sicher bitz günstiger. Aber ich glaub wassi so gseh han isch das leider normal pro Stuehl. Ussert mer chauft ali selber, dass chönt evt. na günstiger cho.
@me: ich wirde nöd viel mache am weekend und freu mi mega uf das isch soo e strengi Wuche gsi und bin eifach froh wenni chli ziit han zum poschte, ufrume und HZ-Sache aluege :)! Mir sind immerno am luege wägeme Fotograf, hend leider eifach na niemert gfunde wos Priis/Leistigsverhältnis passt für eus =/.. Und d Kartene wotti eigentlich auna finde das weekend, da hani mi eifach nanig chöne entscheide :).
@_janedoe, bin würklich gspanne was denn verzellsch! nei würklich, zahlsch 50.-? Isch das ide andere Läde au eso? Aber isch kul hends so lang offe amene Abig, denn chönti demfall doch au mal go luege dete :) Ou guet hesch en Termin uf di 5-i und hoffentlich hesches nöd au! Und wenn doch chunsch wenigstens grad die richtige Medis über! Wünschder uf jede Fall ganz gueti Besserig!
So, wünsch eu na en schöne churze Rest vo dem FR nammi!!
Merci euch aune fürs liebe Wiukomme zrügg-heisse und die liebe Wünsch!
Juhui, i darf morn hei und freue mi wienes Chind Bi hüt mit mim Mami scho es Rundeli dusse ga loufe - o wenns no im Schnäggetempo u mit ere sehr spezielle Körperhautig isch, hani glich Freud! GG isch ou ganz härzig mit mir, chunnt jede Tag und mir freue üs beidi mega ufenang
So, machet nech gfasst ufne lengere Post, i vrsueche mau chli uf die letschte Biträg vo euch izgah... mau luege obsmer glingt. Wird vielech chli es Dürenang, sorry!
@Chliini: das isch ja e Sach mit dire KK - i würd mer aber scho überlege, ob nid glich e Azeig wosch mache. Isch schliesslech e strafbari Tat und mir wär itz irgendwie schono wichtig, dass die Person nid eifach ungschore drvo chunnt. Chasch de süsch sicher si, dass das när nieme vorchunnt?
@Squishy: Ou super, heiter eues 1. TZ-Träffe! Was düeter vorbereite? I ha sithär mini TZ nomau elei troffe (sie isch gad id Ferie, woni iz Spitau ha müesse) und mir heis so guet gha zäme, über ganz viu Hochzitssache gredt und es isch eifach wieder aus guet gsi, wie vor üsem Missverständnis a üsere 1. Sitzig. Das het uuu guet ta. Am Seckli und a mire Timing-Checklischte heisi übrigens mega Freud gha - eifach d Nogo-Lischte isch nid so guet acho. Zu däm chani vielech augemeint no dr Tipp gä, dassme dert e chli Fingfüu brucht und sech zersch o guet überleit, wie guet eim d TZ eigentlech o kenne u das viu vielech für sie sowieso klar isch u me das nid mues säge. Aso dass me ihne ou gnue Vertroue und Freirum git, dass sie das o säuber richtig chöi ischetze.
Glacé ässe und Locations aluege isch doch e super Idee! Mir si denn o Chile und Resti mit ihne ga aluege und es het ihne super gfaue u sie hei o Föteli u so gmacht. Vor 2 Wuche si de mini Eutere no säuber aus ga aluege und im resti ganes Dessert ässe, hani mega härzig gfunde.
@Munggi: Wägem Menu: Heisse Stei findi o fein, aber i ha iz o chli Zwiefu, obs fürnes Hochzitsässe geignet isch. D Sprützerei und dasses schmöckt isch ds einte, aber het ds Resti euch scho zuegseit, ob sie das für sone grossi Gseuschaft überhoupt mache? I meine die müesse ja die Steine vorheize u me cha ja vo dene schwäre Steine o nid unzähligi glichzitig serviere. Steue mir das organisatorisch für ds Servicepersonal no rächt kritisch vor. Da mi GG glehrte Choch isch, gseht är bi so Sache de immer Gfahrepotentiau - isch eifach när es Risiko, dasses nid so iwandfrei klappet und aui Gescht glichzitig bedient wärde und o zfriede si.
Bi üs steit ds gnaue Menu no nid, das het uf au Fäu Zit bis paar Monet vorhär. Mir hei aber mau d Bankettmenus agluegt u chli gluegt, was üs so würd passe und wie das prislech usgsäch. Da aber GGs Familie fasch usschliesslech Gastronome si und mir beidi o gärn guet ässe, weimer uf ds Ässe scho chli Wärt lege. Das wird sicher ou üse türscht Poschte . Es isch ja o es 4* Hotel mit gloubs 14 Gault MIllau Pünkt, drum wird's eh rächt Gourmet, aber das hei mir ja o wöue. Am 24.9. gö mir itz mau eifach à la carte ga ässe im Resti, i freue mi scho mega druf und hoffe fescht, dass mi gwohnt Appettit bis denn wieder da isch. Im Momänt schaffi no nid mau e haubi Portion
Wägem Iladigstext würdis vielech so formuliere, dass ds Programm ab de 4i für die gladne Gescht so u so witergieng. De wüsse d Apérogeschte, dass denn für sie fertig isch, ohni dass du sie bewusst muesch druf hiwiese. Weisch wieni meine? Als Alternative würd sech natürlech abiete, dass die verschiedeni Textversione machet für die gladne u für d Apérogescht, oder es zuesätzlechs Ilageblatt nur für die gladne u bi de Apérogescht schriebet dir, dass ds Apéro bis denn und denn geit. Hoffe du chunnsch drus bi mim Gliir I hamer bis itz äbe no sehr wenig Gedanke gmacht zum Iladigstext, müesse zersch mau aui STD-Magnetli ad Lüt bringe, has leider nümm ganz gschafft vorem Spitau... aber de weni no chrankgschriebe bi und dähei no chli Zit ha, wotti die für so Sache nütze, o wes bi üs no rächt früeh isch.
@Lula: Würklech spezieu mit dire ehemalige TZ. We das sie so chaut laht isch ja nur guet hesch du sie "entlah". Und dass sie houptsächlech über Problem mit andere Kolleginne het gredt, erklärt ja irgendwie o, dass sie nid nur bi dir aeggt im Momänt...
Meinsch das geit mit aune Torte wägem Ifrüüre? Je nach Guss/Deko steui mir das no schwär vor...
Oh so schön wägem Standesamt-Termin! Wo heiter jetz reserviert, Langnau? Das mitem Gspräch für d Trouigsermächtigung sött ja kes Hindernis meh si. I darf de Ändi Oktober alütte und freue mi o scho
@Pfingstrose: Super heit dir euch vom Täuergäud chönne "befreie"! Das müesse mer de vielech o no versueche, wemer d Torte nid am Apéro mache. Dr "Mietpriis" vo 8.-/Husse findi übrigens nid überrise, bi üs würde mer gloub 10.- oder sogar 12.- zahle, bi nümm sicher. I wett aber unbedingt Hussene und drzue vielech no roti Schleife, aber luege de o no im Forum hie oder süsch, obi öpis Günstigers bechume. Me mues vielech no dra dänke, dass es Restaurant die Hussene aui no mues la reinige und glette u die Chöschte/dr Ufwand für das si äuä o nid z'ungerschetze.
@Janedoe: I ha 2 Kolleginne wo äxtra vo Bärn i Chez Janine si, dr grosse Uswau wäge. Wäg de Beraterinne hani leider ke Ahnig, aberfür mi chunnts rein vom Wäg här nid gad i Frag. Irgendöpis sött hoffentlech im Kanton Bärn scho zfinde si . 50.- Beratigschöschte fix? Findi itz o no gnue... die wärde aber hoffentlech bimne Chouf wenigstens agrächnet? U de hofft me de aso scho, dass die Beratig wenigstens 1A isch!
Ui nei, hoffentlech hesch kei Bronchitis!! I ha im Momänt o sone blöde Reizhueschte, aber v.a. ir Nacht - fägt gar nid, weme 4 Löcher im Buch het und ds Hueschte weh tuet
@me: So, i "gniesse" jetz no dr letscht Nami da und morn Morge darf mi GG cho abhole. Freue mi sehr wieder uf die eigete 4 Wänd, o weni no nid gnau weiss, wieni die 2 Stäge bis iz Schlafzimmer söu preschtiere...
Wünsche aune e schöne Fritignami und de es schöns Wuchenänd, o wenn gloub ds Wätter nid so wott mitspiele...
Anmelden
u wenn de aui wei isch ja de glich zweni da. 
Mir hend ebe au no öpis anders wo mir münd asprechre aber hend dänkt mir wartet no chli... D Stuelhusse wo sie händ chosted pro Stuel 8 CHF also bi 50 Lüt gad mal schön 400 CHF für öpis wo sie immer dete händ. Findi also enorm viel... Oder isch das bi eu au so?
Bi hüt mit mim Mami scho es Rundeli dusse ga loufe - o wenns no im Schnäggetempo u mit ere sehr spezielle Körperhautig isch, hani glich Freud! GG isch ou ganz härzig mit mir, chunnt jede Tag und mir freue üs beidi mega ufenang 
