@Lula Dini Ex TZ isch echt struub. Verständlich, dass du da no ned ganz glaubsch, das s'Drama usblibt... Hihi, falls de öpper abseit darfsch de Du s'Plätzli ineh und mitesse
Gratuliere au hie nomal ganz härzlich zum Jubiläum! Hender öppis schöns planet?
@squishy Han am Ziischtig de Termin zum Chleider luege. Bi scho meega ufgregt!! Ich han ebe keis Grillbuffet welle will ich es komplett servierts Menü eifach viel festlicher gfunde hett. Aber GG wünscht sich mega es Buffet und da sie eus im Restaurant gseit hend, dass sie die Sache wo sie koched wend perfekt serviere, seg es Filet (mier hend ursprünglich trois Filet welle) eifach schwierig für 55 Lüüt ufe Punkt zbringe. Aso gits servierti Vorspiese und denn Buffet. En guete Kompromiss findi :D Hend iher eu scho für es Menü entschiede? d'Gravur isch au ufgrund vo dem Bilderbuech z stand cho, das Büechli hed eus eusi ganz Beziehig begleitet uf irgend e Art. GG hed mal wei Plüschhase kauft und mier die ganz Gschicht mit dene zwei Hase verzellt. SchwiMu hed eus zur Verlobig nomal vier vo dene Büechli gschänkt (Früehlig, Sommer, Herbst und Winter Gschichte)... Aso mega härzig
@Principessa: Ja das isch natülich au es MEGA guets Argument zum zivil am Jahrestag hürote. Das funktioniert ebe bi üs nöd…sisch alles im April und kirchlich chömmer denn au nöd. Üsem Jahrestag isch im 2014 genau a Ostere! Defür isch nocher im April Zivilhochzit, HZ ide Kirche, denn min Geburi und denn üse Jahrestag – übertriebe
Soooo schön, und dGänsehuut wird sicher no sehr lang erhalte bliebe bi dem Lied!!! Ja du, 19 Mönet sind sie weg gsi. Defür isches etz umso schwieriger sich wieder an Alltag z’gwöhne, aber so es Erlebnis isch defür für immer! Und e gueti Prob isches glaub au für d’Ehe – so lang so eng ufenand und immer wieder wieterreise…isch glaub nöd gand so eifach wie mer sichs vorstellt!
@Janedoe: Oh nai, du auno chrank! Gohts dir besser mittlerwile? Glaub 9 Schrifte zur Uswahl und di einte gsehnd irgendwie fascht glich us. Aaahhh das isch denn e tolli Idee!!! Und denn bim Abhole gsehters denn erscht, oder? Als Kindergärtnerin kenni das härzige Büechli natürlich und han au 1 Version dihai Ja es isch mir etz würkli glich weg dem Kolleg (oder ebe nöd Kolleg) – mini Bescht het gseit: er söll doch gschieder dihai bliebe, haha
@Squishy: I cha dir nur sägä wie mir’s mached, also erschtens hend mir genau chönne sägä wieviel mir pro Person wänd usgeh…sie hend au Agebot für 10 Fr. p.P. und au det het mer no e gueti Uswahl (hani erwähnt, dass sie für mich sogar alles mit Dinkelmehl mached wili Weizen nöd verträg). Es sind 2 Schwöstere, eini Köchin, eini Beck/Konditorin und sie chöns uh flexibel uf eim igoh. d’Getränk lönd mir üs vode Landi liefere (die nämeds au wieder zrugg. Gläser hets ebe bi üs grad ide Location (ide Kirche, mega praktisch). Wegem Ufstelle etc. müestisch sie fröge…da werdemer alles nöd bruche. Aber ihres Züg ufbaue, beschrifte, abrume, abwäsche, DA WEISSI, dass sie das alles mached. Chasch au mal unverbindlich alüte und das alles froge. Sind würkli sehr nett und beliebt…daher au schnell usbuechet
@Lula: demfall isch hüt imene halbe Jahr eues Kirchliche? Wow, das tönt doch etz noch nix meh, 6 Mönet sind denn schnell verbi. Das wird verflüge. Bi üs sinds na 6 Mönet und 28 Täg Hoff ihr händ öppis schöns gmacht e euem Juliläum!
no vergesse: Mir hend geschter s'zweite Treffe gha mit ihm wo üs wird traue. Er isch ja evangelische Sozialdiakon, aber vorallem en guete Fründ, Vertraute und Beroter für üs. Mir hend es Gspräch gha über üsi Vorstellige vode Ehe. Was sind Vorteil vode Ehe und was chönd au Nachteil sie gegeüber em ledige Lebe. Hend drüber gredt wie verletzlich mer sich au macht wemmer e Ehe igoht - will mer demit ja au seit "au wenn's schwierig wird, ich goh nöd eifach so wieder" Wüsseder wanich mein? Es sind sehr tüüfgründigi Gspröch gsi mit ihm und sinere Frau, wo üs mega berüehrt hend. Natürlich sind dTränli bi mir gflosse und weni mir vorgstellt ha wie er denn ade Hochzit redet, denn isch das mega emotional für mi !! (Note to myself: unbedingt wasserfesti Schminki)
@jane: Oh jöö, merci viu mau! Aber ging öbe nit, ha Zöliakie... Mir si am Fritig is Solbad, geschter ane Music Night u hüet hei mirs eifach gmüetlech mit am ne Überraschigsznacht für mi...
@dänu: Jep, um die Zyt si mir äuä unterwägs is Emmental... Geit aber bi öich ou gar nüme lang...
Wow, es tönt nach am ne mega schöne u guete Gspröch bi öich! Aber das mit dr wasserfeschti Schminki isch sicher e gueti Idee, dass isch das wo bi mir scho sicher isch
Wünsche euch no ne wunderschöne Sunntig Obe, u morn e guete Start i dWuche
laprincipessa weises ned was hallwyl choschdet üs hätti das ou gfaue aber es isch a üsem wunsch datum haut ned dranne gsi aber gloube länzburg het ou si scharm ;) aso d rum miete ich itze abhängis a zau gest u da mir um die 40 ume si trouig/ appero döremer i chlin rittersau u das für 1200fr es isch viu aber itze haut das isch scho mau türer worde aus dänkt ...
lula jo weises ou no ned so genau aber dänke am gg si brüeder duet de das richte är cha irgend wie de lüt aues säge u es isch immer no lieb oder mi isch eifach ned bös ufne jo i be konditere i de jowa
so ferig ferie äääää mag doch nüme so früech zum bett us ;)
@jane: hey cool häds no klappet mit de gravur loh ändere! :) das wird jo en mega härzigi überraschig für din GG ;)) Dönt super mit de charteretterin :) das wird bestimmt super! Bin also scho sehr gspannt uf s’resultat ;) jo kenne s‘büechli han das au mol gschänkt becho hihi isch würkli mega härzig ;))) jo bin froh, hani chli es ruhigers weekend gha häd guet do :) und ihr händ schön brav teeli trunke? Witerhin gueti besserig! Ah cool jo das isch jo echt en super kompromiss mit de vorspis wo serviert wrid und de hauptgang wo dänn buffet isch! :) oh jö wie süess isch dänn das vo dinere schwima? :) <3
@lula: jo isch sicher die richtig entscheidig gsi.. mir händ jo alli chli mit dir mitglitte und so wie du verzellt häsch, bini froh für di, häsch jetzt sicher öber wo sich meh kümmeret und vorallem interessiert! :) jöö hehe jo mol luege ob das klappet mitem outfit ;) zerst mol bini besorgt drum, obs überhaupt klappet mitem standesamt a öisem wunschdatum :/ hey cool häd das mit de deko vo de nemo klappet hihi :) super sach! :) ooh ihr händ gester öiches 5 jährige gha? :) so schön hey gratuliere ganz härzlich! =)
@daenu: jo wär würkli hammer wänns würd klappet mit öisesm 5. Jubiläum :) oh würkli grad a ostere? So doof :p aber vorher hürote isch doch au tiptop ;) jo das glaubi, dass si nach 19 mönet müeh händ, sich wider a alltag z’gwöhne das würd mir def. au so goh!! Wow hammer 10.- pro person isch jo ächt mega wenig für de apéro! Mir zahlet irgendwie 28.- nur für d’häpplis und dänn chömed no d’getränk dezue :/ langsam isch mir klar, wieso öises hochzyt so tüür wrid… jööö so härzig wie du vo öichem gspröch verzellsch :) dönt jo würkli mega schön und emotional ;) hehe jo das mit de wasserfeste mascara chömer öis glaub alli merke :p
@munggi: jo han scho ghört, dass s’schloss länzburg no tüür sig zum miete - kollege vo öis händ au scho det ghürotet i dem schöne rittersaal – isch also gaaanz schön gsi do chasch di fröie druf! =) do mir halt sust scho es seeehr tüürs hochzyt händ, wämer ebe fürs standesamtliche ned au no mega vil usgäh.. oh nei muesch morn wider go schaffe nach de ferie? :/ guete start! Isch immer hart..
@me: mis weekend isch gmüetlich gsi und mir sind au tatsächlich chli vorwärts cho! Händ mol usgläse, weli fotis dassmer wänd für d’iladig und chli am text fiele.. de möchti öich gärn mol schribe und bin gspannt ufs feedback & allfälligi verbesserigsvorschläg! Also uf de 1. Site wämer en spruch und es grosses foti vo öis – wahrschindli eine vo dene 3 osser mir findet no en schönere (bi au do offe für feedbacks / vorschläg ;)
Wir beide sind Engel mit nur einem Flügel & wenn wir uns umarmen, dann können wir fliegen ... Und deshalb möchten wir uns niemals mehr loslassen…
Warum hat Gott zwischen unseren Händen Lücken gelassen? Damit der Mensch, der für dein Leben bestimmt ist, diese Lücken füllen kann.
Ein Mensch für sich allein ist nichts, zwei Menschen, die zusammen gehören, sind eine Welt.
Dänn inne de iladigstext:
Nach bald 5 Jahren Zweisamkeit, haben wir beschlossen unseren nächsten grossen Schritt zu wagen… WIR HEIRATEN und möchten uns das Versprechen, einander in Liebe festzuhalten geben!!
Um dieses besondere Ereignis zu zelebrieren, möchten wir dich / euch herzlich zu unserer Hochzeit einladen.
Unsere freie Trauung mit anschliessendem Apéro findet am 5. Juli 2014 um 13.00 Uhr im Seehotel Hermitage in Luzern statt. Danach möchten wir mit dir / euch im ART DECO HOTEL MONTANA in Luzern ein Festmahl geniessen und später den Abend ausklingen lassen. Treffpunkt ist um 12.45 Uhr im Seegarten des Seehotels Hermitage, Seeburgstrasse 72, 6000 Luzern - die Trauung beginnt um 13.00 Uhr.
Um uns die Planung etwas zu erleichtern, bitten wir um An- / Abmeldung bis spätestens am 30. November 2013.
Weitere Details zu unserem Fest findest du / ihr auf unserer Hochzeitshomepage: www…..ch
Bei Fragen stehen euch ausserdem unsere Trauzeugen, XXX, E-Mail, Mobile und XXX, E-Mail, Mobile gerne zur Verfügung.
Wir freuen uns mit dir / euch unseren schönsten Tag zu verbringen.
S’kursive würdemer nur de gladnige gäst drucke de apéro gäst eiach ohni de satz…
Was meinet ihr dezue? Bim satz „und später den Abend ausklingen lassen“ bini mir nonig sicher obmer ned wänd schribe: und später bis in den Morgen weiterfeiern. (ned dass d’Gäst meinet s’sig dänn nachem ässe fertig :p Das ganze müendmer dänn no ähnlich in italienisch ufsetze…
Dänn möchti mi morn mol ändli ad homepage mache – s’isch glaub scho mol drübert gschrebe worde bin aber nüme sicher: die wo au en homepage gmacht händ oder machet?
ah hüt sindmer no bi de eltere vo mim GG gsi.. han mi chli müesse ärgere.. sind mit ihne no d’gästeliste duregange hauptsächlich wäg de adressene vo de verwandte in italie – und dänn häds agfange mit jo aber die und die müender au ilade und die und die au.. jetzt händmer insgesamt eifach 8 lüt meh uf de liste! Klar rächnet si fest demit, dass die eh ned chömed und mer müess si eifach us respekt ilade aber genau das isches wo mi närvt! 6 vo dene 8 hani no nie i mim läbe gseh und mi GG au sit johre nüme.. fänd das voll schreg wänn die cho würdet! Aber jo typisch italiener halt… woni mi dänn aber mega han avo ufrege isch wo sis mami gseit häd: chömed dänn vil frönde vo dir au am obig? (si weiss dassi en extrem grosse fröndeskreis han..) und für mich sind mini frönde halt eifach mega wichtig – verbringe schliesslich au meh zyt mit ihne als mit vilne vo mine verwandte, us dem grund sind die au am obig debi und vil vo mine verwandte lademer nur zum apéro i wilmer ebe chum kontakt händ.. has zwar eifach chli in falsche hals becho und händs dänn chönne kläre – si häds gar ned so gmeint aber jo für d italiener isch halt familie alles und puh jo isch grad chli vil gsi.. sorry häd grad usemüesse..
So wünsche öich no ganz en schöne sonntigobig und morn en guete wochestart!
Laprincipessa oje das würdmi ou ergere lüt i zlade wome ni mau kennt Han itze mau mi götti ned i glade ha gar ned kontakt zu im nur schnäu a de konf u sithär knapp 10 johr nüme...
De text dönt für mi super :)
Jo länzburg isch tür aber naja mir hei nur standesamt chirchlich wirts bi üs ned gä drum öbis spetzieus si wie d nemo im rittersau;)
Jo am 4 lütet dä blödi wecker wider De chef isch froh chämi wider de mueser nüme luege u organisiere ..
Janedoe: Isch doch en super Kompromiss wegem Buffet. Find das schön und es tönt au total guet. Ich finds eigentlich no dynamisch so eimal mit hocke blibe und eimal mit chli umelaufe. Hani glaub verpasst - wo gasch du go Chleider aprobiere? Bin den scho gspanne uf dini Uswertig.
Daenu16: Hihi das tönt aber total romantisch mit euem "Trauumeister"... Oder wie seit mer das? Tschuldigung... Aber tönt u herzig und ich finds scho wichtig, dass mer sich dass selber nomal bewusst macht. Es isch hald komisch über das nahdenke. Aber am Schluss endereds ja glich au nöd so viel will all die Jahre wo ihr zäme sind händer ja sicher au scho grösseri und chlineri Problem gha und mir sind den alli au nöd weg grennt drum simmer ja überhaupt a dem Punkt wo mir säged mir wend hürate! Aber chli Ehrfurcht vor de Ehe isch doch au guet.
Laprincipessa: Tönt also sehr guet eue Iladigstext. Und das mit em usklinge lah stört mich jetzt garnöd. Ich finds eigentlich passend. Hans selber jetzt no so empfunde als wers Fest gad fertig sondern als chönt mer de Rest eifach uf sich zuecho lah als Gast... E chlini Frag hani nur wege de Gschänk ob ihr da en Wunsch hend? Wird de uf de Homepage stah? Und wege de Gäst ilade isch hald immer so e Sach... Min Schatz isch ja au Südländer und mir händs jetzt ebe chli lustig igfädled. Mir sind offiziel nonig verlobt und ich glaub es ahnt au no niemert öpis vo allem aber mini Schwöster und sin Brüäder (TZ) wüssed scho Bscheid. Mir händ i de letschte Wuche alli wichtige Erreignis a dem Tag wie Lokation, Zivilstandesamt, Fotografin mal gsichered. Turte, Iladige, Auto usw. wüssemer was mer wend und mir hend ja s Datum scho gfixed. Bscheid geh werdemer allne erst wemmer alles hend. Den gits genau so Überraschige au nöd. Will min Schatz hät um die 15 Tante/Unkel und das wemmer beidi nöd. Chund sicher nöd nume guet ah aber mir händ gseit die wo sich den ärgeret die sind eh nöd debie und die gsehmer suscht au nie also was sölls den stimmts ja für eus.
Me: Mir hend eigentlich nüme gross öpis gmacht... Aber find das amigs au guet chli Pause und den packt eim d Lust wieder zum würke. Chli a Iladige umehantiert hämmer... Sie wird 3 Siite ha will mir zwei Sprache drinn werdet ha. Und zwar eifach d Front, den 1. Siite die einti Sprach mit allne Agabe und den die 2. Siite uf die andere Sprach mit allne Agabe und uf de 3. hämmer eifach no wiiteri Details wie Homepage, Dresscode, TZ... Uf jedere Siite häts uf eim Blatt es Foti also insgesamt drü. Hänk eu mal es Biespiel ah. Was meineder?
Soo mir gaht langsam wieder es bitz besser, mittlerwile wirdi nur na stark plagt vomene doofe Hustä, Pfnüüsel und e mega sexy ruchigi Stimm Aber i ha wieder Kraft und mag au sust scho besser als am fritig na. Ich han au immer fliessig bi eui mitgläse und woni eui Biträg bezüglich Hochziitsmenu gläse ha, hani nur denkt WowTönt bi jedem sehr sehr fein, aber ich oder mir hend so no gar kei Menüvorstellige. Usserd dasi kei Fisch oder Meeresfrücht wot, ha de gruch nid gern und das mir gern echi Schwizerisch, Italienisch und Österichisch möchtet mit ih bringe. Mengmol hani s'gfühl mir sind echi hinedri weni all euri Planige scho cha läse.
Trauuringe us Konstanz: Ich und min GG sind jo am Samstig uf Konstanz bim Hochziitshuus go Trauuring aluege und also es het würkli u e grossi Uswahl, Bedienig isch u lieb gsi und het isch Ziit gnah. Hochziitskleider hani leider nid chöne aluege, da sie ällei im Gschäft gsi isch und sie niemerd möchtet ällei id Brutmodeabteilig lah, für mich ischs scho okey gsi. Het nur glueget zum eui es Feedback chöne zgeh. Was sie mir gseit het, isch dasi weni en Termin wot mache, ich söll luege dasi erst so ab mitte Oktober chum, will bis den söteds fascht alli 2014 Kollektione ha. Mir hend so wie eusi Vorstellige sind, leider im Hochziitshuus nix passends gfunde, hend den na so im eint oder andere Gschäft dri gluegt und na was für eusi Kärtli bsorgt. 1Gschäft chani und woti eui aber unbedingt na empfehle...und zwar grad bim grosse Platz, deht bim Müller hets es Schmuckgschäft wo au Werbig macht, vowege Grössti Uswahl a Trauuringe in Deutschland, es heisst 3,2,1. Wer e gnaui Adresse wot, nur sege den schribi sie na ine. Ufjedefall het de na e grösseri Uswahl als Hochziitshuus vorallem au sehr moderni Sache und exlusivi aber au s'normale gits. Und Bedienig isch ebefall u nett gsi, mir sind nid so spezialiste im Name merke oder Kärtli mitneh, mir hend e Dame cha mit längere dunkelblonde Haare. I hans eigentli eifach überall u schön funde, immer sinds so nett und bringet und bringet was du so seisch und findet immer ma söll Verlobigsziit gnüsse oder Gratulieret, eifach schön
Aja, weg eusne Ring...das wo mir wend chunsch praktisch nur bim Goldschmied über, den sone Struktur wie mir gern hetet gits eifach nid bide Industrielle Ring. Also bi Ring wos so usem Prospekt git. I lade nacher namal es Foto vomene Ring ufe wo meh eusem gschmack entspricht als de Meister Trauuring.
Mhm, was gits na so... Ahh danke weg eune Ferierückmeldige... Ich und min GG wüsset ebe nid gnau wo hi dasmer wend, eigentli hemer gern wemer echi Reise cha, aber nid so drauf gängerisch, mir möget eifach Tier-und Pflanzewelt. Sind emal länger in Costa Rica gsi...en TRAUM E Wunderschöns Land, und sowas wer ebe au cool für Flitterwuche oder ald ebe eifach so ganz typisch wie vode Plakat so es Bungowl in Maledive. Nur Maledive sind sehr Reise ungünstig im September. Und wasmer au mal so in Gedanke cha hend, dasmer Flitterwuch-Reise nach Australie chönd mache, aber defür hetema gern so gueti 4Wuche Ziit cha...und i freui mi jo für mini Kollegin, sogar für mini TZ aber durch das dass Sie jetzt am 5. oder 6. Oktober in Italie hüratet mümer bis den wieder zrug si, also wer glaubs Australie ziitlich z'knapp. Aber wiener merket, hend mir eus gar nonig so detaliert Informiert
Ahh namal e Info....eusi Iladigskärtli sind am Fritig glieferet worde
Anmelden
1200fr 
es isch viu aber itze haut das isch scho mau türer worde aus dänkt ...
Hani glaub verpasst - wo gasch du go Chleider aprobiere? Bin den scho gspanne uf dini Uswertig. 
Tönt bi jedem sehr sehr fein, aber ich oder mir hend so no gar kei Menüvorstellige. Usserd dasi kei Fisch oder Meeresfrücht wot, ha de gruch nid gern und das mir gern echi Schwizerisch, Italienisch und Österichisch möchtet mit ih bringe.