@ Pfingstrose:
Ohh herzigi Iladige, vorallem findis e gueti Idee wenn e Karte mehrsprachig wird.
Was details agaht, hend mir glaubs fascht es bitzeli z'wenig gmacht, aber dneki erst jetzt. Min GG findet nur i mach mir z'viel gedanke. Mir hend ebe nur Datum und Ziit vode Chile ingegschriebe und uf de Rücksite staht eusi Adresse, Adresse Restaurant, Adresse vomene Hotel in Resti nöchi und es versli wegem kommende Gästebuech und wegem schenke. Und ganz am Endi no Homepage. Und mir hend ebe denkt, dasmer Dresscode wünsch etc. uf Homepage tönd und ha mini TZ und Brutjungfer bittet, das sie echi söllet verbreite dasi mir gern schön kleideti Gäst hetet, kei Tunrshcuhe etc und für beidi isches eh selbstverständlich und werdet de Wunsch au so lieb diskret verbreite

Sasileu: No churz wege de Ring. Mir hend so wies usgseht em endliche Gschmack / Vorstellig bez. em Usgseh mit dere Masserieg. Eus hend die vo Michel H no sehr guet gfalle. Leider het eus keine sofort gfessled aber mir sind au erst a eim Ort gsi wo's e sehr chlini Uswahl gha het. Chasch ja mal Online luege ob die öpis sind.

@Pfingstrose:
Ohh ja Michel H het würkli au na schöni, abbberr i weiss nid obs du scho weisch und wenn nid sorry weni jetzt was kaputt mache
Aber de Michel H isch eine de isch sehr fixiert, also er verkauft sini Ring so wies dar gstellt sind, isch sehr kompliziert zum anderi Wünsch dure geh, seis jetzt Ringform oder Verzierige.
Het eus 2Gschäfter gseit und bim einte Gschäft hend sscho mehrmals nagfrögt...und eimal heter sich ilah, deht wo es Brutpaar de Name uf ring het wele. Sust seger nid bereit zu änderige gsi.

Guete Mooorgä

leider isch schowieder mäntig und wie immer isch s'weekend wieder viiiil zschnell verbii gange.. eigentlich hend mir vielme welle mache fürs hochziit aber ha gester gad kei lust dezue gha.. :-S ha am samstig nöd so en lässige abig gha isch under anderem au wegem hochzit gange und ha dä gester lang überleit öb ich das überhaupt alles will.. :-S ha mi gester de ganz tag me oder weniger ufgregt und shülendi elend gha..:-(
Am GG sini Eltere hend am afang gfunde mir chönged nöd eifach nur Flitterwuche uf eusi Wunschliste neh.. guet dä hemmer na paar Gschänkli druf tue.. anschienend au nöd recht.. dä hets gheisse sie welled eus anstell vo öppisem schenke de Apero zahle.. ABER mer vo döte und döte well das en chund vo ihne isch.. ha dä müesse sege sorry mir sueched eus dä Apero selber us.. isch de immer wieder mal wieder zur red gstande und mir hend gseit nei mir heged euse apero scho..
denn isch es wiitergange öb mir dä wii scho heged.. hemmer gseit ja das lueged mer dän.. sie heged en guete chund und demfall zahled sie eus de wii.. hemmer gseit mir lueged das aa.. dä hets gheisse gömmer male go degustiere hemmer gfunde chömmer aber mir luegeds aa.. simmer am sa abig dete go degustiere und das isch wie klar dass sie de wii zahled und punkt. und es isch am samstig den en wii erkoore worde.. hemmer gseit mir probiered dä na dihei und lueged dänn.. ich trinke nur wiisswii und kei rotwii aber au dete was mir pässlet hetti isch gar nöd in frag cho.. het de gheisse ich heg e nüüt szägä well ich mich mit wii nöd usekenne.. dir stelled mer denn en moscati ane und dän bisch bedient..
denn hends zu dere degu na es kollegepärli iglade..was die döte zsueche gha hend keine Ahnung.. wenn dän mini Eltere aber sicher nöd es kollegepäärli.. und mir hend nie gseit dass das ok isch mit em wii.. aber anschienend isch das jetzt eifach so..
ich ha koched vor wuet.. ha nur na zittered.. ha gester dä ganz tag innerlich zittered und mich nüm beruhigt.. vorallem es isch EUSES hochziiit und mir seged was wie woo.. wenns eus öppis wend zahle isch ja schön aber den findi dörfed MIR sege was mir wend und vowo mirs wend...
oder wie isch das bi eu??

ja dementsprechend isch dä tag gester au gloffe gsii.. ha dä ganz tag shülendi elend gha und wür am liebste de gnaz bettel anerüere.. immer wieder wird dri gschnurred.. und vowege ja nei.. das chan mer nöd mache.. gäst chönd doch nöd mit em eigete auto fahre.. da muen mer en transport organisiere.. ja nei catering.. ja nei was ring nöd vomene goldschmied und und und.. ich chas nüm ghöre und gopf mir sind alt gnueg und wüssed was mir wend.. aso ich bi würkli druff und dra zum de ganz bettel abzsägä.. gange uf standesamt go underschriebe und das wars.. ihr merked i choche immerna vor wuet.. hoffe i beruhig mich irgendwenn wieder...


@daenu wie hesch du das usegfunde weg de weize? also i ha au test gmacht und den hets im bluet ageh gha weize und gerste.. dä arzt het mir dän gseit ich müess mich quasi ernähre wie wenn ich zöliakie hetti..
hets bi dir demfall au "nur" dweize ageh gha?
I muen dän au namal mit em Catering luege dass dän alles klappet.. ha ebe au na laktose.. :-S nöd so eifach das ganze..

@pfingstrose ich find eui chärtli meega schön..gfalled mir seeeeeeeeeehr guet :-)

@sasileu bisch schomal uf dä acredo homepage gsii? nimm male eifach en ring und tuen doberflächi uf eismatt ändere.. isch das öppe das wo ihr sueched?
mir hend au zerst en ring vomene goldschmied welle aber schlussendlich simmer zrugg krebst wells eifach zu tüür gsii isch..
dä urs kaufmann vo olte het au spezielli ring druff und dä isch na dä einzig gsi wo relativ günstigi priise gha het im verglich zu dä anderne goldschmiede wo mir aglueget gha hend.. oder mojo design in winterthur het au spezielleri druff.. aber au eher tüür hets mi dunkt..

wie mached ihr das mit gäst aschriebe? mir sind am abig e gsellschaft vo 35 lüüt.. möched ihr für die namenstäfeli? und für gäst am apero?

@pfingstrose
jöööö danke.. also a ihm hani absolut kei zwiiifel..aber es nervt mi eifach das getue rundume.. vorallem halt vo sinere siite.. er het gester scho gseit es seg chli to much gsii und wahrschindlich meineds es nur guet.. ha dä alli pünkt wos immer was zmotze gha hend ufzellt und den isch ihm s'20gerli au abgegheit.. aber ebe wie seisch das ihne ohni das gad igschnappt und beleidigt sind..? gester wers nöd guet usecho.. bi zu glade gsii.. aber denke es wird dä schonamal sthema sie.. und wenn er dän nüt seit wird ich dä halt mini meinig üssere..

@Jane: Jööö, das isch ou eis vo mine Lieblingsbüecher! Mega cooli Idee das i Ring z gravierä... Mir möchte äbä de ou öpis anders als Name+Datum, aber hei üs no nid entschiedä...

@Dänu: ds Gspräch wo dir heit gha tönt ja würklech mega cool!!! I bi ou scho gspannt uf ds Gspräch mit üsem Pfarrer... Aber mir träffe ihn de ersch paar Mönet vorhär mal.

@principessa: I finde dr Text super! Aber i würd gloub ou eher schribä, dass dir när bis id Morgestunde wöit fiire. Süsch tönts scho chli nachemnä "gmüetleche Abe" und am 12i isch de fertig... Und bidä Sprüch - phu die si alli mega schön! Chönnt mi da jetz irgendwie gad nid entscheidä.
Oh das verstahni dass di das ufgregt het mit dirä Schwimu! I finde das ou immer mega doof, Lüt us irgendwelchnä höflichkeitsgründ izlade obwohl me die gar nid kennt oder praktisch nüt mit ihne z düe het.

@chliini: o nei, dini Schwiegerelterä benähme sich ja echt mega drnäbä! Das geit ja gar nid... was seit de di GG drzue? Ah jetz hanis gad gläse... Immerhin gseht ers ou i. Aber i würd das uf jedä Fall no mal mit ihne bespräche und det wird wichtig si, dass di GG sich voll hinter di stellt und dir ä Einheit bildet. Nur so wirds ihnä wahrschinlech klar wärde, dass sie nix z mälde hei.

Mir mache keini Nämeli fürd Gäst. Vieli kennä sich scho wöu GG und ig si scho i chline Nachbardörfer ufgwachse, da kennt sich halt jedä... Und üses Fescht wir ja ou nid so formell, i dänke die chöi sich de scho sälber enand vorstelle wo sich nid kenned. Aber wenn de würdi gloub für alli Nämeli mache...

@pfingstrose: oh cool, mir wettä de ou zu Globetrotter wäge dr Reis. Aber hei no so gar keini Vorstellige wo mir häre wettä... Heit dir öich eifach mal lah berate oder heit dir scho gnau gwüsst was dir weit?

@me: sorry liebi Mitbrütlis, i bi gad chli schribfuul im Moment. I ha mir letscht Wuche ds Glänk im Duume kaputt gmacht und jetz hani die rächti Hand ire Schienä und chume entsprächend langsam vorwärz bim Tippe. Due aber fliissig mitläsä...