Hallo liebi Brüütlis

@daenu
Gahtmer inzwüsche chli besser, ja danke. Bin wider am schaffe, guet wär jedoch was anders.
Ja, er gseht die neu Gravur erst bim abhole bis soooo gspannt uf sini Reaktion
Dini Beschti hed doch absolut recht, das denki inzwüsche bi mim Vater genauso. Wer nid will hed gha!
Tönt sehr emotional und ergriffend, eues Träffe! Und waser gseit hed findi total richtig!

@Lula
Uh scheisse wege de Zölliakie… Also eues Jubiläumsweekend tönt aber super!

@laprincipessa
Mir hend brav Teeli trunke, schaffed beidi wider, aber mier tued ez scho (nach 3,5 Std schaffe) alles weh gange jetzt hei und rueh mi chli us und de muessi am halbi zwei wider ad Säck, mal luege..
Finde eue Text super, aber, hend iher so grossi Karte dass das alles druffe Platz hed?
Das mit de Family isch natürlich doof, verstah da voll, dass di das nervt! Aber defür dini Kollege uslade, verstahni das richtig?, würdi also nöd!! Zuesätzlich Lüüt ilade isch eis, aber defür din Teil uslade fänd ich inakzeptabel…

@Pfingstrose
Genau das hend die vom Resti au gseit, dases chli Schwung id Rundi bringt, wennmer au mal cha ufstah und go s Esse hole. Momoll bin jetzt au zfriede
Ich gah morn im Chez Janine go Chleider probiere. Ha scho chlini Panik devor, aber brichte de natürlich
Eui Chärtli findi de Hammer! Hender die selber entworfe oder wo bstelleder die? Sind iher das oder isch das eifach es Muster?

@sasileu
Sexy ruchigi Stimm Wiiterhin gueti Besserig!
Oh das isch ja schad, daser (no) ned fündig worde sind! Hoffentli isch de Usflug uf Konstanz glich ned umsuscht gsi.
Mier hend bi de Iladig no weniger anegschribe als iher! Aber mier hend gfunde, das eusi TZ das am Hochziitstag chönd koordiniere. Es chömed ja denn eh alli id Chile und mier wend en Art Chileheft mache mitem ganze Tagesablauf dinne. Wie mier das ganze wend nänne weissi aber no nöd

@chliini
Ohjee, das tönt nöd grad lässig! Und wenner denn eifach mal abmached mit sine Eltere und klar säged, das iher eues Hochziit gern nach euem Gusto wärded plane und nöd erwarted, dass sie eu umsverrecke öppis schenked? Oder vlt dass din GG mit ihne redet, falls sie das eher anehmed?
Schmeiss jetzt nöd alles ane! Das bringts doch au nöd! Ihne muess eifach klar gmacht werde, dass iher nöd wend, dass sie driischnurred.
Mim GG sini Muetter macht das au uf ihri ganz speziell Art, sie schribt eus nüt vor aber laht voll dureblicke, was ihre passt und was nöd. Mier hend eus jetzt eifach bewusst gmacht, das miers, egal wie mers möched, nie allne chönd recht mache. Und genau darum möchemers etz genau so wie miers wend.

@malinchen¨
Freue mi immer meh uf die Gravur
Ui! Gueti Besserig mit dim Duume, wie hesch de das anebracht?

@all
Hed öpper Erfahrig mit dj-service-schweiz?

@me
Morn hani de erst Termin zum Chleider probiere. Bin voll nervös… jetzt scho… Ha echt bammel dasi nüt finde oder dass die mich scheisse berated, bzw ‚verurteiled‘ wege mim Gwicht

Zuletzt bearbeitet am 16.09.13 10:56

@ chlini:
Och weni dini Bitrag so läse, chani mi grad i din zorn dri fühle...isch ja absouluti frechheit was euri Gäst und Schwiegerelterä alles wend mitbestimme.I glaub du muesch eifach emal usraste Das isch euri Hochziit!
Isch zwar so liecht gseit, will mir fallts au nid ganz so eifach min Papi zrug z'halte aber i han emal was gseit und sit deht ha zeigter immer wieder sache und und und aber schlussendlich weisser scho das mir selber entscheidet und er stichlet den au nid nah sonder lahts debi. Aber wer weiss obs nid glich mal na meh chunt sin "Senf"
Trotzdem namal a dich...bhalt de Kopf dobe, wirf nid alles über de hufe will sust bereusches

@janedou:
das mir genau DE ring nonig gfunde hend, seb stimmt macht aber gar nix. Will mir hend de ganz Usflug eh meh als Ideeesammlig agluegt und hend wele luege wo dases so "eusi" Ring git, hend jo nid gwüsst das sowas hauptsächlich nur bim Goldschmid bechunsch.

Dir wünschi morn viel viel spass bim Brutkleidshopping und gib den jo e Rückmeldig da im Forum Wiiterhin gueti Besserig

schnell e Frag a alli: Was händ ihr für es Budget für eui Hochziitsfrisur und Make-up? Ha hüt Mittag chli googlet und bi fast abem stüehli gheit

@chilni: oje duetmer ächt leid, was du do verzellsch isch ächt gar ned cool! :( verstoh di voooll und ganz ich würd au usticke hey.. was seit dänn din GG dezue?! Würd glaub echt mol klartext rede… mir häds wie gseit gester au fast de gong gäh! Immer das drigeschwätze! Das mitem transport isch gester au wider en punkt gsi – aber nomol 1000.- meh usgäh für so en transport findet mir eifach z’vil.. tja mol luegea.. aber chan di echt super mega guet verstoh.. hoffe din GG chan di chli ufmuntere und isch vorallem uf dinere site! Aber hey so höch und tüüfs händ mir doch alli.. ghört glaub irgendwie eifach dezue :/ budget frisur und make up: gschminkt werdi vonere guete fröndin wo visagistin isch für d’frisur dänki muessmer scho so 150.- bis 200.- rächne oder was häsch dänn für prise gseh?

@pfingstrose: ah alles klar ihr machets grad über s’reisebüro.. ich glaube mir machets über jimdo aber jimdo pro damit mir kei werbig händ.. aber isch natürli au en gueti idee, wännd scho weisch über weles reisebüro dassd wetsch bueche.. danke für de tipp mit de chartene! Eini vo mine beste fröndinne isch ebe grafikerin und wird öisi chärtlis mache :) si häd au öisi fotis gmacht und isch ächt super i dem ;) werdets au bi ihrere druckerei drucke loh wo si vom gschäft us spezialprise häd.. aber zum inspiriere loh goni gärn mol druf go luege merci! :)

@malinchen: dankeschön :) meinsch s’dönt zu lahm? Hmm guet si gsehnd jo dänn dass d’party (hoffentli) abgoht hehe .p hmm mal schauen.. wie chöntmers dänn no besser schribe? Abend ausklingen lassen und natürlich die Party steigen lassen oder was? Man findes so schwirig die richtige wort z’finde! :p jo voll.. mir hoffet jetzt eifach, dass die alli ned chömed (schins chiemets scho zo 90% ned aber trotzdem blibt en chline prozäntsatz vo 10% dass si doch chömed..) naja mal schauen.. wenigstens sind d’italiener rächt grosszügig und zahlet ihre teil aber s’goht öis jo ned nur um d’mehrchöste wo entstoh würdet sondern dassmer eigentli würkli nur die engste wettet debi ha am obig.. ich meine mir ladet vil am obig ned i wo öis vil nöcher stönd womer doch lieber debi hettet als ebe verwandti vo ihm womer chum (ich no nie) gsehnd! Naja… ebe la famiglia häd immer vorrang.. oh nei duetmer leid wäg dim dume! Kennes aiaiai volleyballspile isch scho nüt ungföhrlichs :/ gueti besserig!!

@jane: hihi so härzig er wird sich sicher meega fröie und voll überrascht si! =) <3 oje hey lueg zo dir und dassd gli wider ganz gsund wersch! Wägem text muessi dänn mit minere kollegin aluege wo d’chärtli macht.. wettet ebe so quadratischi faltcharte – söt eigentli scho platz ha.. aber mol luege.. ah nenei dassmer lüt sölet uslade händ si gottseidank ned vorgschlage puh sust wäri dänn aber gumpet!! Aber s’isch halt alles mit zuesatzchöste etc. verbunde und jo ebe ich kenne die lüt jo eigentli gar ned um drum möchti si au ned würkli a dem fest debi ha weisch wieni meine? oh so schön, gosch morn go chleider probiere? :) hihi bin gspannt uf din bricht! =) hey mach dir ned z’vil gedanke! Die werdet sich hoffentlich wie en prinzässin behandle, genau so wie du’s verdient häsch! Wersch sgeh! :)

@lamarie: ich glaube mir machet d’homepage au uf jimdo :) weiss nur ned ob mir d’gratishomepage mache sölet oder d pro version für 100.- aber de tisch eifach für es johr aber dänn wäremer jetz tjo fast z’früeh dra wilmer jo nachem hochzyyt no chli fotis wettet ufelade hmm schwriig :/ ah de spruch isch au cool! :)

@me: han no good news ;) weiss ned obi öich mol verzellt han, dass en alti bekannti vo minere schwigermuetter in spe theologin isch (en älteri scho in pension) aber si häd si hüt morge agfrogt ob si öis traue würd und si häd jo gseit! =) juhuu jetzt hämer en sorg weniger, si cha dütsch & italienisch und si macht öis sicherlich en fröndschaftspris :) puh bin mega beruhigt.. schins miech si so sache super! mal schauen im november werdemer en termin mit ihre abmache :)

Ah und öpert het no gfröged ob mir das sind uf de Iladige... Nei simmer nöd isch eifach das vo de Homepgage. :)